دردشة صباحية ومسائية

[Demon of Dark]

صباح الخير

اخباركم عساكم مرتاحين


متابعه

...

[بـوآقـي جـرح]

!!!!
!!!
!!
!

[Mr : 3La Ra7tk]

\

كان به شيٍّ عليّه قالبكـ..
بطلبك حاجة اذا خلّيتني،
لا نويت تحبّ غيري طالبكـ..
لا تحبّه كثر ماحبّيتني،،!!

[،، سهم الغلا ،،]

يااصبااح الانوار ..

شلووونكم ..؟؟

[BiB BiB]

أريش .. أريش .. أريش .. مـا مـركـم

فتنة ٍ تمشي على القاعـي .. يفطـر الصايـم وينويهـا

لو تطالع روس الاصباعي .. يسلم الكافر علـى يديهـا

[ســهـالااااات]

هالله هالله

متابع

[هتلر المدينه]

هااااااااااااااااااااااااااااي ياحلووووووووووووووووووووين

كيفكم شخباااااااااااااااااااركم عسااااااااااااااكم بخير

صباااااااااااااااح الخير ع الجميع

[اريش العين]

هل جرب احدكم الفَقر يوماً..؟

[اريش العين]

يٌجبروننـا بـ التواصل..

وهٌم مٌبتعدون عنـا ..


ونسعـى .. ونسلك درباً طويلاً لـهم.. ولأجلهم..



وعندمـا . وجدنـاهم.. نكرونـا .


: (



فعلاً
قال صلى الله عليه وسلم..( من حسن اسلام المرء تركـه مالا يعنـــيه )


اٌسجـل .. انسحـابي.. بـ عذر

[اقوش]

مرحبا

شخباركم !

اشفيكم قالبين الدردشة دكان

والله مااقدر ارد علي اي عضو لان مافية افكار مترابطة

وحياكم الله

شبسولف فية تدرون صارلي هاليومين اهتمام بالكورة بمحض الصدفة

لان عندي صديق خاص كل يوم قاضبني وموديني للملعب لمشاهدة كاس الامير

عاد بدردش عن الكورة

المهم قعدت الصبح لبست وتريقت وكشخت وتعطرت

وركبت سيارتي

حاله الجو حلوة

والنفسيه احلي

قلت اشغل الاف أم واسمع شكو ماكو

وانا اشغل الراديو تمنيت اسمع دخلك ياطير الوروار لفيروز

والا نسّم علينا الهوى لانى خصوصا هالوقت انتشى لذيج الاغانى

المهم

والا المذيعه مادرى شنو اسمها

تقول يهددّ والمنتخب الكويتى مهدّد

والتهديد وهددّوه

يعنى تعرفون واحد قايم بهالصباح الجميل

ما يستوعب بسرعه

المهم

اثاري السالفه ان فى امطار غزيره فى عمان واحتمال يأجلون المباراه

يعنى ان الجو يهدد بتأجيل المباراه

عفستنا هالمذيعه الخبله على الصبح

يعنى اخرتها كره قدم

وتقوم حضرتها المذيعه تحلل المستوى الفنى لاداء المنتخب الكويتى

وتعال اضحك

مشكلتنا بالكويت الكل فاهم والكل متخصص بكل شى لأى شى فى أى شى

تقول حضرتها ان مستوى المنتخب يذكرنا بالعصر الذهبى للكره الكويتيه

والكاس كويتى وتروح تحلل حضرتها وانا واقف عند الاشاره مرتفع ضغطى

كانت تراودنى نفسى احطه على المارينا بس خفت تطلع لى اغنيه اجنبيه

ومتردد وحالتى حاله ومرتبك وعرقى وارتجف : ياربى احطه على المارينا والا لا !!

والناس نزلت من سياراتها ووقفوا جدامى ويصرخون : لا لا يا اقوش لا لا

وانا ايدى تمتد للمؤشر اغيّره ولا لأ

والناس سوّت مظاهرات جدام سيارتى ورافعين لافتات لا يااقوش

وبالروح بالدم والحريم قاموا يصارخون وقطّوا نقاباتهم وشيالهم وفرّعوا

ووحده تاخذ تراب بوجه العدو وتحطه على شعرهاااا

واثنين يضمّون بعض ويبجووون

ومطوّع قام يصلى ركعتين ويطّلب << يطلب الله ويدعى

وبنت جاتها هيستيريا وتطق نفسها وتجر شعرها والناس تهديّها

جان اتخذ قرار واقول خلاص ما راح احطه على المارينا

الناس تبارك لبعضها ويحبون بعض ويضحكون وعم السلام المدينه

وراحوا

وانا قعدت مع المذيعه الللى تحلل مستوى الكويت الفنى

اخر شى قالت بالتوفيق لمنتخبنا

وقامت حطت اغنيه رياضيه يغنيها واحد شكل صوته توه طالع من السجن

الظاهر وانا ما احط بذمتى شى بصراحه

الاغنيه تقول فى مطلعها : امّوفق يا منتخبنا

والله وانا على الخط السريع مغطى ويهى وانا اضحك

لأن مو ماسك التلفون واسولف الناس بتعذرنى

ولا سمّاعه موجوده باذنى

اموّفق يا منتخبنا والكاس لك يا بطل وانت راعيها ومادرى شنو

وكلمات ركيكه ولحن بارد واداء باهت

واللى اردى منه بشار الشطى يكون طالع باغنيه رياضيه الحين

ويه شكبره ويتمايل مع حنجه ويقول : يا منتخبنا ما يهزك جبل

يعنى واحد مايع يتنهوص ويمّد كلمه الجبل جذيه : يا جــــــــــبــــــــل بصوت نعومى

شنو هذا ؟

وين اغانى قبل وحلاوه اغانى قبل

وين اغنيه هيدووو اور كمل لفلى كمل

المهم رفعوا ضغطى

واقوم واحطه على المارينا والا اغنيه اجنبيه

يعنى الحين كلش ترى احنا امريكان

تدرون خلونا نغير محور حديثنا



خلونا نسأل البنات

هل ترغبين فى زوج شقردى وهاب ريح وراعى ديوانيه ومواجيب وكرم؟

والا تبين واحد ضفعه ما يعرفه الا انتى وأمه ولا عنده ربع ؟

خلونا نحلل هالشخصيتين

الزوج الشقردى

ماخذ نص البيت اللى بالدور الارضى ديوانيات

وعنده قهوجى مطبخ خاص للديوانيه

والمجلس عامر من الاصدقاء والجيران والشباب

وعنده عشا اسبوعى مفطّح اللى اهو يعنى قعدتهم الرسميه

واذا قالوا فلان قالت الناس والنعم وسبعه انعام

راعى مواجيب ومناسبات وبكل عرس موجود وبكل مناسبه حاضر

النوع الثانى الضفعه

لابس نظاره طبيّه واذا رجع من الدوام يغسل ايدينه بديتول <<< معقّد

واذا يبى قلاص ماى من زوجته يقول : لو سمحتى زوجتى العزيزه ممكن قلاص معاى ؟

وع وع وع

من البيت للدوام ومن الدوام للبيت

كان فى بيته ديوانيه 4 فى 4 وقلبها مخزن

وبس قاعد فى البيت ومجابل زوجته

الساعه 9 او 10 يحط راسه وينام

هههههههههههههههههههههاى

تقول زوجته خن نسهر والا نروح مطعم

يقول لها : باجر وراى دوام يا زوجتى العزيزه

عمره ما غاب عن الدوام ولا تأخر

ولا ياخذ اجازات وموظف مثالى


الى الاخوات العضوات منو تختارين من هالشخصيتين

مع الاخذ بالاعتبار ان الشخصيه الاولى الشقرديه لها سلبيات

مثل قليل ما يقعد مع اهله بس لا قالت زوجته له نبى نسافر رد عليهم : مشينا يا نور عينى

وياخذها على غفله ليله فى فندق والا زرقه للدمام


يالله منو تختارون المشاركة مفتوحة للجنسين

[Demon of Dark]

السلام عليكم

هلا فيك اخوي اقوش

بصراحه كلامك منطقي بالنسبه للمذيعه
<=== كل شي يتدخلون فيه يعني باجر يقولون شغلات للحريم ينطون الريايل والعكس

المهم مو هذا الموضوع اللي انت سادحه = طارحه = تبي تسال فيه ..

بالنسبه للشخصيتين اللي ذكرتهم ماشوف شريك حياتي بينهم
الحمدلله ومن قلبي اقولها
صج انه خوش واحد ويوجب ويسوي عزايم بس مو شي اساسي بحياته
و احمد ربي بان الكل يقولون بانه اجتماعي
مااتخيل انه مجابل ويهي طول اليوم
عاد بروحي امل بسرعه واشوفه مجابلني يعني اكيد هوشات
ربعه مو وايد و له اوقات يكون وياهم وباجي الوقت يكون بالبيت
يعني روتينه الحالي اللي اعرفه
يقوم الصبح دوام يرد العصر يروح النادي
<== مو بالتفصيل لا ع السريع بقول
يمكن يرد البيت او يقعد مع ربعه
يوم الخميس لاهله طلعه وياهم والجمعه زيارة الاهله
طبعا في اختلاف مو شي اساسي لان في جمعات عشان مباريات
وعزايم العشا الغير متوقعه وجذي
واهو اذا بيسوي عزيمه تكون اما خميس او جمعه لا ويحددها قبل بفتره
<=== مؤدب مايحب يصدمني
لك الحمد ياربي
اهو بالنص بين الاثنين

وصدقني لو ماكان جذي
بتمنى بانه مايكون واحد من الاثنين
لان لكل واحد سلبيات وايجابيات
الاول مثل ماقلت مايقعد مع اهله ولا يطلع وياهم وايد
والثاني يملل لان وجوده المستمر بالبيت يسبب مشاكل مو متوقعه

ماراح اطول واتفلسف واقول السلبيات والايجابيات بالتفصيل
<== يعني جذي ماطولتي اي خير

صج ليش ماسالت الشباب
الوضع يكون بالعكس
1- المره اللي تحب العزايم وراعية واجب
2- اللي كل بالبيت وماتعرف شي بالحياه غير ريلها وبيتها ويمكن بيت اهلها او اهله


تقبل تواجدي

لك مني الاحترام

متابعه
:)

..

[ســهـالااااات]

يا الله حي اقوش

حي الله راعي الواجب لوووول

ديمون اوف دارك

عيل مو زين تتزوجيني وربي تتعذبين كل يوم عزيمه اذا مو غدى عشا

لا ومرات ايمع بنغالية الفريج الصبح اخليهم يتريقون يرتاحون بعدين اقولهم شوفوا شغلكم

كاني انا مسؤلهم مو البلديه لوووووووووول

طبعا بالنسبه للحرمه خو راعية واجب والا لا شدعوه بتسوي شي هالايام نادر الي

يطبخون بالبيت الله يخلي المطاعم والاكل الجاهز اهي ما عليها بس تبخر الصاله

وتزهب الحلو والقهوة وكل وقتها سوالف وحش يا ساتر

عموما عادي راعية واجب والا لا المهم اني احبها بس والله ان يتني بالفراش ريحتها بصل

وثوم بيت ابوها على طول >>>>>>>>> نكشه لوووووووووووووووول


يوووووووه شوفو شلون خذتنا السوالف

شلونكم انتو شخباركم

صبحكم الله بالخير

تحيات من سهالات

[ســهـالااااات]

شفيني انا خو راعية واجب لازم تطبخ وتسوي عزايم

نسيت انها تزور وتروحي تعزي وتوجب بالافراح يبووووووووووي

لا عيل خليها راعية واجب هذا حق علينا للناس

والله ما ادري شقول

يلا بعدين ارد لكم

[اقوش]

اي والله يااخت ديمون

الاعتدال مرغوب والله يهنيج بزوجك

ودربالج علية من رفقاء السوء تري مايخرب الزوج الا الاصدقاء ولكن بأعتدال

مو القاج مطقوقة اقولج ليش تقولين لي صادني افتش بتليفونة

يعني اخذي بالاسباب والوقاية المبكرة

وخليج صديقة قبل زوجة والاهم لاتصبح الاسرار بين الزوجين الخاصةبيد الاقارب

حتا بالخلافات الكبيرة التي تستدعي تدخل الحكماء لا والف لا

النصيحة بالماضي تنشري بالمال

ديمون نصحتج ابي 500 ريال

<<<مايسوي شي لوجة الله

[اقوش]

حياالله سهاااالات

يامعود باجر تتزوج واشوف عيالك وعيال عيالك وعيال عيال عيالك

<<<مطول بالدنيا ياالطيب

لايوجد شخص خالي من العيوب ولاكنها تتفاوت

وادعوك لتسامح لكي لاتذهب السكرة وتأتي الفكرة

وقتها يقول كل من طلق زوجتة ليت يعود الزمان لاافعل الصواب