الشاب يا بنات يعلل ,, والشايب يدلل ,,

[كتكووته^^مكتكته]

×?°المتكتك×?°



صحيح المرأه تعجز قبل الرجل كون تركيبه جسمها وهرمونات الحمل والاولاده لهم عمر محدد وينضبون


لكن

طالما ان البنت صغيره وفي ريعان الشباب وتبي تشوف الدنيا

ما لازم تاخذ واحد اكبر منها بسنوات وايد

لان بهالحاله ماراح تشوف الدنيا اللي هي تبيها
راح تندفن وفعلا تعجز قبله


منورني

[كتكووته^^مكتكته]

~*¤ô§ô¤*~عجب~*¤ô§ô¤*~



اخوي الغالي

محد ذكر ان الزواج من رجل طاعن بالسن عيب او حرام

لكن تعتقد ان شباب اليوم نفس الرسول الكريم عليه الصلاة والسلام؟

او فتيات اليوم نفس ام المؤمنين

حشا والله


لهذا انا اقول ان مثل هالزيجات لن تدوم


وان دامت

فستكون على شفا حفره


وطبعا الاختلاف بالراي لا يفسد للود قضيه

[عجب]

اخيتي كتكووته

يقول الحق سبحانه وتعالى ( فبهداهم اقتده) الايه .. ليس المعنى ان نكون انبياء .. لكن المسألة اننا

متبعين . وما دام ان هناك تجارب بالتاريخ تثبت ان مثل هذه الزيجات تنحج فلما نكون مغاليق للخير

لأن في ذلك تضييق على الامه .. وليس كل الشباب لديهم القدرة على الزواج .. والا لو تمسكنا بهذا

المفهوم لزدات العنوسه اكثر مما هي عليه الان .. ولتفشت المحرمات اكثر مما هي عليه الان .. السبب

الاعتقاد ببعض المفاهيم التي قد تكون خاطئة .. من المؤكد اانا لا نقر زواج بنت (14 خريف) من رجل

يبلغ من العمر (70) .. لكن اذا حدث مثل لذلك فهي من الامور النادره الحدوث .. الا على رجل كثر بناته

وقل الخطاب لهن .. فهو في النهاية مضطر ان يزوج بناته .. خشية عليهن ...

بالتوفيق

[كتكووته^^مكتكته]

الغالي عجب


والنعم بالله

ورسولنا الكريم خير قدوة


قد تنجح طبعا

ولكن بنسبة ضئيله

لو كنا بزمان اول ,, وبساطة اول,, وحريم اول ,,
لقلنا ان نسبة النجاح كبيره


لكن مع دلع بنات اليوم

وكثره طلباتهن

يصعب الامر
بل ويكون شبه مستحيل


والله ولي التوفيق

[ع ـناديهـ]

اول شي يسلموووووو حبوووبه على هالموضوع الحلو
ثانيا انا اعتقد ان الوحده اذا بغت تتزوج ما تتزوج واحد بسنها ولا اكبر منها بوااايد يعني حلو اذا الوحده تزوجت واحد اكبر منها بخمس سنين جذي زين ان ما يكون صغير ما يتحمل المسؤؤليه ولا كبير وااايد يبي بس من يداريه اما بالنسبه للدلال اهو صح رااح يدللها ويوفر لها كل الي تبيه بس بالمقابل البنت تحب تطلع وتتمشى وتساافر وتسوي كل شي الانها بعز شبابها واهو ررااح يكون ماله خلق هالسوالف بالاصح يكوون مال يبي الوحده بس تقعد وتنفذ اوااامره وبالتالي البنت مااراح تقدر تصبر
علشان جذي انا افضل ان الزووج يكون اكبر من الزووجه بعمر ما يقارب الخمس سنوات ست هذا رايي الشخصي ولا انتو شرايكم ؟؟

[كتكووته^^مكتكته]

×?°فولتي×?°

خير الامور اوسطها


وهذا بالاخير زواج مو لعب

ولا حقل تجارب


شاكرتلج هالطله الحلوة

[ارجع للشوق]

امممممممم انا وحده عندي ارضى بواحد عمره فووق ال30 على الاقل يكون فاهم وراكز ولا ارضى بواحد توه بالعشرينات طايش مايدري عن عمره ولا وين الله حاطه والله بعد حتى 30 صغير لووول بهالزمن يعني البنت يبيلها جذي ما يببيلها واحد رقله لان حدها بتضيع


وتسلمين عالموضوع

[كتكووته^^مكتكته]

*·~-.¸¸,.-~*ارجع للشوق*·~-.¸¸,.-~*

بالثلاثينات شباب وما عليه كلام


انا ابوي عمره ببدايه الاربعينات


وما عندي مانع اني اتزوج واحد بعمره

لان بعد بنظري شباب وناضج


احسن على قولتج من واحد يكون بعمري وبعده تنقصه الخبره الكبيره


شكرا لحضورج

[^ولدشيوخ^]

مساء الخير كتكوته


قبل لا اشارك قريت كل ردود الموضوع و تقريبا كانت اغلب الردود ردود بنات ؟؟؟

بكل صراحه انصدمت من كتاباتهم وتفكيرهم

لاحظت ان اغلب البنات تقول انا اتزوج الشايب احسن على الاقل يدلعني ويخليني اطلع على كيفي ومايمنعني من شيء ويوديني المارينا ومن هالسوالف احسن من الشاب اللي ماراح اهمه << اذا كان هذا اهو كل هم البنت بعد الزواج << لا والله الريال يقعد فبيتهم وعند اهله ويبطل زواج اريح واريح بكثير

لاحظت في تجني كثير على الشباب انهم طايشين ومن هالكلام انا ودي اقول ان مو بس الشباب حتى البنات نفسهم الحين لان الفترة العمريه للشاب والفتاه اللي اهي من 15الى 25 سنه اهي مرحله تجارب واتخاذ قرار واعتماد على النفس وبدايه تكوين الشخصيه فتشوفون الشاب والشابه منطلقين ناس على صح من خلال مجموعه تدلهم على الطريق الصحيح قد تكون من الاسره او خارجها وناس على خطا وهم بعد من خلال مجموعه تدلهم على الخطا قد تكون من الاسره او خارجها ايضا << هذا اللي قاعد يصير والكل يشوفه اذا اهي مرحله يمر فيها الشاب والبنت مو مقتصره على الشباب << اذا بنقول تافهين الشباب لازم نقول هم بعد تافهات البنات

الاهم واهي معلومه على شكل دراسه اتمنى توصل للجميع تقول هالمعلومه او هالدراسه ( ان 95% من الجنسين تتغير صفاتهم وطبايعهم ويزيد الارتكاز فيهم بعد الزواج) واسئلوا اي شخص قريب منكم متزوج وشوفوا شنو راح يقول <<لاتسألوني انا لوووووول


وبعدين الزواج المتقارب في العمر يلغي مشاكل كثير قد تحصل في الزواج الثاني لسبب واحد ان التفكير تقريبا واحد او ماراح يكون في تباعد فكري بينهم كثير ببساطه تقدر تقرب وجهات النظر وان الهموم هم بعد بتكون وحده وان الاحلام وحده وان الامنيات وحده بعكس لما تكون البنت عمرها 20 واهو عمره 50سنه << تعالوا اتفاهموا عاد اهو يفكر في جهه واهي تفكر في جهه اهو بيحلم في جهه واهي بتحلم في جهه واهي بتتمنى في جهه واهو بيتمنى في جهه << اصعب شي في الحياه انك تعيش مع شخص تفكيره يختلف عن تفكيرك وسألوني انا عن هالشيء بس اشوه ماعشته في الزواج << فما بالك اذا العيشه هذي كانت في زواج خلونا نقيسها على مثال تافه طلعي انتي وياه الملاهي او الشعب << اسمع عنها كثير عندكم في الكويت لوول
وانتم توكم متزوجين ورادين من شهر العسل اشتهيتي تلعبين لعبه العروس ولا السيارات << توهقت بكتب اسم لعبه من الالعاب الجديده طلعت ماعرف اساميهم كلهم لووول انتي عادي تلعبين توك 20 سنه ماعندك مشكله لكن اهو مستحيل يلعب << مثال ثاني قولي له بروح المارينا بتسوق امش وياي << اول مره يمكن يروح بس بعدها ماراح يروح اذا عندك سياره بيقولك روحي بروحك ولا بيدزك مع السايق وانتهى الموضوع ببساطه في اشياء كثيره انتي تسوينها في مرحلتك العمريه اهو في مرحلته العمريه مايقدر يسويها يمنعه سنه منها

=

كان ودي تقولين كتكوته شنو السبب اللي خلاك ترفضين الشاب اللي تقدم لك

اتمنى من كل قلبي انك تكونين رفضتيه على سبب مقنع << غير سبب الموضوع اللي احنا قاعدين نتناقش فيه << لان والله بتكون مشكله ومشكله تبيلها دراسه اذا كنتي رافضته على شان سبب الموضوع

=

الف شكر كتكوته على هالموضوع اتمنى تكون وصلت الفكره اللي في راسي

مثل مااقولك دائما ماعندي مناعه ضد مواضيعك

انشد لها دائما لسبب واحد ان الجمال والروعه اللي في مواضيعك تبهرني وتجبرني على الرد

سلمت اناملك واسف على الاطاله

[كتكووته^^مكتكته]

|--*¨®¨*--|ولد شيوخ|--*¨®¨*--|

بداية احب اوضح امور


مافي تجني عالشباب

هذي وجهات نظر


ثاني شي,,

المشكله فعلا حاصله ان البنات ( الاغلبية )) تفكر بهالطريقة ان الشايب ممكن يدلل ويهيت ويخليها على راحتها
فئه ثانيه تشوف ان الشايب يعوضها الحنان والحب اللي محتاجته

فئه تشوف ان الشاب ,, طايش ومو رزين وهالامر صحيح نسبيا اكبر دليل مقوله شهيره لشبابنا اذا قلتله تزوج يقولك بشبع من الدنيا جنه الدنيا دايمتله وشنو يعني بشبع من الدنيا مادري


جنه الزواج بيحرمه من الدنيا ووديه الاخره

ما علينا

سالفة رفضي لشاب مقارب لي بالسن هو صدامي الدائم مع ابناء جيلي

تبي الصراحه مااعرف اتفاهم معاهم وطبعا هالامر من الجنسين
عشان جذي دائما اصدقائي من الاعمار الكبيره ( طبعا مو كبيره يعني بس اكبر مني بتقريبا من 8 الى 20 سنة )


هذي كل الحكاية

لا خلا ولا عدم هاالتواصل

[فيرووووس بنـ؟ـات]

تحياتتي كتكوته

يسلمو للموضوع ويعطيج العافيه للموضوع

1..في زيجات قد تدوم .. لكن متاعبها كبيرة لان بدال لا راح تكون له زوجة بتكون له ممرضه

2..زواج ناجح من اي ناحيه ؟؟ والاهداف شنو بتكون .. اعتقد الزواج من الكبير الهدف الاول ..المال ..

بعدين .. الستر << لفتره معينه << للاغلبيه << لان راح ترد مكسورة للشاب الوسيم وهي من تقوم تصرف عليه..

اعتقد ان هالبنت بتتحسف لا اكثر ولا اقل ..

3..ريله والقبر..هذا اللي يهمها لانها تبي الحريه .. تترمل شي عادي .. خذت اللي تبيه ..

4..قلت لج قبل بتصير له ممرضه ..وفرحتها بتصير بعد ماتحقق اهدافها وبترد للشاب << المتسلط..الناضج

اللي مايعرف بخبره الدنيا الا قليل لتقوم بتعليمه فنون الحب والدلال ..

5..جنون بناتي .. وهوووس وموضه الالفيه الثالثه .. او يمكن .. التخوف من حاضر هذا الشاب في الدنيا في زحمه

المشاكل الاسريه .. والقضايا المتلتله في المحاكم..خلع+طلاق .. صدقيني بتشوفين باجر الشاب مايبي يتزوج

الا مطلقه او ارمله من شايب عشان يتهنى هو بالدنيا وتطلع البنت من المولد بلا حمص ..وياحسرتنا عليها..

تشكرااااات

[pomegranate]

الصراحه انا اضم صوتي الى صوت امراه
وانا عن نفسي افضل الزواج بواحد اكبر مني بعشر سنوات ليش؟
اولا :لان معروف ان البنت اكبر عقل من الولد شلون؟مثلا لوكانت البنت عمرها 20 والولد نفس العمر البنت تكون انضج باما الولد في بداية مراهقته فا شي طبيعي ان اغلب البنات يفضلون الريال الي يسبقهم بالعمر من 7 الى 10 تقريبا حتى نقدر نوازي بين العقل:)
ثانيا :الريال اذا كان عمره3 الى 40 في نظري يكون قمة الرجوله والرزانه والحكمه بعكس 20 وفوق
وشكرا لج اختي على هذا الموضوع الحلو مثلج
وحبيت اقولج انج انتي عندج اسلوب جدا راقي ومتميز في المنتدى

[ارجع للشوق]

اممممممممم حبيت اعلق على كلام بعض الاعضاء اللي انصدمو من ردودنا يمكن انتو كلامكم صح ان اذا اتزوجنا من شخص اكبر منا ب20 سنه مثلا راح يختلف تفكيرنا والاشياء اللي راح تناسبني مثل الطلعه والوناسه يمكن ما تناسبه بس شنسوي اذا احنا الحين قاعدين نشوف اغلب الشباب اللي يتزوجون واهمه بعمر العشرين وفوووق قاعدين يلعبون في بنات العوايل يعني كلش ما يهتم لمشاعرها عنده استعداد انه يتزوج عليها ثلاثه بس المهم وناسته واهيه خل تاكل هوا وطبعا طلعته وروحته وردته مع ربعه ماراح يغيرها والله عشان تزوج بيقول كيفي بستانس اوكي استانس بس مو على حساب غيرك .......


وثانكس مره ثانيه

[كتكووته^^مكتكته]

~*¤ô§ô¤*~فيرووووس بنـ؟ـات~*¤ô§ô¤*~


شكرا على رايك الصريح ولكن تعتقد ان هذه هي الاهداف فقط؟؟

بعض البنات يقولون افضل الكبير لانه يذكرني بأبوي او ترغب بأن تشبع رغبتها بالحنان اكثر من ان تفكر بالانجاب او الستر وغيره
يعني مو كل البنات هدفهم المال او الحرية او غيره
فعلا في شباب مو قد المسؤليه واحنا لا تنسى بمجتمع الخير يخص والشر يعم دائما نعتبر كل امر خاطيء قاعده ونحكم على بقية الامور بالمثل


شكرا لحضورك

[كتكووته^^مكتكته]

~*¤ô§ô¤*~pomegranate~*¤ô§ô¤*~


بداية شكرا لج يالغاليه على اطرائج


اضم صوتي لصوتج بنقطه ان البنت عقلها اكبر من ناحية علميه
وهي فتره بلوغ البنت تكون في فتره مبكره من عمرها وهي تسبق الفتى بسنوات
لهذا نجد ان بعض واشدد على بعض ,,, بعض البنات عقولهم اكبر من الشباب


انا شخصيا ما اتفق مع الشباب بعمر قريب من عمري ,, لازم تلقين في عراك واختلاف في امور كثيره وكثير ما ارتاح لمن هم بالثلاثين وفوق وتلقيني انجذب لحواراتهم بسرعه بدون حتى لا اعرف اعمارهم وهالامر حصل معاي كثير


شكرا لحضورج