اللي كذا مفروض ماتصلي!!!

[شوفو شموخي]

قبل اسبوعين كنت في البحرين ودخلت المصلى اصلي المغرب والا بنتين

يدخلون ملابس ضيقه ومكياج وريحة العطر تشمه من كيلو يعني بالعربي

سفور!!!


دخلوا والبسوا جلال الصلاه((لبس ساتر للصلاه)) صلوا وطلعوا سفور!!

هالاسبوع كنت معزومه وقعدت اسولف عن السالفه طبعا كان شعوري

غريب اندهاش وراحه في نفس الوقت لأني مؤمنه انه الصلاه لابد يجي يوم

وتنهى عن الفحشاء والمنكر!!

لكن وحده من البنات ماعجبها الكلام وقالت اللي كذا مفروض ماتصلي!!!


صحيح الحجاب فرض لكن الصلاه ركن!!!


انتم شرايكم هل من المفروض انه نمشي على مبدىء يااما كله او خله؟؟؟


بقلم:شوفو شموخي

[البحر الهادي]

شوفو شموخي

انا ابي اتكلم عن العام ولا اخص البنات
===
الصلاة هي عمود الدين ومن تركها تركه الله

الصلاة تنور القلب وتجعل الشخص يتقرب لله يعني مو معناه ان اخطا ولا اصلي
الانسان مو معصوم من الخطا
والخطا ان تترك ركن من اركان الاسلام
بسبب انك اخطات
ماهو الخطا ؟
ان اخطا ولا اصلي او اخطا واصلي

تسلمين

[المنــــفي]

شكرا لك شوفو شموخي
على طرح مثل هذا الموضوع
لعدة أسباب منها وهو أهم شئ
أن اللبس مو مقياس نهائي للبنت
يعني شنو تلبس أقدر أحكم عليها
وما يحتاج أدخل في التفاصيل

الموقف اللي صار معاك بالبحرين
صار معاي قبل تقريباً سنه في الكويت
كنت أنتظر زوجتي ولا حظت
أن اللي وراها سفور واللبس جنز
فتكرمت زوجتي وأفادتني بأن فيه جلال صلاه داخل
وكانت معلومه جديده بالنسبه لي

الركن أهم وهالبنات السفور
أن شالله يجي يوم ويلتزمون
وكم بنت متمسكه للأسف باللباس الشرعي
تصرفاتها على النقيض تماما من لباسها

الكلمه اللي قالتها عنهم الملقوفه
من باب لفت النظر
وتدور سالفه لما ترجع للبيت تسولفها
لو فيها خير قالتها بوجهم (( عشان اللي ما يشتري يتفرج عليها ))
بس هي في قرارة نفسها تدري كلمتها
مالها داعي نهائيا ومالها أي قيمه


دمتم بخير

[فيرووووس بنـ؟ـات]

اللبس شي اساسي في قبول الصلاه او لا ان مهما كانت خاشعه هي للصلاه فإن المطهر اللي بتقابل فيه..

ربها غلط ... المفروض تلبس عدل في وقت الصلاه وتحترم نفسها في وقت الصلاه عالاقل ...

لان اللبس ... ممكن يأثر بشكل كبير في التركيز بالصلاه خاصه اذا كان ضيق ....

ياما في بنات لابسات عدل بس للأسف وقت الصلاه هم في وادي والصلاه في وادي ويصلون لأجل ... شي واحد


انه فرض وبس ... انا مع الاحتشام الكامل للمرأه وخاصه في صلاتها ....


يسلمو لج

[شوفو شموخي]

البهلوان

كلامك عين العقل احيك

[*TanTosHa*]

الي كذا المفروض ما تصــلي ..

طبعا انا ضد كلام رفيجتج ..

لانه الصلاه عماد الدين واهيه اول شي يتحاسب عليه الانسان ..يغض النظر عن المعاصي الثانيه ..

والانسان لابد انه يسوي معاصـي ..وكل انسان له معاصيه ..والله الغفــور ..!

يعني اذا ما بتصلي جنها مو مسلمه بس اذا تصلي في امل انها تكون بالجنه ..

والايمان بالقلب مو بالشكل ..وياما تحت السواهي دواهي ..يعني ناس متحجبين واهمه وله شي

وناس مو متحجبين وتشوفينهم شحلاتهم ..

كل الشكر لج
طرح شيق
ما قصرتي

..
.

[a7la 3eemiya]

بسم الله الرحمن الرحيم

بالبداية مشكورة على طرحج لهالموضوع

ورايي ان الإنسان حتى لو يخطئ ويعصي ربه لكن ما لازم يرك الصلاة لو شنو

الصلاة عماد الدين واهي اللي تفصل الكفار عن المسلمين مثل ما عندنا بالحديث الشريف

أما المعاصي فالانسان ممكن انه يتوب بعدين أو ربه يغفر له .



ويعطيج العافية.

[HoNeY RoSe]

اممم

مو مع رفيجتج

بما انهم احتشموا لما يو اصلووون .. يعني يعرفوون الصح من الغلط وانه الصلاه جذي ولازم اتقابل ربه باحتشام ..

والسفور بييهم يوم وبيحتشموون وبيتسترووون ,,

و اممممم
رفيجتج مو لازم اتقول الي كذا مايصلون .. لانها مو ربهم تحكم عليهم :)


مشكوره اختي يعطيج الله العافيه

[LoVeLiYa]

بما إني مو متحجة

بالعربي "سفــــــور" على قولتج :D

صح إن الحجاب فرض ..!

بس ما أعتقد إن الانسان له يتدخل في خصوصيات غيره ويبي يفرض عليه اللي يبيه :) !

ورفيجتج مع احترامي ياهلة نوعا ما !

الحين دام البنات صلوا بلبس محتشم واللبس الشرعي ليش تفتي من عندها وتقول المفروض ما يصلون؟

منو يدري يمكن صلاتهم أحسن من صلاتها وخاشعين أكثر منها :D

ومثل ما قالت هني روز مو اهي ربنا عشان تقول جذي وتحاسبنا :)

وأخيراً اللبس موووووو مقياس على أخلاق البنت

ترى الناس مخابـــر ماهــي مناظــــر

<<<يا حلاتي وأنا اتفلسف :D

وياما بنات مو متحجبات أخلاقهم تسوى أخلاق متحجبات ..

يعني بنت متحجبة تكلم شباب وبنت مو متحجبة ولا عمرها كلمت منو الاحسن؟

بنت متحجبة بس حجابها واصل لي فووووووق السقف من قوطي "البرينقلز" اللي حاطته براسها ومشوهة صورة الحجاب.. ولا البنت اللي مو متحجبة وممكن الله يهديها؟

اخلي الاجابة لج :)

تسلمين شموخة على الموضوع اللي عجبني وايد :D

[s.r.k]

أختي شوفو شموخي
آنا ما اتفق كلش مع رفيجتج ..
لأنه مو مقياس هذا
و كل واحد حر أهم شي انهم يصلون و أحسن من غيرهم ..
في وايد ناس شكل و مظهر اوكي بس صلاة مثل الاوادم ما يصلون
و في العكس مكياج و لبس و العطر فايح ،، سواء سفور و لا لأ لكن يصلون ..
و احنا ما نقدر نحاسبهم او حتى نقيمهم لانة منو احنا علشان نسوي جذي ..
و الله بروحهـ اهوة اللي يقيمهم ..

شكراً على طرحج الحلو

‘

[mshtaga]

يعطيج العافيه شوووفوووو

انا راح اتكلم عن اللي اشوفه

بالجامعه واحيانا بالسوق اشوف بنات على قولتج سفور بس اذا صلوا مشاء الله

عليهم يلبسون اللبس المحتشم وهذا دليل على انهم يعرفون ان الصلاه فرض
وانها تقرب الانسان من ربه

وياما هناك بنات والله محتشمين بس للاسف ما يعرفون يصلون؟؟

واختي المظهر صدقيني مو معيار الدين في القلب بس عاد مو مبالغه بالمظهر

شكرااااااااا

[عنوسه ^_~ ماتهاب]

هلاوغلا فيج حبيبتي

عادي ما استغرب
في شكثر بنات سفور بس يصلون


الصلاه فرض واهي الفرق بين المسلم والكافر

اما اللبس

وغيره


هذا شي ضروروي بس مو الكل ملتزم فيه
بس مو لان لبسها مب زين نقول لها لا تصلين ما نحكم احنا

يمكن اهي احسن مننا باشياء ثانيه


هالشي غلط المسلمه لازم تتستر وتحتشم بس مو الكل يحتشم علي حسب


ومشكوره يا قلبي

[شوفو شموخي]

المنــــفي
شكرا لك شوفو شموخي
على طرح مثل هذا الموضوع
لعدة أسباب منها وهو أهم شئ
أن اللبس مو مقياس نهائي للبنت
يعني شنو تلبس أقدر أحكم عليها
وما يحتاج أدخل في التفاصيل

الموقف اللي صار معاك بالبحرين
صار معاي قبل تقريباً سنه في الكويت
كنت أنتظر زوجتي ولا حظت
أن اللي وراها سفور واللبس جنز
فتكرمت زوجتي وأفادتني بأن فيه جلال صلاه داخل
وكانت معلومه جديده بالنسبه لي

الركن أهم وهالبنات السفور
أن شالله يجي يوم ويلتزمون
وكم بنت متمسكه للأسف باللباس الشرعي
تصرفاتها على النقيض تماما من لباسها

الكلمه اللي قالتها عنهم الملقوفه
من باب لفت النظر
وتدور سالفه لما ترجع للبيت تسولفها
لو فيها خير قالتها بوجهم (( عشان اللي ما يشتري يتفرج عليها ))
بس هي في قرارة نفسها تدري كلمتها
مالها داعي نهائيا ومالها أي قيمه


دمتم بخير



العفو اخوي وانت من اول الناس اللي يهمني رايهم !!

صحيح كلامك اخوي وانا معك فيه لكن اختلف معك انه صديقتي قالت كذا

لأنها ملقوفه !!مو دفاع والله بس بجد فيه ناس عقولهم وتفكيرهم غريب

في رايهم اللي مايصلي لايصوم واللي يسمع اغاني لايصلي واللي يسافر

كافر واللي حاط دش في بيته فاسق وغيره اشياء وافكار تشيب شعر الراس


عندنا اللي تلبس عباية كتف مو راس تدري شيقولون عنها الهيئه؟؟توقع!!


لن تشمي رائحة الجنه؟؟؟دينهم على كيفهم ومفاتيح الجنه بيدهم


استغفر الله العلي العظيم<<عصبت:)

[شوفو شموخي]

عنوسه ^_~ ماتهاب

هلاوغلا فيج حبيبتي

مرحبا الف عيونه انتي :)
عادي ما استغرب
في شكثر بنات سفور بس يصلون


الصلاه فرض واهي الفرق بين المسلم والكافر

اما اللبس

وغيره


هذا شي ضروروي بس مو الكل ملتزم فيه
بس مو لان لبسها مب زين نقول لها لا تصلين ما نحكم احنا

يمكن اهي احسن مننا باشياء ثانيه


هالشي غلط المسلمه لازم تتستر وتحتشم بس مو الكل يحتشم علي حسب


ومشكوره يا قلبي



صح وانا من رايك عمر ماكان الحكم على الظاهر الستر مطلوب لكن

في حجاب للقلب قبل حجاب الراس!!

الله يهدي الجميع

[شوفو شموخي]

mshtaga

يعطيج العافيه شوووفوووو

يعافيج قلب:)
انا راح اتكلم عن اللي اشوفه

بالجامعه واحيانا بالسوق اشوف بنات على قولتج سفور بس اذا صلوا مشاء الله

عليهم يلبسون اللبس المحتشم وهذا دليل على انهم يعرفون ان الصلاه فرض
وانها تقرب الانسان من ربه

وياما هناك بنات والله محتشمين بس للاسف ما يعرفون يصلون؟؟

واختي المظهر صدقيني مو معيار الدين في القلب بس عاد مو مبالغه بالمظهر

شكرااااااااا




صح ياقلبي كلامك وانا ماكتبت الموضوع الا وانا مو عاجبني كلام صديقتي!!

نورتينا