عينهم قويه ..

[وصايف q8]

صباحكم //مسائكم فل وياسمين وخير..


بدون مقدمات ..


شسالفه البدون ؟؟


صحيح تستحقون ان يكون لكم حقوق ويكون لكم كيان ، واكثركم يستحق ان يحصل على الجنسيه الكويتيه لانه ولد وعاش فيها ودافع عن ترابها وحزن لحزنها وفرح لفرحها ..


بس نقطه نظام ..



الحكومه قالت لكم سلموا اثباتاتكم او جناسيكم القديمه وابشروا بالجنسيه الكويتيه ..


يعني محتفظين بالجنسيه القديمه وتبون الجنسيه الكويتيه عشان تسترزقون بالكويت وبديرتكم ؟؟


الكويت مالها شريكه بالجنسيه اللي يبيها يتنازل عن جنسيته اللي عنده ،

وهذا الحق والحكومه ماقصرت وياكم بس انتم يــا ( سراجين او ظلمه )

وهذا هو السراج >للتوضيح



وماله داعي تزعزعون امن ديرتنا علينا .. سلموا جناسيكم واثباتاتكم القديمه ولا استريحوا وريحونا من هالمظاهرات اللي مال امها داعي ..







ما رايكم بوضع البدون بالكويت ؟


هل فعلا يستحقون حصولهم ع الجنسيه ؟


ام ان حصولهم ع الجنسيه سيؤدي لزياده عدد المزدوجين بالكويت ؟



ومارايك بمظاهراتهم مع او ضد ؟ مع ذكر الاسباب ..





وبانتظار ارائكم ..

[وصايف q8]

رد: عينهم قويه ..

يتصفح الموضوع حالياً: 2 (2 من الأعضاء و 0 من الزوار) وصايف q8, مجنون وضحى

[وصايف q8]

رد: عينهم قويه ..

اتمنى من اللي يشارك يكون عارف قوانين النقاش ويكون صاحب اسلوب راقي للمشاركه ..

نختلف ولكن الاختلاف يكون باسلوب حضاري يا مجنون وضحى ..

واعتقد الاداره بالمنتدى حذفت بعض المشاركات لك بالسابق ونبهوك ،، فياليت نرتقي شويه ..

[مجنون وضحى]

رد: عينهم قويه ..

واذا جيتي على موضوع الانتماء

ترا الكويت خليط من العراق وايران والسعوديه وسوريه وفلسطين

وصدقيني وانتي ادري مافي كويتي مواطن ماعنده صله قرابه من الدول اللي ذكرتهم من قبل

فإذا كان بلوشي فمرجعه لايران واذا كان عنزي .. شمر .. ضفيري .. شمالي فمرجعه السعودي

العراق .. وسوريا

ترا الكويت تاريخها جديد يعني ما يتعدا 400 عام يعني تقريبا اربع اجيال

وبكلامج تقولين صحيح انهم يستحقون حقوق ... يالظالمه الحيوان يستحق الحقوق فما بالج بإنسان

ههههههههههههههههههه والله كلامج ما اعرف يظحك على جهله او يبكي على وجود ناس ضالمه وحاقده


وابي اقول لكل عضو يرد على الموضوع

الله يرحم والديك

تذكر انك كل كلمه تقولها عليها حسيب ورقيب وان الله يرا كلامك

فأنصف بكلامك

ويا وصايف اتمني انج ما تحذفين بعض كلامي لاني تعودت الشي هذا منج

[وصايف q8]

رد: عينهم قويه ..

وبكلامج تقولين صحيح انهم يستحقون حقوق ... يالظالمه الحيوان يستحق الحقوق فما بالج بإنسان

ههههههههههههههههههه والله كلامج ما اعرف يظحك على جهله او يبكي على وجود ناس ضالمه وحاقده


وابي اقول لكل عضو يرد على الموضوع

الله يرحم والديك

تذكر انك كل كلمه تقولها عليها حسيب ورقيب وان الله يرا كلامك

فأنصف بكلامك

ويا وصايف اتمني انج ما تحذفين بعض كلامي لاني تعودت الشي هذا منج

مجنون

شكو الحيوان بسالفه البدون ؟؟

يا ليت ترتقي باسلوبك عشان نقدر نتناقش معاك !

انا ما انكرت انهم يستحقون حقوق << ولو ترجع لكلامي تشوفني قلت يستحقون حقوق .. فياليت تركز شوي ..

احذف لان الكلام اللي ذكرته انت سابقا لا يليق بمناقشه جاده ولا يليق بكويت 777 فهمت شلون..

[مجنون وضحى]

رد: عينهم قويه ..

وين الارتقاء بالناقاش على قولتج اذا انتي وصفتيهم بالسراجين او الظلمه


وبعدين اهم ما طلبوا منج لاجنسيه ولا حقوق مدنيه ولامسوج بأي شي

وانا كنت بالمظاهرات بالجهراء كانوا رافعين علم الكويت وصور ابونا وشيخنا صباح وولي عهده حفظهم الله

ورددوا النشيد الوطني

والبدون اغلبهم عيال قبايل يا وصايف

في منهم (( عنزه .. وشمر .. وضفير .. )) والاسره الحاكمه من قبيله عنزه لا تنسين الكلام هذا

وكلامج ووصفج لهم بالسراج ووضلمه يدل على حقدج وجهلج وانج ما تنتمين إلا الانسانيه

وذا على المظاهرات انا معاها والله ينصرهم وياخذون حقهم

لان الكويت مثل ما عودتنا انها دوله مؤسسات ودوله ديموقراطيه فلا مشكله من المظاهرات



ويشهد لهم كل واحد يقول الحق




يا جماعه خلو عنكم الحقد والله تراه يعمي عيونكم

[وصايف q8]

رد: عينهم قويه ..

مجنون وضحى
وصايف انتي للحين ماعرفتي مجنون عدل


بس والله والله ثقي وامني بالله

اني لخليج تقولين عني صج مجنون

ويامه ويامه تسكرت منتديات على ايدي

ماني عاجز عنج واعتبريه هذا الكلام

عن تصرفاتج معاي

حلوه رسايل الخاص يا مجنون ..

[خشوووش]

رد: عينهم قويه ..

وكلامج ووصفج لهم بالسراج ووضلمه يدل على حقدج وجهلج وانج ما تنتمين إلا الانسانيه

^
^

يا الغالي اضبط كلامك لا يجيك شي ما يسرك

[وصايف q8]

رد: عينهم قويه ..

ماعليه نعلمك لان مبين ماعندك اي معلومه بالامثال

سراجين ولا ظلمه << يعني انهم يا انهم يشبون سراجين بنفس الوقت او يعشون بالظلمه ، والسراج = النور = الليت = اللمبه = الاضاءه
قصدي هني انهم يبون يحتفظون بجنسيتهم القديمه ويطالبون بالجنسيه الكويتيه معاها / اما جذي ولا يعيشون مجهولين الجنسيه طول عمرهم ..

اتمنى المعلومه وصلت

[راحل بعيد]

رد: عينهم قويه ..

والله لا أريد أن أطيل في الحديث ,, و لكن فقط ,, ترا الكلام اللي مكتوب غلط .. و يدل على عدم تعمق في قضية البدون ..



والدليل هو ما اقتبسته ,,

الحكومه قالت لكم سلموا اثباتاتكم او جناسيكم القديمه وابشروا بالجنسيه الكويتيه ..


أولا : أطلق عليهم اسم (( بدون )) لأنهم بدون جنسية ,, مهما كانت الجنسية سواء كويتية سعودية قطرية عمانية بحرينيه ولا من أي دولة من دول العالم ,, لا يحملون ولا أي جنسية ,,

لذلك أطلق عليهم (( فـئة غير محددي الجنـسيـة )) ..

ثانيا : الحكومة عمرها ما قالت للبدون سلموا اثباتاتكم ابشروا بالجنسية الكويتية ,, ولا عمري أنا سمعت بهذي السالفة ,, و حتى يكون موضوع النقاش هادفا و يثمر بنتائج جيدة ,, أرجو منك أختي و أطلب منك كما طلبت بالمرة الأخيرة أن تضعي رابط لهذا القول الذي قالته الحكومة .. سواء رابط جريدة و لا مجلة ولا موقع ولا أ] شي عشان نتطلع على القرار و نتفهم فيه عدل و يكون نقاشنا هنا مثمر ,, و حتى لا يقول قائل أن العضوة وصايف قاعد تألف كلام من مخها ... لأن قضية البدون من أكثر القضايا التي تطلعت عليها و أعرف أغلب الأسباب لعدم نيلهم على الجنسية ..

أمــــا سالفة سلموا اثباتاتكم ,, أول مرة تمر علي أصلا ,, و سالفة ما تدخل العقل ,, لأن هم أساسا ما عندهم جناسي ,, لو عندهم جناسي لدول ثانية جان ما قعدوا ينطرون كل هالفترة بالكويت ,, حتى عيشة الحيوان صارت احلى من عيشتهم ((( عسى الله يعينهم و يستر عليهم )) .. حتى زواجهم غير معترف فيه بشكل رسمي ,, لو عندهم جنسية ثانية جان راحوا لدولتهم و على الاقل يرتاحون لان راح تتوفر لهم جميع الخدمات المدنية ..



ثالثا : أنتي بلا شك خلطتي بين مزدوجين الجنسية و البدون :)

شكرا

[سعود نت]

رد: عينهم قويه ..

السلام عليكم ورحمة الله وبركاته

الاخت وصايف اسمحي لي ، من باب معرفة البدون لدينا ولديكم ولدى قطر والامارات ،، الا انه لدينا ولديكم بشكل خاص ودعينا نتحدث عن شريحة معينه من شرائح البدون وهم ابناء القبائل :

الحكومه قالت لكم سلموا اثباتاتكم او جناسيكم القديمه وابشروا بالجنسيه الكويتيه ..

الحكومة الكويتية تعلم ان الكثير من ابناء قبائل شبه الجزيرة العربية لايحملون جنسية اخرى ،، استغرب ان تؤيدي هذا التصريح والذي يدل على ان القضيه لن تحسم وليس هناك نوايا بحسمها .

تقطّع قلبي حزناّ البارحه عندما اتصل عدة اشخاص على سعود الورع (كويتيين) وقال بعضهم ويقصد البدون (هذيلا) (احنا المقصود بالشعب يريد ......،، ولا المتظاهرين بدون مو كويتيين ) (اللي يحذّف على الدوريات يروح يصلي وينام بميدان التحرير ولا غزه) ، وتقطع قلبي اكثر عندما قال بعض المتصلين البدون (ياسعود والله مالنا غير الكويت اذا طلعتونا ولاندري وين نروح واحنا معانا احصاء 65 واقدم) (ابوي شارك مع الجيش الكويتي بكل حروبه ومشاركاته) (انا اسير بغزو العراق ولاطلعت الا بشهر 3) .

وماله داعي تزعزعون امن ديرتنا علينا .. سلموا جناسيكم واثباتاتكم القديمه ولا استريحوا وريحونا من هالمظاهرات اللي مال امها داعي ..

اللي ايده بالماي وانا اخوك مو مثل اللي ايده بالنار ،، وهم مو قاعدين يشحذون حاجه ماهيب لهم ،، ووش مصلحتهم احسن ،، فلو قلنا انهم يبون خير الكويت (فقطر يتمتع مواطنيها باكبر دخل بالعالم وذلك قياساً بالفرد الواحد ولاتعد الكويت قياساً لها ،) وان قلنا بالوطنية ( فكل دوله يحبها اهلها واكبر دليل على ذلك مصر) ولاحد يتشرف بان يكون مواطناً الا للدولة التي يحبها وينتمي لها .

اما المزدوجين فهم اصلاً حاصلين على الكويتيه وغيرها من الجنسيات الاخرى ،، فلا تفندوا الامور على حسب الاجواء والطقوس والمناخات المحيطه بكم .

سود نت

[دقات قلبي]

رد: عينهم قويه ..

ما رايكم بوضع البدون بالكويت ؟

والله شي يزعل .. بس الحل بيد الحكومه وباذن الله اللي له حق في الجنسية بياخذه اما هيجي وميجي مالهم امل خل يشيلون الدقوق اول الخضر بعدين يصير خير
هل فعلا يستحقون حصولهم ع الجنسيه ؟

يستحق اللي فعلا يستحق مو يتكلم هيج وميج وها يالعماره ومثل ماشفناهم يهوسون بالعروس ويبون جنسية !!

ام ان حصولهم ع الجنسيه سيؤدي لزياده عدد المزدوجين بالكويت ؟


المزدوجين قصة ثانية هذول انا باطين جبدي يدورون ع الخليج يلملمون معاشات وبيوت !!<< مو الكل ترا لاتفهموني غلط
ومارايك بمظاهراتهم مع او ضد ؟ مع ذكر الاسباب ..


ضد هالمضاهرات والسبب ان الحكومة عارفة شغلها عدل وعارفة منو هذول ومن وين اهم


واتمنى من البدون يتركون الحكومه تفكر براحتها بحل يرضي الجميع

ملاحظه: ادري في بدون مضلومين ان الحابل اختلط بالنابل واتمنى تنحل مشاكلهم بسرعة
يعطيك العافية وصايف

تقبلي مرورياختك دقات قلبي

[Q8 kber]

رد: عينهم قويه ..

عزيزتي وصايف


بالنسبه للاخ اللي يغرد خارج الموضوع فهذه عادتة ( ومن خلى عادة قلة سعادتة )

لا تستغربين رسايله الخاصه لانه مايعرف الا التهديد والوعيد كما فعل مع غيرج

لكن ارجوا ان تطبقي عليه مقولة الشاعر :

يخاطبني السفيه بكل قبح ..... فأكره أن أكون له مجيبا
يزيد سفاهة فأزيد حلما ..... كعود زاده الإحراق طيبـــا



وبالنسبه لموضوع البدون انا اايد كلام اخوي سعود نت هناك امور كثيره يجهلها

كاتب المقال ..

اما النقطه اللي نوهتي عليهاا بخصوص الامن والاستقرار انا معاج بهالشي لكن

لهم الحق بالمطالبه بحقوقهم بالمظاهرات السلمية داخل الاطار القانوني وبعيد عن الفوضى





دمتي بخير

[وصايف q8]

رد: عينهم قويه ..

ابهجني مروركم الغالي



لكن لا احد يقول ان البدون ما عندهم اثباتات رسميه قديمه !!
لانهالشي ما يصدقه العقل مافي احد ينولد الاوالدوله تطالب له باثبات

وانا معاك يا سعود بمساله البدون اللي دافعوا عن الكويت وكانوا من ضمن الاسرى ايضا وهم اولى في الجنسيه الكويتيه من غيرهم >( هيجي وميجي على قوله الغاليه دقات قلبي ) بس لا يقولون ماعندهم اثباتات رسميه وعلى سالقه التعداد السكاني ، اعتقد ان اللي كانوا ضمن هالتعداد خذوا الجنسيه من زمااااان


بعدين اكثر اللي رفضت الدوله تجنيسهم اجدادهم وعمانهم عراقين ومازالوا حتى الان يعبرون الحدود ليزوروا اهلهم هناك .. فخلونا نكون واقعيين ولا ياخذنا التاثر بدموع التماسيح ( واقصد التماسيح هنا هم فئه من البدون اللي لا لهم ذمه ولا ضمير وعندهم جنسيات واثباتات خاشينها عشان بس ياخذون الجنسيه الكويتيه )

واما سالفه المزدوجين فرب الارض والسماء يرقبهن بعينه وسوف يحاسبهم على خداعهم للكويت وعلى بيع ضمائرهم ..

دقات قلبي الله يذكرج بالشهاده لاني كنت ناسيه سالفه اللي طلع بالتلفزويون يقول نبي الجنسيه وهو كل كلامه عراقي بحت ..

كويتي الله يعينا بس على ( ) و ما عليه باجر يكبر ويتعلم ويفهم شنو يعني نقاش جاد

[وصايف q8]

رد: عينهم قويه ..

اعتذر ولكن لم انتبه للمشاركه فرديت ع المشاركات اللي تليها ..

راحل بعيد

والله لا أريد أن أطيل في الحديث ,, و لكن فقط ,, ترا الكلام اللي مكتوب غلط .. و يدل على عدم تعمق في قضية البدون ..
أرجو منك أختي و أطلب منك كما طلبت بالمرة الأخيرة أن تضعي رابط لهذا القول الذي قالته الحكومة .. سواء رابط جريدة و لا مجلة ولا موقع ولا أ] شي عشان نتطلع على القرار و نتفهم فيه عدل و يكون نقاشنا هنا مثمر ,, و حتى لا يقول قائل أن العضوة وصايف قاعد تألف كلام من مخها

راحل بعيد

للامانه فقط ويشهد على ما اقول ربي ولكنها تجربه شخصيه ..

بشارعنا اللي انا ساكنه فيه عندنا بيتين من جيرانا بدون وكلهم اعزهم واحترمهم وبينا كل ود واحترام وطبعا كلهم ساكنين اجارات .
وكلاهما يسعون للحصول ع الجنسيه الكويتيه ، واحدى هالبيتين ابوهم راح يقدم على طلب الحصول ع الجنسيه فطلبوا منه احضار جنسيته القديمه وكانت جنسيته سعوديه ولكنه من الذين عاشوا طول عمرهم بالكويت هو واجداده وثبت له نسب من اعمامه اللذي حصلوا ع الجنسيه الكويتيه قبله / وبعد انتهاء المعامله حصل ع الجنسيه الكويتيه وطبعا شروا لهم بيت وراحوا قبل 3 او 4 سنين

اما جارنا الثاني عنده جنسيه سعوديه واغلب اخوته حصلوا ع الجنسيه الكويتيه وكان ايضا من الذين عاشوا طول عمرهم بالكويت وكانوا من الصامدين اثناء الغزو العراقي الغاشم

الا انه حين قدم ع الجنسيه الكويتيه رفض التنازل عن جنسيته السعوديه واخبرهم بانه لا يحمل اي جنسيه ( تمويه بس ) مع اننا ندري انه يمتلك جواز سعودي ،ويقول عطوني جنسيه كويتيه وخلوا عندي الجنسيه السعوديه ( يبي يعيش عالجنسيتين )
وعياله يصيحون عليه ياا يبا تنازل وخلنا ناخذ الجنسيه بس الاب رافض تماما التنازل وعلى فكره ابناء هالاب كانوا من ضمن اللي سوو المظاهرات ..

وهذا هو رابطي اللي انت تطالبني فيه يا راحل بعيد وماعندي غير هالكلام شي وانا ما اتكلم الا عن واقع تجربه شخصيه عاشوها هالبيتين والله على ما اقول شهيد ..

وهذي وجهه نظري لوضع البدون ومو شرط انك تتقبلها ولكن المفروض انك تحترم راايي بالموضوع ..