][ عـيون فـارس ][

[مهرة بلا فارس]

[align=center]اسفه يامحبوب و انشاء الله راح انزلها اللحين بس لا تعصب علي


لووووووول

حاضر اللحين انزلها

انتو تامروني امر حبايب قلبي

مشكوره امونه علي التثبيت[/align]

[مهرة بلا فارس]

[align=center]][ الحلقة الثانية ][
][ لقاء أحبة ][

}{ في المطار }{
عيون .. العنود .. أحلام .. ام سحر .. ابو بشار .. بشار
لاستقبال سامر مع حرمتهـ ,,
العنود كانت أكثر وحدة بينهم تنتظر سامر ,,
كانت تحبه .. الا ذايبة في هواهـ ،،
الكل كان يدري عن حبها ,,
حتى سامر ,,
لكنه ما كان يكن لها اي مشاعر ,,
سوى مشاعر الاخوة ,,
يعتبرها أخته و بس ,,
][ العنود ][ 21 سنــة .. حلوة .. طيبة .. من صغرها كانت تحب سامر .. لما سافر علشان الدراسة .. اهي متعلقة بأمل انه اذا رد بيتزوجها .. رفضت راشد .. انسان يحبها و يعزها .. و لها مكانة كبيرة في قلبه علشان بس سامر ..

اول واحد لمحوه كان سامر يجر الشنطـ ،،
العنود ما صدقت روحها طارت عليهـ ،،
العنود بنعومة : سامر .. شحالك ؟
سامر : الحمدلله عايشين
العنود : و شلون الدراسة كانت معاك ؟
سامر : عال العال

قاطعتهم رهف ][ زوجة سامر ][

رهف : سامر .. حبيبي الشنطة ثقيلة .. خلها مع الشنط الي عندك
سامر : كل شي و لا الغالية رهف .. ( يود بطنها ) و الغالي خالد
العنود منصدمة : و .. و .. و مني هذه ؟
سامر مستغرب : هذه حرمتي رهف
العنود و الدمعة تنزل من عينها : يعني انت تزوجت
سامر : اي تزوجت .. ليش ما قالوا لج ؟
العنود يودت يد سامر : لا سامر ... مستحيل .. انا تحديت الدنيا علشانك .. و ... و ... و رفضت الانسان الي يحبني كل هذا علشانك .. انت علقتني فيك و الحين تخونني
سامر التفت الى رهف المنصدمة من الي يصير
سامر : خلاص العنود الي صار صار
العنود جثت ع ركبتيها : حرام عليك .. حرااام سامر ( وقفت و مسحت دمعتها ) و .. و الياهل منك
سامر : اكيد مني .. يعني شنو .. نسيتي هذه حرمتي
العنود دموعها نزلت و أخذت تركض الى ابوها ( ابو بشار ) و طاحت في حضنه
العنود : يبه ... سامر ... خائن .. يبـه
ابو بشار : خلاص يا بنيتي
العنود : يبه ليش ما قلتوا لي ليييش

اما عند سامر و رهف ... كانت رهف منصدمة ما تعرف شنو تقول .. و هذه اول يوم تشوفهم فيها و صار الي صار .. و بعد هذا شنو بصير ..

سامر : رهف
رهف دموعها تنزل و تناظر العنود شلون تبجي : ..........
سامر يود رهف من يدها : رهف .. هذه مراهقة .. شيليها من بالج
رهف و هي تبجي : لا سامر هذا كلام بالغين .. مب مراهقين ..
سامر : رهف انتِ تدرين اني ما حبيت و عزيت في الدنيا غيرج
رهف : خلاص سامر .. لا تجذب زيادة
سامر زاد من قبضته ع يد رهف : لا رهف انا من صجي احبج .. الي خلا العنود تشعر بهذا الشعور .. انها لما كانت صغيرة .. كنت الوحيد الي العب معاها .. و اذا بجت امسح دمعتها من عينها .. و اذا تناجرت مع اخوها بشار .. انا ادافع عنها .. و لا تنسين كانت مراهقة .. خلت في بالها .. ان شعور الاخوة الي البيننا .. حب ..!!!!
رهف ابتسمت له

قاطعتهم عيون .. من شافت اخوها لمته و اخذت تبجي
سامر : عيون ..
عيون : ســـــامـــــر
سامر لم اخته اكثر : اشتقت لج .. اشتقت لج عيون ..
عيون رفعت راسها فوق : و انا اكثر سامر .. سامر ليش خليتنا سامر
سامر باعد عيون عنه و ربت ع كتفها و ناظر رهف الي كانت باقي شوي و تبجي
سامر و هو يأشر الى عيون : هذه ...
رهف قاطعته : عيون أختك
عيون : تعرفين تتكلمين عربي
رهف : اي .. انا اصلي كويتية .. لكن عايشة مع أمي في لندن
عيون ابتسمت : و النعم
رهف : الله ينعم في حالج

وصلوا كلهم البيت ..
عيون تأخرت عن الجامعة ..
دقت ع مريـم ..

عيون : هلا مريوومة
مريم : هلا و الله بعيون .. شحالج ؟
عيون : عال العال .. نسأل عنكم
مريم : الحمدلله عايشين .. الا سوري حبيبتي ما قدرت اييج
عيون : هذه المرة طوفتها .. لكن لا تعيديها
مريم : حاضر سيدتي .. أمر ثاني ؟
عيون : لا بس اقول انتي بالجامعة ؟
مريم : اي .. ليش تأخرتي
عيون : الحين ياية
مريم : اوكي
عيون : بااي
مريم : مع السلامة [/align]

[مهرة بلا فارس]

[align=center]][ الحلقة الثانية ][
][ الفصل الثاني ][
وصلت عيون الجامعة ,,
كانت لابسة فستان قصير شوي وردي ناعم ,,
مع بوت أبيض و شيلة بيضة ,,
دخلت الجامعة اخذت تسرع في خطواتها ,,
علشان تلحق ع المحاظرة ,,
كانت منزلة راسها تناظر ساعتها ,,
و اصطدمت في شخص ,,
ما طالعته لانها كانت متأخرة ,,
اكتفت بكلمة "اسفة "
مشت شوي و وقفتـ ،،
تبي تشوف عجلتها خلتها تصدم بمنو ,,
لفت راسها الا ورى ,,
لكن من شافته لفت جسمها كامل ,,
فتحت عينها ,,
كانت تقول في نفسها ..
هذا الي ناقص .. الحين يقول عني ان انا متعمدة ادعمه ,,
اوف شهالصدفة الى خلتني مع هذا المغرور ,,
فارس .. و ليش فارس بالتحديد الي دعمتهـ ,,
لكنه عطاها نظرة وحدة بس و راح عنها و خلاها ضايعة ,,
عيون .. خلت هذه الافكار .. و بسرعة الى قاعة المحاظرة ,,
دخلت الا بـمريم كانت يالسة و شكلها حاجزة كرسيينـ ،،
عيون تقربتـ ،،
عيون : السلام عليكم
مريــم : و عليكم السلا .. هلا عيون قعدي ؟
عيون قعدت : ليش كرسيينـ ؟
مريــم : كرسي لج و الكرسي الثاني الى فارس اخوي
عيون فتحت ثمها : فااارس !!!!!!!
مريــم : اي فارس .. شفيها ؟
عيون : هااا ... لا ما فيها شي .. بس ليش يحضر المحاظرة ؟
مريــم : لا ببس اهو مستمل من البيت .. و يحب يحضر المحاظرة
عيون : اهاا
وصل فارس دخل ناظر عيون بنظرة كلها غرور
ردتها له عيون بنظرة خلته ينقهر
يلس فارس و لا عطى عيون أي إهتمام
ابتدت المحاظرة و خلصت ..
ما ان خلصت حتى ابتدت عيون
عيون : مريوم ..
مريــم : لبييه
عيون : عندي لج خير بمليون دينار
مريــم : قولي
عيون : سامر !
مريــم : اممممم سامر اممم ( تودي عينها يمين و يسار )
عيون : ما عرفتيه
مريــم : لا
عيون : اوكي ... سامر .. الوسيم ... اللطيييف ( تمد الياء و تعيب ع صوت مريــم )
مريــم : لا تقولين سامر أخوج !
عيون : أي سامر أخوي
مريــم نقزت : شفيه ؟
عيون : رد من السفر
مريــم : صج
عيون : بس ...
مريــم : شنو
عيون مرة وحدة : بصير عمة مريووم
مريــم تعيبع صوت عيون الناعم : بصير عمة ( عدلت صوتها ) مب مثل حظي انتي بتصيرثين خالة .. اما انا لا .. لكن انتظر اصير عمة و تلف راسها الى فارس ..
فارس رفع راسه و ناظر مريم اخته تبتسم له و أبتسم
عيون في هذه اللحظة ذابت .. صج يوم قالوا من برى هالله هالله و من داخل يعلم الله .. ما تدري يا فارس شقد صرت اكرهك اكثر من قبل
قاطعت تفكيرها مريم : عيووون ... وسن رحتي
عيون : لا بس أشك تصيرين عمة
انتبه لها فارس و رفع عينه يبي يسمع ليش : ...............
مريــم : ليش ؟
عيون و هي توقف : ما أظن وحدة بتقبل تتزوج مغرور ( و طالعت فاري بنظرة غرور )
و مشت عنهم راحت وراها مريــم ..
اما فارس منصدم ,,
الحين انا صرت مغرور .. و الله تشوفين نفسج انتي أول .. أكرهج يا عيون
من ذكر أسم عيون .. انتفض جسمه .. ليش ينتفظ جسمي .. شفيها يعني عيون
أسم مثل كل أسامي البنات لكن ليش ينتفض جسمي لاسمها بالتحديد ..
طرد هذه الافكار من عقله و قام .. أخذ يمشي لما وصل عند بوابة الجامعة ..
لاحظ مريــم مع عيون .. سمع شوي من كلامهم
مريــم : تصدقين شوقتيني اشوف رهف حرمته
عيون : اوكي تعالي معاي
مريــم : شنو ايي معااج ؟
عيون : شفيها يعني .. بناكلج !!!
مريــم : بس ......
عيون : لا بس و لا شي .. بتيين لو أزعل عليج ؟
مريــم : اوكي ... بس ما نتأخر
عيون : اوكي
قاطعهم فارس : انا اقول لا ما تروحين
مريــم : فاارس !!
فـارس : كأنج سمعتي كلامي You will not go away
مريــم : الله يخليك فاارس
فـارس : قلت لج لا يعني لا .. بسرعة روحي سيارتج .. وردي البيت .. خلني ارد و انتي مب هناك .. تعرفين شنو يصير لج
مريــم باقي شوي و تبجي : بس هذه المرة فاارس
فـارس : لا
كمل فارس كلامه و بسرعة مريم ع سيارتها ناظر عيون شافها تناظرها بغرور .. صارت تعتبره .. مب بس مغرور .. الا اناني .. و حقير .. سخيف .. صارت كل يوم تكرهه أكثر من الي قبله ..
فارس عجبه شكل عيون و هي معصبة .. كان شكلها مررة جنان .. خدودها متوردين أكثر من اللازم .. عيونها صاروا وساع و أحلى .. شفايفها .. صاروا بلون الرمان ..
راح عنها فارس و هي باقي شوي و تحترقـ ..
خلته و ركبت سيارتها و مشتها ..
في الطريق أخذت تلفونها و دقت ع مريم تبي تعتذر منها
بس كان مقفل خلتها ع جنب و شغلت ع موسيقى هادئة و رومانسية
فارس كان في سيارته و الصدفة كان في نفس الطريق
كان مب مشغل شي .. لان اصوات برع تكفي كانت سيارته مكشوفة
و يا حليل شعره يطير مع الهوة ..
لاحظ السيارة الي يمه سيارة عيون ..
حب يشوف شكلها مرة ثانية و هي معصبة .. فقام و شمخ سيارتها ع صوب
وقفت عيون و فارس مشى ع الطريق علشان يلف ع الدوار يشوفها و هي معصبة
وصل لها كانت مسندة ظهرها ع السيارة و مرجعة راسها ع ورى
تقرب منها شوي كانت دموعها تنزل
ليش .. ليش تبجي عيون .. لا يكون انا السبب .. و الله .. و انا شلي فيها .. ( رغم انها كسرت خاطره و هي تبجي ) طقاق خلها تبجي لما تخلص دموعها .. خلاها و مشى عنها ..
ركب سيارته .. كان الفضول بيذبحه
يبي يعرف كل شي عن عيون ..
لكن ليش ؟
شفيها عيون عن كل البنات ..
المهم انا ابي اعرف كل شي عنها
بس علشان اروي فضولي
اتصل ع بشار
بشار : هلا و الله بفارس
فارس : هلا فيك و الله .. شلونك ؟
بشار : تماام ..نسأل عنكم ؟
فارس : حناا الحمدلله عايشين .. اقول بشار ... ابيك بموضوع
بشار : تفضل
فارس : لا الكلام بالتلفون ما ينفع .. اشوفك
بشار : اوكي وين ؟
فارس : ( عطاه العنوان )
بشار : خير ان شاء الله
فارس : مع السلامة
بشار : في امان الله
______
راح بشار المطعم و قلبه يضرب من الخوف
شاف فارس يالس ع طاولة من الطاولات و بنتين مفهين وهم يطالعونه
اهو اخذ يضحك ع رفيجه .. البنات يموتون عليه .. و هو ما يعطيهم ويه
المهم راح يلس ع الطاولة
بشار : السلام عليكم
فارس : و عليكم السلام
بشار : خير ؟؟
فارس : خير ان شاء الله
بشار : قول خرعتني !!
فارس : عيون
بشار انصدم : عيون ... شفيها ؟
فارس : لا ماكوا شر .. بس ابي .. يعني .. صفاتها .. أسأل
بشار : شنووو
فارس : ابي أعرف كل شي عنها
بشار : اووه بدا الاخ يحب
فارس انصدم و في نفس الوقت عصب : شنو انا احب مثل هذه .. انسانة مغرورة و شايفة نفسها ( هدا نفسه شوي ) انا ابي اروي الفضول الي ياني و بس
بشار ضحك : تصدق هذه الي تقول عنها هذا الكلام .. كنا قبل انا و سامر أخوها .. نتحدى بعض عن الي تعطيه ابتسامة أو حتى نظرة
فارس : فاضيين .. اوكي ما بتتكلم
بشار : في شنو ابتدي للحبيب
فارس عصب : تراك طلعتني عن طوري
بشار : اوكي خلاص .. عيون .. بنت و لا كل البنات .. حلوة و ...
قاطعه تلفونه
بشار : لحظة ارد ع التلفون ( في التلفون ) الو .. هلا و الله بالغالية .. احلام .. حبيبتي شفيج .. ليش تصيحين .. شنو .. متى .. لا حول و لا قوة الا بالله العلي العظيم.. خلاص حبيبتي مسحي دموعج و انا ياي .. قلت لج خلااص .. باي .. اوكي اوكي ما بتأخر .. اوكي .. الله يسلمج
و وقف بشار و اخذ يركض بسرعة الى سيارته فارس ركض وراه
فارس وصل الى بشار .. و ركب معااه السيارة . و باعداه عن المقود و هو الي أخذ يمشيها ببطأ ..
فارس : ما تقول لي الحين شنو فيك .. و وين بتروح
بشار : المستشفى
فارس مستغرب : المستشفى ؟ و عسى ما شر
بشار : عيون
فارس وقف السيارة : عيون .. شفيها ؟
بشار و صوته رايح : ما ادري .. ما ادري .. أحلام ما قالت لي شي
فارس اخذ يمشي السيارة باسرع ما عنده حتى ان بشار لاحظ هذا الشي ..لاحظ دمعة بعين فارس
ليش .. ليش .. انا فارس .. فارس .. ليش قلبي يحترق جذي عليها .. عيون .. شسويتي فيني .. ليش انا اسوي جــذي .. عـــــــيـــــــــــون[/align]

[بدوية]

مشكووره ياقلبي ع القصه الرووعه
ننتظر منج باااقي القصه بأسرع وقت ياحياتي

تحياتي لج : بدوية

[أمونه]

مشكووووره حياتي ع التكمله

ما تقصرين

قواج الله

[3boOod]

يسلموووو على القصه

وياج للنهاية :)

[ŋαŋ]

يا سلام بدا الحماس عاد .. :)

ننطر التكمله حبيبتي لا تطولين

[محبــوب القلـوب]

والحين هديت اشوي علشان قريت باقي القصة وبصراحة انا بعد اطمع بتكملة باقي القصة وماشاء الله عليج وناطرين باقي القصة وانا متابع للنهاية

[//عيون//قاتله//]

السلام عليكم ورحمة الله وبركاته



اول مشاركه عندك
بلييييييييييييييييييييييييييييييييييييييييييز كملي القصه





يعطيك العافيه
وانتظرك




تحياتي
عيون

[مهرة بلا فارس]

[align=center]مشكوره بدوية علي مرورج و علي متابعتج[/align]

[مهرة بلا فارس]

[align=center]مشكوره امونه علي مرورج و متابعتج[/align]

[مهرة بلا فارس]

[align=center]تسلم خيوو عبود علي متابعتك[/align]

[مهرة بلا فارس]

[align=center]مشكوره ريومه حياتي علي متابعتج[/align]

[مهرة بلا فارس]

[align=center]مشكور محبوب قلبوشي علي مرورك و متابعتك [/align]

[مهرة بلا فارس]

[align=center]تسلمين عيون علي مرورج و متابعتج[/align]