منو يعرف ليش النمله طاحت من الجبل؟؟

[كتكووته^^مكتكته]

msn








نعيب زماننا والعيب فينا

ندري ان هالامر يسيء لنا ويضحك الناس علينا ومع هذا نصر عالغلط وعلى ان نجعل من نفسنا اضحوكه



تشكر عالتواصل

[][ ///ـا@ـر ][]

هلا وغلا
كتكوووته
يقول الحق سبحانه
أَفَمَن زُيِّنَ لَهُ سُوءُ عَمَلِهِ فَرَآهُ حَسَنًا فَإِنَّ اللَّهَ يُضِلُّ مَن يَشَاء وَيَهْدِي مَن يَشَاء
فَلَا تَذْهَبْ نَفْسُكَ عَلَيْهِمْ حَسَرَاتٍ إِنَّ اللَّهَ عَلِيمٌ بِمَا يَصْنَعُونَِ
إن واقع الفضائي العربي بكافة طبقاته وأطباقه واقع مرير
فبدلا من التصدي للأعداء ، أو الانشغال فيما يفيد الأمة الإسلامية
تجد صناع القرار الإعلامي يغرقوننا في غياهب الفساد والانحلال
والله لو كانت هناك ثمة فائدة مرجوة لهذه البرامج المنحطة
لنافحنا عنها .. ولذبينا عنها التهم .. أما والأمر ما
تسمعون وترون .. فإني أناشد الجميع
بمقاطعة مثل هذه البرامج المنحطة
فتعالو نبدأ سويا .. لنعلم أنفسنا كيف
نربيها دون قرار إعلامي أو سياسي قد يأتي
بعد خراب مالطا.. وقد لا يخرج إلى النور أبدا
يجب مناقشة خطر هذه البرامج بكل شفافية ووضوح
ولاتنقطع هذه الجهود المباركة بمحاربة كل فساد أخلاقي
ينسينا همنا الاكبر
فلنتذكر دوما أن
قطرة الماء
تحفر الصخر
ليس بالعنف
ولكن
بالتكرار:)
أما عن تساؤلاتك في نهاية الموضوع
فإني لم ولن أشارك في مثل هذه التفاهات
حتى لو لم يبقى إلا هذه القنوات
كما أني متابع جيد لقناة ديسكفري
لما تعرضه من علوم ومعارف تثري وتوسع مدارك الانسان
تسلمين كتكوووته على هذا الطرح
دمتي مظللة بالسعادة

[HoNeY RoSe]

مشكوره خيتو كتكوته ع الموضوع

وانه مو من مأيدين هذي المسجات ..

بس اجذب علييج اذا قلت لج ما اقرأهم .. اقعد اشوف مثلي مثل غيري .. بس اهو كله على بعضة هرار .. ولا يدرون شنو يقولون ولا وين الله حاشرهم بس الفراغه وماتسويي ..

التصويت للبرامج ..

مثل ستار اكاديمي وامثالة ..

صج اقعد اشوف على ايام الفراغه .. بس بعد ما اصوت ... خبرج الرصيد ولبة عليي مو اصوت بعد :>
الحين اجاوبج لعد القرقة ...

عزيزي العضو.. بصراحه جم مره ارسلت رساله لمثل هذه النوعيه من البرامج؟؟
ولا مــــــــــــره
هل انت متابع جيد لهذه البرامج وتحرص على ادق تفاصيلها؟
لا.. مثل ماقلت ايام الفراغه ...بس الحين صرت بزنز ومان مافي وقت فراغ
لو خيروك بين برنامج real tv وبرامج قناة discovery مثلا او برنامج علمي اخر ايهما تختار ولماذا
discovery وايد احب اشوف برامج حق اكتشافات .. والبرامج الي يخلونها بالنيل الي يسون عمليات وايد وايد احب اشوفهم .. صج ساعات تلوع الجبد .. بس تعرفين اشياء حلوه ..

مشكوره كتكوته للمره الثانية

[كتكووته^^مكتكته]

ساهر


اشكرك عالتواصل


قضيه مثل هالقضيه تستحق الدراسه وابراز الاسباب واقتراح الحلول
الكثير حاولو بصراحه

ولكن للاسف لا حياه لمن تنادي
والعذر الوحيد لهؤلاء
فراغ وضيقة خلق وماكو برامج


لا في برامج وبرامج كثيره تنمي العقل ماتستخف فيه وتشوشه


ساهر

ادام الله عقلك النير
ودمت بخير

[كتكووته^^مكتكته]

امرأه


الله لايحرمني هالتواصل

السالفه مو سالفه رصيد
لو كان في رصيد هل كنتي راح تصوتين

يكفي انج تقرين المسجات وتشوفين مدى الاستخفاف بأهل الخليج اولا واهل الوطن العربي ثانيا
انا اقرأ المسجات ولا استطيع اكمالها تدرين ليش
لان اهل المسجات يصعبون علي
واقول معقوله وصلنا لهالحال؟؟

الترقيم والتعراف صار هني على شاشات التلفاز

كره ابناء الخليج لبعضهم صار علني بالتلفاز؟؟
يااااااااه

لهالدرجه احنا متخلفين

ليش ندرس
وليش ناخذ اعلى الشهادات

وبالنهايه يضيع تعبنا بسؤال عجزنا نجاوب عليه

ليش النمله طاحت من الجبل؟

موت يشيلها

مافي قضايا اهم من قضيه النمله

[عاشقــ تويتي ـة]

السلام عليكم


.+. كتكوتة^^مكتكتة.+.


أولا أشكرج ع طرح هذا الموضوع
المهم جدا جدا والمميز
وطبعا المميز لا يأتي بغيره

فقد سبقتيني في الطرح
من اكثر القنوات التي ازعجتني هي قناة strike قناة السخافه بحد ذاتها 00
لانها قناة فتحت من غير اي هدف من غير اي اعداد من غير اي تساؤلات ومسؤولية 00
انا اشعر ان هدف هذه القناة هي اثبات سخافت الشعب العربي على الملاْ الاعلى00
اين الرقابه عنها ؟؟
لماذا وصل حال العرب الى اسفل واوطى المستويات ؟؟
حاولت ان افكر مراراً ما هو الغرض من كثرة الاتصال على هذا البرنامج ؟؟
هل لجل المذيعه ؟؟ طبعاً احط عليها مليون اكس لانها ما مر عليها الحلا ابد ولا الدلع ابد ولا فيها اي علامه
من علامات الانوثه والجمال 00
هل الجوائز مغريه الى هذا الحد ؟؟؟ لا اعتقد
وهل وهل وهل ؟؟؟؟؟؟ تساؤلات تكثر والاجابه ( لا اعلم )
اقولها بكل صراحه ( لو كانت قناة اباحية لكان عرف السبب في كثرة الاتصال )
اما ها القناة لا اعتقد 00
لااقول غير اهل العقول راحوا ولا يبقى سوى المهزله 00
لانه الان لو مسابقة دنية او مساهمه او مساعده لرفع راية الاسلام ولا لنصرة العالم العربي 000 الخ
لما وجدنا كل تلك الاتصالات00


وآسفة ع الاطالة

ولكن تحضرني الآية الكريمة التي يمكن لها بأن تخفف ما نعاني منه :

بسم الله الرحمن الرحيم ::: كنتم خير أمة أخرجت للناس :::
صدق الله العظيم

[كتكووته^^مكتكته]

عاشقه تويتي


يا هلا ومرحبا فيج


تطرقتي لنقطه هامه

فعلا لوكانت الاسئله دينيه هل كنا سنجد هذا الكم الهائل من الاتصالات؟؟

[قموورة]

يعطيج العافية اختي كتكوتة على طرحج للموضوع... الصراحة يا اختي اللي قاعد يصير اهو من قلة الوازع الديني حاليا وضعف الايمان بالله والتمسك بالدين والاخلاق.. وثانيا السعي خلف المظاهر والمال ومال شابه... ان من اسخف السخفاء اللي يطرشون مسجات تصويت ما خرابيط,.. وان من ابيخ البايخين اهما اللي يقولون لك تفشل لانك ما صوت..و ان من اغبى الاغبياء اصلا اللي يتابعون هالبرامج اللي لا منها فايدة ولو شيء واحد...
الصراحة ما عمري فكرت اني اطرش حق هالبرامج ولا راح اطرش ... لان اصلا انا ماحبها ولو اقولكم ان ستار اكاديمي اللي مثل ما يقولون الكل يعرفه والله وربي شاهد اني مادري شنو فيه مافيه بس اسمع سوالفهم السخيفة البايخة اللي مالها معني اللي كلها ذنوب تتراكم فوق ذنوب...


الله يهديهم ويهدي الجميع ان شاء الله واقولكم ترة اللي يطرش يكون من اغبي اغبياء العالم الصراحة..


تقبلو تحياتي. اختكم قمورة

[HoNeY RoSe]

امرأه


الله لايحرمني هالتواصل

السالفه مو سالفه رصيد
لو كان في رصيد هل كنتي راح تصوتين

يكفي انج تقرين المسجات وتشوفين مدى الاستخفاف بأهل الخليج اولا واهل الوطن العربي ثانيا
انا اقرأ المسجات ولا استطيع اكمالها تدرين ليش
لان اهل المسجات يصعبون علي
واقول معقوله وصلنا لهالحال؟؟

الترقيم والتعراف صار هني على شاشات التلفاز

كره ابناء الخليج لبعضهم صار علني بالتلفاز؟؟
يااااااااه

لهالدرجه احنا متخلفين

ليش ندرس
وليش ناخذ اعلى الشهادات

وبالنهايه يضيع تعبنا بسؤال عجزنا نجاوب عليه

ليش النمله طاحت من الجبل؟

موت يشيلها

مافي قضايا اهم من قضيه النمله

هلا كتكوته ..

لاء انه حتى لو فيي رصيدي كفاية ما اصوت ..

لانيي ابد ما اييد هالسوالف ..

انه الشات الي بالمواقع ما ادخله مو اروح اتكلم في المسجات والسخافات الي العلا والملاا يقرآهم ..

يعني الحمد لله ... الله مثبت عليي العقل ...

(( النمله ليش طاحت ))

تلاقي مالها جواب ..

بس حق الي مسوين البرانمج يكسبون المال ..

ويتشمتون على ابناء الخليج والوطن العربي...



في بعد برنامج انه ما احب اشوفة ابد

الي فية المذيعه بس تستعرض

واسألتها الي بالاعواذ الثقاب والي يطلع الفرق ...
سخييييييييييييييييييييف البرنامج ومذيعة البرنامج وياريت بس اذاعه وحده تعرضة .. كل اذاعات السخافة صاروا يعرضون ...

[كتكووته^^مكتكته]

قموره

صدقتي

اللي نقص دينه

كثرت بلاويه

يالله تثبتنا يا ارحم الراحمين

[كتكووته^^مكتكته]

امراه


منوره يالغلا

واسعدني تواصلج الثاني

برامج سخيفه

وعقليات ميته للاسف

اللهم لا تؤاخذنا بما فعل السفهاء منا يالله

[::.нĩτΊєґ.::]

[align=center]
هههههههههههه
والله شي يضحك يعني تبون تقنعوني
انكم كلكم ماتشوفون هالبرامج هذي ؟
شي يحير والله مافي احد صريح
ومنو الفاضي فينا بالايام هذي الي يشووف قناة تعرض
غير الاغاني والافلاام الاجنبيه والهنديه
ويتفرغ حق القنوات الي تنمي العقل
اذا جهالنا قاعد يشوفون هالقنوات فما بالك بالكبـار

فأرجوكم حنا قاعدين بمنتدى اسمه المناقشات الجاده
يعني مافيها لف ولا دوران
ولا تلف ودور عمر الصقر مايغلبه عصفور
يازين الانسان ليااا كااان صريح ..[/align]

[عاشقــ تويتي ـة]

السلام عليكم

أخوي

.+. ::.нĩτΊєґ.:: .+.


عفوا أخوي

بس احنا ماقلنا ان احنا نتابع برامج تنمي العقول

واكبر دليل ردوننا ع هالموضوع

يعني لو احنا ما نعرف هالبرنامج جان ما شفت كاتبة هالموضوع ( كتكوتة مكتكتة )

تنتقده .... ولا شفتني انا قاعده اعلق ع المذيعة وعلى الاسئلة ... وجان ما شفت اختي قمورة

تتطرق لعدة نقاااط ... بالعكس هذي الصرااحة انا احنا شفنا شي وييينا عشان نعلق ونفصل هالشي

اللي شفناه ..... وما ادري اعتقد ان كان من المفروض قبل لاترد كان من الممكن والائق انك تشوف

ردود اللأعضاء عشان ع الأقل تاخذ فكرة عن الردود وعن الموضوع اللي شاغلنا في ردودنا

وفعلا انا وحدة اقولك هالانواع من المسابقات ما اشووفها لان عندي اشياء اهم اما اشوف برامج

اجتماعيه او برامج تهم المرأة بشكل عام او برامج مثل برامج الاستاذ الكبير محمد السنعوسي

واذا شوي بيغير اطالع برنامج نجوم الخليج وبس

واغلبية اللي ردوا علي الموضوع نفس الطريقة لاني اعرفهم

وشكــــــرا لأختي كتكوتة مرة أخــــــرى

[كتكووته^^مكتكته]

اخوي هتلر


ياليت كل واحد يتكلم عن نفسه

اذا انت تقول ان التلفزيون مافي الا برامج الاغاني والبرامج الهنديه والاجنبيه

انا اقولك ان التلفزيون فيه اكثر من جذي



وياليت انك ماتتهم الاعضاء باللف والدوران وعدم الصراحه
محد يتابع هالبرامج الا الفاضي

اللي ماعنده فكر ولا هدف

ورواد منتدى المناقشات الجاده

لو كانو عديمي الهدف

لما فتحو الباب لمناقشه هالنوع من القضايا


وثل ماقالت اختي عاشقه تويتي


في وايد برامج اهم

برامج سياسيه اجتماعيه

قضايا محليه وعالميه

برامج مسابقات فكريه مثل من سيربح المليون

مو ليش النمله طاحت من الجمل

واذا كانو عيالكم وجهالكم تتابع هالبرامج


فهذا امر يخصكم

ولا تعمم عالكل


تشكر

[::.нĩτΊєґ.::]

[align=center]
عاشقة تويتي

شفيج معصبه وشاده حيلج
حنا بمنتدى المنااقشات يعني النقاش مقبول
ولازم ولابد من احترام وجة النظر
واعتقد هالكلام ماله داعي اذكره لانج انتي عارفته عدل..

وبالنسبه للردود انا اشووف الموضوع وارد اقرااه واشوف الردود
وبعدين اي ردود الي تتكلمين عنها كلها مشكوره ويعطيج العافيه
هذي ردوود تشجع الواحد انه يكتب موضوع او يرد عليه ..

وبعدين لو نرجع حق الواقع انتي قلتيهـــا بعظمة السانج


انا وحدة اقولك هالانواع من المسابقات ما اشووفها لان عندي اشياء اهم اما اشوف برامج

اجتماعيه او برامج تهم المرأة بشكل عام او برامج مثل برامج الاستاذ الكبير محمد السنعوسي

واذا شوي بيغير اطالع برنامج نجوم الخليج وبس

برنامج نجوم الخليج نفس ستار اكاديمي
نفس سوبر ستار نفس هالبرامج الي على قولتكم مالهـا داعي
فليش الواحد لمن يقول الصراحه تزعلون وماتقبلون الواقع الي نعيشه [/align]