دنووش .. على كرسي الأعتراف !!

[BIG^BOSS]

يعطيج ربي الف الف عافيه اختي دنوش على الاجوبه الطيبه واحرجتي تواضعي اختي الغاليه قواج الله وتقبلي مروري :)

[كـلـي غـلا]

دنوش ..

فرحت كثير يوم شفت الأجوبه ..

وشكلهم بيصفرون طاقتك الفل .. انصدمت جد يوم شفت الأسئله وش كثرها ..

عسى الله يعينك يالغلاا ^_^ ..

والله يعطيج العافيه ^_^
طالعي الرسـايل الخاصه أوكي :$

[عنوسه ^_~ ماتهاب]

باذن الله الكرسي القادم ينادي ك الذوق لووووووووولي
:>

[كـلـي غـلا]

باذن الله الكرسي القادم ينادي ك الذوق لووووووووولي
:>

لا تكفين عندي امتحانات ^_^ ..

أجلوها لا خلصت امتحانات :)

[HITLER]

السلام عليكم

يعطيكم العافيه على هذا القسم الجميل


كان بودي اسال بس ضيق الوقت ما يساعد حق اسأل

بس حبيت اسلم على الاخت العزيزه دنوش .... وربي يوفقج بدنياج ... :)


سلاااام

[عاشقــ تويتي ـة]

شااكرتلج حياتي على هالاجوبة

وانا بعد والله كان بخاطري اسال
بس الوقت ابدا مايسمح

عموما منورة ياغلاتي

[دنووش]

صباح الخير اذا قريتي الموضوع الصبح
ومساء الخير اذا قريتيه بالليل
اما اذا العصر والظهر والمغرب فآقولج صباح الليل
اول شي مـنوره اخـتي
وانا على قولتكم ان انا زي الاعضاء اللي قبلي
انصدمـت يوم قلتي عمرج 23
لوول عالعـموم العمر كليآــتو تأبريني
ومشكوره على التواقيع لووول ماتغلىى عليج لا التواقيع ولا راعيها خيتـو :)
المهـم ودي اسآلج اسأله خفيفه شـوي
اول شي فالبيت
منو اقرب انسان لج فالبيـت ؟؟
مكان او زاويه بالبيت ماتنسينها بسبب ذكرى معيـنه واذكريلنا هالذكرىىى
هـل أنتي طباخه ماهره ام مالج بالطبخ واذا مالج بالطبخ اقول ان مالج داعي كلش لووول لان الشباب يبون البنات اللي يطبخـون
واذا تعرفين تطبخين سويلي ورق عنب باجر :p
برى البيت
اقرب صديقه لج ؟؟ برى النت طبعا
مكان تحبين تروحين له انتي والاهل ؟
صفه تكرهينها بنفسج ؟ صفه تحبينها بنفسج ؟

بس خلاص مابي اكثر عليج

وعساج عالقـووه
وتسلم ديآتج

طيب اقولك صباح النور بما اني داشه بالصباح ..هلا فيك ميلاني ومنوور ..

ياخي مدري شلووون احس اني اعرفك ..مع ان مابيني وبينك اي مصادفه من قبل ...بس يمكن لانك ميلاني زييي (؛

اما مشكله العمر والله سالفه حسستوني اني عجووووز ):

والتواقيع ..حررركه ..وابد لو ابيه اخذتها بدون ماتقوول ..لووووولز

ماعلينا

ابي اجاااوب ..


منو اقرب انسان لج فالبيـت ؟؟

بالبيت اختي اللي اصغر مني اموووله هي عضوه معانا نكها (تعبت اخفي دمعتي)

مكان او زاويه بالبيت ماتنسينها بسبب ذكرى معيـنه واذكريلنا هالذكرىىى

غرفتي ..اهم شي بالبيت ..لاني ارتاح فيها ..وكل اسراري فيها ..بدون موقف ..<<<توهم ساكنين من 5سنوات ماصار مواقف قووويه


هـل أنتي طباخه ماهره ام مالج بالطبخ واذا مالج بالطبخ اقول ان مالج داعي كلش لووول لان الشباب يبون البنات اللي يطبخـون
واذا تعرفين تطبخين سويلي ورق عنب باجر

اممم طباااخه مو حيل ..بس لو دخلت المطبخ ابدع ..يعني لو اشتغلت بشغل احب اشتغله من قلب ..واحب اسوي انواع المكرونه ..

واذا على ورق العنب والله انت تحب التعب ..مالقيت الا ورق العنب ..يعني اروح اشتريه ..بعدين اصلح الرز والحشوه ..واخليها شوي ..بعدين ..اخذهم وحده وحده والفهم ..بعدين اخذ قدر ..وارتبهم بالترتيب الممل ..وبعدين احط صحن فوقهم يضغطهم ..واخليهم بالفرن مالا يقل عن 5 او 6 ساعات ..اوووووووووف ..اشتري جاهز ازين ..لوووووووووووووووولز ..

ابد ولا يهمك اصلح لك ..بس شلووون يوصلك؟

برى البيت
اقرب صديقه لج ؟؟ برى النت طبعا

هي وحده ماحد غيرها برا النت وفيه (شوفو شموخي)


مكان تحبين تروحين له انتي والاهل ؟

الكورنيش ..وكورنيش الكويت غيييييير


صفه تكرهينها بنفسج ؟ صفه تحبينها بنفسج ؟

اكره العصبيه ..واللامبالاة...احب صفات كثير بنفسي ..مو وحده ولا عشر ..صعب احصيهم ..

يعطيك العافيه انت ع الاسئله الحلوووه ..

تحياااتي لك (:

[دنووش]

والله توقعتج حيـــــــــــــــــــل اصغر حيل حيل

توقعتج اصغر مني

17
اذا كبيره 19

بس الله بخليج لنا
وطولنا بعمرج

وتسلمين على اللقب ارجتيني ^_^"

هلا محولا ..مشكوووره والله يطول لنا بعمرك بعد يالكتكوته ...


يسلموو ع المرور ..

[دنووش]

تسلمين دنوووش على سعة صدرج وردوج الصريحه ..
وحرااااام عليج ليش تحتقرين هيفاااا البنت مزيونه :)
على العموم .. رايج وعلى راسي ياقلبوووو
لي عوده .. اوكي .. سياااااااا ألتر

هلا فيك مره ثانيه ..

وسالفه هيفاء ..سبحان الله شعووور ..

ياله انتظرك

[دنووش]

العمل ويهد يهدك تري توني داخله 23


> تفكر تسوي فيه طامه:@

عنوووووسه ماعليك منه ..

كيفناااا ..انا عمري 55 شرايك؟؟؟

الله يطول باعمارنا فيما يحب ويرضى ..

عنوسه ..شرايك نسويله شي؟؟

[ميلاني]

لووووووول اذا عالورق عـنب الحين تسويلي مالي شغل احب اتعب انا لووول :$ صوريه لي وطرشيه ههههههههههه

لووول هم انا احس اني اعرفج من زمان بس يمـكن شايفتني بآيطاليا ترى ساكن هناك انا يمكم بالضبط < بدا يقط صواريخ

بس بفهم شنو كورنيش لوول انا كويتي ولا عرفـت شنو كورنيش الكويت ؟؟


ويعطيج العافيه عالاجوبـه

[دنووش]

هاااااااااي
باااااااااااااااااااااااااااااااااااك
يالله يايبه لج جم سؤال ..
**السؤال الأول :فضوليييي ؟؟
((اذا ماتبين تجاوبين عليه اتفهم .. :) :) عااادي ))
-جم طولج ؟؟
-جم وزنج؟؟
-شنو لون عيونج ؟؟
-ولون شعرج ؟؟
-أول حرف من أسمج شنووو ؟؟
-هل أنتي قبليه ام حضريه ؟؟
-وين ساكنه بالسعوديه؟؟
-جم ساعه تقعدين على النت ؟؟
- شنو نوع جهازج الكمبيوتر .. ونوع جهازج التليفون ؟؟
-رقم تليفونج ========******** لالا اتغشمر مولهدرجه عااد :) :)

**السؤال الثاني :صحفيه
((بما أنج صحفيه .. ))
-هل توافقيني الرأي بأن الصحافه همها لأول والأخير المردود المالي لا توصيل المعلومه للقارئ ؟؟
-وهل توافقيني الرأي بأن بعض ماتكتبه الصحافه غير صحيح فقط للفت انتباه القارئ ؟؟
-هل تؤمنين بوجود الصحافه الصفراء ؟؟
-ماردك كصحافيه على مانشرته الصحافه الدنماركيه عن الرسول صلى الله عليه وسلم ؟؟
-وهل كتبتي وعلقتي عنهااا بالصحيفه التي تعملين لديهااا !!!
-هل تستطيعون كصحفين نشر اخبار زعماءوأمراء والتشهير بهم كما تفعلون مع الفنانين والفنانات ؟؟
أم هناااك خطوط حمراء لاتستطعون اجتيازهاااااا؟؟
((على فكره ترى مابيني وبين الصحافه شي موعدوه لهم :) :) بس بشوف ردج شنووو)) ههههه

السؤال الثالث:فنيه
-شنو الأغنيه إلي تأثر فيج وتذكرج بموقف كل ماتسمعينهااا.. سواء قديمه او يديده ؟؟
- شرايج برنامج ستار اكاديمي ؟؟ وأي موسم تفضلين ؟؟ واي طالب/ طالبه عجبوج من جميع المواسم ؟؟
-شرايج بالمذيعه ندى دبوق ؟؟وهل تشوفينها مثال للبنت السعوديه ؟؟
- شرايج في مسلسلات الخليجيه بهالوقت ؟؟

السؤال الرابع :كوكتيل
-أنت مع او ضد
-- منهج مريم نور
--مقاطعة الدنمارك
((مع العلم ان العرب قاطعوا فقط المنتجات الغذائيه لان لديهم بديل عنها
ولكن لم يقاطعواا المنتجات الاخرى من أجهزه والمستحضرات التجميله ))
--برامج الهواة 24/24 ((مثل سوبر ستار -ستار اكاديمي- قسمه ونصيب-الوادي-هز يانواعم -إلخ))
--طرح الثقافه الجنسيه خلال البرامج ((مثل فوزيه الدريع وقناة الجرس ))
--الحب قبل الزواج
-- حرية المرأه
--زواج المرأه من شاب اصغر منهاا بالعمر
--عمليات التجميل
-- فتامين وااو ((الواسطه))
السؤال الخامس :مارأيك في المقولات التاليه ..
-فاقد الشي لايعطيه ..
-عاشر من تعاشر فلا بد من الفراق ..
-دام الزمان يدور مصير الحي يتلاقاا..
-عندك فلوس على الناس تدوس لو كنت غراب يشفونك طاوس ..
-من ضيع لحافه يستاهل البرد ..

خلااااص خلصت اسألتي .. أتمنى اكون مازعجتج بأي سؤال :)
خواني الأعضاء كوشواا على كل الأسأله هذا إلي بقالي ..
منهم .. ..
يالله اجابات ممتعه :) :)
جاااااااااااااااااااااو

هلا والله ..

ولكم باااك ...اشوفك هالمره داشه بقووه ...بس حلووه الاسئله ..


**السؤال الأول :فضوليييي ؟؟
((اذا ماتبين تجاوبين عليه اتفهم .. عااادي ))

حلووووه ..لا مافي شي يستاهل اخفيه ...الا واحد ...حق الوزن ..لووووووووووولز ...احس بوقت من الاوقات انك تبين تخطبيني ..لووووول ..بس ترا شكلي حلووو ..وجسمي حيييل متناسق <<<احلفي ...مايمديكم ع المدح ...ههههههه


-جم طولج ؟؟

163

-جم وزنج؟؟

قلت لك فوووق ..شوفيه


-شنو لون عيونج ؟؟

بني غااامق حييييل ع الاسود


-ولون شعرج ؟؟

بني غامق


-أول حرف من أسمج شنووو ؟؟

اسمي شوشو اوله (ش)خمني


-هل أنتي قبليه ام حضريه ؟؟

قبليه ...كانت مشكله عمري هالشي لاني حبيت شخص حضري ..وماقدرت اتزوجه عشان هالشي ...والله سخااافه <<<تذكرت ..


-وين ساكنه بالسعوديه؟؟

قلت بسؤال سابق ...الدمام

-جم ساعه تقعدين على النت ؟؟

مو كثيرر ..يعني ساعتين ..


- شنو نوع جهازج الكمبيوتر .. ونوع جهازج التليفون ؟؟

الكمبيوتر ..acer.. الموبايل نوكيا 6710 او 7610 ..قدييييم ..<<<تفكر تشتري


-رقم تليفونج ========******** لالا اتغشمر مولهدرجه عااد


لووووووووووووووووولز ... 055 والباقي ماتغير ..

**السؤال الثاني :صحفيه
((بما أنج صحفيه .. ))
-هل توافقيني الرأي بأن الصحافه همها لأول والأخير المردود المالي لا توصيل المعلومه للقارئ ؟؟

لا ..انا اتكلم عن جريدتي ..لا بالعكس ...همنا ايصال المعلومه والاخبار ..وغيرها

-وهل توافقيني الرأي بأن بعض ماتكتبه الصحافه غير صحيح فقط للفت انتباه القارئ ؟؟

غير صحيح ..لا ...بالعكس دايم نبحث عن المصداقيه ..بس بطريقه تلفت انتباه القارئ

-هل تؤمنين بوجود الصحافه الصفراء ؟؟

اكيييد


-ماردك كصحافيه على مانشرته الصحافه الدنماركيه عن الرسول صلى الله عليه وسلم ؟؟

طبعا شي جدا مقزز ..بس صارت والموضوع اكبر من اننا نقدر نغير فيه شي ..الله يلعنهم

-وهل كتبتي وعلقتي عنهااا بالصحيفه التي تعملين لديهااا !!!

لا ..غيري كتب


-هل تستطيعون كصحفين نشر اخبار زعماءوأمراء والتشهير بهم كما تفعلون مع الفنانين والفنانات ؟؟

انا بجريدتي ماعندنا هالتشهير ابداا ..يمكن بالمجلات اكثر ..بالنسبه للزعماء لا بما ان التشهير اصلاا مو هدف


أم هناااك خطوط حمراء لاتستطعون اجتيازهاااااا؟؟

فيه خطوط بأمور اخرى من صالح المجتمع فقط

((على فكره ترى مابيني وبين الصحافه شي موعدوه لهم بس بشوف ردج شنووو)) ههههه

هههههههههه كل ذا ومابينك وبينهم شي !!!اجل لو فيه وش بتسويين؟؟؟

لووووووووووول

السؤال الثالث:فنيه
-شنو الأغنيه إلي تأثر فيج وتذكرج بموقف كل ماتسمعينهااا.. سواء قديمه او يديده ؟؟

محتاجك الليله ..لعادل خميس


- شرايج برنامج ستار اكاديمي ؟؟ وأي موسم تفضلين ؟؟ واي طالب/ طالبه عجبوج من جميع المواسم ؟؟

برنامج اتابعه بكل صدق ..واستمتع بمشاهدته ..الاول ...كنت احب هشام وعبدالله الدوسري هالموسم ..وامل المغربيه العام


-شرايج بالمذيعه ندى دبوق ؟؟وهل تشوفينها مثال للبنت السعوديه ؟؟

عاديه ..اللهم انها تتحمس واجد ..وماحب كلامها بهجووم ع الرجل ..وطبعا مش مثال للفتاه السعوديه ابداا


- شرايج في مسلسلات الخليجيه بهالوقت ؟؟

احسها بدايه النهايه يعني من 5 سنوات ماضيه افضل كانت

السؤال الرابع :كوكتيل
-أنت مع او ضد

-- منهج مريم نور

ضد

--مقاطعة الدنمارك
((مع العلم ان العرب قاطعوا فقط المنتجات الغذائيه لان لديهم بديل عنها
ولكن لم يقاطعواا المنتجات الاخرى من أجهزه والمستحضرات التجميله ))
--برامج الهواة 24/24 ((مثل سوبر ستار -ستار اكاديمي- قسمه ونصيب-الوادي-هز يانواعم -إلخ))

مع


--طرح الثقافه الجنسيه خلال البرامج ((مثل فوزيه الدريع وقناة الجرس ))

مع بعض الاوقات وضد عند تجاوز المعقووول
--الحب قبل الزواج

قلته من قبل ..مع

-- حرية المرأه

مع ولكن بحدود

--زواج المرأه من شاب اصغر منهاا بالعمر

ضد

--عمليات التجميل

مع وقت الحاجه فقط


-- فتامين وااو ((الواسطه))

ضد ..بس اتمناه بعض الاوقااات

السؤال الخامس :مارأيك في المقولات التاليه ..
-فاقد الشي لايعطيه ..

بعض الاحيان اكون معاها ..بعض الاحيان لا ..حسب المواقف المختلفه اللي تقال فيها الجمله

-عاشر من تعاشر فلا بد من الفراق ..

مقوله حلووه .بس فيها شئ من التشاوم اللي ماحبه
-دام الزمان يدور مصير الحي يتلاقاا..

صح مقوووله صحيحه 100%

-عندك فلوس على الناس تدوس لو كنت غراب يشفونك طاوس ..

لا ماعتقد ...ماحب هالمقولات

-من ضيع لحافه يستاهل البرد ..


اي والله حرررررركه عجبني (؛

كوووين هلا فيك مره ثانيه ...وعجبتني اسألتك ..

تحياااتي لكـ

[دنووش]

مرحبا,,اختي العزيــزهـ <<الذرابه منوره امن جابت الكرسي والصراحه ماقصروا بالاسئله والله يقويكم
خصوصاا ((العميـل)) وانتي قدهأأ
<<متابعه بس
تحياتي,,

هلااااا امووووله ...من وين طالعه الشمس اليييوم ..

طيب كان سألتي ..عشان افشلك واقول مراح اجاوب ..

لووووووووووووووول

<<<شريره


هلا فيك ومنوره ولاتقطعين المنتدى ..

تحياااتي

[دنووش]

يعطيج ربي الف الف عافيه اختي دنوش على الاجوبه الطيبه واحرجتي تواضعي اختي الغاليه قواج الله وتقبلي مروري :)

الله يعافيك بيق بوووس ...

ابد يالغالي ...عزيز وتستاهل ..

تحيااتي لك

(:

[دنووش]

دنوش ..

فرحت كثير يوم شفت الأجوبه ..

وشكلهم بيصفرون طاقتك الفل .. انصدمت جد يوم شفت الأسئله وش كثرها ..

عسى الله يعينك يالغلاا ^_^ ..

والله يعطيج العافيه ^_^
طالعي الرسـايل الخاصه أوكي :$

هلا عزيزتي ...شكلهم ..

الله يخليك ...ويعافيك

شفتها ورديت عليك (؛

تح تح <<<اختصار تحيااتي