تويت
يالله صباح خير
اصبحنا واصبح الملك لله في احد هني نسولف معاه ولا اروح اتقهوى
اصبحنا واصبح الملك لله في احد هني نسولف معاه ولا اروح اتقهوى
-
[align=center]لا تواضع للوضيع يضيع قدرك %%^^%% منت ملزوم ٍ على بعض التواضع[/align]
-
صبحك الله بالخير والكرامه اخوي الجلادي
هلا بك بعد راسي
اوف اوف اوف طاع هذي ديمون من صجها
خو قلنا من باب الغشمرة والاخوه
خلاص يبا محنا قايلين لج شي ولا تنبط جبدج وتزعلين
نو عصقول ====نو ام كرشه
اوكي ماي سيستر
اليوم بكلمكم عن موضوع طرحوه بالقناة الاذاعيه
مارينا اف ام 88.8 مافي واحد الا ويعرفه او سامع عنه برنامج الديوانيه
طبعا كانوا يتحدثون عن المغزل والمعاكسات بالكويت عندنا بالديرة الي تحصل
بالمجمعات والاسوقه والبحر والعموم شايف وعارف شلون وصلت مرحلة الاستهتار
والا اخلاقيه وقلة الحيا الي حاصله سواء من البنات او الشباب يعني جد شي ما ينوصف
ما ابي اقول الشباب ما ينلامون امبلا عليهم لوم بس كوني امشي واشوف بنت شبه عاريه
ما اعتقد انه في احد بيتحمل الا قلة من الناس بيتجنبون هالشي مثلكم عارفين هذي شهوات
غرايز داخليه وتلعب دور في بعض الاشخاص ما يتحملون هالمناظر ويمكن تحصل امور ما اقول
الا الله يستر علينا وفوق هذا البلاوي الي بكلية الدراسات التجاريه وناهيك عن الي يحصل
بالحرم الجامعي وكلية التربيه الاساسيه والمصخرة العلنيه الي تصير يعني جد فعلا شي
يقهر تدخين البنات وشربهم للشيشه يعني بصراحه مو شي هذا كله هين بالنسبه لي ليش
يمكن اقول هذيل جامعيات محد يدري عنهم يطلعون واهلهم واثقين فيهم وهم استقلوا هالثقه
لكن البلوة الي تموت قهر بنات الثانويه جرت العاده ان شباب الثانويه العامه يهربون ينطون
السور ويتيمعون بقهوة عالبحر باحد الاسواق اما انه بنات ثانويه عامه يهربون وينطون السور
وربي قمة المهزلة لا وصايرين يدخنون هالايام ههههههههههه والله حاله
ياربي سترك ويا حسافة تربيه الاهل حق ولد او بنت صارو الناس يقولون له حسبي الله ونعم الوكيل عليك بدال لا يقولون له ونعم فيك وباهلك
وشي ثاني ابي اعرف وين الغاريه الي عند الابو او الاخو شلون يتقبل اخته تطلع بمنظر جد
يخدش الحياء شي عجيب والله هذا الحجي احنا دوله عربيه اسلاميه دولة خليجيه
لها عادات وتقاليد تمنع هالشي وفوق هذا الدين الاسلامي نفسه يحرم هالشي يا ترا شنو
الي قاعد يصير
اللهم لا تؤاخذنا بما فعل السفهاء منا
تحيات مني سهالات
عاشقٌ في الله قُدسيٌ هوايا ,, لا اعي نزوات حمقى ,
لا ولا تلك المنايا الطائفات على سمايا
إنني الصمت المقفى وسياط اخرست ثكلى وعذرى .تعليق
-
اوكي سهالااات خلاص ماكو ولا واحد منهم
بالنسبه للموضوع اللي ذكرته
للاسف الاهل تربي وتتعب
و اهم بلحظه وحده وبتاثر من الغير يخربون كل شي
فعلا مواقف تخلي الواحد يبجي ع حال شبابنا ( بنات .. شباب )
مرات الاهل يكون لهم دور كبير باللي يصير
نتيجه لاهمال ونشغال باشياء ثانيه او انفصال و غيرهم من شغلات تاثير ع لعيال
مانقدر نملك غير كلمه اهل يهديهم و يحميهم من كل شر
اهم اساس المجتمع و يهمنا صلاحهم
متابعه
:)عندما تحين لحظة الفراق
تضيع منا الحروف
يصبح الصمت رائعاً
هنا أتوقف
لا أعلم لماذا ..؟؟
تعليق
-
مساء الظهر
خخخخخخخ
شلونكم شخباركم طمنونه عليكم
شنو ياربي اسولف مع روحي
منطوق قلبه الله يذكرها بالخير واختفت
اقوش الله يرحمه هم اختفا
ديمون زين الحمدلله للحين موجوده
حبينا نسلم ونسال عليكم
لنا عوده
عاشقٌ في الله قُدسيٌ هوايا ,, لا اعي نزوات حمقى ,
لا ولا تلك المنايا الطائفات على سمايا
إنني الصمت المقفى وسياط اخرست ثكلى وعذرى .تعليق
-
مســـــــــــــــــاء الخيــــــــــــــــر
هلا سهاااااالات شلونك انشالله بخير
وحشتوني والله
تحياااااااتي
@منطوق قلبي@تعليق
-
هلا بج منطوق قلبي
زين يبا حنيتي علينا
ما بقيتي
منورة وبشرينا عن احوالج وين ما وين
شهالغيبه جذي لا احم ولا دستور فجأة
وانا الفقير بس اسال وحالتي حاله
عاشقٌ في الله قُدسيٌ هوايا ,, لا اعي نزوات حمقى ,
لا ولا تلك المنايا الطائفات على سمايا
إنني الصمت المقفى وسياط اخرست ثكلى وعذرى .تعليق
-
مرحبااااااااااااااااااااااااااااااااااااااااتعليق
-
طقطق
<<منو
بطلو الباب
<<<اية منو
اقوش
<<؛اطلع برة
ليش
<<وينك
والله مشغول
<<شنو شاغلك
والله وقت انتخابات
<<<ملوسن المرشحين طق عصي علية
ماعلينا شخباركم !!
سهالاات رجاء لاتماشيني انت منحرف لانك تشرب تتن
منطوق قلبي ولكم احلي صباح والله انتي كاسرة خاطري
اسمع صدي صوتج بالدردشة هل من مجيب
والله مشغول بالانتخابات عاد انا ملوسن والمرشحين طق عصي<<<بس بس توك قايلها
انزين انا انسي شنو اسوي
ديمون الله لايخليني من سوالج تسلمين ياذوق
طيب ماعلينا
تدرون خلوني اسولف لكم شنو سويت بالعيد اللي فات
طبعا كنت سهران كالعادة قلت بنام شوى قبل الصلاه
وما ان حطيت رأسى الا ويأذن الفجر
قمت صليت وقلت خن احط راسى قبل صلاه العيد
وما ان حطيت راسى بنام والا التكبير والتهليل
عاد استحيت
قمت تروشت ولبست ورحت للمصلى
واجواء ايمانيه جميله فى مصلى العيد
وكان فى نسبه بروده قويه
وصلينا ورديت للبيت
والا الشايب الله يحفظه متجهز بذيج السكاكين
كأنه محارب ساموراى متقاعد
وذبح الاضاحى وكملو عاد اخوانى جزاهم الله خير وصلخوها
<< وانت شنو قاعد تسوى
منسدح عند اميمتى انتظر المعاليق
<< لا كفو
ايه ترى انا ما اعرف للسوالف هذه الذبح والقتل والصلخ
ايه صج ترانى مانى شقردى
يعنى تقول تعال نروح للبر ونبنى الخيمه ونضبّط العزبه
ونشب الضو ونذبح خروفنا ونعلقه ونقصبه والسوالف هذه
يا حبيبى لا ما عرفتوني عدل
بتلقانى منسدح بالسياره وكل شوى ارفع راسى اشوف فرشتوا الخيمه والا لأ
عشان اروح انسدح فيها واتمغط
الحمدلله ان خلقنى رجال ما خلقنى مراه
والا جان مطلقينى عشر رياجيل
رفله ما اقوم الا الظهر لا اطبخ الغدا ولا ادرى عن العيال
المهم وبعد تناول المعاليق بالدوانيه مع الاخوان والجيران والاقارب والاصدقاء
قمت فى جولتى الاعتياديه فى الاعياد
زياره شيبان الجماعه والاصدقاء
فى واحد شايب عمره يمكن 160 سنه
ادش البيت عنده داخل بغرفته واصارخ لانه ما يسمع
شلوووووونك يبااااااااااااااااااااااااااااااااااااااااااااا
عاد يرد بصراخ
طـــــــــــيـــــــــــب جعلك طيب
واقول عيدك مباااااااااااااااااااارك
يرد على : اليووووووووم عييييييييييييد ؟؟
اقول له : ايييييييييييييه
ياخذ فحمه عنده ويشخط على الطوفه اللى وراه ////
واذا خلصت اربع عكسهم بالخامسه نفس اللى بالسجن
لانه محد يعرف متى انولد
انا حسبت الشخطات اللى وراه طلعوا 160
وكل عيد جذيه من يعرف انه عيد يشخط وراه
المهم وامر على الشيّاب
لاحظت ان معظم الناس مو موجوده فى بيوتهم
واتصل عليهم كلهم بالبر واللى مسافر واللى طالع مخيم
الشوارع فاضيه والزيارات اصبحت قليله فى عيد الاضحى
ظاهره سلبيه والله افقدت العيد طعمه
المهم وارد البيت واقعد للغدا
تغديت قلت بصعد غرفتى انام لان فعلا احس انى تعبت حدى
لكن وين انام وكتائب عز الدين القسّام بالبيت
المهم
قمت المغرب والبيت صخه
واتصل على ماما <<< يا روح ماما
قالت كلنا بالمزرعه
وانا مالى خلق ارووح
لبست ورحت عشا عند واحد من الجماعه
ورديت البيت وصخه والحين قاعد اكتب ونعسان فينى نوم
وسلامتكم
تدرون كنت بدردش عن سفردتي للقاهرة والمقلب اللي سويتة بصديقي
ايخسي مو صديقي
تدرون بعدين اقولكمالمنقول قتل للعقول
نبي فكرة....وبسنا نقل
قال ديكارد :انا افكر إذا انا موجود
وليتة اكمل :انا انقل إذا انا مفقود
!
[الحملة التوعوية للوقاية من المنقول
خلك حصري بفكاركتعليق
-
صباحكم سكر
ولو خيو ماسوينا شي
الله وناااسه ايام العيد
تنام لي العصر <=== ماتعرف لا الذبح ولا غيره
المهم انه عيد وهذا يكفيني
امممممم
بنتظار المقالب و الحركات :)
متابعه
....عندما تحين لحظة الفراق
تضيع منا الحروف
يصبح الصمت رائعاً
هنا أتوقف
لا أعلم لماذا ..؟؟
تعليق
-
هلا والله وغلا أنت وينك وأخيرا ظهرت من المصباح السحري خخخخخخخ
المهم شخباااارك وأخبار الانتخابات عسى طيبت خاطر المرشحين
وااايد حلوه أجواء العيد تونس احنا بيتنا عكس بيتكم انت بيتكم صخه
احنا بيتنا يصير فيه كرنفال لا صار ولا استوى تحس البت يمشي من الاوادم
وازعاج وناس طالعه وناس داخله واليهال لاعبين لعبتهم ..
المهم أنت شخبارك والله وحشتنا والمسكين سهاااااالات تعب وهو يدورك
مافي الا أنا وسهااالات ودايمون ندخل على الدردشة ومانحصل حد ونطلع
متاااابعه
@ منطوق قلبي@
تعليق
-
هلا والله وغلا أنت وينك وأخيرا ظهرت من المصباح السحري خخخخخخخ
المهم شخباااارك وأخبار الانتخابات عسى طيبت خاطر المرشحين
وااايد حلوه أجواء العيد تونس احنا بيتنا عكس بيتكم انت بيتكم صخه
احنا بيتنا يصير فيه كرنفال لا صار ولا استوى تحس البت يمشي من الاوادم
وازعاج وناس طالعه وناس داخله واليهال لاعبين لعبتهم ..
المهم أنت شخبارك والله وحشتنا والمسكين سهاااااالات تعب وهو يدورك
مافي الا أنا وسهااالات ودايمون ندخل على الدردشة ومانحصل حد ونطلع
متاااابعه
@ منطوق قلبي@
تعليق
-
ايييييييييييه متيمعين وطايحيله سوالف وضحك
ما يقولون عندنا اخو صديق اي شي
اييييييييه لنا الله لنا الله والشكوى لغيره مذله
انا زعلان من الحين اقولكم محد يكلمني وما ارضى الا بشرط
والي بيراضيني
المره اليايه يدخل واييب معاه عصير فراوله وكتكات
او باور هورس وحبتين بندول عشان اعدل مزاجي ==>>> خخخخخخخ يتغشمر مع سنيكرز
شوفي رغم كل هذا اقولكم شلونكم حبايبي شخباركم
بس ترا هم زعلان وضارب بوز من العبدلي لي الاحمدي
تحياتي
عاشقٌ في الله قُدسيٌ هوايا ,, لا اعي نزوات حمقى ,
لا ولا تلك المنايا الطائفات على سمايا
إنني الصمت المقفى وسياط اخرست ثكلى وعذرى .تعليق
-
اهم شي انكم متيمعين وماتقول اوكي
<=== يعني زعلت <=== زعلي مافي احد بيراضيج وطقي راسج بالطوفه بعد
بس حلو المشوار من العبدلي لي الاحمدي
:)
متابعه
...عندما تحين لحظة الفراق
تضيع منا الحروف
يصبح الصمت رائعاً
هنا أتوقف
لا أعلم لماذا ..؟؟
تعليق
-
مرحبا
شخباركم !
سهااالات وديمون ومنطوق قلبي
والله لكم وحشة
بسفرتي الاخيرة للقاهرة كان معاي صديق سميتة خسارة باشا
لانة طول السفرة واهو نايم عاد اهو كبير بالعمر من بعد سفرتة معاي
سميتة العود الضال
وصحيح لقالو بالسفر تعرف اخلاق وطباع صديقك
عاد اخترتة معاي لانة شقردي بديوانية وراعي دين بشكل مقبول وافكارنا متطابقة تقريبا
وطلع مالة لا بالدين ولابالتمشي ولا السهر ولا السينما ولا شي كلة نايم
ومع الاسف طلع مبتلي بلعب القمار والعياذ بالله
يعني من الفراش لصالة ومن الصالة للفراش
وانا متحلطم وحاولت انصحة بس عمك اصمخ
وقلت بنتقم منة لانة خرب سفرتي
وانا قاعد بالبلكونة العصر مروني فرقة موسيقية معاهم ألاتهم الكبيرة شايلينها ويمشون
جان اناديهم واصعدهم فوق بالشقة واتفق معاهم اعطيهم مية جنية ويسون اقدع سلام لخسارة
باشا
وافتح باب غرفتة شوي شوي وادخل الفرقة عند راسة واهو نايم نومة البعير
واصعد علي الكرسي واشرلهم بيدي 1/2/3/ ابدي
جاان ينقز من سريرة ووصل لسغف ومبقق عيونة علبالة العمارة طاحت
بعد مااستوعب جان ترفس بالفرقة
واهم يقوولة اية احنا عاوزين نبسطك يا خسارة باشا
مالك ياخسارة باشا
لووول
احس اني انتقمت منة
الله تذكرت مصر وليالى مصر وجمال مصر وعروبه مصر
عاد اروح للحسين وخان الخليلي باليل بالهواء الطلق واقعد بالمقهي
واجمع المصريين عندي وألي يضحكني اعطية عشرة جنية
شسوي ألحالي لان خسارة باشا نايم
طيب ماعلينا
بعد الحاح مني قرر انة يسهر معاي
عاد شكله اسمر وضعيف ومسوى افرو مع الويه
كنا مره فى مطعم وتعرفون بعض المطاعم عندهم بست حق الفرقه
المهم عاد خلونى اسولف
الحبيب رايح معطى المدير جم دولار عشان يغنى
ولمن قعدنا شوى قام المطرب وقال معانا خسارة باشا من الكويت وعايز يغنى
والناس تصفق وانا فى حاله ذهول من الصدمه
لأنى اعرف صوته مو حلو يعنى فيه بالدنيا صوت خشبى ؟
المهم ويطلع اللوح ويغنى ومنعّم صوته بعد ويغنى بصوت نشاز : مـــقــــــاديـــر
وينهق كــــــــــا نهيق الحمير
انا طحت تحت الطاوله وميت من الضحك
هههههههههههههههههههههههههاى
المشكله المكرفون مرتفع شوى واهو قصير وعلى روس اصابعه يبى يغنى
ومقادير ياقلب العنا
والناس تضحك على صوته اللى جنه صوت تريله
انزين
تلاحظون على مدى سنوات حياتكم واختلاطكم بأناس جدد يدخلون حياتكم
ظواهر نفسيه جديده تنبهرون فيها فى شخصيات البعض
بعض الناس 24 ساعه عصبى
والبعض 24 ساعه متشائم
والبعض لو شنو تسوى فيه ما يزعل ولا يتضايق
البعض حليم ومتأنى والبعض عجول ومصرقع
ولحد يسألنى شنو يعنى مصرقع لأنى اسمعها ولا اعرف معناتها
انزين
شنو هاللى يشكّل شخصيات هالاوادم
هل هذه الشخصيات المتناقضه اللى نشوفها
هى بالوراثه مثلا أو انها مكتسبه مع البيئه التى ينشأ بها هؤلاء الاشخاص
يقولون الاطباء النفسييين وهذه قريتها مره
ان الرضيع اذا دايم ابوه وأمه يبتسمون بويهه اذا قعد من النوم
يطلع الولد مرح ونفسه خفيفه وشخصيته تكون حلوه يعنى
عاد الشغالة يضحك عليها وقايل لها انة عضو مجلس امه بالكويت
انت انتخابات جمعيه الصليبيه سقطت فيها وما جاك الا صوتين
صوتك وصوت وصوت المهبول اللى يركض بشارعكم حافى
خذيته ووديته للانتخابات وقلت صوت لى وبشتري لك بفك وعصير وكتكات
وما شريت له بعد
نسأل الله السلامه
ونعوذ بالله من الكذب والفاحش من القول
والله العظيم يا جماعه أن العود الضال يحاول فينى اروح معاه للمغرب
لأنه عود وضال ختم الله على قلبه بحب الشهوات
واغتر بالدنيا وطول الامل
الحين انا اللى اقولك لا مابى بروح للعمره
ويوم اقولك خلنا نروح عمره تقول لى لاحقين خير
ويساومنى ويقول اذا تبى اروح معاك عمره خلنا نسافر هاليومين للمغرب
وانا انسان عفيف نظيف ماعرف لسوالف المغرب
وبرشا غشيم بهالسوالف وكداير لاباس
يبى يغوينى العود الضال ويخلينى مثله مدمن على الفواحش
ما ظهر منها وما بطن
المشكله أنى من المسيد للبيت ومن البيت للمسيد
العود الضال لا تروح للمغرب وتشوف ربع عيالك هناك
ويشوفونك سكران وترقص على البست
على اغنيه جنه جن جنه مغرب يا وطنا
وعاش عاش ايووووووه << احم احم
ايه اعوذ بالله منك دشيت جو المغرب وانا بالمنتدى
انا اقول الله يهديك ونروح ناخذ عمره ونروح للمدينه المنوره
وبعدين نروح عنيزه المعززه وبريده المبرده
شوف انا وين ابى اوديك وانت وين تبى تودينى
اهييييييييب جانك تبى تودينى معاك للدرك الاسفل من النار
بقوم اصلى ركعتين سنّه
وناوى اصوم باجر صيام تطوع
وبتصدق على الفقراء
نسأل الله الاخلاص فى القول والعمل
والسلام عليكم ورحمه الله وبركاتهالمنقول قتل للعقول
نبي فكرة....وبسنا نقل
قال ديكارد :انا افكر إذا انا موجود
وليتة اكمل :انا انقل إذا انا مفقود
!
[الحملة التوعوية للوقاية من المنقول
خلك حصري بفكاركتعليق
-
هلا والله اخوي اقوش
بصراحه صج خساره باشا ومن قلب
اي و العود الضال قليله بحقه
واهم شي الفرقه ومقادير .....
الله يهديه
بس تبي الصراحه ضحكت صج صج وانا اقرا الحجي اللي كاتبه
اووف شالمقايضه هذي لا لا
نروح مكه احلى واكشخ <==== تقول نروح شكو قاطه الويه
المهم خيو اذا رحت لا تنسى تدعي لنا :)
متابعه
:)عندما تحين لحظة الفراق
تضيع منا الحروف
يصبح الصمت رائعاً
هنا أتوقف
لا أعلم لماذا ..؟؟
تعليق
تعليق