][.، نَـزْف الـقَـلَـمْ ،. ][

[صاحي لهم]

.

.

أثبت لي انك شخص معدوم إحساس
أو إن إحساسك بصدرك تحجّر

كنتي تناديني (بعد كل هالناس)
والحين أحس إنّه إسلوبك تغيّر
.

.

[صاحي لهم]

::

بسّوي كل مايرضي عيونك
لأنك من ملك قلبي وعيني

وببقى بالهوى دايم اصونك
عسى ترضى وقلبك يحتويني

اذا قلبي وعقلي يعشقونك
وطيفك بالنظر دايم يجيني

أكيد أعشق أساليبك ولونك
ياكل الحب وياأجمل سنيني

واذا انتي سألتيني شلونك؟
بقول (بخير دامك تسأليني)

::

[صاحي لهم]

::



كيك وعسل لكن ماهو في صحون
ودعاك من عين الحسود غطاك له

الله لا يعطيه ناسٍ ينظلون
ويستر عليه من النحل لا ياكله

::

[صاحي لهم]

شكلك مشبّه :)



راحت وقلبي أنا وافي لذاك العهد
من بعد عشره طويله كلها محبّه

خلتني لمخلب الأحزان وناب السهد
وجروح حارت بها كبار الأطبّه

قلبي حكمه طيف ظالم ولعروقي إضطهد
الين شفته وقدّر ربي وربّه

طالع بنظره غريبه .. (انت جنّك فهد)
رديت : (عفوا حبيبي شكلك مشبّه)

[صاحي لهم]

توديع الاحباب مثل الموت له سكره
ادمي جروحي وشق الصدر منيّا

والقلب طيرن ضلوع الادمي وكره
لا شافه الطلع لاسلم ولا حيّا

مصير الاحزان تنساني وتفتكره
ما كل الايام بيض وسمحت محيّا

قل غيرها منت لامجبر ولا مكره
لا صار ما هو غلا مابيلك احميّا

لو في يدي شي ما قلت الوعد بكره
حزمت حدب الضلوع وقلتلك هيّا

لو كل غالي تجي دايم علي ذكره
ماصرت اشوفك هناك وحبك هنيّا

يا ليتني لابغيت اكره قدرت اكره
ما كان قلبي اليا جيت اكرهك عيّا

مادامك معيف رح لكن علي فكره
ماقلتلى ليه دمعك سال منيّا




.. متعب التركي ..

[صاحي لهم]

.. فكرة رجوعك ..



تعبت أنا منك تكفه روح فارقني
خلاص ماعاد تكسر خاطري دموعك

خلاص الله معك روّح يا سارقني
عمرٍ وروحٍ وقلبٍ كان في طوعك

غديت مثل النار اذا قربت تحرقني
ودفاك للقاصي وتضوي له شموعك

تدري وش اللي يعذبني ويؤرقني
فكرة غيابك .. وأكثر فكرة رجوعك

[صاحي لهم]

::


وين أنت يا أول إنسان أتولّع به
من رحت والهم لازم قلبي وخصّه

الصدر ضايق وجدا حالتي صعبه
منّك غدا للحزن في مهجتي قصّه

سراب وصلك تعب شوقي يتطلّع به
ولا أظن لي في سحايب شوفتك حصّه


::

[صاحي لهم]

.

.

بس اسمعني ثواني ولا تقاطعني أبد
بس اسمعني لـ آخر بيت فيك أبكتبه

فوق كل جروح قلبي .. فيك تجرحني بعد!!
ياأخي ياقو قلبك .. ليه قلبي تعذّبه ؟
.

.

[صاحي لهم]

..

عساني ماأنحرم منّك ولا لحظه تخليني
فديتك كيف انا احبك؟ وليه القلب مفتونك!؟

ابي منّك ليا منّي انكسرت حيل ضميني
ولك منّي اسوق العمر كله فدوه لعيونك


..

[صاحي لهم]

هل غادر الشرفاء من متردمِ

.

.

عفوا عنترة .. :)

.

.

[صاحي لهم]

.

الرجل وإن صابته الأوجاع عيب إنْه يتأوّه
واجب ولازم عليه يقوم له في كل هيّه

.

لله درّك يا مهدي ..

لله درّك ..

[صاحي لهم]

.. لا زالت المهره تخطف الريح يدها مسرعه ..

[صاحي لهم]

.. بويتات من قصيدة ..


يازينها يا ناس والغلا ذبّاح
وياشين فرقاها علي وجفاها

افرح ليا من شفت بعيونها افراح
واحزن ليا من ضاق واسع فضاها

ليا ابعدت القلب عنها .. لها راح
وليا نهيت العقل عوّد وجاها

بحضورها الهم يجلي وينزاح
والقلب يفرح لا تعلّى سماها

لاتلوم قلبي ياصحيبي ليا باح
قلبي تولّع في غلاها وحلاها

ياليت بس افتح قليبه بمفتاح
وأحط شعري ثم أقفل وراها

[صاحي لهم]

تقبل الود والشكر وتحياتي
يا ساكن الروح والروح ومشاعرها

وروق وركز وحاول تفهم الآتي.:
فكره تأكد قليل اللي يفكرها

لو أن غيري معاك يسوي سواااتي
قلت انت نعمة وهو عاجز يقدرها

.. محمد جارالله السهلي ..

[صاحي لهم]

::

روحي على حبّك كانت حريصه
متربعٍ حبّك على العرش تربيع

عزالله حبي لك أكبر نقيصه
جرحٍ كبيرٍ ما نفع فيه ترقيع

::