بــدوون الكــويت ... أقدم موضوع عرفته البشريه :)

[ميلاني]

قووه
اول شي حبيت اقولكم ادري هالموضوع تكرر كثييييييييير
بالمنتدىىى وبكلل مكان حتى مجلس الأمه ما خلى منه
بس للأسف
ان العقول كل ماله وتتناسى
عندي سؤال واحد وابيكم تشهدوون معاي او ضدي
منو اكبر دول العالم ؟ بتقولونلي بريطانيا وامريكا وكندا ومادري شنو وغيرهم
هذيل الدول تقعد فيهم جم سنه يعطونك الجنسيه ؟
مع ان اعدادهم اكبر من الكويت بكثيييييييير
شمعنى الديره الوحيده اللي بالعالم اللي فيها بدون وماتعطي جناسي الكويت ؟؟
وكان معاها السعوديه بس السعوديه الحين قاعد تعطي شهريا الف واحد وهذا رابط من جريدة وشوفوا http://www.alriyadh.com/Contents/20-...CAL1_14334.php
؟ والكويت كل عشر سنين 100
لا وشغل واسطات
يعني البدون شنو اهما ؟
هم ناس كانو اهل الباديه مع الكويت ويوم اطلبوهم للجنسية اكو ناس راحت واللي هم الكويتيين اللي الحين
واكو ناس ما كانت تعرف شنو جنسيه وما اهتمت ... واكبر دليل مسلسل السرايات الجزء الثاني اللي كان يطلع برمضان على قناة الكويت
لا وبالدفعات الاخيره عطو جنسيه لناس ماتعرف تسولف عربي ؟ ومتولي ؟ وكومار ؟ وانتو شفتو بو قتاة وبو نبيل ماخلوهم بحالهم :)
بس والله حرام اكو ناس من البدون مات واستشهدو حبا بالكويت واحنا مو قاعدين انجازيهم لا بجنسيه ولا حتى معامله
وقلت معامله لان البدون محروم من الليسن ... بس طبقو قرار الليسن من سنتين يمكن
وومحروم من اشياء كثير بالكويت
ولكم بعد دليل يدل على المعامله الحلوه للبدون
ان البدون العسكريين قالولهم يا تطلعون جنسيه ثانيه يا نفنشكم ؟ يعني شوفوا وتخيلوا ان ناس اخدموا 30 سنه للكويت وجندوهم لأنهم كانو محتاجينهم حيل ذيك الحزه سنة السبعينات وألحين ؟؟؟؟
وصج اعرف ناس يا كثرهم تفنشو ا
وناس طلعت جواز ليبيري وناس اريتيري وناس عراقي وناس سوري
وانا كتبت هالموضوع لأن ما ارضىى بااللي قاعد يصير بديــرتي :)
وكلنا نحب الكويت ونعزها بس ليش احنا مثل عين عذاري على قولتهم نسقى البعيد ونخلي الجريب يموت عطش
انا ادري صوتي بالمنتدى ما راح يجيب نتيجه
ولا حتى فايده
لان غيري اعضاء اكتبوا
وشكثر سولفوا الجرايد
ويعطيكم العافيه
مو منقــول :)

[طفوليه حدي]

أخييييييييه والله قلبوني يعورني عليهم

اعرف ناس يصيرولي بدون والله حالتهم احسن من لكويتين بالف مره بس ناقصهم جنسيه

متوقف زواجهم بسبت هالجنسيه وشكو مسوين بعد جنسيه ماده اولى وسابعه مادري

ياخي هالديره عيبها بمجلس الامه بس واعضائها السنه والشيعه مسوين لويا ...


الله كريم وهون الجرح الاليم :p

طــــــــف طــــــــف *_^

[silentHell]

موضــوعــك حلــو

لان هم انا يصيروولي وايد ناس بدوون وصج مو ناقصهــم شي :p

بس حرام يعني شالتفرقــه ..!! مع ان البدوون اهما اللي دافعووا عن الكويت

واذا يذكروون سالفة اغتيال بابا جابر الله يرحمــه كانوا اللي فدوو رووحهم على شانه بــدون (بس جنسوو اهلهم ) :p



وتسلــم خيــو عالموضــوع

[ميلاني]

اي صح ذكرتيني الله يذكرج بالشهاده
ترى البدون ما يعطونهم عقد زواج !!
يعني شلون بتيزوجون مادري
ان تقدمو لكويتيه ارفضوهم لأنهم بدون وان صار العكس وتقدم كويتي لبدون يهزأون عيشته نفس ما صار مع واحد اعرفه وبالاخير تزوج بعد سنتين من الدز والواسطات
لا ومسوينلي محكمه سنه ومحكمه شيعه
ماشالله بس


يعطيج العافيه ومشكوره عالمرور يالمغروره

[ميلاني]

اييييييه جنسو اهلهم صح
جنسوهم قبل سنه واهما مسوين حادث بالثمانينات ؟

والله سايلنتيه الموضوع ما بيسوي شي ولا بيفيد

الناس نايمه على ودانها على قولتهم

ومشكوره عالمرور والله يرزق كل محتاج بس

[بــئـا تــسذا..]

اشكرك اخوي ميلاني على الطرح..اللي وضح من خلاله مشاعرك الاصيله..


البدون..مشكله ازليه..


سبب عدم حلها...(( الحســد))

بتقولون حنا بعيده عن الاشياء هذي ونحب الخير للكل


اقولكم كلام في كلام



ممكن البعض منكم يتصف بصفات انسانيه رائعه..لكن الاغلب..منافق في كل شي حتى في مشاعره



البدون..مشكلتهم انهم كانوا بدو..وعزيزين نفس لا اكثر ولا اقل..


كانوا يظنون ان الناس بتظل تحترمهم..لاسمهم وقبيلتهم..وانهم معروفين..وانهم بدو الكويت


لكنهم ما حسبوا حساب..اللي جه بلنج او سباحه..او اللي عبر الحدود..متلثم....



الكويت ديره خير..والحمدلله ماهي متأثره اذا جنست 100 الف شخص..


لكن وين يجنسون والبطانه الفاسده موجوده بالبلد


اول كلمه بيقولونها..هذا بكره بياخذ بيوت ويزاحم عيالنا على الدور..هذا بكره يدش الجامعه ويصير احسن من ولدنا..هذا بكره يدش الجيش ورتبته تصير اعلى من رتبه ولدي...


طبعا انا اتكلم عن البطانه الفاسده..


بالنسبه للاخت اللي قالت عن سالفه اغتيال الشيخ جابر الله يرحمه



مو كلهم تجنسوا..البعض منهم..


الميتين على ماعتقد تجنسوا اهلهم..لكن اللي عايشين الى الان بدون..


موضوع الزواج..


ذكرتوني بمقابله للسلفي..المدعي ..((احمد باقر)) لما كان وزير للعدل والاوقاف


فسألته المذيعه قالت انت شلون تمنع زواج البدون..انت قاعد تمنع شي حلله الله..فرد عليها انا قاعد اطبق قانون البلد..فردت عليه انت عضو سلفي اسلامي..فكيف ترضى بالشي هذا..وشلون ترضى انك تكون وزير.على قوانين عرفيه..فرد بكل (( سخافه)) اللي يبي يصير وزير يبعد الدين عنه..وانا لا اطبق احكام الشريعه في الوزاره..


اذا هذول مطاوعتنا شنو نرتجي من الباقين


وقبل لا انهي كلامي لازم اذكر الفئه..اللي تطبل على نغمه حقوق الانسان


وهنا اعني الليبراليين..اللي ذبحونا حقوق الانسان وحقوق الحيوان((تكرمون))

شنو اكثر من ان شخص يمنع من الزواج..والعمل..والدراسه..


ليه ماتتحركون..ليه ماتتكلمون..ولا اللجنه اللي مشكلينها وتصرخون امام الاعلام..مجرد كلام في كلام..


في النهايه..اشكر كل شخص يعرف معاناه الفئه هذي..وواقف وياهم..وحاس فيهم

وايضا اشكر الشيخ نبيل العوضي..ولله درك ياشيخ

[اريش العين]

موضوع جمـيل..

وطرحك .. جمـيل..!

لا اريد ان اقول انهـم مضلومون .. ولا اريد ان اقول انهم.. ضالمـون..!


قضاء وقـدر.. وهنـاك الذي يستحق .. وهناك الذي لايستحـق..


المكتـوب يصيـير يصيـر.. لا انت ولا انا .. نقدر نغـيره ..!



ربنـا يكون بالعـون..!

[ScReAmQwEeN]

تسلم ميلانــــــــــي على هالطرح ..

والله تبون الصج وبلا شعارات ومجاملات .. ديرتنـــا ديرة خربوطــه تعطي البعيد وتخلي القريب .. ..
ومعذبــه هالنــاس عشان دفتر فيه صفحــه وحده ويسمونها جنسيــه .. .. .. والله مادري ليش حاسدين البدون على الجنسيه لخذوهــا فهم عيال الديره ماراحت لغريب .. .. تدرون والله فيهم الخير إلي للحين صابرين على الهم إلي يذقونــه من الحكومــه ولا ألف دولــه جنس بيوم ليلــه وخليجيــه بعد لكن وطنيتهم اهيــا إلي مانعتهم لايرحون لغيرها وحبهم هالأرض كبير ويمكن يحبون ديرتنــا أكثر من أحنــا أنحبها .. ماأقول إلا الله يعينهم ويصبرهم على مابلاهم فيه .. وكل من يوقف بويــه اخوانــا البدون الله يضع كيده بنحره انشاءالله ..


تقبل مروري

[وحـش]

صـــــــــــــوتــــــــك وصــــــــــــل :)

[ezgrttee]

قضية حلها بسيط
تجنيس المستحق

واعتقد حتى شهادات ميلاد مايطلعون لاطفال البدون


وترى التفرقة موجوده حتى بالجناسي مقسمينها كذا قسم
وين صارت هالسالفة وبأي دولة !!


موضوع طيب

مشكور اخوي

[أمير القلوب]

بسم الله الرحمن الرحيم

السلام عليكم ورحمة الله و بركاتة

طرح جميل و موضوع تكرر اكثر من مليوون مره بكذا منتدى و بكذا نقااش


ولكن .... الى اين نتجه بهذا الكلام


ممكن نوقف قليلا عند نقطه مهم جدا ....

قبل وقوع الغزو الصدامي على الكويت شنو كان الفرق بين الكويتي و البدون ؟

ماكو فرق ابد مثله مثل الكويتي يعني حتى في اتفه الامور معاملتهم وحده بس مجرد الورقه الي تفرق و سبحان الله كان الله منعم على الكويت لان مكانت الحكومه ظالمه للفئه هذي

الحين شوفو الفرق ؟

لان الحكومه ظلمة هالفئه شنو صار بالكويت ....

شفتو معاي شنو الفرق ؟


قبل دولة الكويت كانت من احلا الدول و لله الحمد بكل الامور و كانت تسوود بالاطمئنين السيااسي و الكل مرتااح بكل المجالات و مزدهره بكل المجالاات

ولكن بعد هالظلم ربك ما يرضى فيه يبي يحسس شعب الكويت انه قاعد يظلم فقاعد يختبرهم و يبليهم لجل يحسوون و يعظيوون ولطن لا حياة لمن تناادي

يبه يكفي ان المطر ( رزق من الله و هو الخير كله ) سبحان الله ما ينزل علينا و ينزل على دول المجاوره بغزاره ليه ؟

من الحسد الي ماليا قلوب الأغلبيه مو بس البدون حتى المغترب يحسدونه هذا جاي من اقصى الدنيا ياخذ حلالنا و يمشي ...

هذا تعب و اجتهد و انت نايم و ناطر الراتب ....

المشكله في فسااد المجتمع الاخلااقي

خلونا نحل مشاكلنا بالاول و نفكر نحل مشاكل الاخرين حنا دوله قلوبنا مو متصافيه و اسال الله ان يحسن خاتمتنا


و الله يرحم ابونا الي قال لنا مافي فرق بين المواطن و المقيم الله يرحمك يا جابر الخير يا امير قلوبنا

ترى انا مو كويتي ولاني بدون

انا سعودي و عايش بالكويت و احب الكويت اكثر من الكويتين انفسهم

فديتك يا كويت


كلنا للكويت و الكويت لنا ..... هل من شخص يذكر هالجمله ؟

قبل لا اختم كلامي ترى كل الي قلته من الحره الي بقلبي ولا تواخذوني والله من حبي و خوفي على الكويت الغاليه

بالختام

لكم مني اجمل سلام

اخوكم

أمير القلوب

[ســهـالااااات]

قووه
اول شي حبيت اقولكم ادري هالموضوع تكرر كثييييييييير
بالمنتدىىى وبكلل مكان حتى مجلس الأمه ما خلى منه
بس للأسف
ان العقول كل ماله وتتناسى
عندي سؤال واحد وابيكم تشهدوون معاي او ضدي
منو اكبر دول العالم ؟ بتقولونلي بريطانيا وامريكا وكندا ومادري شنو وغيرهم
هذيل الدول تقعد فيهم جم سنه يعطونك الجنسيه ؟
مع ان اعدادهم اكبر من الكويت بكثيييييييير
شمعنى الديره الوحيده اللي بالعالم اللي فيها بدون وماتعطي جناسي الكويت ؟؟
وكان معاها السعوديه بس السعوديه الحين قاعد تعطي شهريا الف واحد وهذا رابط من جريدة وشوفوا http://www.alriyadh.com/contents/20-...cal1_14334.php
؟ والكويت كل عشر سنين 100
لا وشغل واسطات
يعني البدون شنو اهما ؟
هم ناس كانو اهل الباديه مع الكويت ويوم اطلبوهم للجنسية اكو ناس راحت واللي هم الكويتيين اللي الحين
واكو ناس ما كانت تعرف شنو جنسيه وما اهتمت ... واكبر دليل مسلسل السرايات الجزء الثاني اللي كان يطلع برمضان على قناة الكويت
لا وبالدفعات الاخيره عطو جنسيه لناس ماتعرف تسولف عربي ؟ ومتولي ؟ وكومار ؟ وانتو شفتو بو قتاة وبو نبيل ماخلوهم بحالهم :)
بس والله حرام اكو ناس من البدون مات واستشهدو حبا بالكويت واحنا مو قاعدين انجازيهم لا بجنسيه ولا حتى معامله
وقلت معامله لان البدون محروم من الليسن ... بس طبقو قرار الليسن من سنتين يمكن
وومحروم من اشياء كثير بالكويت
ولكم بعد دليل يدل على المعامله الحلوه للبدون
ان البدون العسكريين قالولهم يا تطلعون جنسيه ثانيه يا نفنشكم ؟ يعني شوفوا وتخيلوا ان ناس اخدموا 30 سنه للكويت وجندوهم لأنهم كانو محتاجينهم حيل ذيك الحزه سنة السبعينات وألحين ؟؟؟؟
وصج اعرف ناس يا كثرهم تفنشو ا
وناس طلعت جواز ليبيري وناس اريتيري وناس عراقي وناس سوري
وانا كتبت هالموضوع لأن ما ارضىى بااللي قاعد يصير بديــرتي :)
وكلنا نحب الكويت ونعزها بس ليش احنا مثل عين عذاري على قولتهم نسقى البعيد ونخلي الجريب يموت عطش
انا ادري صوتي بالمنتدى ما راح يجيب نتيجه
ولا حتى فايده
لان غيري اعضاء اكتبوا
وشكثر سولفوا الجرايد
ويعطيكم العافيه
مو منقــول :)

عجبتني جرأتك بالطرح فعلا انت على راسي
البدون قصة ازلية من سنين وما نحلت
احب اقولك انك بردت قلبي بس صدقني لو تسولف بها القضيه مني لباجر محد بيسمعك
فالله المستعان وكل صاحب حق بياخذ حقه
طبعا مالي خلق اقولك عن الناس الي معطينهم جنسيه وما يعرفون عربي واصولهم مو عربيه لا وبعضهم كان يملك جنسيه غير عربيه شايف مواقف وايد جذي واعرف وايد من هالنوعيه
ما ادري يعني شنو ذنب هالفئة شنو الي ارتكبوه من جريمه لكي يعاملو بها الطريقة
للعلم الدولة لا تستطيع طرد هذه الفئه من الكويت وذلك لوجود مادتين بالدستور الكويتي تدعمهم ويحق لهم الاقامة بالكويت وذلك لانهم من الباديه
طبعا لو اقولك اسباب عدم تجنيس هذه الفئه بتنصدم وصدقني صعب اني اقوله هني وذلك مراعاة لقوانين المنتدى
وعدم تخطي الخطوط الحمر
بالنسبه للذي يرغب بالزوج منهم لا يستخرج له عقد زواج واكثرهم يتزوجون عن طريق قضايا بالمخفر
لا يسمح لهم بالدراسه الجامعيه ويسمح فقط لابناء الكويتيات
تستخرج لهم بطاقه تعتبر كبطاقه مدنيه ويكون لونها اخضر وطبعا في خانة الجنسيه يكتب مقيم بصورة غير قانونيه
شوفو التناقض بلد تمنع الجريمه وتردع المقيمين بصورة غير شرعيه والمجرين فتاتي وتكتب في هذه البطاقات مقيم بصورة غير قانونيه شر البليه ما يضحك هههههههههه وطبعا هالبطاقه تجدد لحملة احصاء 65 لمدة سنه واحده ولغير حملة احصاء65 مدة 6 اشهر وفوق هذا ياخذون رسوم
الجواز لا يستخرج الا للدراسه وشرط احضار فيزة من الدولة الي تدرس فيها وقبول من الجامعه المتواجده فيها
ويعطى الجواز ايضا للعلاج زطبعا اكثر الدول لا تعطي الفيزا لحملة هذا الجواز وهو مادة 17
والله شي يعور القلب ويبجي صدقني لا اتحمل الحديث في هذا الموضوع
ومثل ما قتلك الله المستعان وبعدين خلاص الناس تعودت عالعيشه وصدقني اذا ما انقذوهم وجنسوهم الحين فمراح تنفعهم باجر ولا بتنفع عيالهم
احد اصدقائي مسجل له في ملفه انه يمني وابوه بدون وعمه ارتيري والباقي منثرين واذا قالهم ليش جذي يقولون له عليك قيد امني يقول طيب شنو سبب القيد يردون عليه انت جيش شعبي مع الجيش العراقي ايام الغزو
اهو هني يضحك يقولهم زين جيش شعبي وعمري بالغزو ما يتعدى الاربع سنوات
شقولك يخوي حالة كسيفه الظاهر شايفينه ماسك بازوكه ومعلق قنابل يدويه بحفاظته
خلها على ربك اسف على اطالتي
تحياتي لك

[غمـ إنسانه ــوض]

آآآآآآآآآآآآآآآآآآآآه والله جبتها عالجرح, اللي يدري يدري واللي مايدري....
الله يعطيك العافيه أخوي ما قصرت لما نقرا كلامكم تخففون عنا المعاناة شوي
مو كل البدون حالتهم زينه والله اعرف ناس حاطين خيمه بره بيتهم ينامون فيها
لان بيتهم مو كافيهم والحين الآجارات الله بالخير مافي اقل من 300 دينار وطبعا
رواتبهم ما تتعدى 200 دينار..لا و في شي لازم تعرفونه بعد
ان في انواع من الادويه تنصرف بس حق الكويتين وما تنصرف حق البدون واغلبها
تكون ادويه غاليه فيضطر يشتريه من الصيدليه.. ادري لو بتحجى ما راح اخلص....
لك مني كل تقدير واحترام
شاكرين لك من اعماقنا..

تحياتي:

كائنه حيه (لان للحين ما اعتبرونا بشر)

[ميلاني]

كلامك عين العقل
بس ليش مايبنون بيوت او يبنون جامعات ؟ شناقصنا ؟؟ماشالله الخير واجـد

وانا معاك بكل شي قلته
اما عن باقر هذا سالفته اقنور وبلوك وديليت وماسحه من حياتي
بس والله انا كتبت هالموضوع لان ماحب اخش شي بقلبي ولا ترى مو عشان يجيب فايده
لأن ادري مابيجيب فايده

اذا الكبار ما سوو شي
احنا بمنتدى بنسوي شي ؟؟

وشاكرلك عالمرور وخوش نك :)

[ميلاني]

موضوع جمـيل..
وطرحك .. جمـيل..!
لا اريد ان اقول انهـم مضلومون .. ولا اريد ان اقول انهم.. ضالمـون..!
قضاء وقـدر.. وهنـاك الذي يستحق .. وهناك الذي لايستحـق..
المكتـوب يصيـير يصيـر.. لا انت ولا انا .. نقدر نغـيره ..!
ربنـا يكون بالعـون..!

مرور جميل
رد جميل
بس اذا ضالمون قولي شلون ؟
يمكن صح فيه منهم جاي تزريق
بس اخذها ؟ اما الاصلي ماخذاها ؟؟

وشاكرلك عالمرور والنعم بالله
عساك عالقوه منورنا