تعدد الزوجات.. هل يحل مشكلة العنوسة!!

[عنوسه ^_~ ماتهاب]

شوفو شموخي
ههههههههههههههههههه حرام عليج كله حلم
اشلون لو اسويها لووووووووووووووووووووووووووول
-------------------------------------------------------
عنوسه
كل الردود الي قريتها تقريبا لم تدخل في بالي
==
اولا - الله احل الزواج من 4
ثانيا - شيء اكيد يحل تعدد الزوجات ومشكلة العنوسه للذي يستطيع ماليا
ثالثا- الان كل البنات متوظفات يعني لا تريد من زوجها الي ان يكون ستر عليها
وتريد ان تسعد في حياتها واولادها وان تحس بانها موجوده في الكون بشريك
وحب وحنان واولاد
صحيح ان الحياة تغيرت او الاخص ان الانسان لا يمكن تحمل للمسوؤليات وغيرها
ولكن الحل موجود وهو بان الزوجه الثانيه موظفه شنو المانع اذا تصرف علي نفسها
وتساعد زوجها في مستقبل حياتها والاهم انه يكون يحبها مثل ما يحب زوجته الاولي
كثير ما نسمع او نقراء قصص بنات في سن الزهور صغيرات يتزوجون اكبر منهم بكثير
لماذا ؟ الم نسأل انفسنا هذا السؤال ؟
وهو دليل بان البنت تريد ما حلل الله لها من معاشره واولاد وستر لها وان تحس بكونها انثي
لها وما عليها من مسوؤليات
انا افضل تعدد الزوجات اذا كانت الزوجه الثانيه تكون موظفه حتي تساعد علي حياتها
لان في وقتنا هذا الحياة صعبه جدا
وان يكون الزوج يقدر الحياة الزوجية ويحاول ان لا يظلم وان يعدل بما يستطيع

كل الشكر

هلا وغلا فيك اخوي


ما شاء الله مؤيد اكيد بتايد مب رجال


تسلم علي ردك ورايك

انا من وجهت نظري

ما اقول الرجال الي توه متزوج

يعني مثلا الي متزوج وعنده عيال

وفتره كبيره


وفي بنات عمرهم اكثر من 35 سنه


فعلا موظفات ومو قاصرهم شي


ويبون الستر ويصرفون علي نفسهم ما يبون الا زوج بالحلال

ليش ما يتزوج انا اعرف
رفيجه امي

اهي خطبت حق زوجها وحده عمرها 37 سنه موظفه وحلوه


وعايشين عادي

صج صعبه وماكو حرمه ترضا


بس انا اشوف هذا اهو الحل

[عنوسه ^_~ ماتهاب]

مرحبا حبيبتي

موضوع رائع ... تعدد الزوجات حلال ما نقدر نحرمه ع الرجال

لكن التعدد مشروط بالعدل ... هل يستطيع كل رجل ان يتميز بهالصفة ؟

و رأيي انه نسبة العنوسة كبيرة مو بسبب غلاء المهور فقط ، ، ، هناك سبب

مهم و وجيه و هو انه اغلب البنات تخاف ترتبط و تتزوج من رجل

اقل منها في المستوى الثقافي او اقل منها في المستوى الإجتماعي

و نفسها تتزوج انسان راقي فكر و راقي تعامل ... و القوامة للرجل ...

تخيلي لو اتزوجت رجل يصرخ و يشتم و يتطاول و يتأمر ...

اشوف الكتير من البنات يخافوا و بقوة من هالسبب ... و في من تشتكي

من زوجها و تقول انها تكرهه و مو قادرة تتقبله لسبب انه غير قادر

ع التعامل بأدب و رقي

مع انه صاحب مهنة رائعة و وسيم جدا في الظاهر راقي جدا ...


ويا تري صج ان تعدد الزوجات اهو الحل الوحيد؟

انا اقول انه حل في حالة واحدة و ارضى فيها هي اني اكون انا الزوجة التانية

و اكون احبه هههههههه بكل صراحة ...

يعني بجد لو الرجل حب واحدة تانية ؟ مو افضل انه يتزوجها ؟ او نقول لا ما

يصير ... عشان اسباب زي هادي ربنا شرع التعدد مو عشان نقص في

المرأة او انه الرجل عينه فارغة

وفي حرمه عندها الجراه انها تقول حق زوجها تزوج علي .؟

هنا حأجاوب في حال انا اللي زوجها يبغى يتزوج :

ايوة ممكن ان كانت ما تحب زوجها ، ، ، و يفرح هوه بأنه له كلمة

و عادل هههههههه و ما يدري انه

شكله يكسف و يبين للكل انه زوجته ما تحبه و لا تبغاه و ان اتزوج 3 يبين

انه الإتنين ماحد فيهم حبه .

و يقولوا انه الطريق لقلب الرجل معدته هههه

و الطريق لقلب المرأة اذنها هههههههه

تهت عن الموضوع ... تسلمي يا غالية ع الموضوع الحلو ...

تحياتي

انا اشهد انج لفيتي وفيني وطلعتنينا عن الموضوع نهائي

الحين تايدين ولا ما تايدين وبس :@

> يعني عصبت

[عنوسه ^_~ ماتهاب]

عنوستناا الغاليه

انا بختصر الكلام بجم كلمه فقط


الزواج من عانس المفروض يكون من اجمل الزيجات ليش؟

لان العانس تملك احساس لاتملكه المطلقه او الارمله

وتعدد الزوجات حلله الشرع لاخلاف على ذلك مهما كانت الاسباب

لكن اقول بالنهايه

اذا بقيت عانس ولم تتزوج ^^ وصانت نفسها

وشرفها ^^ لها عريس من الجنه

يفوق عريس الدنياا بالجمال والمال والاخلاق

بس:love2:

هلا وغلا حبيبتي فديتج والله

[عنوسه ^_~ ماتهاب]

شخصيا لا أنفي أن نية الزواج الثاني قائمه وموجوده لدي

وهذا سبب ردي على الموضوع

ماني فاهم الزوجه مثلاً اللي تدعي حب زوجهــا
وانها تغار عليه وترفض زواجه الثاني وتستميت بالرفض
مقابل أنها ممكن تغض الطرف نوعا مــا ولدرجه كبيره
عن علاقاته العابره سواء في بلده أو أثناء سفر اته
شلون تحبه وبنفس الوقت ما تحب له الخير

يعني أنه يرتكب المعصيه عندها
أهون من أنه يسوي الحلال

طبعا هذا الأمر يترتب عليه أنه ممكن يخونها
مع وحده مريضه أو مع فلبينه أو خدامتهم
يعني لو يتزوج وحده نــد لها وايــد أفضل من خيانتها
مع بنات ليل لاقيمه لهم
(( مابي أغير الموضوع وأدش بسوالف الخيانه
لكن رفض الزواج الثاني أحد أسباب الخيانه ))

طبعا أنا مع وجــود ضوابــط للزواج الثاني
يعني الأمــر مايكون سلق بيض

مو عشان نخفف نسبة العنوسه
نزيد في عدد المطلقات

يعني الرجل المقتدر الذي
يرى في نفسه الأستطاعه لتحمل
مسؤلية بيت ثاني من كافة الجوانب ويدرك
أن الأمر في ذمته
(( يعني السالفه مو نزوه أو تجربه عارضه ))
مو يتزوج شهر وبعدها يقول أنا مو قد الزواج الثاني
لأن فيه انسانه رضت فيه بالرغم مافيه من عيوب وعلمها بأنه ليس
لها وحدها
فعيب يتخلى عنها لظروف عارضه

طبعا أنا أشوف المطلقه أفضل من العانس خصوصاً
أذا الله رزقها (( المطلقه )) بأولاد من هذا الزواج
يعني تجربة الزواج كان لها أثمره

الزواج الثاني لدى الزوجه الأولى يعتبر وصمة عار
من ناحية الغيره وكذلك رأي المجتمع

وللأسف من واقع تجارب الكثيرين
تنقلب الزوجه الأولى 360ْْْ درجه
وتبدأ بالأهتمام بزوجها وبنفسها
يعني ما تصحى للأسف ألا لما تقع الفاس بالراس
وينك قبل لا ياخذ عليك وينك من كلامه ونصايحه !!

الزواج الثاني ماهو حل مطلق للعنوسه
ولكن للرجل المقتدر أحصن وللمرأه ستر

دمتم سالمين


شكرا لك عنوسه ماتهاب على هذا الموضوع

هلا وغلا فيك اخوي


حلوه الصراحه والله


في نقطه صح

الا واهي ان الحرمه لما يتزوج زوجها عليها
فعلا تهتم بنفسها


وتتغير

هالشي صحيح

ربي يوفقك

[ViOliet]

اهلين عنوسة ما تهاب

كيف ارد عليكي ؟ انتي حيرتيني !!


( ضد زواج زواجي )

( تعدد الزوجات مو حل )

[فيرووووس بنـ؟ـات]

حلات الشخص ياخذ له عالاقل صنتين مساهمه منا في حل مشكله العنوسه وهذي مو غشمره مني

لان بصراحه في الفتره الاخير نشهد ان نسبه العوانس طفت على نسبه العزوبيه بشكل كبير ... وهذي مشكله

ليش مانستر على بنات الناس ونتزوجهم افضل لهم بالحلال مو بالحرام في بنات صعب يرضون بالعنوسه

فنشوفهم في حالات الرذيله يتجرؤون ... الزواج ستر ستر ستر لهم .... اتركوا العاطفه يالبنات واتركوا الغيره ...

بدل لاتغارون على ازواجكم غيروا على من البنات تصير لكم وتكون عانس ليش تخلينها عانس ...

شوفي لها زوجج واخطبيها لزوجج للقريب ابرك لج .... احسن ماتفكر تاخذ احد مو من مستواها ولا من اصلها ويمكن

مو من جنسيتها او تتوفى وماكملت نص دينها .... احنا يحق لنا اربع عطي للرجل الضوء الاخضر عشان يتزوج...

ويستر على بنت حطي روحج في مكانها ترضين تبقين عانس ......!!

اعتقد صعبه حتى لو تقولين عادي بحس في هالشي ان جذب ..... لان الوحده من تصير فوق الثلاثين تفكر بسن

اليأس وانها ماراح يكون عندها عيال ... زين تزوجي بالاول وبعدين فكري في هالشي ....

وهالشي يخليها تفكر بزيجات غير شكل مثل المسيار والمتعه والعرفي .....

هذا رايي وانسوا اني فيروووس لو مرة وحده .... وشوفو كلامي عدل ولا لا وانتوا الحكم


يسلمو عانس .... ياعانسه العوانس .... واشكرج على الجهد

[عنوسه ^_~ ماتهاب]

احس نكي تكرر اكثر من مليون مره في هالموضوع :|


اوكي ابي منج هلارد بس يا قلبي

انتي ضد


فايروس مع :|

[المنــــفي]

هذا أستبيان موجود ليما الحين بالقبس
بس ما أدري ليش
عندي أحساس أن الحريم مشاركات بالأستفتاء