دردشة صباحية ومسائية

[اقوش]

مســـــــــــاء الخيــــــــــــــــــــر
شلونكم شخباركم انشالله بخير
انا كل مادخل الدردشة مالقا فيها حد مادري شهالخظ
المهم وحشتوني شلونكم لؤلؤة البحار ودايمون اوف دارك واقوش وسهااااالات
انا هاليومين تعبانه صخونه واحتقان الظاهر من العفسة اللي صارت في الجو اليومين اللي فاتو
مادري وصلتكم هالعفسة في الجو اللي جاتنا ولا بس عندنا
<<<<<<<<< محد يبي يجيب لي ورد على سلامتي؟؟

اول اشي سلامتج منطوق قلبي واجر وعافية

عاد ودي ادز ورد بس المنتدي مافية !!

ليش مادري

عودة لدردشة

ولنا عودة

[Demon of Dark]

السلام عليكم

ماتشوف شر سهالاااات وحمدلله ع سلامتك

واخباركم كلكم عساكم بخير

متابعه

:)

<=== في ناس تعبانه وتبي تتهاوش بس مو عارفين
ام كرشه اوكي


....

[اقوش]

اسعد الله مسائكم

مع الغيوم السوداء الكثيفه

وزخات المطر بين الفينه والاخرى << والله ولا ادرى شن يعنى الفينه

ومع هذا المساء الممطر الجميل

ابشركم انى سهران من امس <<< أمحق بشاره

أأيه سهران وطربان

يعنى بصراحه هذا جو احد ينام فيه

انتوا ناموا نوم العوافى وتلحفوا عدل

انا بكون العين الساهره

فى شغله ثانيه

ايه

وصلنى مسج من صديق عزيز يتشرّه ويقول

صار لى اسبوع مسافر ولا تتصل ولا تسأل

والشاهد انى اذا سافرت او انى يعنى يصير لى مده ما اشوفه

يتصل ابن الحلال ويسأل ويقول وينك

عاد انا ضفعه ما اتصل ولا اسال

ويقول تدرى انى مسافر ولا تتصل

تبون الصج والله احرجنى وقعد يشرح لى شلون انا مو خوش ولد

انزين انا انسى والله

تعرفون الكبر شين

والله شنو امر بحالات فقدان الذاكره

مرّه من المرات كنت مسيّر على واحد من الربع بداونيته

<< اكيد بداونيته يعنى بيقعدكم بالمطبخ

لا اقول يعنى بالدوانيه

المهم

وطلعت مع رفيجى بنروح مشوار وخليت سيارتى

عاد مشوارنا طول لساعات الصباح الاولى

وودانى لبيتنا ونزلت ودشيت البيت

ولمن قمت من باجر العصر بطلع مادرى وين كنت بروح

واطالع بالسيارات جدام بيتنا

ادوّر سيارتى ما لقيتها

يعنى هذه سياره بابا << ياروح بابا

وهؤلاء سيارات اخوانى << هؤلاء ؟ اللهم طولك ياروح

وهذه سياره ماما

امى سيارتها هوندا

امى ناظره مدرسه

تودينى لمدرستى وانا ممشط القذله جدام ومسكر زرارى اللى فوق

ليش احنا قبل اذا شفنا واحد أمه والا اخته توصله للمدرسه

نضحك عليه واهو مسكين ينحرج

والله احنا مو صاحين

المهم شنو كنا نسولف والله نسيت

<< عن سيارتك انت ووجهك

ايه

صح

وادور سيارتى الماى باخ <<< ياصبر ايوب

انزين انزين

وما لقيتهااااااااااااااااااا

وين سيارتىىىىىىىىىىى

المفتاح معاى بس السياره وينها

واركب مع اخوى وندش المخفر

واقولهم سيارتى انسرقت من جدام باب البيت

ويقعد يتمطط الضابط ووين ومادرى شنو

شنو بارد

الضابط اعرفه من ايام الثانويه

كنت اكفخه

بس من حط النجمه واهو عايش الدور

المهم والا تلفونى يرن

والا رفيجى اللى معزوم عنده امس

واجاوبه والا يقول شخبارك عسى ما شر

قلت يمكن شايفنى وانا داش المخفر

عاد انا مو راعى مخافر كلش ترى <<< كل مخفر بالكويت فاتحين له ملف

قلت سلامتك ماكو شى

قال سيارتك عندنا من امس ويوم شفتها قلت يمكن خربانه

اهنيه تذكرت السالفه كلها

واقول لاخوى يلا مشينا

ونطلع من المخفر ونروح بيت رفيجى

والا هذه سيارتى حبيبتى فديتها واقفه بكل استحياء عند سيارات بيت رفيجى

وسياراتهم يتحرشون بسيارتى واهى خجلانه ومنزله دعاميتها الى جدام

فيه جيب لا ندكروز حقير يبى يرقمها

<<< لا لا موصاحى

واقوم اشغلها وابوسها وقلت ما عليه حبيبتى

اوعدج مره ثانيه ما اتركج ولا اتخلى عنج ياعمرى

والحين مادرى شنو اللى طرّى هالموضوع

انا اتذكر كنت اسولف عن جمال المساء والغيوم

وفى بالى موضوع بسولف فيه بس شنو

هذه المصيبه

النسيان

تدرون ساعات الواحد يمر بحاله فقدان ذاكره

اتذكر كنت رايح لرفيجى بالدوانيه

<< اكيد بالدوانيه يعنى بيقعدكم فوق السطح

وبعدين طلعت مع رفيجى وخليت سيارتى عند بيت رفيجى

ورحنا <<<<< بس بس ترى توك قايل هالسالفه

انزين

شنو الموضوع الاساسى اللى كنت بسولف فيه

عاد اذا سهران جذيه اقوم اقط خيط وخيط

والله تبون الصج فينى سوالف

بس مادرى شنو بسولف عنه

[Demon of Dark]

اي جنك قاص علينا السالفه قلتها قبل

والله صدقت تاثير السهر
خفف منه لا يصير فيك شي

متابعه

:)

اي صباح - مساء الخير

واحنا زينين بس خفف سهر

...

بنتظار دردشتك

...

[ســهـالااااات]

اقووووووووش والله ما فهمت شي من الي قلته يخوك صدعت راسي

لا لا انت وضعك ما يطمن الظاهر بكنسل الجلسه السريه الي بيني وبينك


ما ادري شفيني اليوم فاصل على اغنية

لو قتلك حبيبي عيني فدوه ويا اهل الحسد ابتلي بلوه

والله الدنيا من غيرك ما تسوا فدوه فدوه فدوه
فدوه يا عزيز العيم فدوه

خخخخخخخخخخخخخخخخخخخخخخخخ

دم جكجك دم جك

المووووووووووووووهييييييييييييم
لما تصحصح يا اقوش بعزمك

نقعد مكان نشرب قهوة بس ما نشيش لاني صارلي فترة قاطعها

تدري نادي وسوالف الي يسمعني يقول صارلي سنه وست اشهر داش النادي

على قولة صباح النادي

منطوق قلبي

هلا خيتي هلا باهل قطر هلا بالدولة الي دورياتهم مارشلاقو مو احنه حدنا فورد وبي ام خخخخخ

لؤلؤة البحار شلونج شخبارج وتستاهلين الاشراف والله ان كبر راسج يا ويلج

اسوي حملة ضدج ونطيحج من الاشراف خخخخخخخخخخخخ

اقوش حط بالك ترا طردتنا سهااااالاااااااات في مشرفه معانا

نسيييييييييييييت منطوووووووووق قلبي

ما تشوفين شر يالغاليه وسلامتج خيتي وتقومين بالسلامه انشالله

راح اخلي الوالده تسويلج شوربه وادزها لج قطر

اذا وصلت بارده سخنيها اوكي

ام كرشه يالبطه ديموووووووووووووووووووون

شلونج ما سيستر ار يو فاين اور نوت خخخخخخخ

تحيات من سهالات

لنا عوده باذن الله

[ســهـالااااات]

خخخخخخخخخخخخ

بدليه بدليه

العين=== العيم

[@منطوق قلبي@]

الله يسلمكم يالغالين
خلاص اقوش بعتبر الورد وصل
ومشكور أخوي سهااااالات الشوربة ماوصل منها الا نقطتين
ومثلجه بعد يعني شاسوي الحين خاطري فيها
مافي الا انك تعزمني خخخخخخخخخخخ

[ســهـالااااات]

خخخخخخخخخخخخخخخخخخخخخخخخخخخخخخخخخخخخ

زين وعزمتج انتي بقطر وانا بالكويت

عندي حل ادزلج الشوربه بصارووخ خخخخخخخخخخخخخخخخخخخخخ

حياج ربي خيتي

وينه هذا باط جبدي

[@منطوق قلبي@]

هلااااااااااااا سهااااااالات عادي يصير تعزمني لاني جاية الكويت شهر 5
<<<<<<<<<<<< اطه وجهه االاخت
الا اقوش شسالفته مايبين انا مفتقدته ليكون يتغلى علينا

[@منطوق قلبي@]

مادري شفيني قمت اقط بدليات خخخخخخخ

قاطه وجها الاخت الظاهر تأثير الصخونه

[ســهـالااااات]

خخخخخخخخخخخخخخخخخخخخخخخخخخ

هلا بج يوم جيتي وتعنيتي

بتنور الكويت وربي وزيارتج عالعين والراس

شوفي انا بسوي اجتماع حول هالموضوع وبكلم اقوش

انا اعزمج واهو يعزم ام كرشه خخخخخخخخ ديمووووووون البطه

ولؤلؤة البحار يلا ما عليه نتكفل فيها تستاهل

هذي مشرفه بعد يمكن تفيدنا بيوم من الايام خخخخخخخخخ نعزمها على شاهي على قولتهم

ها بشري منطوق قلبي ما خفت الصخونه

شربي اشياء حارة جاي حليب زنجبيل ولو انه ما يصير بالصيف مو شي

وصيت امي تسويلج شوربه وانشالله وصلت بس

وحطي بالج لا تاكلين برد يا ويلج خخخخخخخخخخخخخخخخخ

في وحده كلما اتذكر كرشتها اموووووووووووت ضحك كاااااااااااااااك

طافكم اليوم مطر برق رغد رياح اعاصير اليوم اربع فصول تجمعت بيوم واحد

والله اشوف الصواعق بعيني تنزل منظر رهيب رووووووووووووووووعه

واطل من دريشتي جدامي مدرسة متوسطه الطلاب مستانسين

يركضون بالمطر يصارخون والاساتذه يلا يابني ادخل ادخل خخخخخخخخخخخ

وهذيل منحاشين يغنون ومستانسين بالمطر ايييييييييه ايام والله حلوه

تمنيت روحي بينهم اعرجبهم اطيحهم على الماي

ونااااااااااسه مقالب بالاستاذيه اييييييييه ذكريات راحت الحين وين الشيب ترس راسي

كح كح كح كح احمممم

تحيات من سهالات

لنا عوده

[@منطوق قلبي@]

هلا وغلى سهااااااات اخبارك..
ابشرك الشوربة اوصلت وتسلم يد الوالده ..
ومشكوووور على العزيمة اهم شي تتفقون أنت واقوش
الحمدالله الصخونه خفت هذا كلة من هالجو اربع فصول في يوم واحد
على قولتك احنا اليوم الجو عندنا عجيييييب من المغرب لين الحين مطر
وفاتحه الدريشة ومطفية الليتات وصوت المطر حلووووووو
صج الجو روووووعه جان زين كل يوم جذي الجووو
ألا اقوش وينه ماله حس وحشنا بسك تغلي

متابعـــــــــــــة

تحياااااااااااااااااتي

@ منطوق قلبي@

[Demon of Dark]

قوه

اخباركم عساكم بخير

اقول سهالاااات شفيك
كرشه بطه احسن من العصاقيل
<=== كلمة سلامااات قبل جم يوم مالي شغل

و ماتشوفين شر خيتو اجر وعافيه

متابعه

:)

[@منطوق قلبي@]

مساااااااء الخير
اخباركم شفيكم هاجرين الدردشه:icon_cry:
تسلمين فديتج انتي شخبارج تحملي تسوين مثلهم وتقطعين
لؤلؤة البحاااااار شلونج حبيبتي وحشتيني وااااايد
أقوش وينك انت من اختفيت الربع قامو يختفون واحد ورا الثاني
سهاااالات وينك خلاص هونت مابي العزيمة بس ارجع
متاااابعة
تحياااتي @منطوق قلبي@

[ســهـالااااات]

موجود يا خيتي موجود

ما عليه بس ظروف الانسان وما تفعل

انشالله ما راح نخليج بروحج بابا ادري انتي ما تحبين الظلمه خخخخخخخخخخ

هلا بج خيتي منطوق قلبي

تسلمين عالسؤال زين في احد يسال عني ما ادري شفيهم الناس

قاطعين ما يسالون احم كح كح كح تو تو شكلي طحت مريض

لؤلؤة البحار شلونج خيتي طمنينه عنج

ام كرشه يالبطوووووووووطه ديمون اوف دارك اخبارج غلاي شمسويه

وينكم لكم وحشه <<======== اقوش يالغالي اخبارك حبيب قلب سهالات

طمني عليك لك وحشه ومشتاقين لك

بصراحه احترت ويا جو الكويت يعني ما عرفناله

اول امس مطر وبرد وبعده الصبح حر والعصر غبار ومطر خفيف وبليل هوا عالي

اليوم الصبح الجو ها لكم عليه شي ومو شي جك بوم العصر ردت غبره وهوا عالي

يا ربي اربع فصول بيوم واحد حكمتك يارب

طبعا اكيد سمعتوا بمكائن الخياطه القديمه النوعيه الالمانيه نو مسنجر

هالمكينه طلعت اخبار تقول انها تحتوي على الذهب ومرة تحتوي على اليورانيو

بس الخبر الاكيد انها تحمل الزئبق الاحمر وعند وضع جهاز النقال مقابل الابره يختفي سيرفس

الجهاز والنوع الاصلي هو الالماني واكثر الي يشترونها اييون من السعوديه

بالبدايه ما صدقت لكن من شفت بعيني انصدمت وهم يسوون مزاد على المكينه

يعني كانت ما تسوا بيزه بدينارين محد يشتريها وصلت 400 و500 دينار

شي غريب واخبار يديده تقول وصل سعرها لي 25 الف ريال سعودي والعلم عند الله

دمتم بود

اموااااااااااااااااااااااااااااه حق اقوش بس ما يصير بنات خخخخخخخخخخخخخخخ

تحيااااااااااتي