ما رأيكم يا شباب ...؟(رجاءا دخول الشباب ابى اسمع رايكم ...)

[عود اسنان]

اول شى مشكووره اخت فتاه على الموضوع الحلوو واللي يستحق النقاش

شوفي ترى اكو بنات واايد يلبسون ظيق وغيره بس والله محترمات حييل ولبسه على البيئه اللي اهم عايشين فيها

عشان جذي يلبسون الظيق وبنات وااايد متحجبات ويلبسون لبس واسع ومحشووم بس للأسف يشوهون سمعت اللبس اللي

اهم لابساته بس نظريتي انا ان البنت اللي حاشمه نفسها ولابسه لبس يسترها ويغطي عورتها ومحترمه اللبس اللي اهي لابسته

هذي اهي اللي تسوي عين العقل وصدقيني الزين زين والشين شين حتى لو لبست فوق الركبه بس حنا اللحين مشكلتنا

بعاداتنا وتقاليدنا اللي نسوها بدو يتطبعون بطبع غير طبعهم ويقولج التطبع يقلب الطبع عشان جذي الناس بدو يلبسون

اللبس اللي يفشل ويقلل من هيبة البنت واسف على الاطااله

[الجعدة]

والله انا مع اخوي حبيب القلب

[222222]

ميخالف اختى فتاة حالمه برز ويهى اشوى لانه موضوعج شيق..اول شى انا كونى بنت متحجبه .. ما احتقر وحده مو لابسه حجابه لالا استغفر الله مثل ما الله حبب فينى لبس الحجاب فى يوم من الايام لابد راح ايي يوم للمومتحجبه ..وبعدين احب اقولج شغله الحجاب مو زينه لا والله اهو بالاول والاخير ستر للمره .. والحجاب له اصوله ومن يعرف اصول الحجاب لازم يقتدى فيه .. مو هالايام الله يستر على بناتنا .. تلبس حجاب جنها مجبوره .. ولا جنها بس تبى زينت الحجاب ..يعنى بختصار ما اطول عليج اختى الغاليه .. يكفى ان الناس الى حواليج او بره.. تنظرلج ابنظرت احترام وقتتلج على حسب الى تلبسه وشنو اهى لابسه معاه من ملابس..وانا عن نفسى صراحه انا البس حجاب وعبايه بعد انا ابرقبه منى انى البس جدى .. والله يحبب كل بنت بالحجاب وخصوصا احنا داخلين على شهر فضيل .. والله يستر على الكل .. واشكر ج يا اختى الغاليه على هالموضوع الشيق .. مع تحيات ملاك**

[معقوله تنسيني]

انا رايي للبنتين
واقولكم ان هذي حريه شخصيه
يعني البنت اللي تبي تلبسه تلبسه
وانا بالنسبه لي كل شي يعجبني وكله واحد يواء مخصر ولا مو مخصر
بس المخصر اهو المفضل عندي
وشكرا ً عالمشاركه الجميله

[فتاة حالمة]

مشكورين حبايبي على روددكم الغالية ....و اللى تعنى لي الكثير ...

عود اسنان : مشكوور اخوى على اعجابك بالموضوع ...و صرااحة كلامك اهو عين الصواب ...و اشكرك لك هالمشاركة الغالية ..و بالعكس انت ما طولت بردك و لك الحرية انك تطول و تزيد بنقاشك لو حاب ..هالشي لأنى ابي اسمع اكبر قدر من النقااش و شكراا

الجعدة : تسليين اختى الغالية على المشاركة الحلوة ..

222222(ملاك) : تسلميين يا الغالية و بالعكس حيااج الله بموضوعي و انا معااج برأيج ..و الله يكثر من امثالج ...بس تصدقيين في بعض البنات اللى تلبس العباية .....مخصرة على الآخر و هالنوعية قاعدة تسيء للعباية و للبس المحترم الله يهديهم انشالله ..


معقوله تنسينى: اشكرك على المشاركة ...و لكن انا مو معااك بالشي هذا ..لأنه يبقى الواحد عايش بمجتمع له اصوله و عاداته و تقاليده ...و اهم من هذا و ذااك احنا مسلميين لازم نعرف نلبس عدل علشان الناس اللى من برة يقتدوون فينا..و يعرفوونا من مظرهنا ..مو يلقوونا نحاول نقلدهم و بس ...

[مملوح كوول]

الو شي احب اشكرج على الموضوع

ونا بجاوبج بكل سراحه يعني حسب نظرتي او نظرت الشباب يعني

البنت الي تكون محتشمه او لبسه حجاب يعني حنا نفكر ان البنت هذي مدور الشغلت اما اذا كان البنت تلبس ظيق

وحنا تفكرينا يل شباب حتى لو كانت ملتزمه يعني بس تلبس ظيق يعني نتحرش فيها لئنها لبسه ظق

ونشالله محد زعل من الشباب والبنات على ردي
وشاكرلج على الموضوع

[STAR]

الصراحه بنت ووتتحجب وتلبس ضيق وزي كذا ؟؟؟ اتتوقع انها مغصوبه على الحجاب طيب هي لو فكرت تمام وش راح يقولون الناس او الشباب عنها
على الاقل تلبس عبايه وتسوي الي تبي لان العبايه وربي تستر على البنت من لبسها ومن اي شي ثاني


وشكرا على الموضوع

[فتاة حالمة]

مزيون كول: اشكرك على الرد ....و ابداءك الرأي و صدقنى محد راح يزعل من رايك لأنه بالأول و الأخير راي ...اللى يحب يقنتع فييه يقتنع و إللي له وجهة نظر ثاية يقولها عادى ...و ثانيا: عفوا اخوى جملتك هاذى مو مفهومة(او لبسه حجاب يعني حنا نفكر ان البنت هذي مدور الشغلت ).....؟فرجاءا توضح اكثر ...و يعطييك الف عافية على التواصل..

ستار: انا مع وجهة نظرك و بس مو شرط تلبس عباية فييه ملابس حلوة و محتشمة و طبعا بقى العباية هي الأفضل ...ما تقصر اخوى على ردك ...و مشاركتك

و يعطيكم الف عافية ..

[معقوله تنسيني]

معقوله تنسينى: اشكرك على المشاركة ...و لكن انا مو معااك بالشي هذا ..لأنه يبقى الواحد عايش بمجتمع له اصوله و عاداته و تقاليده ...و اهم من هذا و ذااك احنا مسلميين لازم نعرف نلبس عدل علشان الناس اللى من برة يقتدوون فينا..و يعرفوونا من مظرهنا ..مو يلقوونا نحاول نقلدهم و بس ...

صحيح انته لو تروح وتزور المدرسة الامريكيه بالكويت وتشوف البنات لابسين اخر لبس بالموضه بس انا اعرف كذ بنت تلبس الحجاب لما تروح دولة غير مسلمه عشان يعرفون انها مسلمه
عرفت شلون ؟
وانا عندي عادي لاني انا مو بنت ولا اعرف شنو الحرام في لبس البنات وشنو الحلال

[فتاة حالمة]

شكرا اخوى على المشاركة مرة ثانية و ...بعدين الواحد لازم يتمسك بلبسة و تقاليده ...علشان يكوون له هوية ...و خصوصا لمن يكوون مسافر برة ...و بالنسبة للحجاب اللإسلامى ...هذا يعد تاج ووسام شرف يعرفه العالم اجمع و تتألق به مرأة واحدة فقط الا و ه.. هي... المرأة الإسلامية ...و خصوصا العربية ..و يعطيك الهافية اخوى على المشاركة الحلوة

[البشر]

يعطيج العافيه على الموضوع ...بالنسبه لي ان البنت الغير محجبه ولابسه لبس محتشم افضل من البنت المحجبه ولابسه لبس


ضيق ولبس فاضح..((البنت المحجبه ولابسه لبس ضيق وفاضح هاذي مريضه مرض نفسي تحاول تبرز شي من جمالها...احب اقولها


ان الجمال بالحشمه والملابس الي تستر عليها وماتبين عورتها))..

[فتاة حالمة]

البشر : ما تقصر و الله على الرد ..و فعلا كلامه اهو عين الصواب ...و يعطيك الف عافية يا خوى و اعتذرتى انى ما قدرت اساعدك لأنى كنت منشغلة

[مواادعه]

السلام عليكم ورحمة الله

عزيزتي فتاه الحالمه ..

لااعرف اي عبارات الثاء اجمع لك ولامن اي جمل المديح اسطر لك .. ولا

كيف انثر لك اعجابي بما تطرحين وطرحك لهذا الموضوع خاصه الذي جاء في

وقته .. لقد ضربتي في الوتر الحساس .. الى عبادة جعلت مشكلة المشاكل .. فالف

المؤلفون وتفلسف المتفلسفون وادعى المدعون علينا بابشع التهم لتمسكنا به .. الا وهي

قضية الحجاب .. اراك تسالين ايهما افضل لديكم او مارايكم بالفتاه الغير مرتديه للحجاب ..

وترتدي البس الفضفاض الساتر .. والتي ترتدي الحجاب وتلبس لبس ضيق وغير ساتر ..

واظن ان لم اكن مخطأه تقصدين بقولك الحجاب ستر الشعر فقط .. فارد عليك بعبارة بسييييطة جدا

هذا ليس بحجاب ..مطلقا ..!!

طبعا الحجاب المعروف والصحيح والذي قمة انا بنفسي بكتابة بحث عنه قدمته كمادة اشارك بها في

منهج ادرسه .. هو ستر المراه لمعالم الزينه بحيث لايرى منها الا مالاتقدر على ستره وقال بعض العلماء

مالا تستطيع ستره طرف الثوب .. فالغاية من الحجاب ستر الزينه وموضع الجمال ومن البديهي الذي لاشك

فيه ولامريه عندما اقول فلانه جميله فاني اقصد وجهها خاصه .. فالوجه مناط الجمال وهذا شي لايختلف اثنان

عليه والله يقول (( ولايبدين زينتهن الا ماظهر منها )) وكما اسلفت المراد هنا كما قال بعض العلماء طرف الثوب

وهذا امر بعدم ابداء الزينه .. فلو غطت المراه شعرها فهذا لايسمى حجابا .. لماذا ابتعد وامطط الكلام هناك حديث

صريح روته عائشه رضي الله عنها تقول فيما معنى ماترويه انها كانت في سفر مع النبي اذا لم اخطا في حج او في

عمره وكانت تسير مع نبي الله صلى الله عليه وسلم كاشفة وجهها فاذا اقترب منها الركبان سدلت الغطاء على

وجهها فاذا فارقوا كشفت وهذا دليل صريح مفحم لكل من يقول ان الحجاب تغطية الشعر والبس الساتر ..

تحاورت مع بعض الاشخاص في منتدى اخر حول الحجاب فقال لي احدهم لاداعي لكثرة الكلام حول هذا الموضوع

فكم من كاشفة وجهها افضل من متحجبه متستره بالف مره فالاخيره تتستر بحجابها وتعمل المصائب .. فظن انه

افحمني رددت عليه باننا مسلمون امنا بالله بقلوبنا فلابد لنا من ترجمة هذا الديانه بجوارحنا .. والنيه الله من يتكفل

بالمحاسبة عنها اما نحن فلنا الظاهر فقط ..

هانا فتاه محجبه من قمة راسي الى اخمص قدمي .. لااعاني من احراج او ضيق او تقيد بل اشعر بكامل الحريه

فالحجاب بالنسبة لي حرية وليس تقيد لاني تحررت من قيود الهوا وتمسكت بامر الله .. الموضوع متشعب جدا وددت

لو افصل فيه واذكر اختلاف العلماء واسرد الادله واوضح لكن المقام لايسمح لي بذلك .. ببسيط العباره .. الحجاب

ستر الوجه وكامل جسد المراه فلايجوز اخفاء الزينه بزينة اخرى وهذا منافي للغرض من الحجاب ..

واسال الله ان يجعل نساءنا متحجبات رافضات لتلك الدعاوى الباطله في فسخ الحجاب ..

الف شكر لك لطرح هذا الموضوع واسفه على الاطاله

[فتاة حالمة]

موااادعة : الله الله على كلامج الرووعة و من صج انا تأثرت بكلامج اللى كله منطق و حكمة و يدل على ان صاحبته ...حكيمة و تعرف ربها و دينها ..عدل و صدقينى انا ما طرحت الموضوع هذا إلا من اللى انا قاعدة اشووفه و المسه كل يووم بعيونى كل يوم اداوم الجامعة اشووف هالمناظر جدامي يعنى انا اقوول لو تفصخ حجابها ابرك لها لأنه منظرها فعلا قبيح و هى لابسته بصورة غلط و عدل كلامج انه المرأة المحجبة تحجب مواطن الفتنة ..و الجمال ..و يعطييج الف عافية حبيبتى على كلامج و على الأمثلة اللى ضربتيها لنا بردج الحلو و اللبق ..و فعلا انا سعيدة فييج ..و بوجودج بينا ..

وبالعكس انت ما اطلتى الحديث ...علينا بالعكس انتى افدتينا و امتعتينا بكلامج ما تقصريين يا الغالية

[البشر]

بعد راسي فتاة حالمه بالعكس انتي ما قصرتي..

ارجع وقول تسلم اياديج على الموضوع الرائع

تحياتي..