ع ـالـ م ـي

[ع ـناديهـ]

السلام عليكم ..

حبيت قبل لا اعلن الرحيل اترك لكم عالمي

ليكون ذكرى جميله بيني وبينكم ..

وما تنسوني ولا تنسون بدلياتي << اهم شي ..

طبعا لا تسألوني عن السبب .. لان بجاوب السبب غامض ..

ولا تسالوني عن الرجعه .. لان الاجابه مو عندي ..

احتمال تشوفوني واحتمال لا ...

[ع ـناديهـ]

أ لــــــــــــــم
والموت ماعاد متهيي.. والعمر ماعاد يمديني

تكفين لايابعد حيي ظلي معي لاتهديني
أطرد سراب اللال في مرتع النوق..

ومن الظما يجرح لساني لهاتي
صرختي تحتج في وجه المصير..

شافت الدنيا وسمعت حسّها
ياليت ربي ماخلق حب وفراق..

وإلا خلق حب على غير فرقى
أكذب على نفسي

وأقول متهني..

وإذا تحطم لي أمل

قلت خيره
تصوَر

يوم عيّا الدمع يظهر

طلع مثل العرق فوق الجبيني!!

[ع ـناديهـ]

اللي تحبه حيل .. ياشين فرقاه .. جربتها وعندي عليها وثايق
أفارقك .. كان السفر يم واشراع.. بعد الفراق اللي نحبه نعافه
لاتعتذر بدموع هذي النهاية .. أبعد وأنا أبعد .. ماورى البعد ترجيح
فرقا جرت لي ماجرت للمحبين .. فرقا كما روحٍ تفارق جسدها
قال الوداع وقلت هذا مكاني .. والله لو طال الزمن .. ما اتعداه
وداعة الله والسلامة تصاحبك.. حلف ما اعقد في وداعك حجاجي

[ع ـناديهـ]

اهداء للكل .. : )


آخر عباراتي وداع آخر مشاويري رحيل
جيتك وبي لفحت ظمأ و اقفيت كبدي ناشفة

اصعب كلام اصعب خبر صرخة عقب صمت طويل
مثل الهدوء اللي سبق لحظة هبوب العاصفة

وأنتي بمتناول يدي تبدين مثل المستحيل
في عشرتك صوت العقل يقتل طموح العاطفة

الحب ما هو كل شي إلى وقف حظ بخيل
قلوبنا أصفى من العسل بس الظروف مصالفه

لا للندم لا للعتب آو شي من هذا القبيل
وأنتي ماجا منك خطا حتى تقولي اسفه

من غير ليه استسلمي واستلهمي صبر جميل
ولا تسأليني وش جرى ما لك بطول السالفة

قولي لهم يا عزوتي ما عابنا موت النخيل
اللي يوافيها الأجل وتموت لكن واقفه

آخر عباراتي وداع آخر مشاويري رحيل
جيتك وكبدي ناشفة و اقفيت كبدي ناشفة


يالله نشوفكم ع خير ...

مع السلامه ...

ع ـناديهــ

[ع ـناديهـ]

رمضان كريم : )






وإن هل بالنور شهر الصيـام يجـود به الله في كل عـام
وصمنا له طاعة في النهــار وقمنا له خشّعا في الظـلام


حبيت اهنيكم بقدووم شهر الخير ..

واقوكم ..

مبارك عليكم الشهر ..

وكل عام وانتو بخير ..

وتقبل الله طاعتكم مقدما ..

[ع ـناديهـ]

اتعبني الحلم لين الواقـع انكرنـي
كني مسكت الفرج بيـدي وهديتـه

مافي داعي على فرقـاك تجبرنـي
حتى الجفا منـك ولعنـي وحبيتـه

الجـرح عـدا زمانـه لاتذكرنـي
هـذاك وقـت تعذرتـه وجافيـتـه

لوشفت دمع القصايد كان تعذرنـي
تصور ان الشعر يضحـك وبكيتـه

ماغيرونـي ياكـود الله يغيـرنـي
كم واحد عنـك يبعدنـي ورديتـه

وفيـت وادري وفايـا مايصغرنـي
صوبت يم الهدف لاكنـي اخطيتـه

من طار سرب الغلا والشوق طيرني
شف ماعلى الارض واحد ماتعديتـه

خذني على صدرك الدافي وسيرنـي
بعض الولع ياخذ الرجال من بيتـه

ابنشغـل فـي عيونـك لاتدورنـي
ودي بشي اشوفـه مابعـد جيتـه

خليت قلبي معك والله يصبرنـي,,
مبطي وانا اقول قلبي وين خليتـه

اشتقت لك مابقيتك عـاد تشكرنـي
تغيب والشوق ماعمـري تباطيتـه

ماخذ على خاطري والبعد قاهرنـي
مدري شسوي وانا كل شي سويتـه

العام يوم الوعد تسبـق وتنطرنـي
مستغرب شلون هالموعد تناسيتـه

وين انت رايح ولا كنـك معبرنـي
ماكني الي علـى العالـم تمنيتـه

لاصار هذه علومك راح تخسرنـي
ماعمر احد راح من كيفه وناديتـه

عند الكرامه ابيعك وانـت خابرنـي
الله وكيلك ترى كـل شـي مريتـه

وكانه هجر بالسلامه روح واهجرني
اخـوي لاصـد عنـي ماترجيتـه


للمبدع .. عطالله فرحان ..

[ع ـناديهـ]

يهزني الموت وطاري وحشة قبوره

.................. وتطري ذنوبي علي وربي ادرابي


واحس في داخلي هالروح مذعوره

................. وايمـمـ الوجه للخالق ولا القابي


سوى امنية شاعر ٍ خجله ومغروره

............... وخوف وطريق وبقايا طيبة اصحابي


واحساس لو اكتبه بتعاتب سطوره

.............. حظي وطيبي وعقلي واول احبابي


يارب .. ساعدني ابني حلمي وسوره

............... ودي اشرّع لـ بكره .. كل ابوابي


تعبت اشوف النهار بدفتري نوره

................ واجامل الليل واقول انه (( اولابي ))


يا عين لاهنتي وعن جد مشكوره

................ يا ما حشمتي سواد الليل باهدابي !


قلتي : زهقت الظلام وقلت : معذوره

............... ما دام جسمي عجز عن شيلت ثيابي


تبت يدين الصبر لا طالت شهوره

............. ما هي بسهله سنه ناطر على اعصابي


قدام عيني تطيح احلام .. مقهوره

............. يا رقة القلب .. ويش القلب .. سوّابي


ماني مكمل ياهمي خلها مستوره

............. بيني وبينك ( قصيدي ) واعتق اسرابي


لان ( الشعر ) لا طرالي جفت بحوره !

................ واحس كنه يموت بـ صفحة كتابي !!


لاني احبه واحب اراعي شعوره

.............. احسب حسابه مثل ما يحسب حسابي


ابيه لامن حظر يجمّل ... حظوره

................ وان قدّر الله وغبت؟؟ يقدّر غيابي !!


شاعر ( ماهوجس ) بقولة كم جمهوره ؟

................ يكفيني ان ما كتبته (( كاسب اعجابي ! ))

للشاعر .. محمد جار الله السهلي ..

[ع ـناديهـ]

لا صرت بايعني .. اشوفك على iiخير
مع السلامه .. دام ما به سلامه !!


قلت : انتهينا؟ قلت لك : خير يا طير ii!
ماني باول شخص يخسر iiغرامه


محذرك من قبلها الف iiتحذير
لا عفتني بيعيف قلبي هيامه ii؟؟


مانيب ميّت لا ! ولا احتاج iiتبرير
صح الله لسانك .. ووفر iiكلامه


بسمعك .. حبكه .. وفكره .. iiوتصوير
وافهم عدل يا مدعي iiبالفهامه


وجه الشعر ( ابيض ) ويحتاج iiتغيير
ودي تزيّن هالقصيده ( علامه ii)


ماضيك ( الاسود ) بذكره دون iiتقصيير
كذا يكون بخد هالشعر .. ( شامه !! )


يصدق معي تعبير .. ويخون iiتعبير
يا ضيعة الشاعر .. بوقت انسجامه ii!


يمكن خطا ادونك بالشعر ؟! iiمير
لو ما احترمتك ؟ للغرام احترامه ii!!


ما كان حبك غير بس طعنتك iiغير
علمتني معنى الندم iiوالندامه


ما جاك مني اي زله iiوتقصير
كل ما خطيت اعاتبك .. بابتسامه ii؟!


حسبي على الذكرى اذا هبت iiعصير
ما عاد تنفع شرهتي iiوالملامه


البال ( ضامي ) وقتها والحزن ( بير ii)
( خسرتك ) وهمي ( كسبت ) اهتمامه ii!!


والليل فازع لك كذا !! جاني iiمغيير
ظلمتني واكثر ظلمني iiظلامه


لا اقبل علي اوحييت صوت iiالمسايير
وفزيت كل ضيف ٍ اقوم iiبمقامه


وليا عزم هالليل ( ضيقه وتفكير ! ii)
قلّي بربك كيف بقدر انامه ii؟؟


ما فيه داعي للعتب iiوالمعاذير
الغدر ( خال ) الجرح واطيّب ( عمامه ) !!


أما يجيب الله مطر .. تالي وخير ii؟
ولا السلامه مااااش مامن سلامه !!


للرائع .. محمد السهلي ..

[ع ـناديهـ]

من قالـك جـده غيـر..جـده مهـي غيــر
............... قولو لمنهو قالها.. ماحزرها


ماهيب ..حزورة ولاهيـب ..فوازير
............... الغيـر واللـه بالشمـال نخبـرهـا


عرعر ..ويلمح بالسما بارق الخيـر
............... لايابعد جده وساحـل .. بحرهــا


ان كان .. جده زينتهـا النوافيــر
............... عرعر تزينها سحــايب مطــرهـا


وان كان جده تفتـخر ..بالهواميـر
............... عرعر هل الطولات مصــدر فـخـرهـا


ياعنـك مايسـكن بهـا الا المنــاعيـر
............... اللـي بذكـر..الطيب كـل ٍ ذكرهـا


ربعـي بنـي وايـل .. بوقت المعـاسير
............... لو قصـرت يمنـى حـديـهم بتـرها


الى هـنا واقــف على حــد تعـبير
............... من شجرة الساحــه .. كفــاني ثمــرهـا


لو مالـي الا عيـال وايـل جماهيــر
............... قصـيدتي ..ياكوود ..يطـلع خبرهـا


الرائع .. خلف المشعان ..

[ع ـناديهـ]

ياللي تزعل وانا ماني بغلطان
خلك على راحتك واللي تبي سوة

لا ترفع الخشم يوم انك تعداني
والله لتبطي وانا ما قلت لك قوة

في غيبتك جاء مكانك واحد ثاني
والحب ما ينوخذ ياهيه بالقوة

ان كان قصدك عبث ودك تحداني
فابشر بقلب على الصدات يا قوة

نسيت يومك تلذذ بتعذيبي وحرماني
وان جيت تلقا حبيبك منقلب جوة

ان قلت وينك حياتي قلت لي كاني
يا نار هالقلب من كاني ويا ضوة

ان كان جت زلة وحده من لساني
الواجب انك تطوفها من الخوه

لكن على راحتك واليوم صحاني
اسلوبك اللي يغير للاسف توه

تكفى على هالزعل خلك على شاني
عشان تبطي وانا ما قلت لك قوة



الشاعر : حمد السـ ع ـيد ...

[ع ـناديهـ]

تفتكر لليوم وش منك خذيت؟؟؟
غير صمت وحزن وآهات ومواجع.......

قلت ماأنسى ولكنك نسيت!!!!!
كل كلمة حب تعيشني بواقع.......

شف انا من كثر ما أحبك وفيت
عمري مافكرت أمثل دور خادع.......

ياحسافة وقتي اللي لك عطيت؟؟؟؟
كيف تجهلني؟؟؟ وباالمره تقاطع؟؟؟؟؟

للأسف باالذات منك ماهقيت
تاخذ قليبي وصرت اليوم بايع!!!!!!!

عشت عمري في عذاب وبكيت
وصرت بدروبك أنا يازين ضايع......

ماذكر أني خنت أولحظه جفيت
أنا من طبعي ماأقوى أوادع..

ماعرفتك للأسف لكن دريت
أن حبك زاد بعيوني المدامع!!!!!!!!


الشاعر : حامد زيد ..

[ع ـناديهـ]

لايطول غيابك ... ثم اخذ عليه
لو تخليت عنى ... عنك قلبي ماتخلى


العذر والتعلل والحكي ... مانبيه
من تحرك فؤاده ... بالهوى ماتخلى


طبعي الصبر لكن وش عليه ارتجيه
من طويل الصبر يعقوب وايوب ملا


دامني حي عطني وش بقي نحتريه
مابي دموعك ...اللي عقب موتي تهلا


مابقي بالعمر مقدار ماراح فيه
كل مازل يومٍ ... يوم بالعمر ولى


مايعرف الجمر مثل الذي يكتويه
احد يدفا بناره ... واحد فيه يتصلى


يامن القلب حطيته براحة يديه
مارضى له مكان غير كفك محلا


كم تعذر وعيا عن هوى محتويه
لين طاح بيمينك بالغرام وتجلى


الشاعر : خالد الفيصل ..

[ع ـناديهـ]

ألا ليت الزمن يرجع ورى
وإلا الليالي تدور ...

ويرجع وقتنا الأول وننعم في بساطتنا

زمان أول أحس انه زمان فيه صدق شعور ..

نحب ونخلص النيه وتجمعتا محبتنا

زمن مافيه لاغيبه ولاحتى كلام زور ..

ياليته بس لو يرجع ونسترجع طفولتنا

صغار وقلوبنا بيضا تعيش بعالمٍ محصور ..

ولا نعرف أبد أغراب ماغير عيال حارتنا

صحيح صغار بالتفكير لكن ماعلينا قصور ..

نخطط نكسر اللعبه وتسعدنا شقاوتنا

نروح المدرسه بدري ونضحك داخل الطابور ..

نحاول نزعج العالم بروحتنا وجيتنا

وعشان نأخر الحصه نخبي علبة الطبشور ..

نشاغب بس في الآخر تميزنا براءتنا

نحب الضحك والبهجه نحب ننط فوق السور ..

نفرفش ليه ما نفرفش ؟ مادام الضحك عادتنا

ولكن دارت الأيام وبان الخافي والمستور ..

وصار الهم متعلق على قمة سعادتنا

كبرنا وصارت الدنيا تصف أحزاننا بالدور !!

وتهدينا الألم والهم غصب عن عين رغبتنا

تعبنا من بلاوينا أحد ضايق وأحد مقهور !!

وكلآ غارق بهمه و بالآخر تشتتنا

وأنا ماأقول غير إنه ألا ليت الزمان يدور ..

ويرجع للورى فترة نعدل وضع عيشتنا


الشاعر : فيصل اليامي

[ع ـناديهـ]

ينجرح قلب لكن ترتفع هامة
والله إني لأموت ولا انحنى راسي


لو رماني زماني وسط دوامة
العواصف شديدة والجبل راسي


أنقل الحزن وأمشي منتصب قامه
قاسي الوقت لكني بعد قاسي


وأسمع الحلم يصرخ لحظة إعدامة
رابط الجأش ماهز الخبر بأسي


عزتي غالية والناس سوامة
قلت ما اطيع حتى تقطع انفاسي


زانت أيام عمري وشانت أيامه
مارجيت العز من رحمة الناس


من عجز لا يدوس الهم بأقدامه
لازم انه مع الايام ينداسي


يندمل جرح قلب ماتت أحلامه
بس ما أظن يبرى جرح الاحساسي


يوم صارت مابين القلب والهامة
ويش ابي بالحياة لنحنى راسي



.. الشاعر : مساعد الرشيدي ..

[ع ـناديهـ]

يامحلا طاروق الدحه // لا وافق له صوت وبحّه
صفين .. وحاشي .. ومصنّع . وبيوت الشاعر ممليه

متونِِ تدحم بعضها // وقلوبِِ زايل مرضها
وأصوات سباعِِ بتّاعة .. ميه ميه .. ميه ميه

غنّاها عمي مع خالي // وأنا أغنيها ل عيالي
تاريخ وبصمة معروفة .. أصلية من بطن أصليه

لعبة حرب ولعبة هيبة // ما فيها حاجة معيبة
لا والله نفخر لا قلنا .. دحيّه يا أهل الدحيّه

ماهي لعبة هشّك بشّك // مصيونة عن نيات الشك
محشومة من حشمة وايل .. ماهي دبكاتِِ شامية

وأنا طاريها سّلاني // وقمت أرددها ب لساني
ولا صحيت ألا الترفة ... تشبك يدّيها ب يديه

تضحك وتعضض مبسمها // والضحكة ذابت من فمها
قالت لي : تكفا يا مطلق .. أبغى دحّه شمالية

قلت الغالي يطلب غالي // قومي (حوشي لي) ب عقالي
يالله نبدا؟ يالله نبدا .. نبدا بداية فعلية

يا بنية قومي غني لي // يا ويلي منّك يا ويلي
وأنا أصفّق لك وأغني . يا بنيه ميلي يا بنيه

حبيني يا ريحة جِدي // تراني جيتك متحدي
اللى عن دربي يحدونك ... أهل النيات الملوية

أبا تفنّن بأوصافك // لأجل يشوفك .. من لاشافك
وصفِِ حي .. وتمشي روحه من روح الشعر وراعيّه

مان ب وصف عيونك باحل // عينك بحر .. ورمشك ساحل
لا بحّرتي بي واغضيتي . تركبني مية جنية

وخدودك بيض ومفروشة .. من ورد الجوري مرشوشة
أفتح من حب الرمانة .. وأغمق من شمس العصرية

وشفاتك لمّة حبايب // كانت فرقاهم غصايب
الفوقيّة فيها معاند .. والطاعة عند الحدريّة

وحجاجك مبري ومقوّس // ورموشك ل رضاه تهوّس
وإن طار وكسّر جبينك ... أغديت الحسنة بالسية

واللى على متنك دايم // دمّه (مي) وقلبه (نايم) ؟
متشيّخ والشيخة جاته .. لا ورث ولاهي عاريّه

وإن جيتي تمشين ..وعجله // وعيونك ب عيوني ..خجلة
والقذلة تضحك للغربي . والغربي يضحك عليه

كن القاع تعدّ خطاتك // وإلا تحلف لك ب حياتك
شيِِ ماقالو لي عنّه.. شوفة ذي .. وشوفة ذيّه

شفّافة ذوق.. ولبّيسه // لبسك ملبوس .. برنسيسه
وإن تلثمتي بالشيلة .. كنّك من أهل الشرقية

يقلدونك خواتك .. حتى في لبست عباتك..
لكن قولي لي من يجمع.. بين الشمس وبين الفية

يوم الله خلقكم فرّق // ما غرّب بالزين وشرّق
خصّه فيك .. وعمّه فيهم.. سبحانه جزل العطية

والحين أبغى رايك فيها // من أولها لا تاليها
عساني مرضي غرورك .. يا ام العيون السحرية

قالت : تعرف رأيي مبطي // لا تخطي ..تكفا لا تخطي
ما ذوّبني غيراشعارك..فديت الشعر وراعيّه

أنا ضحية قصيدك // لكن لي شرط .. ب جديدك
أبغي من اليوم وطالع .. تلعب دحة شمالية



للرائع : مطلق النومسي ..