{ ~~ ... انتفاضاتي .. في فضاواتي ٍٍٍٍ ]]]

[راحل بعيد]

يا رب سامحني على الكذب يا رب
و اغفر لي ذنوبي على كثر ما اخطيت

يا كثر ما اكتب في قصيدي عن الحب
وانت تعرفني ما بعد يوم حبيت




محد المسعري

[راحل بعيد]

لو كنـت ما اعزّك ولا اقدرك كان
ماتامر وتنهــى وتامر وتنهـى

وان جيت أبطيّح من عيوني انسان
أقـارنه ويـاك ، ويطيـح منهـا



محمد المسعري

[راحل بعيد]

الصبح كنه بسمتك ، ساعة تقوم
ويشابهك يا اغلى واعز امنياتي !





الصبح تعريفه ، هو بداية اليوم
ولا انت ! تعريفك ، بداية حياتي


محمد المسعري

[راحل بعيد]

,,,,,,,,,,,,,,,,,,,,,,,,,,,,,

[راحل بعيد]

تدري وش أصعب في عالم الحب
إنك تحب فلان و فلان لاهي ..



لشاعرها

[راحل بعيد]

أببتدي

وأكتب عباره في يدي

إنك على قربك كذا .. أبعد علي من الجدي


أببتدي

و أشرح معاناتي معك
أتخيل إني أسمعك

و أمشي و أسولف للبشر

إني انا هو مطمعك

أبشتكي .. و أسجن حروفي في حكي

لو كل واحد يسمعه

و عقولهم تتجرعه

في ذمتي يا هاجري

ما ظل بالدنيا ذكي ..

أببتدي .. و أكتب عبارة في يدي
إنك على قربك كذا


أبعد علي من الجدي ..




ادري بعد عمري كريم
ضيفك حشا لا ما يضيم

وأنا تعديت و لفيت
و عديت قلبك لي بيت

و عقب الألم يوم ارتخيت
شفت الغدر منك عظيم

أبتدي ,,, مليت أقول اببتدي

وانت على قربك كذا ... ابعد على من الجدي


تدري خلاص ابنتهي ..

والدمع فيني مرتهي

بس الكرامة ما تموت

و العز لا يمكن يفوت


و دامك على الصدة نويت

خبري بك إنك أجودي


روح عسى ربي معاك
والله يسدد لك خطاك


ولا ابتدي ولا تبتدي


دامك على قربك كذا ابعد علي من الجدي


خلك على قربك واذا

تقدر تعدا هالجدي ..




عبدالوهاب العنزي

[راحل بعيد]

هــــنــــاك ازدحامات لمشاكل جمة وسط عقلي ...

سأسعى الى حلها .. وستحل بإذن الله ..



ولكن عذرا لتوقفي عن كتابة ما يمليه علي ذلك الشيطان المتمكن في مخي ..


فـ لي عودة قريبة بإذن الله




أخوكم / راحل بعيد

[راحل بعيد]

والله حسافة يا صورة رونالدينيو اللي كنت حاطها ...


بس يالله ما عليه لأجل عين تكرم ألف عيــــن




عذرا يا رونالدينيو ..

[راحل بعيد]

الجـــنــــون .

هو أن تشتاق لمن تحب و هو جالس بجانبك .. هذا ما حدث معي ذات مرّة ..


ويبقى السؤال



إلى أين يقودنا الجــــنـــــون ؟



لا نعلم ولكن أعتقد الى حيث إحساسها بأنها هي ملكة القلب ولا أحد سواها ..

[راحل بعيد]

اللي ستر عيبه عن الناس بهدوم
وش يستره لا صار عيبه كلامه




لشاعرها

[راحل بعيد]

و يظهر الطرف الثالث من القضيه ..



يصير خير ياللي ببالي يصير خير




الايام بيننا

[راحل بعيد]

مـن يدّثـر صوتـي الليلـه ويكسـب لـه ثـواب ؟!

مالهـا يالشعـر غيـرك أنـت .. ياجبـر الكـسـور

يكفـي أنـي .. لابكيـت بدونـك أشعـر بإرتـيـاب

وكل ماأبكي فيك .. أشوفك لي .. عن اللي فيّ .. سور

أدري بيوتـك عرايـا .. لـكـن أوزانــك ثـيـاب

لبّـس جروحـي مـن أحزانـك وألبّسـك الصـدور

كـان يـامـا كــان والنسـيـان للعـشّـاق بــاب

عاشق ٍ لاشـدّ درفـة بـاب .. صـاح بـلا شعـور :

يقـدر النسيـان ينـزع غصـن مـن فـوق التـراب

بــس مايـقـدر يـقـرّب للـتـراب ولـلـجـذور

كيـف أبنسـى ذكريـات الطيـش الأول .. والشبـاب

ورفقـة الليـل العتيقـه .. وأول الفجـر الطـهـور

والمواعيـد وشغبهـا .. والـولـه قـبـل العـتـاب

وساعـة ٍ كـم كنـت أحـاول فـي عقاربهـا تـدور

والمكـان اللـي وهـن سقفـه مـن الفرقـا وشـاب

مـن بعـد ماكـان يحضّنـا مثـل طـفـل ٍ غـيـور

والمطـر لا لـوّن الشـارع .. وقلـنـا للسـحـاب :

بلـلّ أيدينـا .. تـرى العشّـاق أياديـهـم زهــور

كيـف أبنسـى والريـاض لسيرتـي مثـل الكتـاب !

حافظتني بيت بيـت .. و حـي حـي .. و دوُر دوُر

مـن كثـر ماكنـت أدوّر فـي شوارعهـا جـواب :

هو صحيح الحب أعمى ! أو عيـون النـاس عـور ؟!

كنت أشوف الحب عذب .. وهـم يشوفونـه عـذاب !

كان هـذا الحـب سـر ! .. وقلتـه وكلـي سـرور

علمّونـي فـي المدينـه كـيـف لاحبـيـت أهــاب

لكـن القريـه قمرهـا قـال : كُـن للـحـب نــور

في بلادي كنت عاشـق .. بـس شاعـر بإغتـراب !

ليـن صـرت الشاعـر اللـي تعشقـه كـل البحـور

علمّينـي يالقصايـد هـو خـطـأ والا صــواب ؟!

لارفضـت أنسـى عيـون ٍ عشتهـا شعـر وشعـور

هذا أنا لحالي .. هزيـل الحـال .. وأشعـر بإكتئـاب

كـن قلبـي جـال بحـر ٍ هاجـرت عنـه الطـيـور

أجرع الفرقا وأقـول الحـب عـذب .. وللعـذاب ..

كـل قلـب ٍ لاحرمـه الوقـت مـن خلّـه .. يبـور

ولين هـذا اليـوم أدوّر فـي المدينـه عـن جـواب :

ليه في شرعك .. يكـون الحـب معنـى للفجـور ؟!!

فهد المـساعد

[راحل بعيد]

,,,,,,,,,,,,,,,,,,,,,,,,,,,,,,,,,,,,,,,,,,,,,,,,

[راحل بعيد]

على الوعد يا احباب قلبي على الوعد جايكم



سالفتكم ما تمر مرور الكرام

[راحل بعيد]

الدمعه اللي من ثلاث سنين ينطرها غبي
وصوه ينطرها وكل اللي موصينه نسوه

مدامها بيني وبين عيوني مثله وش يبي
(( دموعي عيالي ولا طاح الولد من عين ابوه ))




السهلي