اللي كذا مفروض ماتصلي!!!

[شوفو شموخي]

s.r.k

أختي شوفو شموخي
آنا ما اتفق كلش مع رفيجتج ..
لأنه مو مقياس هذا
و كل واحد حر أهم شي انهم يصلون و أحسن من غيرهم ..
في وايد ناس شكل و مظهر اوكي بس صلاة مثل الاوادم ما يصلون
و في العكس مكياج و لبس و العطر فايح ،، سواء سفور و لا لأ لكن يصلون ..
و احنا ما نقدر نحاسبهم او حتى نقيمهم لانة منو احنا علشان نسوي جذي ..
و الله بروحهـ اهوة اللي يقيمهم ..

شكراً على طرحج الحلو

الاحلى ردج غلاتي

صحيح عيوني وانا من الناس اللي مؤمنه انه ربي اكرم من الكل ومستحيل

احكم على الظاهر لأني شفت ناس متسترات اسم والصلاه مجرد برواز!!

[شوفو شموخي]

فيرووووس بنـ؟ـات

اللبس شي اساسي في قبول الصلاه او لا ان مهما كانت خاشعه هي للصلاه فإن المطهر اللي بتقابل فيه..

ربها غلط ... المفروض تلبس عدل في وقت الصلاه وتحترم نفسها في وقت الصلاه عالاقل ...

لان اللبس ... ممكن يأثر بشكل كبير في التركيز بالصلاه خاصه اذا كان ضيق ....

ياما في بنات لابسات عدل بس للأسف وقت الصلاه هم في وادي والصلاه في وادي ويصلون لأجل ... شي واحد


انه فرض وبس ... انا مع الاحتشام الكامل للمرأه وخاصه في صلاتها ....


يسلمو لج



راي سليم وجهة نظر احترمها نورتني

[شوفو شموخي]

*TanTosHa*


طبعا انا ضد كلام رفيجتج ..

لانه الصلاه عماد الدين واهيه اول شي يتحاسب عليه الانسان ..يغض النظر عن المعاصي الثانيه ..

والانسان لابد انه يسوي معاصـي ..وكل انسان له معاصيه ..والله الغفــور ..!

يعني اذا ما بتصلي جنها مو مسلمه بس اذا تصلي في امل انها تكون بالجنه ..

والايمان بالقلب مو بالشكل ..وياما تحت السواهي دواهي ..يعني ناس متحجبين واهمه وله شي

وناس مو متحجبين وتشوفينهم شحلاتهم ..

كل الشكر لج
طرح شيق
ما قصرتي




راي جميل يالغلا ويسلم هالعقل الكبير حياج تنتش
..
.[/FONT][/QUOTE]

[شوفو شموخي]

HoNeY RoSe

مو مع رفيجتج

بما انهم احتشموا لما يو اصلووون .. يعني يعرفوون الصح من الغلط وانه الصلاه جذي ولازم اتقابل ربه باحتشام ..

والسفور بييهم يوم وبيحتشموون وبيتسترووون ,,

و اممممم
رفيجتج مو لازم اتقول الي كذا مايصلون .. لانها مو ربهم تحكم عليهم :)


مشكوره اختي يعطيج الله العافيه

اولا قلبي مشكوره

ثانيا مو رفيجتي انا قلت وحده من البنات:)


ثالثا:اي لما تناقشت معها وغالطتها قالت هم يدرون انهم لازم يتسترون يعني


مو غافلين اوجهله شنو يقصون على ربهم********كلام البنت مو انا :)

[شوفو شموخي]

LoVeLiYa
هلا وغلا بالعسل
بما إني مو متحجة

بالعربي "سفــــــور" على قولتج :D

اعتذر لكن هذا وصف يعبر عن اللي مو متحجبه تبين ارسمه:)
صح إن الحجاب فرض ..!

بس ما أعتقد إن الانسان له يتدخل في خصوصيات غيره ويبي يفرض عليه اللي يبيه :) !

ورفيجتج مع احترامي ياهلة نوعا ما !

والله مو رفيجتي وانا ماصادق هالعقليات:)
الحين دام البنات صلوا بلبس محتشم واللبس الشرعي ليش تفتي من عندها وتقول المفروض ما يصلون؟

منو يدري يمكن صلاتهم أحسن من صلاتها وخاشعين أكثر منها :D

ومثل ما قالت هني روز مو اهي ربنا عشان تقول جذي وتحاسبنا :)

وأخيراً اللبس موووووو مقياس على أخلاق البنت

ترى الناس مخابـــر ماهــي مناظــــر

<<<يا حلاتي وأنا اتفلسف :D

وياما بنات مو متحجبات أخلاقهم تسوى أخلاق متحجبات ..

يعني بنت متحجبة تكلم شباب وبنت مو متحجبة ولا عمرها كلمت منو الاحسن؟

بنت متحجبة بس حجابها واصل لي فووووووق السقف من قوطي "البرينقلز" اللي حاطته براسها ومشوهة صورة الحجاب.. ولا البنت اللي مو متحجبة وممكن الله يهديها؟

اخلي الاجابة لج :)

تسلمين شموخة على الموضوع اللي عجبني وايد

العفو قلبي عيونك الحلوه<<<تضيع في المجاملات:)


صحيح كلامك بس ي تدرين شنو اعتراضها عليه؟؟

هي تقول انهم يدرون انها معصيه ولاكبيره مع اصرار ولاصغيره مع استغفار


وصلت الفكره قلبي!!!

[شوفو شموخي]

ريومه


نورتني وراي منطقي وجميل مثلك

[قـمـر]

السلام عليكم ورحمة الله وبركاته


انا رايي من رايج خيتوو شوفو شموخي



فرض الحجاب لكل مؤمنه بالغة


والمفروض عند خروج البنت او المرأه من منزلها ان تكون متستره والكلام هذا في الآيه الكريمه

في قول الله تعالى : { وَقُلْ لِلْمُؤْمِنَاتِ يَغْضُضْنَ مِنْ أَبْصَارِهِنَّ وَيَحْفَظْنَ فُرُوجَهُنَّ وَلا يُبْدِينَ زِينَتَهُنَّ إِلا مَا ظَهَرَ مِنْهَا } .


اما بموضوع العطور فوضع الاخت المسلمه للعطر والخروج من المنزل حرام و راح تلقون الجواب الشافي في الحديث الشريف ورد عن النبي صلى الله عليه وسلم أنه قال: "أيما امرأة استعطرت فمرت على قوم ليجدوا ريحها فهي زانية، وكل عين زانية" رواه النسائي وابن خزيمة وابن حبان في صحيحيهما، ورواه الحاكم أيضا وقال: صحيح. كما رواه أبو داود والترمذي بلفظ "كل عين زانية والمرأة إذا استعطرت فمرت بالمجلس كذا وكذا" يعني زانية، وقال الترمذي: حديث حسن صحيح.



اما لقبول صلات البنات فهي ليس بيد الانسان ان يقول هي مقبوله او غير مقبوله لان هذا ربنا اللي يحكم ويقرر


بس اللي علينا ان ننصح الاخوات بعدم الخروج من المنزل والمبالغه في الزينه وعدم وضع العطر لانه حرام وتعتبر زانيه




يعطيك العافيه خيتووو شوفوا شموخي عالموضوع الرائع


اختك

قمر

[المنــــفي]

شوفو شموخي
أولا أحب أعتذر منك لعدم قراءة القصه بشكل جيد
فلذلك صار عند سوء فهم
توقعت أن فيه وحده بالمصلى
قالت العباره اللي أثارة الموضوع
بعد خروج الفتاتين من المصلى
وأحب اعتذر لوصف صديقتك بالملقوفه
لأني ماكنت أدري انها صاحبة العباره
وعشان لا حد يقولني شئ ماقلته
وندخل بسوالف الصاحب ساحب :)

[شوفو شموخي]

المنفي

مشكور على التعقيب لا يبه شكو الصاحب ساحب انا كنت في مجلس فيه حريم وانفتح الموضوع وصار التعليق

وانا استنكرته وبكذا حطيت الموضوع!!

ومره ثانيه فتح عيونك عدل:)

نورتني

[شوفو شموخي]

قموره

دوم اقول اذا انتي عقبتي تقولين اللي اعجز عن وصفه نورتي اخصائيتنا:)

بوسه لسوسو ولولو:)

[قـمـر]

وصلت بوسات مو بوووسه لووول

[شوفو شموخي]

عيوني انتي موووون

[ScReAmQwEeN]

شوفو شموخي .. ..
تسلمين يالغلا على طرح هالموضوع ..

انـــا اشوف ان اللبس مومقياس للبنت .. يعني في بنات واايد مومتحجبات واخلاقهم حلوه
ويعرفون ربهم أكثر بمليون مره من البنت إلي متستره من راسها لريولها ..
والله انــا كانت عندي بنت في المدرســـه ((الله يستر عليها )) تلبس عباية راس وخطوه لركبها وتحفظ قران
في مسيد المدرســـه .. اسمع عنها كلام لو اموت ماأصدقــه .. لمن الله خلاني اشوفها بعيوني تسوي المعاصي ..
يعني هذا أكبر دليل على أن اللبس مومقياس ..
امــا بخصوص سالفة البنات في البحرين .. أنــا اقول حرام عليها إلي تقول عنهم جذي
يمكن هالبنتين يكنون افضل مليون مره من المستترات .. على العموم ..
((بيني وبينكم الصلاة من تركها فقد كفر )) .. هذا اساس الدين ..

تقبلي مروري

[شوفو شموخي]

سكريم راي سديد من عقل ناضج تسلمين قلبي:)

[كـلـي غـلا]

بالكويت ..
في بنات ما يرتدون الحجاب ويصـلون ..
بالعكس انا يكبرون بعيني .. بس لو انهم يرتدون الحجاب أزين وأزين ..
وعسى الله يهديهم ..

وبالنسبة للصلاة أكيد انها تنهى عن الفحشاء والمنكر ..

وبالنسبة للزينه

نادر الحين تلاقين وحده بالسوق مو حاطه شي على وجهها .. لازم مكياج أوفر .. وسوالفهم .. عسى الله يهديهم ..

تسـلمين يالغلا