مناقشه للبنوتات فقط

[nawal]

بنت ابوها

اخترعت بصراحه عبالي شرط صعب

لكن طالما هذه شروط " الوالده " الله يشفيها ويعافيها .. سويها ولاتقولين ماقدر وتتأففين

دام عرفتي غلاتج عندها .. ريحيها في الدنيا ونفذي شروطها حبيبتي

ترى الام مهما سوت مانطلع من جزاها

ادري فيج بنت عاقله وباره فيها ..

بصراحه انا سعيده جدا من هذي الاخبار الحلوه

وربي يوفقج دنيا ولآخره

[،، سهم الغلا ،،]

بالعكس
شرووط حلووه
ولمصلحتج


بالتووفيق

[عازفة الناي]

شكرررررررررررا خواتي جزاكم الف خير الله لايحرمكم من اعز ناسكم ولا يحرمكم من الجنة ورويتة الله سبحانة وتعالي وان شالله عن قريب راح اروح مكة ودعيلكم عند الطواف والسعي ان الله يوفقكم ويعطيكم علي قد نيتكم وشهاد ري العالمين بغلاتكم عندي وما يدري بسرار العباد غير رب العباد

تقبلو مروري ........

[nawal]

بنت أبوهاااا


أمين

وجزاج الله خير على هذا الدعاء


يابختج تبين تروحين مكه المكرمه وتشوفين الكعبه المشرفه

الله

ودي أكون معاك بصراحه كلي شوق لزيارتها

عسى ربي يتقبل منج قولي آمين

[*نجمه بسما عالي]

الله يرزقنا شوفة مكه
بنت ابوها تروحين وتردين بسلامه اعيلي ان الله يبعد عني شر نفوس خلق الله

[*نجمه بسما عالي]

خلوني اللحين اقولكم مشكلتي وان شاء الله تساعدوني
انا اختكم نجمه اعاني من مشكله غريبه شنو هي؟
اني انا جمييله انا ما اقصد اني امدح بروحي بس انا الله رزقني بجمال صنته بستري ونقابي >> احمد الله على الخلق الحسن
المهم ويين مشكلتج يا نجمه؟؟
مشكله بجماعتي واهلي
بنات جماعتي واجد يغاروون واكثرهم كارهيني مع اني انا ما اكره احد
ةلا فيني صفة الغرور بالعكس انا احب ارسم واجد اني ارسم بسمه بوجه غيري
لما اقعد بين البنات تشوفونهم يطالعوني وهم كلهم حقد وغييره احاول اطنشهم ومرات اخاف منهم
يحاولون دائما انهم يمسكون علي زله او الغلط
لاني انا لما اقعد مع الحرييم احول صااامت جذي استحي منهم
واللحين انا حابس نفسي بالبيت لا اطلع ولا شي ولا ازور اهلنا
كله بسبب اني ما ابيهم يكرهوني

هاا وشرايكم بمشكلتي شسوي انا اللحين والله انا احب الجمعات وضحك وفرفشه ويمكن لاحظتم علي
بس هذا الشي قاعد يموت فيني شويه شويه

انا قلت مشكلتي وابي رايكم
تانكيووووووووو

[nawal]

نجمه

ياهلا ومرحبا

نورتينا يالغاليه

ان شاء الله انا وبقية الأخوات نشارك في حل مشكلتج

اولا

في بعض البنات يغارون من الجميله وذلك لنقص الجمال عندهم

يبدأون في الأقاويل والغيره والإبتعاد عنها مثل ماحصل معك

يمكن تصرفاتج اوحت لهم هالشي بس الأكيد إنج ماتقصدين

الصمت احيانا يفسر انه غرور

وللاسف بعض الاهل والجماعه والحريم بالذات عندهم صفة ( النميمه والحش)

اذا مايحشون بالوحده مايرتاحون

طالما انتي واثقه من نفسج وحافظتها وصاينتها ماعليج من احد

لكن بنفس الوقت حاولي تتقربين منهم وتجلسين معاهم

حتى لوشاهدتي نظره منهم تغافلي عنها وابدي انت الحوار معهم

مثلا :: انتي شاطره في الرسم

حاولي ترسمين احداهن وتبدين لها اعجابج فيها

او تعطينها القلم وتخلينها ترسم كـ بدايه لجر حوار معها وتقريبها منك

اذا جاءو اليكم اجلسي معهم ورحبي بهم حتى لو استغربو التصرف منك

قولي لهم :: علشان ماتقولون عني مغروره > وضحكي معاهم

بس اعتقد الغيره يمكن لان رجال العائله او الاهل جماعتك يمدحونك امامهم

ويغارون البنات منج :)

[*نجمه بسما عالي]

بس اعتقد الغيره يمكن لان رجال العائله او الاهل جماعتك يمدحونك امامهم

ويغارون البنات منج :)

هذي هي اساس المشكله
والله يا نوال انا ما قصرت معاهم انا كنت ازورهم واقدرهم بس ما كانوا يزوروني
انا ماني مغرور بالعكس اصلا انا ما احب الغرور واذا ابتدعت الغرور فانا ابينها غشمره
وفعلا ان رجاجيل يمدحوني قدام البنات وهو السبب الي خلى البنات يكرهوني
مع انهم يدرون اني انا ما يهمني موضوع مدح رجاجيل
ع العموم تانكيوو نوال خليتني افضفض شوي

[nawal]

نجمه

فضفضي حبيبتي وقولي اي شي تبينه

الانسان احيانا يحتاج من يفضفض له

كنت عارفه ان الغيره بسبب مدح الرجال لجمالك وحسن اخلاقك

تدرين ليش

لان حصل معاي نفس ماحصل معك بس من أقرب الناس لي وليس من قريباتي

تخيلي ان اختي تغار على زوجها مني لانه دائما يمدحني امامها

وكثير من النساء تغار مني حتى في مجال عملي

مع العلم اني حبوبه مع الكل ولست مغروره ابدا

لكن ليس مشكلتك او مشكلتي ان الله سبحانه وتعالى

وهبنا من جماله وحسنه وحرمها على غيرنا حتى يغارون !

على كل حال

لاتهتمي لاحد منهم طالما انتي واثقه من نفسك



حياك الله الساعه المباركه

[*نجمه بسما عالي]

هههه
يا حليلي حسبي بروحي عندي هذي مشكله
بس صراحه احس اختج ما تلام يعني زوجها يمدح اختها صعب شوي
والله ما ادري شسوي
يلاا الله يعين
يا عني شنسوي اذا الله رزقنا جمال الوجه وجمال النفس >>وهذي تقول انها مو مغروره>>هههههه اتغشمر
تانكيووو نوال

[موسيقيه حساسه]

اولاً .. احب أشكر الاخت نوال عالموضوع الجميل

الي يفيد في اكتساب خبرات من تجارب الآخرين

موضوع في رائع يعطيج العافيه و ما قصرتي

وللأسف اني وصلت متأخره ..

بس ان شاءالله هالشئ ما يمنع التواصل معاكمـ :)

[موسيقيه حساسه]

بالنسبه لموضوعج نجما حبيبتي ..

الغيره شي موجود بقلب كل امرأه و مو شئ غريب ..

لا تيأسين ولا تقنعين نفسج بالاسباب هاذي انهمـ يكرهونج ويغارون

فكري بشكل ايجابي و لا تموت فيج روحج الحلوه .. لا تحطين جمالج اهو السبب

الوحيد الي ينظرون له .و لا تكتفين الخوف من ردة فعلهمـ والصمت .

اتمنى انج تحاولين معاهمـ وما تيأسين منهمـ .. في الف طريقه تخلينهمـ يحبونج

حاولي تتقربين منهمـ .. ترا الكلمه الطبيه و الضحكه مفتاح يدخلج لقلوبهمـ ..

حتى لو ما تقبلوا انتي سويتي الي عليج ما راح يكون لج ذنب بشئ ..

اتمنى انج تتقبلين نصيحتي المتواضعه ..

مع خالص حبي وتقديري

اختج .. موسيقيه

[nawal]

هههه
يا حليلي حسبي بروحي عندي هذي مشكله
بس صراحه احس اختج ما تلام يعني زوجها يمدح اختها صعب شوي
والله ما ادري شسوي
يلاا الله يعين
يا عني شنسوي اذا الله رزقنا جمال الوجه وجمال النفس >>وهذي تقول انها مو مغروره>>هههههه اتغشمر
تانكيووو نوال

مو بروحج عندها نفس المشكله ترى كثير يعانون منها

اختي غيوره تغار عليه حتى من الهوى

و زوجها طيب بالعكس مايمدحني ان يغيضها بس يقولها صيري مثل نوال

جذي تغار مع انها جميله جدا لكن الغيره مشكله

وكثير كلمتها قلتها انتي ليش تغارين مني ترى عيب

قالت ليش يقولي صيري مثلها وبعدين ليش يضحك معاج ويتغشمر

وانا مايضحك معاي قلت لها لانج منكده عيشته الريال زهق

طبعا قلتها على ضحك

القصد حبيبتي ان الغيره ممكن تكون من اي شي عندج مو عند غيرج

وتقريبا مثل الحسد المغلف بالغيره


لاتسوين شي وقولي الحمد الله الذي خلقني بأجمل صوره وعافاني من كل مرض

حمدي ربج على النعمه اللي انتي فيها لان النعمه زواله

ادري تتغشمرين ياقلبي وعسى الفرحه ماتفارقج

[nawal]

اولاً .. احب أشكر الاخت نوال عالموضوع الجميل

الي يفيد في اكتساب خبرات من تجارب الآخرين

موضوع في رائع يعطيج العافيه و ما قصرتي

وللأسف اني وصلت متأخره ..

بس ان شاءالله هالشئ ما يمنع التواصل معاكمـ :)

حياج الله عزيزه وغاليه

نتشرف فيج حبيبتي

بالعكس مابينا أسف والبيت بيتج :)


والله يالغاليه انا ودي الكل يشارك ونفضفض مع بعض

على الاقل نتخلص من هالروتين الملل

تواصلج يسعدني بلاشك

الله والنبي محيييج

[*نجمه بسما عالي]

موسيقيه حساسه تانكيووو على نصيحه
وان شاء الله والله اني قاعده احاول
نوال تانكيوو على نصيحتج