{ ~~ ... انتفاضاتي .. في فضاواتي ٍٍٍٍ ]]]

[راحل بعيد]

يا إنتفاضات القصايد و إرتباكات الحروف
يا تلعثم في شفاتي يوم مقدر أوصلك


فارقوا بالله عني هذا أنا جبت الهنوف
الملاك اللي غلاها كنها هيبة ملك


يوم جتني تمتحني من قبل لمس الكفوف
وقبل لا أبيّن غلاها .. قالت أبغى اسألك ..


جيتني في وسط زحمة .. يوم خلق الله تشوف
ما خشيت الناس تعرف او يشوفونك هلك ,,


قلت انا من يوم شفتج وابتدا ضرب السيوف
بين أروح أو ما أروح .. وما رضيت أتأملك


قلت بسم الله مشينا . والخطر كان محفوف
بس نويت اني اجيك ويهلك اللي هو هلك


جيت لك والعقل طار ودق قلبي بالدفوف
ما أشوف الا عيونك .. واشهد ان حظي سَلَك


يوم كلمتك وكان الحال من قبلك كسوف
أشرقت شمسي وصار الكل من حولي فلك

هذا انا قلت الاجابه يا عسى الرد مخلوف
كان ما كفى و وفى .. و اسمحي بـ أتغزلك


يا غلا يا ام الحسن يا سيدة بين الخشوف
كنت فعلا ما أعرفك بس ما كنت أجهلك


كنت حاسب لحظة اللقيا مع زين الوصوف
وانتهى عمر ٍ رمادي و ابتدت عيشة ملك


ما أظن باقي على عمري وعلى حظي حسوف
دام قلبي بين كل الخلق راهن و وصلك





متواضعه بسيطة .. و سريعه




لـ

عبدالوهاب العنزي ..

راحل بعيد

[راحل بعيد]

حرام مالي من بعد زولك أحباب
لا صرت غايب لابو الحب و ابوه

قلب ٍ على غيرك يشرع له الباب
خلوه يشقى في عنا الحب خلوه

يومك رحلتي لا دواعي ولا اسباب
وش ذنب من حبج وقلبه لج يتوه

حب ٍ على غير السنع مابه اعجاب
لو كان قلبج بخس والناس غلّوه

حتى العيال اللي بعدهم بالأصلاب
جبتي أجلهم .. والبلا عشق مسفوه





خربطة

[راحل بعيد]

الله يلعن ابو الضيقه .. انها تخنق الواحد

والله ياسر التويجري صاج يوم انه قال ..





يا صاحبي و الضيق مثل ابن الحرام ..
يبرك على صدر الرجل ويدافره ..



اي والله يدافره ..

[راحل بعيد]

جيتي عنيده و يوم رحتي عنيده
لحظة عنادك حطمت ما بنيتي ..

حتى العلاقه عقب ماهي وطيده
صارت خراب بسبة اللي جنيتي

يومي بغيت أرضيك طبعي وليده
زاد التصدد ثم رحتي مشيتي

العين عقبك يا غلاتي رميده
وما فاد كحلك والله انتي عميتي

درب التغلي يا حبيبي مصيده
تحته كبرتي و ارتويتي و نميتي

والحين حبك لا ازيده و اعيده
الزرع زرعك وانتي اللي جنيتي



عبدالوهاب الدلح . . .

[راحل بعيد]

ترا ذاك الخميس اللي خذاك لعالم النسيان
عجزت أنساه بالمرة و دايم صورته تاتي ..


خذاك الموت في يومه و رحت لعالم النسيان
نساك الكل في لحظة و انا تبدا صراعاتي ..


ذكرتك يومنا نمشي ورا نعشك وأنا حفيان
نقوش أقدامي لقبرك أحددها بدمعاتي ..


دفنّا يومها الجثه و أظن قلبي مع الجثمان
نسيت الكل من رحتي بقيتي بس في ذاتي..


مشوا من حولي العالم و كن اللي حصل ماكان
أنادي .. بس ما ينفع .. محد جاوب ندائاتي ..


جلست أبكي عل قبرك و الحّن ونتي ألحان
وأرد أكتب على قبرك .. (( عظيمة هي خساراتي )) ..


تعبت أركض ورا الذكرى على أيام اللقا ولهان
و جلست أفكّر لبكرة يا كيف تعدي ساعاتي ..


أنا يا راحلة عني عيوني دمعها طوفان
ألا يا حيف يا دنيا .. خذيتي طب علاتي..


تركتيني على مركب أصارع موجة الحرمان
بعد ما غاب مجدافي مجاديفي هي آهاتي ..


كأني بعد ما غبتي سفينه ما بها ربّان
رياح و موج يضربها و ضاعت كل وجهاتي ..


خلاص العين أبعميها و دمعة خافقي تنهان
تهون العين من دونج .. ولا هانت معاناتي ..


أبرحل من عنا وقتي لغربة مالها عنوان
و أسميها (( نسيت الكل بقيتي بس في ذاتي )) ..


اذا تسمعني يا غالي ابيك تحط بالحسبان
ترا ذكرك على بالي يجدد كل صرخاتي ..


وترا ذاك الخميس اللي خذاك لعالم النسيان
عجزت أنساه بالمرة .. ودايم صورته تاتي ..





لــ / عبدالوهاب الدلح ...

راحل بعيد ..

[راحل بعيد]

..............................................

[راحل بعيد]

لا بارك الله في رفيق ٍ تزعله كلمة عتاب
ولا جمّع الله الرجال اللي تفرّقهم مرة

[راحل بعيد]

.......................................

[راحل بعيد]

كل قصيدة قلتها لأجلك حرام
ما حشمت حروف خفّاق الضمير


كنت أرتّب هاجسي لأجلك هيام
و أكتب أفكارٍ هنا ماهي تصير


لا فهقت الضيق و ضلوعي نيام
جتني الضيقه مع تالي عصير


ومابيديني غير أجيبك في كلام
دار بيني وبين عقلي للأخير


كنت أظنّي لا ذكرتك في سلام
أثرني كاتم وسط جوفي سعير


لا ذكرت اللي تحبه قبل عام
قامت اللوعه على قلبي تغير


و تمسك الحيرة وسط بالي زمام
خير يمكن مير ما ظني بـ خير


في تناقض هقوتي قام الملام
ليه تعشق وانت في عشقه كسير



قمت أقول اللي جبرني ريم قام
فز قدمي و الغلا توه صغير


ومن عشقت و صار وضعي بالتمام
قام يلعب .. قام يجرح .. ما يغير


ولا أنا مالي ومال الإحترام
لا غدا لإنسان هو ملعون صير


ما أقول الا لقصيدي يا حرام
رحت يم إنسان باعك بالأخير









سريعات ... تقبلوها على اتقصير .. وعلى غلطاتها .. فيهي فقط تسلية






راحل بعيد




عبدالوهاب العنزي

[راحل بعيد]

عسا اللي ماخذ يدينك .. يراعي طبعة يديني





عسا اللي ماخذ يدينك .. يراعي طبعة يديني






عسا اللي ماخذ يدينك .. يراعي طبعة يديني






آآآآآخ




عسا اللي ماخذ يدينك .. يراعي طبعة يديني



















عبدالوهاب العنزي

[راحل بعيد]

غلاك وش فاد الجروح المعاطيب
ما شفت منك ما يداوي جروحي

ما شفت غير انك هواوي مطاليب
تاخذ ولا تعطي و دايم شحوحي

شفني عطيتك لين ما خلص الطيب
ما شحت ايديني و قلبي لحوحي

جاك الوفا .. و انحاش عن عينك العيب
جيت بعمى عقلي .. و نظرات روحي

( أنا أحبك ) قلتها لك بلا ريب
لين اهدمت لي ما بقا من صروحي

يا ليتني ما قلتها يومك قريب
من بعدها كسّرت عالي جموحي

روّح عساك تكون وجبة غدا ذيب
يشفي بنابه ما بقا من جروحي ..



وسلامتكم ...



عبدالوهاب العنزي


راحل بعيد





كما تعودتم خربشات تشرح حالتي ..

[راحل بعيد]

...........................

[راحل بعيد]

...........................................

[راحل بعيد]

تعال قربك عيد و البعد ضربة من حديد
ياللي تشب النار بغيابك و أنا أوطى فوقها

عامين أحايل رفقتك والعمر ينقص ما يزيد
سنين أدوّر رفقة اللي رفقته ما ابوقها

تعال و افعل ما تبي . والله يفعل ما يريد
اترك كلام اللي على السيرة تبل حلوقها





محمد بن مريبد

[راحل بعيد]

صدقيني مايوالف خافق البنت بسهوله
بالهوى يابنت حواء غير طلاب النشايب






والسهر والعشق الاول والهوى واللي ينوله
شي اقسى من همومك والعنه حاضر وغايب






والهموم اللي دعتني من بعد سن الطفولة
كلها ( من تحت راس العشق ) ملعون الصلايب