بــدوون الكــويت ... أقدم موضوع عرفته البشريه :)

[ميلاني]

تسلم ميلانــــــــــي على هالطرح ..
والله تبون الصج وبلا شعارات ومجاملات .. ديرتنـــا ديرة خربوطــه تعطي البعيد وتخلي القريب .. ..
ومعذبــه هالنــاس عشان دفتر فيه صفحــه وحده ويسمونها جنسيــه .. .. .. والله مادري ليش حاسدين البدون على الجنسيه لخذوهــا فهم عيال الديره ماراحت لغريب .. .. تدرون والله فيهم الخير إلي للحين صابرين على الهم إلي يذقونــه من الحكومــه ولا ألف دولــه جنس بيوم ليلــه وخليجيــه بعد لكن وطنيتهم اهيــا إلي مانعتهم لايرحون لغيرها وحبهم هالأرض كبير ويمكن يحبون ديرتنــا أكثر من أحنــا أنحبها .. ماأقول إلا الله يعينهم ويصبرهم على مابلاهم فيه .. وكل من يوقف بويــه اخوانــا البدون الله يضع كيده بنحره انشاءالله ..
تقبل مروري

يسلمج ربي

اقولج شي ؟ هالورقه اللي تسولفين عنها مكتوب مقيم بصوره غير قانونيه ؟ تخيلي جواز للسفر مقيم بصوره غير قانونيه ؟ حتى دول الخليج ماترضى فيك ؟؟

شحقه مقيم بصورة غير قانونيه ؟ قبل كان مسماها غير كويتي ؟ اما الحين رقعوها غير قانووونيه

مو باقي الا يكتبون " تكملة عدد "

ازيدج من الشعر بيت بعد ؟
الامارات وقطر والبحرين دوم طالبه البدون تبيهم وتعطيهم جنسيه وكل شي
بس الكويت مو راضيه ؟؟
تدرين ليش
ان راحو البدون منو بيتم بالكويت ؟ الاقتصاد بيطيح وربي

المهم عساج عالمرور ومشكوره عالرد الحلو ومنورتنا

[ميلاني]

وحش مرورك وردك انحسب :)
ومرورك وصل
منور

[ميلاني]

قضية حلها بسيط
تجنيس المستحق
واعتقد حتى شهادات ميلاد مايطلعون لاطفال البدون
وترى التفرقة موجوده حتى بالجناسي مقسمينها كذا قسم
وين صارت هالسالفة وبأي دولة !!
موضوع طيب
مشكور اخوي

حلها بسيط ؟
والله هي حلها بسيط
بس مادري شيحسبون حساب ؟؟

اي صح مايطلعون شهادات ميلاد ولا جوازات ولا سفرات
الا جواز ماده 17 سوريا ومصر وايران !!!


ويعطيك العافيه عالمرور منورني

[ميلاني]

بسم الله الرحمن الرحيم
السلام عليكم ورحمة الله و بركاتة
طرح جميل و موضوع تكرر اكثر من مليوون مره بكذا منتدى و بكذا نقااش
ولكن .... الى اين نتجه بهذا الكلام
ممكن نوقف قليلا عند نقطه مهم جدا ....
قبل وقوع الغزو الصدامي على الكويت شنو كان الفرق بين الكويتي و البدون ؟
ماكو فرق ابد مثله مثل الكويتي يعني حتى في اتفه الامور معاملتهم وحده بس مجرد الورقه الي تفرق و سبحان الله كان الله منعم على الكويت لان مكانت الحكومه ظالمه للفئه هذي
الحين شوفو الفرق ؟
لان الحكومه ظلمة هالفئه شنو صار بالكويت ....
شفتو معاي شنو الفرق ؟
قبل دولة الكويت كانت من احلا الدول و لله الحمد بكل الامور و كانت تسوود بالاطمئنين السيااسي و الكل مرتااح بكل المجالات و مزدهره بكل المجالاات
ولكن بعد هالظلم ربك ما يرضى فيه يبي يحسس شعب الكويت انه قاعد يظلم فقاعد يختبرهم و يبليهم لجل يحسوون و يعظيوون ولطن لا حياة لمن تناادي
يبه يكفي ان المطر ( رزق من الله و هو الخير كله ) سبحان الله ما ينزل علينا و ينزل على دول المجاوره بغزاره ليه ؟
من الحسد الي ماليا قلوب الأغلبيه مو بس البدون حتى المغترب يحسدونه هذا جاي من اقصى الدنيا ياخذ حلالنا و يمشي ...
هذا تعب و اجتهد و انت نايم و ناطر الراتب ....
المشكله في فسااد المجتمع الاخلااقي
خلونا نحل مشاكلنا بالاول و نفكر نحل مشاكل الاخرين حنا دوله قلوبنا مو متصافيه و اسال الله ان يحسن خاتمتنا

و الله يرحم ابونا الي قال لنا مافي فرق بين المواطن و المقيم الله يرحمك يا جابر الخير يا امير قلوبنا
ترى انا مو كويتي ولاني بدون
انا سعودي و عايش بالكويت و احب الكويت اكثر من الكويتين انفسهم
فديتك يا كويت

كلنا للكويت و الكويت لنا ..... هل من شخص يذكر هالجمله ؟
قبل لا اختم كلامي ترى كل الي قلته من الحره الي بقلبي ولا تواخذوني والله من حبي و خوفي على الكويت الغاليه
بالختام
لكم مني اجمل سلام
اخوكم
أمير القلوب

امير
انا معاك بكل نقطه قلتها
بس البدون ما يمليهم حسد :d
يمليهم قهر
وحزن عالجميل اللي رادينه لهم الحكومه

وعساك عالمرور وانت مو سعودي انت ولد الكويت واحنا كلنا ضيوف عندك
وتسلملي يالغلا

[Demon of Dark]

قضيه لا تعليق عليها

وحلها سهل نفس ماقال ازقرتي

لكن لمنو تحجى

مع احترامي لبعض اللي قالو اللي يستاهل ومادري شنو

الشي اذا بيصير بيشمل الكل

والا مارح يصير

اتمنى من كل قلبي المشكله تنحل بسرعه

لان الوضع مو شي ابد

ولكويت تقدر تحلها بس الله اعلم متى

انا صج مو بالكويت لكن سمعت قصص وايد وتبجي

وربي يوفقك الجميع

يعطيك الف عافيه خيو ع الموضوع الحساس

واللي احس في تفاعل قوي من الاعضاء

تقبل تواجدي بينكم

[ميلاني]

عجبتني جرأتك بالطرح فعلا انت على راسي
البدون قصة ازلية من سنين وما نحلت
احب اقولك انك بردت قلبي بس صدقني لو تسولف بها القضيه مني لباجر محد بيسمعك
فالله المستعان وكل صاحب حق بياخذ حقه
طبعا مالي خلق اقولك عن الناس الي معطينهم جنسيه وما يعرفون عربي واصولهم مو عربيه لا وبعضهم كان يملك جنسيه غير عربيه شايف مواقف وايد جذي واعرف وايد من هالنوعيه
ما ادري يعني شنو ذنب هالفئة شنو الي ارتكبوه من جريمه لكي يعاملو بها الطريقة
للعلم الدولة لا تستطيع طرد هذه الفئه من الكويت وذلك لوجود مادتين بالدستور الكويتي تدعمهم ويحق لهم الاقامة بالكويت وذلك لانهم من الباديه
طبعا لو اقولك اسباب عدم تجنيس هذه الفئه بتنصدم وصدقني صعب اني اقوله هني وذلك مراعاة لقوانين المنتدى
وعدم تخطي الخطوط الحمر
بالنسبه للذي يرغب بالزوج منهم لا يستخرج له عقد زواج واكثرهم يتزوجون عن طريق قضايا بالمخفر
لا يسمح لهم بالدراسه الجامعيه ويسمح فقط لابناء الكويتيات
تستخرج لهم بطاقه تعتبر كبطاقه مدنيه ويكون لونها اخضر وطبعا في خانة الجنسيه يكتب مقيم بصورة غير قانونيه
شوفو التناقض بلد تمنع الجريمه وتردع المقيمين بصورة غير شرعيه والمجرين فتاتي وتكتب في هذه البطاقات مقيم بصورة غير قانونيه شر البليه ما يضحك هههههههههه وطبعا هالبطاقه تجدد لحملة احصاء 65 لمدة سنه واحده ولغير حملة احصاء65 مدة 6 اشهر وفوق هذا ياخذون رسوم
الجواز لا يستخرج الا للدراسه وشرط احضار فيزة من الدولة الي تدرس فيها وقبول من الجامعه المتواجده فيها
ويعطى الجواز ايضا للعلاج زطبعا اكثر الدول لا تعطي الفيزا لحملة هذا الجواز وهو مادة 17
والله شي يعور القلب ويبجي صدقني لا اتحمل الحديث في هذا الموضوع
ومثل ما قتلك الله المستعان وبعدين خلاص الناس تعودت عالعيشه وصدقني اذا ما انقذوهم وجنسوهم الحين فمراح تنفعهم باجر ولا بتنفع عيالهم
احد اصدقائي مسجل له في ملفه انه يمني وابوه بدون وعمه ارتيري والباقي منثرين واذا قالهم ليش جذي يقولون له عليك قيد امني يقول طيب شنو سبب القيد يردون عليه انت جيش شعبي مع الجيش العراقي ايام الغزو
اهو هني يضحك يقولهم زين جيش شعبي وعمري بالغزو ما يتعدى الاربع سنوات
شقولك يخوي حالة كسيفه الظاهر شايفينه ماسك بازوكه ومعلق قنابل يدويه بحفاظته
خلها على ربك اسف على اطالتي
تحياتي لك

يسلم راسك خــالي
والله شقولك
كل كلمه قلتها صح
وانت كملت محور الموضوع
ويعطيك العافيه عالمرور سهالات

ويسلملي مرورك ولد عمي وحلوه سالفه اليمني

[ميلاني]

آآآآآآآآآآآآآآآآآآآآه والله جبتها عالجرح, اللي يدري يدري واللي مايدري....
الله يعطيك العافيه أخوي ما قصرت لما نقرا كلامكم تخففون عنا المعاناة شوي
مو كل البدون حالتهم زينه والله اعرف ناس حاطين خيمه بره بيتهم ينامون فيها
لان بيتهم مو كافيهم والحين الآجارات الله بالخير مافي اقل من 300 دينار وطبعا
رواتبهم ما تتعدى 200 دينار..لا و في شي لازم تعرفونه بعد
ان في انواع من الادويه تنصرف بس حق الكويتين وما تنصرف حق البدون واغلبها
تكون ادويه غاليه فيضطر يشتريه من الصيدليه.. ادري لو بتحجى ما راح اخلص....
لك مني كل تقدير واحترام
شاكرين لك من اعماقنا..
تحياتي:
كائنه حيه (لان للحين ما اعتبرونا بشر)

والله انتي قلتي خمسين فلس من عشر دنانير
هههههههه شكو ها

مشكوره عالمرور

ويالغلا منورتنا
<<< تعب

ريحتوني بردودكم

[ميلاني]

قضيه لا تعليق عليها
وحلها سهل نفس ماقال ازقرتي
لكن لمنو تحجى
مع احترامي لبعض اللي قالو اللي يستاهل ومادري شنو
الشي اذا بيصير بيشمل الكل
والا مارح يصير
اتمنى من كل قلبي المشكله تنحل بسرعه
لان الوضع مو شي ابد
ولكويت تقدر تحلها بس الله اعلم متى
انا صج مو بالكويت لكن سمعت قصص وايد وتبجي
وربي يوفقك الجميع
يعطيك الف عافيه خيو ع الموضوع الحساس
واللي احس في تفاعل قوي من الاعضاء
تقبل تواجدي بينكم

تفاعل قوي لان هالمشكله موقفه الكويت على رجل وحده
وربي لا تجنسو البدون بتنحل مشاكل الكويت وتشوفين


وشاكرلج عالمرور ديمون
وتسلم ايدينج

[صريح..!!]

بسم الله الرحمن الرحيم


السلام عليكم ورحمة الله وبركاته






الله يعطيك العافية على الموضوع الجميل والقيم

أخي أنت تكلمت على أمر له أراء كثيرة والدليل الأعضاء ولكن يتفقون بأن يوجد الفئة هذي وعددها كبير ومشكلة تستحق الاعتناء بها وحلها

ولكن قبل كل شي أود أعطيك معلومة مفيدة إن شاء الله

أنت قلت بان الكويت الدولة الوحيدة والصعبة صح

تعلم بان مصر أصعب الدول التي تعطي الجنسية تعلم بان الكثير من الممثلين الكبار بالشاشة المصرية أيام الأبيض و الأسود لم يخذ منهم الجنسية المصرية اله فنان أو فنان لا اذكر اسمهم ألان والى التأكيد أسال مصري وسوف يقنعك


و ألان أود التعقيب على الأخوان و الأخوات


الأخت طفوليه حدي

ياخي هالديره عيبها بمجلس الامه بس واعضائها السنه والشيعه مسوين لويا ...

أول جواب صحيح الإهمال والتعسف وعدم المطالبة من أعضاء مجلس الأمة

ولكن الشطر الثاني أرى انه ليس له داعي ذكر وليس له أي معنا وفائدة بالموضوع




الأخت silant



بس حرام يعني شالتفرقــه ..!! مع ان البدوون اهما اللي دافعووا عن الكويت

واذا يذكروون سالفة اغتيال بابا جابر الله يرحمــه كانوا اللي فدوو رووحهم على شانه بــدون (بس جنسوو اهلهم )

أختي أنتي ألان اجزمتي بان الذين قاومو العراق فقط البدون

وقلتي اغتيال بابا جابر الله يرحمه يعني هل هو قتل؟؟؟

يا أختي لا اختلف معكي بان منتدى كويتي ولكن يوجد زوار غير كويتيين ولا يعلمون شي عن الكويت ويرون الكتابة هذي سوف يقع في مخيلتهم بان حاكمهم اغتال....... يوم من الأيام كانت محاولة اغتيال نعم لا ننكر الشيء هذا




أقول إلى الشخص بئا تسذا ..

الله يعطيك العافية على الرد الجميل أعجبني ردك

ولكن عليك ملاحظة كأنك أنت والأخت اجزمتو بان الأمير اغتال


ممكن تعلم بان باقر ماذا طالب .... طالب بعلاوة الأبناء فقط خمس أبناء لماذا ما حجت الشخص هذا يقول بأنه ذهب إلى احد المدارس وسال حارس كان كويتي وكبير بالسن كم يبلغ راتبك الشهري قال المبلغ الفلاني .. قال باقر أنت تستلم أكثر من ناظر المدرسة ... وطلب الأمر هذا بمجلس الأمة وتم تطبيقه ... هنا سؤال الناظر أتى بشهادة ودراسة وتعب وأعطى راتب يستحقه ولا نحسده عليه
ولكن ألان شخص الله رزقه بأبناء كثار لماذا الحسد ؟؟؟
((( مقوله بالسابق الرازق بالسماء والحدس بالأرض )))




والأخ اريش العين كان جواب مختصر ومفيد الله يعطيك العافية


الأخ سهلات أوضح النقطة بأنهم لا يتزوجون إلى عن طريق المخفر لكي يعلم الآخرين ما يعيشونه ....يتزوجون بقضية زنا والعياذ بالله

والمشكلة الآخرة وهي أنهم يطالبون بالبصمة الوراثية وهذي مشكلة كبيرة حرموها علماء الدين



إلى صاحب الموضوع الرجاء الحماية لي لأنني سوف أتكلم بجرأة صارما

قبل كل شي كويتي والحمد لله أني لا احمل على أي إنسان شيء في صدري

وأنا (( أعوذ بالله من كلمة أنا )) من أكثر الناس اللي يفكرون بالبدون وكنت من اشد المعارضين برفع و أعطاء المواطنين العلاوات لتفكيري بحال البدون نحن لنا رواتب شهرية وهم لا وهنا كان اعتراضي

كان يوجد من البدون يعترضون على أعطائنا الحكومة المنحة الأميرية .. لان يرتفع كل ما بالسوق وليس حسد ولكن تنحل مشكلة وتفتح مشاكل كبيرة

واعلم بوجود أشخاص لا يستحقون الجنسية يعطى الفنان والقهوجي الفلاني الجنسية والذين يستحقون لا هذي مشكلة


كانت الدول الخليجية تطالب البدون ولكن مسئول لم يسمح لهم وقال بأنهم أبنائنا و أبناء الديرة

نحن عشنا وتعلمنا وعرفنا بانا الحسد من الفقير إلى الغني ولكن بالديرة هذي أذا مو الكل حسود تشوف الغني يحسد الفقير


قال النائب أحمد السعدون على فئة البدون بأنهم قنبلة موقوتا على الحكومة حل المشكلة هذي

وفي أمر أخير أنني أرى في بعض الردود يقولون بان لن نحل المشكلة ونحن بالمنتدى و المسئولين لم يحلوها

أن الدعاء وطلب الرحمة والمغفرة والعز والتوفيق من الله عز وجل أمر يطلب به كل مسلم وعلينا الدعاء

لعل ربي أن يستجيب لدعاء شخص صالح مننا و تتوفق الفئة هذي أمين

سوف انقل لك أمر يفيد الجميع أن شاء الله

أذا لك رزق يا أخي البدون سوف تأخذه مهما كانت النتائج

احفظ الله يحفظك
وبحثت عن عبارات تعبر عن هذه الكلمات فوجدت هذا الموضوع

عن أبي العباس عبد الله بن عباس رضي الله عنهما قال : " كنت خلف النبي صلى الله عليه وسلم يوما ، فقال : ( يا غلام ، إني أُعلمك كلمات : احفظ الله يحفظك ، احفظ الله تجده تجاهك ، إذا سأَلت فاسأَل الله ، وإذا استعنت فاستعن بالله ، واعلم أن الأُمة لو اجتمعت على أَن ينفعـوك بشيء ، لم ينفعوك إلا بشيء قد كتبه الله لك ، وإن اجتمعوا على أن يضروك بشيء ، لم يضروك إلا بشيء قد كتبه الله عليك، رفعت الأقلام وجفت الصحف ) . رواه الترمذي وقال :" حديث حسن صحيح ".

وفي رواية الإمام أحمد : ( احفظ الله تجده أَمامك ، تعرف إلى الله في الرخاء يعرفك فـي الشدة ، واعلم أَن ما أَخطأَك لم يكن ليصيبك ، وما أَصابك لم يكن ليخطئك ، واعلم أَن النصر مع الصبر ، وأن الفرج مع الكرب ، وأن مع العسرِ يسرا ) .

الشرح
اصطفى الله تعالى هذه الأمة من بين سائر الأمم ، ليكتب لها التمكين في الأرض ، وهذا المستوى الرفيع لا يتحقق إلا بوجود تربية إيمانية جادة تؤهلها لمواجهة الصعوبات التي قد تعتريها ، والأعاصير التي قد تحيق بها ، في سبيل نشر هذا الدين ، وإقامة شرع الله في الأرض .

ومن هذا المنطلق ، حرص النبي صلى الله عليه وسلم على غرس العقيدة في النفوس المؤمنة ، وأولى اهتماما خاصا للشباب ، ولا عجب في ذلك! ، فهم اللبنات القوية والسواعد الفتية التي يعوّل عليها نصرة هذا الدين ، وتحمّل أعباء الدعوة .

وفي الحديث الذي نتناوله ، مثال حيّ على هذه التنشئة الإسلامية الفريدة ، للأجيال المؤمنة في عهد النبوة ، بما يحتويه هذا المثال على وصايا عظيمة ، وقواعد مهمة ، لا غنى للمسلم عنها .

وأولى الوصايا التي احتواها هذا الحديث ، قوله صلى الله عليه وسلم : ( احفظ الله يحفظك ، احفظ الله تجده تجاهك ) ، إنها وصية جامعة ترشد المؤمن بأن يراعي حقوق الله تعالى ، ويلتزم بأوامره ، ويقف عند حدود الشرع فلا يتعداه ، ويمنع جوارحه من استخدامها في غير ما خلقت له ، فإذا قام بذلك كان الجزاء من جنس العمل ، مصداقا لما أخبرنا الله تعالى في كتابه حيث قال : { وأوفوا بعهدي أوف بعهدكم } ( البقرة : 40 ) ، وقال أيضا : { فاذكروني أذكركم } ( البقرة : 152 ) .

وهذا الحفظ الذي وعد الله به من اتقاه يقع على نوعين :
الأول : حفظ الله سبحانه وتعالى لعبده في دنياه ، فيحفظه في بدنه وماله وأهله ، ويوكّل له من الملائكة من يتولون حفظه ورعايته ، كما قال تعالى : { له معقبات من بين يديه ومن خلفه يحفظونه من أمر الله } ( الرعد : 11 ) أي : بأمره ، وهو عين ما كان يدعو به النبي صلى الله عليه وسلم كل صباح ومساء : ( اللهم إني أسألك العفو والعافية ، في ديني ودنياي وآخرتي وأهلي ومالي، اللهم استر عوراتي وآمن روعاتي، اللهم احفظني من بين يدي ومن خلفي، وعن يميني وعن شمالي، وأعوذ بعظمتك أن أغتال من تحتي ) رواه أبو داوود و ابن ماجة ، وبهذا الحفظ أنقذ الله سبحانه وتعالى إبراهيم عليه السلام من النار ، وأخرج يوسف عليه السلام من الجبّ ، وحمى موسى عليه السلام من الغرق وهو رضيع ، وتتسع حدود هذا الحفظ لتشمل حفظ المرء في ذريّته بعد موته ، كما قال سعيد بن المسيب لولده : " لأزيدن في صلاتي من أجلك رجاء أن أُحفظ فيك " ، وتلا قوله تعالى : { وكان أبوهما صالحا } ( الكهف : 82 ) .

الثاني : حفظ الله للعبد في دينه ، فيحميه من مضلات الفتن ، وأمواج الشهوات ، ولعل خير ما نستحضره في هذا المقام : حفظ الله تعالى لدين يوسف عليه السلام ، على الرغم من الفتنة العظيمة التي أحاطت به وكادت له ، يقول الله تعالى في ذلك : { كذلك لنصرف عنه السوء والفحشاء إنه من عبادنا المخلصين } ( يوسف : 24 ) ، وتستمر هذه الرعاية للعبد حتى يلقى ربّه مؤمنا موحدا .

ولكن الفوز بهذا الموعود العظيم يتطلب من المسلم إقبالا حقيقيا على الدين ، واجتهادا في التقرب إلى الله عزوجل ، ودوام الاتصال به في الخلوات ، وهذا هو المقصود من قوله صلى الله عليه وسلم في الرواية الثانية لهذا الحديث : ( تعرّف إلى الله في الرخاء ، يعرِفك فـي الشدة ) ، فمن اتقى ربه حال الرخاء
، وقاه الله حال الشدّة والبلاء


والسلام عليكم ورحمة الله وبركاته

[ميلاني]

أول انا دام كتبت بموضوع النقاش بتحمل اللي يجيني
وكل اللي دشو لهم الحريه انا ماني محاسب احد

طبعا والنعم بأحاديثك بقدوتنا الرسول صلى الله عليه وسلم
بس من بعد الحديث الاول انت دشيت بموضوع ثاني

فأبي أتم بموضوعنا
اخوي تلخيص حديث ... الله يرزق ويوفق كل مسلم محتاج
بس ترى المنحه ما ذبحت البدون هم ذبحت الكويتيين
واكبر دليل الحين البورصه من تطيح تطيح الاسعار فــ بعض السلع
ومن ترتفع السوق يولع ... مع ان السوق مولع ومخلص :)

مابي ادش بموضوع ثاني
يمكن انا نسيت مصر بس اكو كويتيين يروحون يشتغلون معلمين شورما او بياعين بقاله او حلاقين او مقاولين بمصر ؟؟

اكوو مصري يشتغل بالكويت هالشغلات اللي قلتهم ؟ اكيد إيه ؟ وهذا ان دل يدل على قوة اقتصاد الكويت الله يزيده من نعم انشالله
بس اخوي انت عارف المنحه والعلاوات شحقه ؟؟ يعني انت العلاوه ماتحطها بمخباك ؟ غلطات تحطها عند التجار وبأسمهم :d

شاكرلك مرورك
ولـك حرية قلمك

ماكو زعل هو موضوع نقاش مو أكثر :)

[silentHell]

الأخت silant
بس حرام يعني شالتفرقــه ..!! مع ان البدوون اهما اللي دافعووا عن الكويت
واذا يذكروون سالفة اغتيال بابا جابر الله يرحمــه كانوا اللي فدوو رووحهم على شانه بــدون (بس جنسوو اهلهم )
أختي أنتي ألان اجزمتي بان الذين قاومو العراق فقط البدون
وقلتي اغتيال بابا جابر الله يرحمه يعني هل هو قتل؟؟؟
يا أختي لا اختلف معكي بان منتدى كويتي ولكن يوجد زوار غير كويتيين ولا يعلمون شي عن الكويت ويرون الكتابة هذي سوف يقع في مخيلتهم بان حاكمهم اغتال....... يوم من الأيام كانت محاولة اغتيال نعم لا ننكر الشيء هذا

هــلآ والله بأخــوي [ ما أحب اليهـال ]
أولآ >> انتــ قلت ميلانــي عطني حمآيــه .. وأنــآ دشيت بهالموضوعـ ولآزم تكــون لــي حمآيــه :)
وثــآنيــآ >> ... اذا انا لي حمايه هم انت لازم ماتسولف للاعضاء وسولف بالمووضوع وبس لان احنا اعضاء نستمع ونقرأ الموضوع فقط،، و ما نقرا ردود الاعضاء
وأنــآ مآ أجزمــت ان البــدون أهمــآ اللي الدافعــوآ عــن الكويت فقــط بل الكويتيــن ،، لكــن كان معظــم آلكويتين خآرج البلاد في ذلك الحيــن ،،
وانــآ أعلم ان في هــذا المنتــدى لايوجد فقط الكويتين اعلم وممكن آيضــآ يوجــد معنــآ بــدون ..

ومشـكور عــلى آلتوضــيح وسقــط سهوآ كلمــة محآولــه ..

[ميلاني]

سايلنتيه
كلكم لكم حريه الراي
والكل محمول مكفول بمواضيـعي

وانتي قلتي اللي عندج
وماحب اليهال قال اللي عنده
ويعطيكم العافيه
وحياكم اذا اكو اراء بعد :)