البدو المعاصرين..او..البداوه الحديثة..!!

[شــمــآلــي]

أخوي العزيز كويتي ...

أنا متأكد من قول الرسول لان هذه المعره درسناها في المراحل الدراسيه في الكويت ...

وهي غوزه حنين وأرجو منك أنتسأل عن هذه المعركه وقول الرسول ...

بالله عليك إسأل ...

وانا داش المنتدى أبي أستفيد وأفيد وبعدين حشاك مو انا اللي أعلمك انت اللي تعلمني لانك أخوي الكبير

وهنا ننهي الموضوع << وماصار شي ببينا

[العميل السري07]

يرجى استخدام القوة لطرد "العميل السري" من الموضوع...امزح معك يا ولد عمي المكان مكانك .وانت الداخل وحنا الطالعين

هههههههههههههههههه متوقعين مني المعاند <<ماهي غريبه عليك المعاند
:) تسلم يا ابن عمي يا عصابه راسي
موضوعك جميل جدا جدا جدا
وأأيدك في كل كلمه كتبتها
ولكن عندي ملاحظه على اول نقطه وهي الرؤيه الشرعيه
والاخت محترمه مرت عليها
وهي ان صارت اليوم لعب سالفه الرؤيه الشرعيه
قال بشوفها مره ومرتين وثلاث ((والشرع اعطاه هذا الحق))
ولكن الحاصل للاسف ماعاد به رجال
قبل اذا الواحد شاف البنت اعجبته تزوجها وان ما اعجبت تركها وستر عليها
اما اليوم الحاصل بيشوفها ولو ما اعجبته بيشوفها ثنين وثلاث وفي انهايه بيقول ما بيها وبيروح في مجلس خاصه
اذا كان يعرف اخوانها او عيال عمها وراح يبدا في الكلام فيها وخاصه اذا كان ضحك وغشمره وجاب هسالفه وطرا وقام يوصف ويمثل هني تسبب مشاكل كثير
ولا تشنون علي حرب
ترا انا من مأيدي الرؤيه الشرعيه<<يامابك على الرؤيه الشرعيه ولكن ماهوب حاصل :p
..........
كويتي قديم معك الحق فيما قلت
اخي شمالي انت لقد اخطئت فيما قلت عن نبينا محمد صلى الله عليه وسلم
وهو من قال (( من كذب علي متعمدا فليتبوء مقعده من النار)) اعاذنا الله واياك من النار
ومافيه انسان معصوم من الخطا - ولا فيه انسان ولد من بطن امه متعلم
ولكن الرجل الفطين يتعلم من كل موقف اخطأفيه علمه
.
.
السلام ختام

[كويتي قديم]

العميل ....يا حيا الله والله اني صادق....حي الله ولد ععمي وحزام ظهري بالشدايد...

صحيح والله ما ذكرته...

والي يفعل هذا الفعل انا اقول وش تسوي معه..."تجيه على جمس 1975 تمشي 180 وتجيه عرض ..." وينتهي الموضوع


المرجله يا طلابها هي الدين....وكان في بيت للشاعر "شين الحلالايا" ماني ذاكره يقصد بمعنها ان المرجله للي يبيها هي الدين...!!

العميل ولد عمي ..اشكرك جزيل الشكر لوجودك العطر ...

[لنا عمر ٍ بلياك]

نفس ما قلت .. الحجاب يلبس للتغطية الخارجية وليس للتغطية الداخلية ..


عجبني موضوعك .. تقريبا ً من شهرين سألتني وحده تشتغل معاي قالت لي أنت بدوي ولا حضري ما عرفت لك ..


رديت عليها : فيني طبايع بدو لكن معدلها !! .. ضلت تسأل على هل شغله شمعناتها شمعناتها .. عاد الحين إنت جاوبتها يا كويتي ..


الله يجزاك بالخير وبيض الله وجهك على هل مواضيع الطيبة . من نفس ٍ طيبة وعزيزة ..

[كويتي قديم]

ووجهك لنا عمرك بلياك ..ووجهك

قولها مثل ما يقول الشاعر

خذني معك الراس راس بدوي والفكر تفكير حضري....والله لنوخ الجاحظ واهز البحتري

[لنا عمر ٍ بلياك]

صح بدنك ..


ومشالله عليك ..


:)

[كويتي قديم]

صح منطقك

الله يجزاك خير

[صمت الخواطر]

يا سلام يا كويتي قديم

ذكرتني بكتاب كان يتكلم عن هالشي وكان اسمه على ما اذكر (( الفقه البدوي )) اذا ما خانتني الذاكره .... وقد لمس ما لمسته انت هنا في موضوعك ...

وبعدين البدو هذولا حبايبنا ياخوي ...

بس تدري وش الحل نسوي وأد رعيان .... عشان محد يفكر يرعى حلال بعد ... مع ان رعي الحلال تجاره ومربحه بعد لكن المشكله ربعنا هني مسوينها مسابقات ملكات جمال الابل ... وتشوفهم يطردون وراهن لما ينترسن حلقوهم تراب ....

يعني هالفلوس اللي تنصرف والله تقريبا بالملايين لو تنصرف على تبرعات للفقراء لو تنصرف على تحسين التعليم او اقامة بعثات وتبادل خبرات مع الدول المتقدمه ... او نتيح من خلالها العمل الحر للشباب الصاعد واللي كل يوم نشوفه من احباط الى احباط ومن ابواب مقفله الى اخرى .... والله حرام تنصرف على حيوانات ..... مو هيك يا راعي شعلان :)


على العموم مشكور على هالموضوع اللي لمس جرح فيني والله....


كان معكم مراسلكم لولي .....

من خلف السجون التي يقبع بها الاسير فيلق

[كويتي قديم]

هيك يلي تمون على شوارب شعلان هيك....!!

في نفسي أن اقوم بالرد على سيادتكم...ولكن من سيجيبني بعد "توقيفك"...هل قرينك او شبحك...؟؟

الله وأعلم