دنووش .. على كرسي الأعتراف !!

[كـلـي غـلا]

هع هع ..

كح كح ..

مرحبــــــآآ :p

انا اشوف كرسي الإعتراف منور .. أثاري دنوشتنا هون ^_^

اول شيء ..

يامرحبا ومسهلا .. بصحفيتنا " دنوش " ..

أستمعت صراحه جد جد .. يوم قريت عنـك ..

وفعلا احس انك فاهمتني أنتي بعد ^_^ ..

مدري هو شعـور متبادل او مدري ايش ..!!

..

المهـم ..

ماودي أكثر عليك بالأسئله لان العميل السري ما قصر .. والاعضاء ماقصرو عسى الله يعينك ^_^ ..

هل تعترفين بالأبراج .. والأعياد المبتدعه كـ عيد الحب المسمى بالفالنتايم .. وعيد الأسرة .. وإلخ .؟!

ماهـو لونـك المفضـل ..؟!

وش رايك بالزمن الحـالي ( قـاسي مايرحم .. ممتـع .. حزنه أكثر من فرحه ..إلخ ) ..؟!

هل انتي ممن يكبتون الهـم بداخلهم .. ويصرخون بداخلهم بصمــت ..؟! ولمـاذا ؟!

تخيلي انك قاعده على الشـاطي .. وترسمين قـلوب .. _ 10 قـلوب .. وكل قلب بداخله إسم عضـو أو من عائلتـك أو أي شخص عـزيز .. إكتبي لنا أسماء العشر اشخاص ..؟!

ماذا تفعلين لو حكمتـي العـالم ..؟!

العذر والسموحه على اني طـوّلت بس مخيـّلتي واسعه ^_^ ..

وما بي أكثر عليك يالغلا ..

وموفقه يارب .. ومتابعك لك غلاتي :)

[دنووش]

ياهلا ياهلا .. ..
دنوووووش منوره كرسي الأعتراف ...

عندي جم سؤال لج وانشاءالله يكنون خفيفين عليج ؟؟

لمن تهدين الأبيات التاليه ..
*أنــا مقدر أكون اني حبيب في بعض الاحوال _انــا كلي أجي أو اروح بعزتي كلي ..
*ياشينها لاصرت بين أختيارين _مستقبلك ولا حبيبن توده ..
*كل مافكرت ابزعل منك وأعتب واتضايق _ضاقت الدنيا علي وجيت لك زعلان وراضي ..

: عضو او عضوه تقولين له ؟؟
بسك كفايه جروح ؟؟
احبك موووت ؟؟
لو بيدي اعطيك عمري ؟؟
كان ودي نلتقي ؟؟
من غيرك المنتدى ماصخ ؟؟
مواضيعك رائعه ومميزه دائماً ؟؟
وجودك في المنتدى يعني الكثير ؟؟

بما أنج مومتزوجه .. من هو فارس أحلامك وماهي موصفاته ؟؟
وماهو السن المناسب لزواج بالنسبه لج ؟؟

انتي قلتي انج صحفيه ؟؟وين بضبط ؟؟
ومارايك في صحافة هالوقت ؟؟

رأيك في كل من ..
نانسي عجرم
إليسااا
هيفا وهبي
دانا

هل انتي من متابعين الافلام .. الاجنبيه ام الهنديه

ممثل /ممثله تفضلين (محلي -عربي -عالمي)
مغني/مغنيه تفضلين(محلي-عربي-عالمي)
لاعب كوره تفضلين(محلي-عربي-عالمي)
اذكريهم لي واحد واحد

مارايك بالاعب الأنجرتييين (بتستوتا)
ولاعب المنتخب الكويتي (بدر المطوع)
ولاعب النتخب السعودي(باسر القحطاني )

والله عصرت مخي لمن طلعت هالاسأله وبفكر بغيرهااا وارجع ..
جااااااااااااااو

اهليييين وسهليييين اختي كوين ..النور نورك حبيبتي ..

ياله نبدأ

لمن تهدين الأبيات التاليه ..
*أنــا مقدر أكون اني حبيب في بعض الاحوال _انــا كلي أجي أو اروح بعزتي كلي ..

اممم ,,,لكل الناس ..ولشخص احبه


*ياشينها لاصرت بين أختيارين _مستقبلك ولا حبيبن توده ..

اصعب سؤال ..فكرت واجد ..بس ماعندي احد اهديه هالكلمات ..للأسف

*كل مافكرت ابزعل منك وأعتب واتضايق _ضاقت الدنيا علي وجيت لك زعلان وراضي ..

منو غيرها ماااامي الله يخليها لي

: عضو او عضوه تقولين له ؟؟


بسك كفايه جروح ؟؟

مدري ماعرف شخصياتهم عدل ..



احبك موووت ؟؟

عضو؟؟ محد اذا تبين الصدق ..


لو بيدي اعطيك عمري ؟؟

صدقيني اعضاء ماقولهم هالكلام عشان اكون واقعيه ..ممكن احد من برا بس عضو لا

كان ودي نلتقي ؟؟

اممم عنوسه ماتهاب ..و كل الذوق ..شوفو شموخي بس انا اشوفها من فتره لفتره ..

من غيرك المنتدى ماصخ ؟؟

كويتي قديم ولووو....ولو انا المنتدى ممتاز ,,

مواضيعك رائعه ومميزه دائماً ؟؟

الكل بدون استثناء


وجودك في المنتدى يعني الكثير ؟؟

شوفو شموخي ..عبيطه بنت خالي ..تعبت اخفي دمعتي اختي الصغيره ..

بما أنج مومتزوجه .. من هو فارس أحلامك وماهي موصفاته ؟؟

امم زي رومانسيه كاظم ..و نفس زاهر اللي بستار اكاديمي
يكون اهم شي يحبني واحبه ..طيوووب ..اخلاق ..اكيد دين ...له مكانه ..كريم ..عقلاني ..متفتح ..

ويحترمني ...تقريبا اهم شي ...تقدرين تجيبينه ؟؟؟


وماهو السن المناسب لزواج بالنسبه لج ؟؟

بعد ال 25 سنه ..بس اكيد مو قبل

انتي قلتي انج صحفيه ؟؟وين بضبط ؟؟

جريدة الوطن السعوديه


ومارايك في صحافة هالوقت ؟؟

كويسه ...بس مو حيل ..يعني فيه حواجز وخطوط حمراء مانتعداها ..تقلل من مصداقية العمل الصحفي والاعلامي ..بس مو سيئه

رأيك في كل من ..
نانسي عجرم محترمه نفسها احب اغنيتها مشتاقه ليك
إليسااا ماتعجبني ابداااا
هيفا وهبي احتقرها اكثر مماتتصورين ..
دانا ازين مافيها اسمها ولا هي نفس هيفا وشلتها ..ماتعجبني

هل انتي من متابعين الافلام .. الاجنبيه ام الهنديه

الاجنبيه اكثر ...من زمان عن الهنديه مع ان عندهم شغلات حلووه ..اذكر فلم شفته مانساه طول عمري ..كان اسم البطل ديباك ..فلم واااااو ..

ممثل /ممثله تفضلين (محلي -عربي -عالمي)

محلي :محمد العيسى المالكي ..محمد العلي الله يرحمه ،،ممثله محليه مافيه سعوديه كويسه

عربي:احمد السقا ..واحمد حلمي ..جمال سليمان ..اللي مثل بابو علي ..طارق العلي ..محمد وحسين المنصور ..ابراهيم الحربي ..الصلال وعبدالحسين عبدالرضا ..واجد والله ..ممثلات حياة الفهد منى واصف سعاد عبدالله ..ياسمين عبدالعزيز ..حنان ترك ..يسرا ..منى زكي ..واجد بعد ..

عالمي:جيمس بوند الاخير ..جورج كلوني ..يحيى اللي في سنوات الضياع ..
لميس ورفيف ....


غير ممثلين الانمي ..اليابان


مغني/مغنيه تفضلين(محلي-عربي-عالمي)

محمد عبده..محليه مافي

عربي ؛؛فضل شاكر ..كاظم ..فيروز نوال الكويتيه ..جوليا بطرس

عالمي ماسمع

لاعب كوره تفضلين(محلي-عربي-عالمي)

عبده عطيف ،،مالك معاذ
ابو تريكه ..محمد جراغ ..محمد سالمين
مالديني ..كاكا ..انزاغي ..ميسي ..


اذكريهم لي واحد واحد

مارايك بالاعب الأنجرتييين (بتستوتا) حلووو مره ..وكان لعيب خاصه بكأس العالم اللي كان الهداف فيه

ولاعب المنتخب الكويتي (بدر المطوع) مميز في خط هجووم المنتخب الكويتي ..قناص
ولاعب النتخب السعودي(باسر القحطاني ) كابتن المنتخب بكل جداره يهمني وجوده بالملعب ككبتن ..

تحيااتي لك ..وحلوه الاسئله

[دنووش]

الا واحر قلباه من من قلبه شبم ** ومن بحالي مادري شنو به سقم
:p
مالي اكتم حبا قد برا جسدي .... وتدعي حب سيف الدوله الامم

المهم
ارحبوووووووووووووووووو و مرحبابكم
منوره الكرسي دنوشووه <<< مو كأنه شايف عمرها 23 :p

.
.
خلونا في المهم
اف اف
لا صبر
مشكووره اختي شسمها اممم ريامي على الضيف الجديد اللي جبتيه
.
.
يالله خل نبلش في المهم
.
.
معلومه >> يحب يقرا روايات كثير وانتي ادرى بحال القسم والروايات فيه
فيعني شدي حيلك معاي اوكي
راح ابرد حرتي عليج من الاختبارات :)
.
.
نبدا بسم الله
1- بما انك صحفيه ... وش قدمتي للامه الاسلاميه وللاسلام ؟؟
2- تقولين تبين تسوقين بكيفك هووو وتقولين عند الضروره !!!
(( اوكي اذكري لنا الضروره اللي معاها تسوق المرءه ؟؟ لانها من شخص لشخص تختلف ؟؟))
<<<< نرفزني ههههههههههههههههههههههههههه
3-العمر 23 ولم يكن الزواج من اولوياتك ؟؟ فمتى يكون ؟؟؟<<< طب بالعميق والطامه جايه خخخخخخ
4- اختي المجتمع الخليجي اذا وصلت البنت فيه عمر 24 سنه ما تزوجت يطلق عليها ((عااانس )) ماذا تعني لك هذي الكلمه <<<<<<<<< يقول بخاطره هم بتجينا عانس ثانيه بالمنتدى مو كفايه عنوسه ما تهاب ههههههههههههههههههههه
5-شنو تحبين تشربي؟ بعد ما تعديت حديدي يعني ابي اراضيك <<< اخاف صج بس :)
6- شنو معنى هلكلمات في قاموسك :
دلخ
جعري
صعوه
كلكجي

7- شنو اللي ينرفزك؟؟؟؟؟؟((يضايقك))
8- من يكووون (( بدر رافع هذا ؟؟؟؟))
9- وش تقصدين في قولك (( لايحارب الا القله العظيمه ))<< ابعص لووووووووول
10-ليش ماكوووووو روايات بالقسم <<< وهذا اللي رافع ضغطي فيك :(

وشكرا
ولي مو عوده وحده
عودات كثير
ماكو من الشغل الا انتي وحالك حال غيرك ... وافهمي قصد الاخ فيروس بان الكرسي راح يضيق فيك وانا متاكد :)
وانا راح اتكفل بتضييقه كما ضيقته على من سبقك
ههههههههههههههههههههههههه
واحب اقولك ختاما لهذه الحلقه منوره على كرسي الاعتراف اللي ( خلفوه ) لك المطاليق
:)
.
.
.
كان معكم
العميل السري 07
وباقي على محاضرتي 4 دقائق
نستوعدكم الله
:)

هلا فيك العميل ..والله نورت بأسلتك الواقعيه ..راح اجاوبك كل اللي تبي ..وصدقني الكرسي للحين واسع حيييل تقدر تضيقه ..ياله قوو هد ..بس ترا ماتعرف اني اخر انسانه ممكن يضيق علي الكرسي ..

<<نحيفه ..لووووووووووووووووووولز ...لا بس انا وياك والزمن طويل

نبدا بسم الله
1- بما انك صحفيه ... وش قدمتي للامه الاسلاميه وللاسلام ؟؟

ماكذب عليك ..ماقدمت لا انا ولا انت ولا كل المسلمين ولو شي بسيط للاسلام ..ويد وحده ماتصفق ..والله يقدرني من خلال مجالي افيد الاسلام والمسلمين بأي شي كان ..اقلها الكلمه الصادقه ....الله يهديك داخل شاد حيلك مرررره ...


2- تقولين تبين تسوقين بكيفك هووو وتقولين عند الضروره !!!
(( اوكي اذكري لنا الضروره اللي معاها تسوق المرءه ؟؟ لانها من شخص لشخص تختلف ؟؟))

اممم اكيد كيفي اول شي ..الضرورات تختلف من شخص لاخر زي ماقلت ..انا عن نفسي اقلها اذا بغيت شي من السوبر ماركت والسواق مش مو جود او نايم ..هذا اقلها ..اما الضرورات الثانيه ..واول شي نطلع هالعماله اللي عاثت بالارض فساد ..صار عندنا قضايا تحرش ع الاطفال غير زحمه التكاسي ..غير حاجه بعض النساء اللي مايستطيعون جلب سائق ..غير انه حق مشروع لي زي مو حق مشروع للرجل ..وزي ماقلتلك اهم شي انه مو حرام بالدين لاننا نمشي ع الدين مو كلام الناس او قناعاتهم ..اتمنى اكون فهمتك ..لو ماعجك رد وقل اللي مو عاجبك ..راح ارد بصدر رحب ..(؛



3-العمر 23 ولم يكن الزواج من اولوياتك ؟؟ فمتى يكون ؟؟؟<<< طب بالعميق والطامه جايه خخخخخخ

بعد يمكن 3 سنوات يصير من اولوياتي ..اما قبل هالوقت ماتوقع ..قناعتي ..


4- اختي المجتمع الخليجي اذا وصلت البنت فيه عمر 24 سنه ما تزوجت يطلق عليها ((عااانس )) ماذا تعني لك هذي الكلمه <<<<<<<<< يقول بخاطره هم بتجينا عانس ثانيه بالمنتدى مو كفايه عنوسه ما تهاب ههههههههههههههههههههه

لووولز ..ليش عنوسه شفيها والله انها تنحط ع الجرح يبرى ..واتمنى اصير زيها ..

بالنسبه للمجتمع الخليجي ...انا اتوقع انه قبل كان كذا بس اللحين المجتمع صار منفتح اكثر ..ولو ان فيه بعض العقليات المتحجره للحين واللي تعتبر المراه في سن 24 عانس ..واللي انا اشوفه تخلف لان مو المهم الزواج كثر مافيه اشياء ثانيه اهم في وقت قبل 25 سنه ..عموما مو كل شي بالمجتمع صح والشخص يفكر بعقله مو بعقل المجتمع لانه لو فكر كذا راح يلغي شخصيته ويصير امعه ..وانا هالشي ما أقبله ..


5-شنو تحبين تشربي؟ بعد ما تعديت حديدي يعني ابي اراضيك <<< اخاف صج بس

امم احب عصير الفراوله ..واحب دانو ..تقريبا واحب هولستن بالفراوله ..جربته؟؟لو لا جربه ..اتوقع يعجبك


6- شنو معنى هلكلمات في قاموسك :
دلخ غبي
جعري ماعرفها يمكن مصطلح كويتي
صعوه ___________________
كلكجي ـــــــــــــــــــــــــــــــــ

7- شنو اللي ينرفزك؟؟؟؟؟؟((يضايقك))

الكذب،، والعقول الفارغه ..واللي يلعب ع الحبلين ..وينرفزني كثييير لو طلبت شي من احد وماصار ..


8- من يكووون (( بدر رافع هذا ؟؟؟؟))

اممم بدر رافع ..اعلامي زيي ..وهذا سبب التعاطف ..غير انه انسااان ..واللي صار له ماحترم لا انه اعلامي ولا حتى انسان ...هذا الله يسلمك مراسل قناه الاي ار تي الرياضيه ...كان يؤدي عمله بالملعب بعد مباراه النصر والهلال الاخيره ..جاه رجل الامن وقاله اطلع من الملعب وماطلع لانه مصرح له الدخول غير ان القناه هي الناقل الرسمي للمباراه الموهم رفض ..وضربوه اكثر من 20 رجل امن داخل الملعب وقدام الملايين ...ولو ماشفت المقطع رح لليوتيب واكتب ضرب بدر رافع ..وراح تتعاطف معاه يمكن اكثر مني ..


9- وش تقصدين في قولك (( لايحارب الا القله العظيمه ))<< ابعص لووووووووول

انو دايم الرجل المحارب هو الناجح بمعنى اصح العظيم ..وانا اشوف ان كويتي من العظماء عشان كذا تحارب ...وهذا عشان اهون عليه ..


10-ليش ماكوووووو روايات بالقسم <<< وهذا اللي رافع ضغطي فيك :(


ولا يهمك راح نحط ...بس اصبر لين القى روايه تستاهل ..


مشكووور ع الاسئله ...ويعطيك الف عافيه ..

وحياك مره وثنتين وثلاث ..

تحياااتي

[دنووش]

اقرا اسمي اكثر من مره ينذكر بالخير

فديتج يا غناتي وكل الشكر لج كنت داخله بس ارحب فيج

وما يحتاج اسالج لاني اعرفج عدل واتشرف فيج طبعا


ومنوره الكرسي وشوي شوي علي رفيجتي

هلا والله عنوسه ..نورتي والله ...

فرحت لما شفت ..

بالنسبه انو اسمك ينذكر بالخير صدقيني انتي انسانه مستحيييل ينذكر اسمك بغير الخير لانك تستاهلين ..

لانك المرأه المناسبه بالمكان المناسب وعساك ع القوه حبيبتي ..


انا اللي ارحب فيك ..ولا تخافين علي قدها ..

(؛

تحياااتي لكـ

[دنووش]

قووووووة دنووووش
شخبارج:$
ماعندي الا سؤال واحد بس
===> يعني مستحيه خخخخخخخ

1- شنو حكمة بالحياة؟

وبث

كيوي

مراحب الغاليه ..

نورتي ..

مايمديني عل الحياء ..لايبه تفضيلي قولي اللي تبينه ..

امم حكمتي


عامل الناس كما تحب ان يعاملووك ..

هلا مره ثانيه ..وتحيااتي لكـ

[دنووش]

هلا قلب ..
شلونج ..
حبيت أسلم عليج
و متابعه لج فديتج
وجلسه مريحه إن شاء الله
موفقه

غلامور قيرل ..هلا خيتوو ..

الله يسلمك ...واهم شي تتابعين .

(؛

الجلسه للحين مريحه ومتأكده انها بتكون اووكي ..

ماتخافيش


الله يخليك ..وتحياااتي لك

[دنووش]

السلام عليكم ورحمه الله وبركاته

انا اشوف النور الاخضر طالع من قسم كرسي الاعتراف

قلت اكيد الاخت الغاليه :) دنوش

ياهلا والله منوره كرسي الاعتراف

انا مابي اعطيج اسأله وايد لانا الاخوان والاخوات الي قبلي ما قصرو :)

نبدا اسأله

بسم الله الرحمن الرحيم


1- ماهي السياره التي تعجبج ؟


2- ماهي القناه التلفزيوينه المفضله لديك ؟


3- ماهي الاكله المفضله لديك ؟


4- ماهو المشروب المفضل لديك ؟

5- اجمل قسم بلمنتدى لديك ؟


6- من اقرب الاعضاء او المشرفين لديك بلمنتدى ؟



7- يعطيج ربي الف الف عافيه يا دنوش منوره كرسي الاعتراف والله واسعدني اني اشوفج على كرسي الاعتراف

:)

ريم الشوق يعطيج ربي الف عافيه على هذا القاء الطيب مع الاخت دنوش نور من انوار المنتدى والله :)

بيق بووووس ....لا مو مصدقه ..

والله ان النور نورك يالغالي ...وينك مالك حس ولا خبر ...والله معزتك غييير ..عشان كذا لاتقطع اوكي (:

راح ابدأ بالاجوبه لان كم بيق بووس عندنا !!

1- ماهي السياره التي تعجبج ؟

انا احب الدوج تشارجر ..مرررره ..اعشقهااا


2- ماهي القناه التلفزيوينه المفضله لديك ؟

واجد بس احب قنوات art وال mbc

3- ماهي الاكله المفضله لديك ؟

احب المكرونه ...وورق العنب ..الملوخيه ..من زمااان عنها ..ذكرتني (:

4- ماهو المشروب المفضل لديك ؟

عصير فراوله ..اشرب غازيااات ..وهولستن فراوله ..


5- اجمل قسم بلمنتدى لديك ؟

احب الرياضه ..ومنتداي ..والنقاشات الجاده وادخل قسم السيارات عشانك وعشان راح الامل ..مع اني ماعرف فيها شي ..


6- من اقرب الاعضاء او المشرفين لديك بلمنتدى ؟

مايخفى عليك انك منهم يعني انت ..وشوفو شموخي ..كل الذوق ..عنوسه ..كاكا ..عباس بن فرناس ..عاشق مهزوم ..صاحي طبعا وكويتي قديم وعازف السيمفونيه ..عشوووق
والكل بس تقريبا الاقرب هذولا ..


7- يعطيج ربي الف الف عافيه يا دنوش منوره كرسي الاعتراف والله واسعدني اني اشوفج على كرسي الاعتراف


النورنورك يالغالي ..وماقصرت ..وانا اشكرك ع الاسئله الحلووه ..
تحياااتي لك (؛

[دنووش]

هــــــلا و غلا فيج حبووووبة ^___^


منورة الكرسي ..


والله ماعندي أسئلة .. و مابي أثقل عليج ..



بس حبيت أقولج انج أخت عــزيزة وغالية ..



: ))

والله انتي الغاليه نعووومه ..

هلا فيك ..ومنوره ..كان ودي تسألين اللي تبين ..

والله انك ذوووووووووووووووووووووق الدليل الصوره اللي بالتوقيع ..

تحياااتي

[دنووش]

هع هع ..

كح كح ..

مرحبــــــآآ :p

انا اشوف كرسي الإعتراف منور .. أثاري دنوشتنا هون ^_^

اول شيء ..

يامرحبا ومسهلا .. بصحفيتنا " دنوش " ..

أستمعت صراحه جد جد .. يوم قريت عنـك ..

وفعلا احس انك فاهمتني أنتي بعد ^_^ ..

مدري هو شعـور متبادل او مدري ايش ..!!

..

المهـم ..

ماودي أكثر عليك بالأسئله لان العميل السري ما قصر .. والاعضاء ماقصرو عسى الله يعينك ^_^ ..

هل تعترفين بالأبراج .. والأعياد المبتدعه كـ عيد الحب المسمى بالفالنتايم .. وعيد الأسرة .. وإلخ .؟!

ماهـو لونـك المفضـل ..؟!

وش رايك بالزمن الحـالي ( قـاسي مايرحم .. ممتـع .. حزنه أكثر من فرحه ..إلخ ) ..؟!

هل انتي ممن يكبتون الهـم بداخلهم .. ويصرخون بداخلهم بصمــت ..؟! ولمـاذا ؟!

تخيلي انك قاعده على الشـاطي .. وترسمين قـلوب .. _ 10 قـلوب .. وكل قلب بداخله إسم عضـو أو من عائلتـك أو أي شخص عـزيز .. إكتبي لنا أسماء العشر اشخاص ..؟!

ماذا تفعلين لو حكمتـي العـالم ..؟!

العذر والسموحه على اني طـوّلت بس مخيـّلتي واسعه ^_^ ..

وما بي أكثر عليك يالغلا ..

وموفقه يارب .. ومتابعك لك غلاتي :)

اكيييييد شعووور متبادل حبيبتي ..

هلا كل الذووق ..مابغيتي !!!

منوره يالغلا ..

وراح اجابك اللي تبين ..ابد للحين طاقتي فل ..

هل تعترفين بالأبراج .. والأعياد المبتدعه كـ عيد الحب المسمى بالفالنتايم .. وعيد الأسرة .. وإلخ .؟!

الابراج اعتبرها علم ..مانستهين فيه ..بس اللي ماعترف فيه الايمان بها وتصديقها ..انا اتابعها بس ماأؤمن فيها ..

اما الاعياد هو بس عيدين اعترف فيها الاضحى والفطر ..عيد الحب الاسره وغيرها لا ..

بس اعتبر ايام الميلاد ..يعني بعض الاحيان احتفل فيها كيوم مو عيد ..ويوم الام ..يعني اخر مره اهديت امي هديه ..مو معناه ضروره التقيد فيه زي الاعياد المسلمين ..لا بس لو جاء جاء ولو ماصار مو مشكله ..بس مو متعصبه ضدها ..

ماهـو لونـك المفضـل ..؟!

الاخضر


وش رايك بالزمن الحـالي ( قـاسي مايرحم .. ممتـع .. حزنه أكثر من فرحه ..إلخ ) ..؟!

الزمن مافيه شي الناس متغيرين مدري شفيهم ..عموما الوقت اقدر اقول عنها زي ماقلتي حزنه اكثر من فرحه تقريبا


هل انتي ممن يكبتون الهـم بداخلهم .. ويصرخون بداخلهم بصمــت ..؟! ولمـاذا ؟!

لا طبعا ..بعيد عني هالشي . يعني مستحيل اكتم .الحمد لله عندي صديقه اقولها كل شي وارتاح ..هي شوفو شموخي ..الله لايحرمني منها

تخيلي انك قاعده على الشـاطي .. وترسمين قـلوب .. _ 10 قـلوب .. وكل قلب بداخله إسم عضـو أو من عائلتـك أو أي شخص عـزيز .. إكتبي لنا أسماء العشر اشخاص ..؟!

1:اسم حبيب
2:ماما
3:بابا
4:ياسمين
5:كويتي قديم
6:بيق بووس
7:كل الذوق
8:زيتونه
9:عنوسه
10:عااازف السيمفونيه

عجبتني حركه الشاطئ والقلوب ..صج خياليه ..

ماذا تفعلين لو حكمتـي العـالم ..؟!

ماتمنى احكمه ..ولا هو طموح ..ولا فكرت اصلا ..(؛
العذر والسموحه على اني طـوّلت بس مخيـّلتي واسعه ^_^ ..

ابد خذي راحتك ..نورتي ..واسعدتيني ..واذا مخيلتك واسعه يسعدني هالشي لاني خياليه حيييل وافكاري او مخيلتي فيها بلااااوي ..
لوووول ..
شكرا للمره الثانيه ..وتحيااتي لك ..

[ميلاني]

صباح الخير اذا قريتي الموضوع الصبح
ومساء الخير اذا قريتيه بالليل
اما اذا العصر والظهر والمغرب فآقولج صباح الليل
اول شي مـنوره اخـتي
وانا على قولتكم ان انا زي الاعضاء اللي قبلي
انصدمـت يوم قلتي عمرج 23
لوول عالعـموم العمر كليآــتو تأبريني
ومشكوره على التواقيع لووول ماتغلىى عليج لا التواقيع ولا راعيها خيتـو :)
المهـم ودي اسآلج اسأله خفيفه شـوي
اول شي فالبيت
منو اقرب انسان لج فالبيـت ؟؟
مكان او زاويه بالبيت ماتنسينها بسبب ذكرى معيـنه واذكريلنا هالذكرىىى
هـل أنتي طباخه ماهره ام مالج بالطبخ واذا مالج بالطبخ اقول ان مالج داعي كلش لووول لان الشباب يبون البنات اللي يطبخـون
واذا تعرفين تطبخين سويلي ورق عنب باجر :p
برى البيت
اقرب صديقه لج ؟؟ برى النت طبعا
مكان تحبين تروحين له انتي والاهل ؟
صفه تكرهينها بنفسج ؟ صفه تحبينها بنفسج ؟

بس خلاص مابي اكثر عليج

وعساج عالقـووه
وتسلم ديآتج

[محولا بس انطروا]

والله توقعتج حيـــــــــــــــــــل اصغر حيل حيل

توقعتج اصغر مني

17
اذا كبيره 19

بس الله بخليج لنا
وطولنا بعمرج

وتسلمين على اللقب ارجتيني ^_^"

[ScReAmQwEeN]

تسلمين دنوووش على سعة صدرج وردوج الصريحه ..
وحرااااام عليج ليش تحتقرين هيفاااا البنت مزيونه :)
على العموم .. رايج وعلى راسي ياقلبوووو
لي عوده .. اوكي .. سياااااااا ألتر

[عنوسه ^_~ ماتهاب]

العمل ويهد يهدك تري توني داخله 23


> تفكر تسوي فيه طامه:@

[ScReAmQwEeN]

هاااااااااي
باااااااااااااااااااااااااااااااااااك
يالله يايبه لج جم سؤال ..
**السؤال الأول :فضوليييي ؟؟
((اذا ماتبين تجاوبين عليه اتفهم .. :) :) عااادي ))
-جم طولج ؟؟
-جم وزنج؟؟
-شنو لون عيونج ؟؟
-ولون شعرج ؟؟
-أول حرف من أسمج شنووو ؟؟
-هل أنتي قبليه ام حضريه ؟؟
-وين ساكنه بالسعوديه؟؟
-جم ساعه تقعدين على النت ؟؟
- شنو نوع جهازج الكمبيوتر .. ونوع جهازج التليفون ؟؟
-رقم تليفونج ========******** لالا اتغشمر مولهدرجه عااد :) :)

**السؤال الثاني :صحفيه
((بما أنج صحفيه .. ))
-هل توافقيني الرأي بأن الصحافه همها لأول والأخير المردود المالي لا توصيل المعلومه للقارئ ؟؟
-وهل توافقيني الرأي بأن بعض ماتكتبه الصحافه غير صحيح فقط للفت انتباه القارئ ؟؟
-هل تؤمنين بوجود الصحافه الصفراء ؟؟
-ماردك كصحافيه على مانشرته الصحافه الدنماركيه عن الرسول صلى الله عليه وسلم ؟؟
-وهل كتبتي وعلقتي عنهااا بالصحيفه التي تعملين لديهااا !!!
-هل تستطيعون كصحفين نشر اخبار زعماءوأمراء والتشهير بهم كما تفعلون مع الفنانين والفنانات ؟؟
أم هناااك خطوط حمراء لاتستطعون اجتيازهاااااا؟؟
((على فكره ترى مابيني وبين الصحافه شي موعدوه لهم :) :) بس بشوف ردج شنووو)) ههههه

السؤال الثالث:فنيه
-شنو الأغنيه إلي تأثر فيج وتذكرج بموقف كل ماتسمعينهااا.. سواء قديمه او يديده ؟؟
- شرايج برنامج ستار اكاديمي ؟؟ وأي موسم تفضلين ؟؟ واي طالب/ طالبه عجبوج من جميع المواسم ؟؟
-شرايج بالمذيعه ندى دبوق ؟؟وهل تشوفينها مثال للبنت السعوديه ؟؟
- شرايج في مسلسلات الخليجيه بهالوقت ؟؟

السؤال الرابع :كوكتيل
-أنت مع او ضد
-- منهج مريم نور
--مقاطعة الدنمارك
((مع العلم ان العرب قاطعوا فقط المنتجات الغذائيه لان لديهم بديل عنها
ولكن لم يقاطعواا المنتجات الاخرى من أجهزه والمستحضرات التجميله ))
--برامج الهواة 24/24 ((مثل سوبر ستار -ستار اكاديمي- قسمه ونصيب-الوادي-هز يانواعم -إلخ))
--طرح الثقافه الجنسيه خلال البرامج ((مثل فوزيه الدريع وقناة الجرس ))
--الحب قبل الزواج
-- حرية المرأه
--زواج المرأه من شاب اصغر منهاا بالعمر
--عمليات التجميل
-- فتامين وااو ((الواسطه))
السؤال الخامس :مارأيك في المقولات التاليه ..
-فاقد الشي لايعطيه ..
-عاشر من تعاشر فلا بد من الفراق ..
-دام الزمان يدور مصير الحي يتلاقاا..
-عندك فلوس على الناس تدوس لو كنت غراب يشفونك طاوس ..
-من ضيع لحافه يستاهل البرد ..

خلااااص خلصت اسألتي .. أتمنى اكون مازعجتج بأي سؤال :)
خواني الأعضاء كوشواا على كل الأسأله هذا إلي بقالي ..
منهم .. ..
يالله اجابات ممتعه :) :)
جاااااااااااااااااااااو

[تعبت أخفي دمعتي]

مرحبا,,اختي العزيــزهـ <<الذرابه منوره امن جابت الكرسي والصراحه ماقصروا بالاسئله والله يقويكم
خصوصاا ((العميـل)) وانتي قدهأأ
<<متابعه بس
تحياتي,,