شسمـــ امـــــــــــــك؟؟

[كتكووته^^مكتكته]

الزعيم

خل يكتبونه عالطوف

فخر انا بالنسبه لي اسم امي بروحه
فمابالك بأمي

الشباب يفكرون بطرق غريبه ساعات

منور

[الزعيـــــم7]

لا انتي اللي مو فاهمة



ابيج تشوفين اطوف المدارس

بعدين ردي

حرام امي تتعب علي وتربيني

تالي تنسب

[كتكووته^^مكتكته]

الزعيم


منور الموضوع


والله يديم امك يارب

ويحفظها وويخليها لك

كل عارف امه وعارف مكانتها

وما عاش من يغلط عليها او يسبها

[^ولدشيوخ^]

اول شيء الف مبروك على رجعة المنتدى << قولي انا شكو تبارك لي لوووول

ثاني شيء هالرد هذا خلاني اسوي شيء لاول مره في حياتي اسويه من دخلت النت الى هاليوم << عاد شنو اهو مالكم شغل << يحب يشوق الناس لوووول

نرجع لموضوع كتكوتتنا الغاليه

كتكوته انتي حاطة الموضوع للنقاش ولا على شان تيمعين اسامي امهاتنا لووووووووووووووول

=

على كل حال وبكل بصراحه مادري شنو السبب اللي يخلينا نفتشل من اسامي امهاتنا

انا واحد من الناس لما كنت صغير ايام المتوسطه واول الثانويه

مادري كنت بجد ارفض هالشيء بتاتا < شنو السبب شنو العله مادري

بس انه صار شيء من المسلمات والبديهيات انه عيب يعرفون اسم امك << ليش عيب هم بعد مادري << طبعا هالشيء ماكتسبت لا من اخ ولا من عم ولا من والد << لكن من ربعي لما يسولفون مع بعض اشوف الواحد تذبحه عادي اهم شيء مايقولك اسم امه ولا اخته << لدرجه انك لما تبي تراجع لامك او اختك في مستشفى تتمنى امنيه ان مايكون في احد تعرفه وتكون طول الوقت على اعصابك خايف لايدخل احد ويسمع اسم امك ولا اختك لما ينادونه << طبعا انا كنت مستحيل اوديهم طبيب والسبب هالموضوع والله العظيم كتكوته الا اذا الوالد الله يرحمه اذا كان يقولي ودهم ماكنت اقدر ارفض له طلب << غير جذي مالك امل اوديهم لووووول

=
بعد ماكبرنا عادي الوضع صار << بالنسبه لي انا على اقل تقدير

الحين ماعندي مشكله اروح فيهم اي مستشفى واي موعد واي مكان

عادي عندي اذا احد سمع الاسم او اعرفه << بصراحه ماعادت تفرق

=

بتقولين لي ليش كنت تفكر جذي بقولك والله انا نفسي مادري ليش

بس احتمال كبير انه يكون الجهل وعدم الوعي بالاضافه الى بعض عاداتنا السيئه

=


مشكووره يالغلا على هالموضوع وربي لايحرمنا من سوالفك الحلوه < اقصد مواضيعك يعني << لازم يوضح لوووول

[كتكووته^^مكتكته]

ولد شيوخ

الله يبارك بعمرك

نهنيء انفسنا قبل لا نتبادل التهنئه على عودة المنتدى لوضعه

عموما

الحمدلله ان فكرتك تغيرت
انا صارت معاي قبل جم سنه

كنت رايحه الطبيب مع اخوي والكاتب بالمستوصف اخوه ما حسيت الا راجع يقول بييب بوكي من السياره وبركه بجيبه
بس عشان لا يشوفه رفيجه وانا معاه ويعرف اسمي

:)



هم انا ودي اعرف السبب والشاهد الله ماحطيت هالموضوع لاجل اجمع اسماء امهاتكم لا حشا
بس كنت بعرف السبب اللي يخلي الابناء يستعرون من اسماء امهاتهم وخواتهم

الا ماقلتلي

شسم امك

:)

موجد اتغشمر


منور الموضوع

[ღ♥ MaLiCiOuS ♥ღ]

تسلمين ع الموضوع

شالسبب انا مادري بس خلاص هالشي تعودنا عليه محد يقول اسم امه بس مادري ليش بالضبط
انا اقول اسم امي بس مو حق اي احد يعني واحد مااعرفه مااقوله مع انه مافيها شي السالفه بس خذيناها جذي

عاد اسم امي عندج مايحتاي اقوله بعد وسري فبير :p

يعطيج العافيه ع الموضوع

[moon world]

لا مو عار
منو قال اسم امي عار
عادي ما فيها شي اذا قلت اسم امي للي سألني
عادي انا اسم امي ام حمد
ههههههههههههههههههههههههههههههه
ما فيها شي
مشكوووره كتكوته علي هذا الموضوع ويعطيج الف عافيه

[عزتي في شموخي]

مرحباااا..و يسلموووو كتكتـ عالموضوعـ الحلو...

اظن ان السبب في عدم قول اسم الام هو اطباع الناس و تغير مفاهيمهم لهذا الشي...
يعني قبل و مثل ما قلتي كانو يذكرون اسم الام كفخر للشخص و اعتزاز بالام التي انجبته...
ولكن الان يكمن كتمان اسم الام بسبب بعض الناس و تفكيرهم الرجعي من ناحيه ...
و من ناحيه بسبب الغيره و تكون صائبه لكي لا يستغل بعض الشباب او الناس اسم الوالده كشيء للنقد ...
او (((للمعاير)))...
اعتقد هذه هي الاسباب الرئيسيه لعدم البوح باسم الوالده ...اما عن نفسي كبنت احب ان يكون هالشي خاص بيني و بين اللي اثق فيهم ...ليس لشيء او خوف لا مجرد طبع...
تحياتي لج اختي كتكوته مكتكته ما ننحرم يارب من مواضيعج اللي تضفي عالمنتدى نوره...دمتي بود

[بنت الخير]

مشكوره اختي كت كت على هالموضوع
وانا اعتقد ان الشباب ياخذونها عن معياره مثلا ومرات اذا تهاوشو يقولوله روح يا ولد أمــه
اهي فعلا مافيها شي بس الشباب الله يهديهم حارين وعصبيين ازياده عن الزوم
مشكوره على هالطرح ..

[كتكووته^^مكتكته]

الحقوده

سرج فبير

منوره
:)

[كتكووته^^مكتكته]

مون
اسعدني حضورج
ورايج الحلو
منوره يالغلا

[كتكووته^^مكتكته]

محترمه

تسلملي طلتج

تسلمين عالحضور والتواصل الدائم
منوره

[كتكووته^^مكتكته]

بنت الخير

سعيده لتواجدج بمتصفحي

منوره يالغلا

[ولـــد الصليبيه]

خوش مووضوع والله ويستاهل النقاش ^_^

طبعا انا ضد الفئه اللي تقصدينها

لان اسم الأم مو عيب ولا حرام إذا رفيجي عرفه

خصوصا أن أشرف وأطهر وأنظف رجل على وجه الأرض سيدنا " محمد صلى الله عليه وسلم "

كان معروف اسم امه

ع العموم يعطيج العافيه اختي وماقصرتي

[SuL6aN]

يعطيج العافيه وماقصرتي

ابي جواب صريح من الشباب

هل امك عار؟

اعوذ بالله منو قال جذي

بعدين الرسول عليه الصلاة والسلام

قبل اسم امه آمنه والكل كان يعرف هالشي

وهذا الرسول محمد رسول الله اشرف الخلق اوطهرهم

واشرف واطهر من عرفته البشريه

اذا الرسول يعرفون اسم امه احنا نستحي والله شي عادي

مافيه احراج بس مو معنىى هذا اني كل مااشوف احد بالشارع اقوله تعال

اسمي فلانه بنت فلان لا مو جذي بس اذا اهو عرف الاسم والله ماهمني

يعني شي عادي ....
ــــــــــــــــــــــــــــــــــــــــــ

صحيح ان كثير من الشباب للأسف (كثير) منهم يتنرفز ويعصب

اذا احد قال اسم امه الي يشوفه يقول هذا متهاوش او احد سابه

والي يشوفه يقول هذا فيه شي او صايرله شي كبير مايدري انه بس على اسم امه

المفروض يفتخر ويقول نعم هذا اسم امي واذا واحد عرف اسم امي شنو يعني

شبيصير الحين شصار انقلبت الدنيا شي عادي وطبيعي ....

ـــــــــــــــــــــــــــــــــــــــــــ

وعلى فكره ترى مره طاش ماطاش اذا شايفين الحلقه

عن اسم الام ناصر القصبي راح حق المستشفىى وشاف واحد من ربعه

يعني فتره مو شايفه ناصر القصبي قال حق رفيجه وين ماتبين

ورفيجه اخذ العنوان وقال امركم اليوم ان شاء الله وقاله عسى ماشر قال الوالده تعبانه


ولا ينادون منيره سعد .. يعني ام ناصر القصبي وسمع رفيجه الاسم وقاله مو مشكله اليوم اقول

حق الربع

المهم راح لهم بالليل وقالهم اسم ام ناصر الي اهيا منيره

طبعا الي يشوفه يقول هذا عار الحين الريال مايداوم وبعد قتره هاجر << هاجر

بعد عشرين سنه رد ولا يسأل وين العماره الي كانت اهني الي اهو كان ساكن فيها

قالوله شالوها من ايام ولد منيره ... لووول

يعني الي يشوفه يقول عار


ــــــــــــ

آنا اعتقد ان الواحد لازم يفتخر بامه واذا شخص عرف اسمها ماينفعل يعني اهو شي عادي

مايستحق ان الواحد يعصب وينفعل ,,,,,

ــــــــــت

ســـــ ع الاطاله ـــــووؤوؤوري

تحياتي ــــــــ

BeCkHaM