{ ~~ ... انتفاضاتي .. في فضاواتي ٍٍٍٍ ]]]

[راحل بعيد]

فتحت قلبي و ثارت فيني اشواقه
شوق ٍ ورا شوق و الدمعات تتواصل

ذكرت دفتر رسمتك في دفا اوراقه
يومن فتحته لقيتك للأسف راحل


دائما يكون الحب جسرا بين قلبك و بين قلب أحد من الناس ليتم التواصل عبر هذا الجسر .. و دائما ما يكون هذا الجسر فوق نهر من العقبات ... فيبني أحدهما الجسر من جهة .. ويبني الآخر من جهة أخرى حتى يتلقيان .. فإن تم البنيان من طرف واحد .. فـ سيسقط ذلك الجسر على ذلك النهر .. و لن يتم بنيانه ...

لذلك فالحب يجب ان يكون من طرفين حتى يدوم الى ان يشاء الله ..

فـإذا كان من طرف ٍ واحد فمصيره الهلاكـ ...



هذا ولكم مني كل الود والتقدير


محدثكم راحل بعيد


عبدالوهاب الدلح العنزي

[راحل بعيد]

يقول تعالى:
(( ارْجِعُواْ إِلَى أَبِيكُمْ فَقُولُواْ يَا أَبَانَا إِنَّ ابْنَكَ سَرَقَ وَمَا شَهِدْنَا إِلاَّ بِمَا عَلِمْنَا وَمَا كُنَّا لِلْغَيْبِ حَافِظِينَ ))

* سورة يوسف الآية { 81 }

أتمنى منكم جميعا سماعها بصوت القارئ " لافي العوني " رائعه بلا حدود ..

[راحل بعيد]

كـم قبـر ٍ فـي قبـور المقـبـره
يحفره شايب ويدفـن بـه صبـي !
.
.
.
وكم رجـل ٍ شـاف شـي ٍ يقهـره
من ولد عمه على شـان اجنبـي !
.
.
.
وكانهـا مابيـن ذنـب ومغـفـره
لحيتـي تكـرم وكرّمـت شنـبـي
.
.
.
الكـلام احيـان مـا فيـه ثـمـره
خلّني ساكـت وسـوّ اللـي تبـي







لله در قائلها

[راحل بعيد]

ودي أرد اللي بنينا من سنين
لكن فراقك حط بي قلب ميّت


يومن رجعتي .. عقب جرحك و تبكين
داخل عيونك شفت الأشـواق حيّـت

لكن ورب الكون مافي يدي شين
مديت لك يمنى وصالي و عيّت



لـ /عبدالوهاب الدلح العنزي

راحل بعيد

[راحل بعيد]

و حـــــــــبــــكـ ما تركـ فــيــنـي شبر ما يـعـشـق حضــــوركـ











عـــــــــبدالوهــــــــــــــاب الـــــــــدلح العـــــــــنزي

[راحل بعيد]

شــــــــــــــــــي ٍ عــــــــــــــــــــرفـــــــــــــــــتـــــــــ ـــــــــــــــه لـــــيـــــــتــــــــني ما عــــــرفـــــــتـــــــه

[راحل بعيد]

بيني و بينك ثار يا داعج العين !!؟؟
وش فيك قلبي عن غرامك نزحته

حطيت لك عمر الغلا بين قوسين
ما ينمسح مهما جنابك مسحته

ماكني الا طاعنك بالظهر .. لين
ما ظل شبر ٍ داخلي مـا جرحـته




عبدالوهاب الدلح العنزي

[راحل بعيد]

قريبا ...


ترقبّوا قصيدة ستنزل هنا في الركن هي من القصائد الجديده ومن جملة قصائدي الخاصه التي لا انشرها في الشبكة العنكبوتية

ولكن سأضطر ان أكتب هذه هنا .. لأني اريد البعض ان يقرأها

ولا عجب ان ينصدموا ..


فـ راحل بعيد نواها

[راحل بعيد]

تصدق حيل أنا تعبان
. . . . . . , ولكن ( ماأبيِّنلك ) !
أبيك تحس من كيفك . أنا مابي ألمِّحلك ,

ترا المفروض تتكلَّم ؟!
,/ عن اللي فيني تسألني . .
إذا إنت إنسان ماتفهم , شسوي فيك علمني ؟!

بديت أخاف أنا منك ,
أحس إنك سهل تنسى !
شقول أكثر بعد عنك / وإنت من الصخر ( اقسى ) !

أنا غصبٍ علي عايش
. . . . , غصب متحمِّل طعونك
يجيني سهمك الطايش و أضمه لـ خاطر عيونك !





مما راق لي لـ / أح ــــمد الصانع

[راحل بعيد]

يــمــــوت الــحـــلـم بــــأنفـــــــاســـه و تبدا رحــــلـــــة الأيــَّــــــام
يــــمر العـــام و الثــاني صــــــدى و أهـــــــات مـــكــــبـــــــــوته

هـــــي الـــعانـس بـهالدنــــــيـــــــا شــــــكـــــــت ْ حــــظ ٍ أبـــد ما قام
كـــــتــــــبــــــه الـــــحـــــزن فــــي قـــــافـــــه يرددهــــا مع بيوتـه





إنشاد حامد الضبعان

لا تطوفكم

[راحل بعيد]

لا حب ساكن بي ولا قلب يشره
.. .. .. .. ..عايش بريء وطاري الحب ما ابيه

عاشوا به العالم بـ صحوة و سكره
.. .. .. .. ..وجرح ٍ يروح و جرح بانت مواريه

وأحد ٍ كتم بين المعاليق قهره
.. .. .. .. ..( و أحد ٍ يخم النوم عينه و يخطيه )

هذا العمر من قبل لا أحب و أكره
.. .. .. .. ..طفل ٍ و همي كيف وقتي أعديــه

لين اكتمل سبعه مع زود عشرة
.. .. .. .. ..عمري..عسى ربي يبارك مساعيه

شفت الغزال هناك .. و يدق خصره
.. .. .. .. ..و انا من اللهفه عيوني تناديه

و ازريت أغير داخل القلب فكرة
.. .. .. .. ..واستوعب ان الحب لازم أجازيه

ناديتها والشوق يا طول عمره
.. .. .. .. ..جتني و داخل عينها شوق تخفيه

شهقتها شهقة ومن غير زفرة
.. .. .. .. ..حبستها في داخل الصدر تكويه

لين اصدمتني كلمة ٍ حيل عسرة
.. .. .. .. ..قالت أنا مابيك والحب أبنهيه

قلت ابشري دام الهجر حان أمره
.. .. .. .. ..روحي عسى عمرك تنوّر لياليه

خليتها بـ أمسي و دشيت بكره
.. .. .. .. ..وصادفت الأجمل في غلاه وتغليه

ريم ٍ على سرق التفاكير ( جسرة )
.. .. .. .. ..تفرض على قلبي يغير مباديه

لقيت ( جين الحب ) صابته ( طفره )
.. .. .. .. ..عشقتها عشق ٍ خفتني معانيه

داريتها من طيب ما كنت مـُكـْـرَهْ
.. .. .. .. ..لو مر خاطرها طلب رحت ألبيه

و يومن نهاري زاح ليلي و ستره
.. .. .. .. ..لقيتها تطعن بظهري و تدميه

حضنتها .. ردت جميلي بـ جمرة
.. .. .. ..خير ٍ زرعته..بان شرّه و أنا أجنيه

هديت صوتي بس من غير نبره
.. .. .. .. .. محد ٍ سمعني كود قلب ٍ معنيه

يا قلب أنا آسف .. تصاريف غبره
.. .. .. .. ..هذا حبيبك !! قوم يا قلب و انفيه

مابيك تعشق .. لا ولا ابيك تكره
.. .. .. .. ..خلّك طبيعي..واطرد الحب..مابيه







وسلامتكم





لـ عبدالوهاب الدلح العنزي
( راحل بعيد )

[راحل بعيد]

يا شينها لا صرت مرهق و سهران
وعندك دوام ولا بقى غير ساعه

ودك تنام ولكن الوقت خوان
يطربك حلم ٍ ما إتمنى ضياعه

ودكتور ما يعرف سوى رصد حرمان
ما يفهم أوضاعك و صعب إقتناعه

الحال ما تقزر وصعبه يالإخوان
ودي أنام .. و محضري عقب ساعه




طالب بعيييد


اقصد

راحل بعيد


لـ عبدالوهاب الدلح

[راحل بعيد]

http://www.youtube.com/watch?v=FPGWktguAtM






استمتعوا بالصوت ...

[راحل بعيد]

الدمع من قلبي و ضيقي بعيني
.. .. .. .. ..تعوكست دنياي كلّه سبايبك

جيتك ولا فكرت مرة تجيني
.. .. .. ..قلبك جماد و ما فقد زول غايبك

ضايع بعد فرقاك.. ما شفت ويني ؟!
.. .. .. ..بينك و بينك بس أحقق مطالبك

و الحين لو تجرح يمينك يميني
.. .. ..فـ أنا تعبت عتاب .. ماني معاتبك ..

و لو العطش يطغى و يجتاح فيني
.. و أشوف زولك ( ماء ) ماني بـ شاربك

لأني كثر ما كنت بيني و بيني
.. .. .. . شفتك سراب و ما فرح قلب طالبك






لـ / راح ــل بعيد

عبدالوهاب الدلح العنزي

[راحل بعيد]

من الآيات الي تجعل العبرة تكاد تقضي علي هي الآية التاليه :

قوله تعالى :
{ وَمَنْ أَعْرَضَ عَن ذِكْرِي فَإِنَّ لَهُ مَعِيشَةً ضَنكًا وَنَحْشُرُهُ يَوْمَ الْقِيَامَةِ أَعْمَى[124] قَالَ رَبِّ لِمَ حَشَرْتَنِي أَعْمَى وَقَدْ كُنتُ بَصِيرًا [125] قَالَ كَذَلِكَ أَتَتْكَ آيَاتُنَا فَنَسِيتَهَا وَكَذَلِكَ الْيَوْمَ تُنسَى [126] وَكَذَلِكَ نَجْزِي مَنْ أَسْرَفَ وَلَمْ يُؤْمِن بِآيَاتِ رَبِّهِ وَلَعَذَابُ الْآخِرَةِ أَشَدُّ وَأَبْقَى[127] }



سورة طـه .