عينهم قويه ..

[سعود نت]

رد: عينهم قويه ..

السلام عليكم ورحمة الله وبركاته

دقات قلبي

والله شي يزعل .. بس الحل بيد الحكومه وباذن الله اللي له حق في الجنسية بياخذه اما هيجي وميجي مالهم امل خل يشيلون الدقوق اول الخضر بعدين يصير خير

اعتقد انك تقصدين (العراقيين) ، واشوف غلط اننا نستهتر ونستخف بكلماتهم فهي ليست قياس ولاتدل على شيئ .

وصايف

اعتقد ان اللي كانوا ضمن هالتعداد خذوا الجنسيه من زمااااان

ياريت تراجعين اخر حلقه لبرنامج (الورع) وتابعيها وشوفي كم مره اتصلوا شهود على ان الاقدم من 65 مابعد خذوها ، والـــ(ورع) اكّد هالشي (مع اني لا اعتبد متحدثاّ بل اعتبره عكس ذلك ) ولكن اريدك ان تاخذي بالادله على انهم لم ياخذوها فقط .

بعدين اكثر اللي رفضت الدوله تجنيسهم اجدادهم وعمانهم عراقين ومازالوا حتى الان يعبرون الحدود ليزوروا اهلهم هناك ..

انا اعتقدان الذين يعبرون الحدود (تهريب) ليصلوا ذويهم هم الاقلية وليسوا الاكثرية ..

في النهاية هناك اناس لهم حق ويجب ان ياخذوه ، فالله سبحانه وتعالى يعطي كل ذي حق حقه وهو الله سبحانه وتعالى ، فما يجب على الانسان أن يفعل تواضعاّ لله ....!

وصايف

الف شكر

سعود نت

[وصايف q8]

رد: عينهم قويه ..

ياريت تراجعين اخر حلقه لبرنامج (الورع) وتابعيها وشوفي كم مره اتصلوا شهود على ان الاقدم من 65 مابعد خذوها ، والـــ(ورع) اكّد هالشي (مع اني لا اعتبد متحدثاّ بل اعتبره عكس ذلك ) ولكن اريدك ان تاخذي بالادله على انهم لم ياخذوها فقط .

وهذا انت قلتها

اصلا انا لا اعتبر الورع مقياسا لاراء الكويتين ولا اعتبره الا شخص محفظينه الكلام عشان يجي ويقوله ع الهوا ولا يوجد مصداقيه في برنامجه ولا يوجد مصداقيه باللي يدقون عليه ..

واللي اخذ الجنسيه من احصائيات التعداد السكاني لسنه 65 خذاها لانه سلم اثباتاته اللي كان خاشها واللي لم يحصل عليها مازال محافظا على اثباتته في صندوق ..

[Q8 kber]

رد: عينهم قويه ..

كن لا احد يقول ان البدون ما عندهم اثباتات رسميه قديمه !!
لانهالشي ما يصدقه العقل مافي احد ينولد الاوالدوله تطالب له باثبات

يعني بذمتج وصايف واحد بدوي عايش عمره في بيت شعر رحال ونزال من وين يجيب اثباتات

شنو الادمي من يطلع للدنيا اثباته بجيبه .

وعلى فكره مشكلة البدون أبتدت من جهل اجداد هؤولاء الناس يوم الجنسيه بـ10 دنانير

كان الرجال فيهم يفكر بلقمة عيشه ولا يفكر انه يقطها بقرطااس



حدثي العاقل بما يعقل

[Q8 kber]

رد: عينهم قويه ..

بعدين يا جمااعه نفسي اعرف شي واحد


شنو الضرر من حصول هذي الفئه على الجنسيه او حقوقها المدنيه


غير سالفة عراقيين ومتعاونيين وماادري شنوو صدام بعد وفطس


مو اولى من غيرهم مثل البنغاليين والباكستانين مو الاقربوون اولى بالمعروف


اعتقد اكثر هالفئه من ابناء القبائل والشيعه

[وصايف q8]

رد: عينهم قويه ..

يعني بذمتج وصايف واحد بدوي عايش عمره في بيت شعر رحال ونزال من وين يجيب اثباتات

اعتقد اكثر اجدادنا عاشوا ببيوت شعر طول عمرهم وكنوا رحالين ونازلين ويوم جا وقت الجنسيه استحقوها وهم اهل الكويت ..

شنو الضرر من حصول هذي الفئه على الجنسيه او حقوقها المدنيه

بالعكس احنا نبيلهم الخير ونتمنى حصولهم ع الجنسيه لكن اهم بعد لازم يتعاونون مع الحكومه ويطلعون اثباتاتهم ويلقون خير باذن الله بس مو يجي واحد وسط هالحشود ويتكلم ( هيجي وميجي ) ويبي نعطيه الجنسيه واعتقد اللي يستحقها من البدون خذاها واللي بقى منهم تدور حولهم الشكوك ..


شاكره مرورك كويتي واحترم وجهه نظرك ويعز علي انني اختلف معاك بالراي بس الاختلاف لا ينقص من الود قضيه ..

[شموخ أنثى]

رد: عينهم قويه ..

وصايف : ماقصرتي ع الموضوع الرائــع

وثاني شي اييدج بكل كلمه قلتيها وصح السانج كل كلمه


اما بالنسبه للبدووون هم معروفين نصهم من العراق وسوريا ودول الشمال وبعضهم خليجيين بس الاكثر عراقييين


ومالهم حق يطالبون بالجنسيه اصلن لاهم اللي بنوا الكويت ولا هم اللي طورها ولا حتى دافعوا عنها بغض النظر عن البعض انا ما قول كلهم بس الاغلبيه

واللي يستاهلها بصراحه اللي دافع عن الكويت يوم الغزو والشهداء البدون اللي ماتوا عشان الكويت اما الباجي المفروض ترحيل لديارهم


وانا اللي سمعته انه المالكي لما زار عزايز مع بابا صباح الله يحفظه قال ابي افتح ملفات البدون واي واحد عراقي ابيه يرحل للعراق يعيش هناك والظاهر انهم خافوا وطالبوا بالجناسي ولا بعد محترين عشان الالف اللهم لا شماته


وماصر لهم عشرين سنه بالكويت ويطالبون بالجناسي

عيل يا حسرتنا باجر حتى المدرسين المصريننن والسورين وغيرهم من الوافدين يطالبون بالجناسي ليش لان صار لهم عشر سنين بالكويت :::؛؛؛؛<<<< لووووووووووووووول

[سعود نت]

رد: عينهم قويه ..

وصايف

واللي اخذ الجنسيه من احصائيات التعداد السكاني لسنه 65 خذاها لانه سلم اثباتاته اللي كان خاشها واللي لم يحصل عليها مازال محافظا على اثباتته في صندوق ..

الاخت وصايف كل الاحترام والتقدير لك ولما تفضلتي به ، بالرغم من عدم اقتناعي بذلك بناء على ماتقدمه المحطات التلفزيونية الكويتية ، كما اتمنى من الحكومة الكويتية السماح للبدون والحاقهم بالرعاية الطبية الصحية والتعليم واستخراج اجازات القيادة وتوثيق عقود الزواج وشهادات الوفاة ، وذلك اقل الواجبات والا فلن يرحم الله من لايرحم المسلمين .


شموخ انثى

ولا بعد محترين عشان الالف اللهم لا شماته

انتي للحين تسولفين بالالف وانا اخوك ....! اعتقد ان الالف صرفوها الناس وانتهى موضوعها ، ورفقاً بابناء جلدتكم ، فمهما كان البدون يعتبرون ذويكم وابناء ديرتكم الا ان كنتم تقولون غير ذلك .

عيل يا حسرتنا باجر حتى المدرسين المصريننن والسورين وغيرهم من الوافدين يطالبون بالجناسي ليش لان صار لهم عشر سنين بالكويت :::؛؛؛؛<<<< لووووووووووووووول

آن لابي حنيفة ان يمد قدميه .




فائق احترامي وتقديري

سعود نت

[سآرونه]

رد: عينهم قويه ..

السلام عليكم ورحمة الله وبركـآته
اول شي العنوان عينهم قوية << ليش عينهم قوية قاعدين يطالبون بحقهم وبمظاهرات سلمية ..
ثاني شي برد على موضوعج
اختي وصايف بقول كلمة الي له حق بيأخذه قصب عن الكل
والي بيظلم لاينسى باجر وراه حساب
والي ايده بالماي مو مثل الي ايده بالنار
انتي شرايج بشاب عمره 24 وقاعد بالبيت ومو موظف ولما اشتغل بيع خضار اسحبووه ويشوف مصري وسوري يشتغلون
شرايج بخرجين المعاهد والجامعات الخاصة ادرسو على احسابهم ولماراح يقدمون قالو له انت من فئة غير محددي الجنسية ولما دش بعده المصري اقبلوه كمدرس ليش مو اولى هالشاب
صح ماقصرت وزارة الصحة ووظفت بعضهم بالمستشفيات
شرايج بياهل ماعنده شهادة ميلاد شذنبه شسوى
شرايج بشايب قضى عمره بخدمة الكويت وشارك بالغزو وحرب مصر وغيرها مااحصل على الجنسية وغيره يغني ويمثل وياخذها << مااينقهرون على هذول يعني مو من حقهم يطالبون بحقوقهم اقل شي حقهم ماقول جنسية

انا اقول والله حرام يعني حقوقهم وظفوهم وطلعو لهم رخص
ماطلبو شي غير الحق
وانتي تقولين بعضهم يتكلم هيجي وميجي مادري شنو ليش الي عندهم الجنسية شقالو
مانبي نقول شيقولون وشيتكلمون بس في حقوق لهم وان شاءالله يااخذوونها
وبالنسبة للمظاهرات وصايف ترا تعبو من جم سنة وهما ينطرون وماخذوآ غير الوعود
انتي شفتي بالتلفزيون شيقولون نبي شهايد ميلاد ونتوظف ماقاللو نبي الف
والله كل ماتذكر واحد كاتب بالمظاهرات حق المسلم على اخيه المسلم اكرر واقول بقلبي الله يكون بعونكم
وانا برأي اتوقع انه من حقهم ياخذون حقوقهم
والي يستاهل الجنسية بيااخذها
واتوقع حكومتنـأ ماراح تقصر وياهم ..
والله يكون بعووونهم
وقوآج الله والسموحـة

...
::

[Q8 kber]

رد: عينهم قويه ..

اسحب مشاركتي

[Q8 kber]

رد: عينهم قويه ..

حق لاي انسان ان يبقى على ارض اجداده فلا يقتلع ولا يهجر ولا يقتل

[خشوووش]

رد: عينهم قويه ..

^
^
^

كبرت بعيني

كلامك عين العقل

[وصايف q8]

رد: عينهم قويه ..

شموخ منوره

سعود نت : وانا كذلك احترم وجهه نظرك ..

[وصايف q8]

رد: عينهم قويه ..

سارونه يا عزيزتي

عينهم قويه = اقصد بها البدون الذين يطالبون بالجنسيه الكويتيه + لديهم جنسيه اخرى محتفظين بها ويسعون لزياده عدد المزدوجين بالكويت

وانا بالعكس مو ضد ان البدون ياخذون حقوق تكفل لهم العيش ومواجهه الحياه ، بالعكس انا مع انهم يستحقون عيشة افضل من التي يعيشونها حاليا وانا مع اعطائهم كل ما يستلزم ان يعيشوا بعز وكرامه ..

ولكنني ضد تجنيس كل هؤلاء البدون / ياخذون حقوق اوك بس الجنسيه لا يستحق ان ينالها منهم الا من فعلا من عاش بالكويت وعاش بها اجداده ..

لكن ما يجي واحد من ديرته وما ندري وش ملته ويقول انطوني الجنسيه الكويتيه !!

ومثل ما قلتي يا سارونه

ؤوالي يستاهل الجنسية بيااخذها
واتوقع حكومتنـأ ماراح تقصر وياهم

اللي يستاهل الجنسيه بياخذها / اما اللي ثبت فعلا انهم لا يستحقونها فاتمنى من الحكومه انها توفر لهم الخدمات التي يتميز بها الكويتي وان ياخذ جميع الحقوق ما عدا انه ياخذ الجنسيه الكويتيه ..

^ ليش
لانهم تركوا دارهم ( ما ندري ليش ، الله اعلم ) وجاءوا يعيشون بالكويت وبعد فتره وجيزه من الزمن قالوا نحن من اهل الكويت ولنا حق بالجنسيه !! ولكن عفوا من ترك داره قل مقداره..

البدون ع العين والراس ويستحقون حياه كريمه ومن يستحق الجنسيه منهم سينالها ومن لا يستحقها نسال الله له ان توافق الحكومه على اعطائه الحقوق والخدمات اللازمه لينهض ويواجه الحياة

[وصايف q8]

رد: عينهم قويه ..

كويتي كبير <<
ياا وصايف
???????????????
..

مع اني استغرب ردك فهذا لم اعتاده في ردودك ؟

لكن ع العموم

انت قلتها يعني اللي سكنوا الكويتي قبل 50 سنه هذا هم حصلوا ع الجنسيه وكلن اختار الديره اللي يبيها / اجل هؤلاء البدون وين كانوا ؟ اذا على قولتهم كانوا بالكويت ليش ما استحقوا الجنسيه حالهم مثل حال الكويتين اللي خذوا الجنسيه بالتاسيس ..؟ وكل اجدادنا كانوا بالباديه او بالبحر وهذا هم اخذوا جنسيتهم الكويتيه وما فاتهم شي ؟

واعتقد اللي انت تتكلم عنهم ( الاباء اللي عاشوا بالكويت قبل 50 سنه ) استحقوا الجنسيه وخذوها من زماان لان نظام الدوله كان يسمح لكل من عاش بالكويت اثناء تلك الفتره بان ينال الجنسيه الكويتيه .. وعدم حصولهم عليها فهذا يدل على انهم لم يكونوا من اهلها في تلك الاثناء !!
دافعوا عن الكويت وعاشوا فيها مؤخرا ويستحقون كامل الحقوق التي يتمتع بها الكويتي لكن عفوا لا يستحقون الجنسيه لمجرد ذلك
لان من يستحقها منهم نالها ..

[وصايف q8]

رد: عينهم قويه ..

يا ليت تقرون موضوعي عدل وما تركزون على نقطه وتتركون نقطه !!

انا قلت لهم الحق في كافه الحقوق ومن كان من اهلها سيستحق الجنسيه باذن الله ومن كان من اهل ( الهيجي والميجي )له الحق ان يعيش بكامل حقوقه المدنيه وان يستمتع بجميع الخدمات التي توفرها الدوله ولكن لا يجي و يطالب بالجنسيه
اما بالنسبه للذين يحملون جوازا خليجي ويعملون في ديرتهم ويستلمون رواتبهم هناك وعندهم خير ونعمه في ديرتهم وجايين عندنا يقولون احنا من اهل الكويت لمجرد انهم يعيشون فيها بضعه ايام من الشهر ( يعني صدقني < انا من سكان الديره ) وبعدين يرجع لديرته
اقوله عفوا اخوي حياك الله وع العين والراس باللي تامر فيه بس خلك من سالفه الجنسيه واحمد ربك ع الخير اللي انت فيه ..



يمكن ما تقتنعون بكلامي ويمكن ما اقتنع بكلامكم بس بالنهايه هذا موضوع للمناقشه لا اكثر
وكلنا نشوف الموضوع من منظوره ومن خلال الاحداث والامور التي يراها ويعاشها حول هذا الموضوع ..