مناقشه للبنوتات فقط

[nawal]

سهوومه

شوفي حبيبتي

في بنات يزعلون من الحقيقه مثل صاحبتج هذي

تكون عندهم عقده نفسيه من السمنه

يعني في حريم يتمنون انهم يضعفون ويكون جسمهم رشيق

لذلك تلقينهم يعصبون ويتضايقون اذا احد قالهم انتي متنانه او صايره دبه

لان في قرارة نفسها عارفه انها سمينه لكن تمني نفسها بالرشاقه

عاد انتي لاتصيرين نحيسه وتفترين جدامها تحرينها


لووووول


ياختي ارقي نفسج ترى والله العين تصيب

والله يكون بعونها الظاهر حيل متعقده صاحبتج

[،، سهم الغلا ،،]

والله ضحكتني

ياحليلناا يالبنات

[mshtaga]

المتن والضعف مسبب مشكله للبنات خاصه

المتينه ودها تصير ضعيفه

والضيعف مثلي ودها تصير متينه

عاد انا هالصيف اقول لخواتي بسوي حمله عشان امتن شوي مو واجد

لاني نازله 5 كيلو مدري من شنو

حتى ملابسي والله والله كبروا علي

بس شكلي بنزل 5 كيلو زياده من الحر والصيفي

الله يهداهم كلياتنا قاعاتنا حيل بعيده

ونتعب على مانوصل

ان شاء الله اذا زدت اعلمكم لوووووول

[nawal]

مشتاقه


ومنج نستفيد خيتو

تسلمين

[nawal]

في موضوع شاغلني ودي اعرف رايكم فيه



لوتقدم لج واحد اصغر منج في العمر .. هل تقبلين فيه؟


بصراحه انا لا .. احس فشله ماقدر اطلع معاه

ولا اقدر اواجه الناس .. لان الناس يعيبون سواء جدامج او من وراج


انتو شرايكم ؟ فشله صح

[عازفة الناي]

حلوةةةةةةةةةةةة يانوال طرحج تصدقن ان البنت اللي تتزوج اصغر منها صارت موضة اعرف وحدة من جارتنا مدرسة عمرة 46 سنة تصدقين انها تزوجت ولد عمرة 28 سنة حارس امين انا من ناحيتي عادي لاني الرسول علية الصلاة والسلام تزوج خديجة وعمرها 45 سنة يعني من ناحيتي ازي
تقبلي مروري

همسة...
كل الاعضاء ينتقدون بردودي مادري لية ان شالله ما تنقديني حبيبتي
تقلبو تحياتيــــــــــ

[،، سهم الغلا ،،]

هههههههههههه

لا بنت ابوهاا
عزيزه وغااليه فديتج



والله انا عندي فشله الصراحه
لكن اذا حدني الزمن ووصلت 35 وللحين الفارس المقوار ماشرف
لا والله اوافق واناا مغمضه
بس لازم يكون اطول مني >>فيني عقده من القصر


طيب بنات لو انت بعمر 24 وجا خطبج واحد عمره 45 وكامل ماشاء الله عليه مركز وسمعه وعايله ونعم فيهاا ويحبببببببببج

تواافقين ..؟؟

[nawal]

بنت ابوها

حلت دنياج حبيبتي


اي والله صارت موضه

موبس انتي جارتكم متزوجه واحد اصغر منها لا

حتى انا اعرف وحده متزوجه واحد نفس عمري تخيلي بناتها يستحون يقولون امنا متزوجه

صحيح ان الرسول صلى الله عليه وسلم تزوج بالسيده خديجه رضي الله عنها وارضاها

ولكن في زمننا غير صارت الوحده تجاهر وتفتخر انها متزوجه صغير


بصراحه فشله اتزوج واحد كبر ولدي او بنتي ههههه


بالعكس حبيبتي قولي اللي تبين محد ينقد عليج لان كل واحد واسلوبه وطريقته وتربيته


سهوومه

والله لويوصل عمري مليون ماتزوج اصغر مني لوكان اطول مني استحي هههههه

المهم الله يرزقج بولد الحلال اللي يقدرج

وبصراحه عمر 45 قمة النضوج والعقل والرزانه

اذا تقدم واحد بهالعمر اوافق عليه لانه صاحب تجربه وعقله ناضج

يكفي انه يدللني مايعل قلبي مثل ابو 22 سنه

[،، سهم الغلا ،،]

يوووووووووووووويلي
من صجج
نوااااااااااال
هذا يعيش معاي 10 سنوات وتنتهي صلاحيته

واكون انا بقمة انوثتي 34
لايبه من صجج

وبعدين ياحبيبتي اشفيه الرجال الطوويل
حلات الرجال بطووله وسمااره

[nawal]

ليش ياويلج !!!


اول شي الاعمار بيد الله سبحانه

يعني مايندرى من يموت قبل الثاني

بعدين ياحبيبتي صدقيني الرجل الكبير بالعمر يفهم والله

احسن من الصغير تلقينه متسرع ومايعجبه العجب

بس الكبير كلمه حلوه ترضيه

وبعدين تقدرين تدلعين عليه وطلباتج مجابه يعني فلوسه جاهزه مايقولج من وين اجيب لج !

لكن ياختي الصغير يقعد يتعذر وتلقين عينه زايغه على فلانه وعلانه

بعدين الطول حلو احسن من القزم

ماقلت شي بس قصدي اصغر مني وطويل احس فشله

> مومتخيله الموقف

امممممم

قولي الصج ليش سألتي هالسؤال ؟؟

[،، سهم الغلا ،،]

لا لا لا لا
انا مو معاج بهالنقطه
نوااال

انا ماقصدت انه يموت
لا انا قصدي افكاره تتغير خلاص
تتغير توجهاته في الحياه


وبعدين حبيبتي
اشفيه الشااب بالعكس واحد بسني افكاره نفس افكاري متطلباته وميوله متشابه لي
ياختي حتى لو كان عيشته على قده بس المهم واحد مقارب لسني
واذا خذاني ابد ابد ازهليه ماراح يطلع بغيري
<<< ياشين الثقه




بس قولي امين

الله يرزقني بواحد :
ملياردير
وعنده فله على البحر
وسياته بي ام دبيو للفتره المسائيه
مرسيدس للفتره الصباحيه
رزرايز للتمشي
تاهو للكشتات
وكل 3 شهور بديره

وطووووووووووووويل
واسمرررررررر
ويشبه
الوسمي
يبوووووووووووووووووووووووووووي

[nawal]

سهومه

آمين آمين آمين

يرزقج بذاك الولد اللي مامثله أحد

بالجمال والدلال والغناء > غني والغني الله سبحانه


تصدقين لوعلينا احنا جان اخترنا نصيبنا

لكن النصيب من ربج سبحانه

عاد تدرين والله انا وحده مافكر بالزواج نهائيا

توبه من دي النوبه على قولة المصريات

تجربه وراحت الله لا يعيدها

ترى الزواج حلو اذا صار في تفاهم

بس واحد يعل قلبج ويزهقج حياتج

عدم وجوده ابرك

الحريه حلوه مثل ماقالت اوراد

تطلع وتقززز وتسافر وتنام على راحتها


صح اوراد؟!

[mshtaga]

سهم

الله يرزقج بالولد الصالح

صدقيني مو كل واحد تتمنينه يجيج

القدر مكتوب ونصيبج بيجيج

واحيانا يجيج واحد تقولين انا اشلون اختاره هذا مو اللي ببالي ومو مستواي بس هذا النصيب

بالنسبه لي والله مدري اشلون وافقت يوم جاني نصيبي

بس سبحان الله توافقين بسرعه لانه هذا اللي مكتوب لج وبالنهايه مصيرنا الزواج واهم شي الاخلاق والدين


الله يوفقكم ان شاء الله ويستر عليكم

[،، سهم الغلا ،،]

لا الحمدلله
مشتاقه
انا في بالي مواصفات معينه
مستحيل اتنازل عنهااا
وان شاء الله يرزقني
بفارس احلامي اللي فووق
قولوا
آآآآآآآآآآآآآآآآآآآآآآآآمــــــــــين

[nawal]

مشتاقه

صح نصيب وكل وحده فينا تاخذ نصيبها

يايطلع هالزوج طيب على مانبي او يطلع شرير واناني :(

بس شنقول غير قدر الله وماشاء فعل


سهومه

الله يعطيج على قد نيتج

بس اذا صار لج نصيب عزمينا على العرس مو تسحبين علينا

ترى ملابس العرس من الحين عليج

لووول


اوراد

خلج شاهده ترى انا وانتي وكل البنات معزومين بعرس سهومه

الصالون والفساتين حتى السياره اللي تودينا العرس من عندها

ونقرصها بركبتها علشان نلحقها بجمعتها > على قولة المصاروه

بعدين نقعد جمب الحيطه ونسمع الزيطه

لووووووول

الله يسهل امورها واموركم يارب