ما رأيكم يا شباب ...؟(رجاءا دخول الشباب ابى اسمع رايكم ...)

[فتاة حالمة]

السلام عليكم ...

بداية ...حبيت اطرح عليكم تساؤل .. دائما يحيرنى و يشغل فكري ...هو ما رأيكم و بكل صرااحة بالبنت المحجبة اللى تلبس ملابس ضيقة و احيانا تكون غير محتشمة ...؟

و هل تعتقد ان البنت الغير محجبة ...(مع لبس محتشم ) افضل من المحجبة ...الغير ملتزمة..؟

قولولى و بكل صرااحة شنو رايكم لمن تصادفوون هالنوعية من البنات .....(شنو تحسوون فييه و شنو يجول بخاطركم او بفكركم بالهالحظة )...؟


و اتمنى الاقى اجابات وافية ...و حلوة منكم ...

[حبيب القلب]

تسلمين حبيبتي على الموضوع الجميل ..

بالنسبه لي عندي البنت الغير متحجبه لكنها محتشمه باللبس .. افضل مية مره من المتحجبه ومطلعه نص الشعر

وتلبس لبس ضيــــــــــج .. خير اختي وين رايحه مع اللبس الخطير ..

اتمنى من المتحجبات يسترون نفسهم .. مافي احلى من اللبس المحتشم والله شكلهم يفتح النفس .. اما الي لبسهم

ضيــــــج وفتحات وحركات مالها داعي والله شكلهم مقرف ويلوع جبد الواحد الصراحه ..

الله يهدي المسلمين اجمعين ..

يعطيج العافيه يالغلى على الموضوع وماننحرم منج يارب .. وربي انج عسل :rolleyes:

[فتاة حالمة]

تسلم اخوي و ما تقصر و الله على ردك العسل ....فعلا انا معجبة بردودك الحلوة ...و انا مع رأيك ..

[مــغــروم]

البنت بخلاقها مو بلبسها
ومشكوره يافتاه حالمه على الموضوع

[حبيب القلب]

صح كلامك اخوي البنت باخلاقها .. بس اللبس يعكس لك اخلاقها اذا كانت محترمه ولا لا يعني لو كانت اخلاقها محترمه

جان مالبست الضيج صح ولا لا ؟؟

هذي وجهة نظري :)

[كـ7ـوـ7ـيـ7ـتـي]

السلام عليكم

اول شي حبيت اقول ان المواضيع هني الصراحه تشجع الواحد انه يسجل

وهذي اول مشاركه لي

اول شي اشكر اختي فتاة حالمه على الموضوع

ثانيا يا جماعه الحجاب مو عيب ولا حرام ومافي احد يبي يضحك عليج

ومحد راح يقول شوفوها لابسه حجاب

ثالثا البنت ليش ما تلبس حجاب لان الشعر نص جمال المرأه والواحد اذا شاف جمال المرأه راح يتحرش فيها
طيب هي ليش جايبه حق نفسها الأذيه ليش ما تستر على نفسها وتلبس حجاب واذا تبي تكملها تلبس عبايه بعد

رابعا اخوي حبيب القلب

انت جمعت المتحجبات ترا اصابعك مو سوا ياليت ما تجمع

خامسا سلامتكم

تحياتي
كويتي

[حبيب القلب]

صح كلامك اخوي كـ7ـوـ7ـيـ7ـتـي .. اعذروني ياجماعه انا ماقصدت الجمع .. لكن البعض منهم

اعذروني يا بنات يا حلوين ..

مشكوور اخوي كويتي على التنبيه !

[فتاة حالمة]

مغروم : اولا اشكرك على المشاركة الطيبة ثانيا ...صحيح اللى قلتة لكنه ايضا يبرز من خلال لبسها يعنى مستحييل تلقى بنت خلووقة لابسه لبس فاضح

حبيب القلب : اشكرك على رايك السليم و فعلا انا معاك بالشي هذا و ما تقصر اخوى على تجاوبك الحلو مع مواضيعي ..

كويتى 777: اولا اهلا فيك بينا ...و حياك الله بمنتدانا ..لكن بصراحة ردك غير عن الموضوع اللى انا اذكرته انا اتكلمه عن البنت و لبسها ...و عن الحجبة اللى تلبس ضييج و الغير محجبة اللى تلبس لبس محتشم ..شنو رايك فيها ؟


و يعطيكم العافية على ردودكم الحلوة

[كـ7ـوـ7ـيـ7ـتـي]

العفو حبيب قلبي

ندري انه مو قصدك تجمع بس حبيت اوضح عشان الناس ما تاخذ فكره عن المتحجبات

تحياتي لك

[كـ7ـوـ7ـيـ7ـتـي]

اختي فتاة الله يحيج

انا الي فهمته بموضوعج انج قاعده تقارنين بين المتحجبه والغير متحجبه بالاخلاق

بس انا حبيت اوضح عن لبس الحجاب لان العالم منخرعين من الحجاب

والصراحه كنت بمنتدي ثاني بعد يسولفون عن الحجاب مدري شسالفة الحجاب معاي اليوم

على العموم انا اقول ان المظهر الخارجي يعكس عن الي بداخل الانسان

يعني المظهر يلعب دور بأخلاق الانسان

وشكرا

تحياتي
كويتي

[فتاة حالمة]

صحيح ...كلامك ..و اشكرك على المشاركة الحلوة ...و انشالله شوف منك امزيد من الشاركات و المواضيع ..

[Stars _Whisper]

الف شكر على الموضوع الجرىء

اقولك بصراحة البنت اللى اشوفها لبسها مو محترف اضحك فى وجهها وابتسم وابدى كلمات الاعجاب ولكن فى عقلى احتقرها الف مرة

يعنى تبدى زينتها وتنتظر من الرجال ان يخضعو وينبهروا اوك لك انبهار تمثيلى مقنع هذا اذا كان لى نفس انبهر

البنت المحجبة وملابس غير محتشمة اقولها حلو واقى الرأس اللى حطاه على رأسك ده لكن ما ينفع لا لمطر ولا للوقاية من الحوادث

البنت اللى لبسها غير محترم ولا محجبة اقولها ريحتى نفسك وريحتينا ولا اسأتى الا الحجاب لما اكلمك انتزع نفسى من افكارى الى افكارك وابرىء نفسى من مثاليتى وانحدر اليك بمقدار لكن لو فكرت فى زواج لن تكونى انت سأختار المحترمة ولو لم تكن جميلة

يعنى عرفتى من انت ( زجاجة كولا مع وجبة سريعة )

[قرش الظلام]

اااااااااااااااااااااااااااااااااااااااااااااااااا ااا

تسلمين حبيبتي على الموضوع الجميل ..

بالنسبه لي عندي البنت الغير متحجبه لكنها محتشمه باللبس .. افضل مية مره من المتحجبه ومطلعه نص الشعر

وتلبس لبس ضيــــــــــج .. خير اختي وين رايحه مع اللبس الخطير ..

اتمنى من المتحجبات يسترون نفسهم .. مافي احلى من اللبس المحتشم والله شكلهم يفتح النفس .. اما الي لبسهم

ضيــــــج وفتحات وحركات مالها داعي والله شكلهم مقرف ويلوع جبد الواحد الصراحه ..

الله يهدي المسلمين اجمعين ..

يعطيج العافيه يالغلى على الموضوع وماننحرم منج يارب .. وربي انج عسل :rolleyes:

...........................

[K$@NdRa]

احمممممم الموضوع للشباب يعني ؟؟؟بس

[فتاة حالمة]

اولا مشكورين على حسن التواصل ..
قرش الظلام مشكوور على مشاركتك

كسندرا : لا حبيبتى ممكن تشاركيينا النقاش ..و اشكرج على اهتمامج بالموضوع ..حياج الله ..منتظرة رايج ووجهة نظرج