||FaHoDo في كرسي الاعتراف ||

[بنت فضل]

فهودي


شخبارك

عسى بس ماطولت عليك وماتأخرت عليك واايد ؛؛ رجعت لك وعندي أسئلة

مستعد أن شاء الله


:::::::::::::


مامعنى هذه الكلمات في قاموس حياتك؟
الأم

الأخ

الأخت

الصديق

الحبيب

الجار

الزملاء

الفقر

الكون

هل أنت من النوع المبذر والمسرف او البخيل أو المتوازن؟

ما اهمية النقود في حياتك؟

هل تحصل على مصروفك بشكل يومي أو اسبوعي أو شهري؟

ماهو اسعد يوم في حياتك؟

ماهو اتعس يوم في حياتك؟

مارأيك في الجيل الجديد من الشباب؟ وهل يعتمد عليهم كسند للمرأة؟

اخر هدية حصلت عليها ؟

أصعب يوم مر عليك في هذي السنة ؟؟

لو انت تريد تزوجه من الفتاة واهلك يبغون تزوج بنت عمك شنو يكون موقفك ؟

كم ساعه تقعد على النت ؟

لوكنت طبيب في يوم من الأيام ماذا سيكون تخصصك؟

اكثر الأمور التي تلح بها والدتك عليك؟

دولة تتمنى ان تسافر اليها ؟

مكان يعجبك كثيرا وتتردد عليه دائما؟

ماهي احب المراحل الدراسية الى نفسك؟

موقف محرج حدث لك في المدرسة؟

عضو تعلمت منه الكثير ؟

عضو لا تتمنى ان يغيب ابدا ؟

ما معنى كلمة إنجاز بالنسبة لك وما هو أكبر إنجاز حققته في حياتك ؟

اين موقع المرح في حياتك؟

سامحني اذا تعبتك اخوي العزيز


وبفكر اذا برجع او لا

تحياتي


بنت فضل ؛؛؛

[FaHoDo]

يا هلا FaHoDo

رديت لك مره ثانيه

وماشاء الله الأسئله كثيره

عساك ع القوه

وماعندي غير سؤال واحد فقط

لـو أكثر من سؤال أحسن لأن كرسي الاعتراف ماراح ايي مـره ثانيـه ..


لو لم تكن FaHoDo ماذا تحب أن تكون؟؟

لـو لم أكـن أنـا .. أتمنى ان أكـون خالـي .. لأني أرى نفـسي فـيه .. :)
صعبه الكلمه بس ان شاءالله فهمتوها :p

ثانكس ^_*

__________

[FaHoDo]

فهودي


شخبارك

والله تمام ..

عسى بس ماطولت عليك وماتأخرت عليك واايد ؛؛ رجعت لك وعندي أسئلة

لا شدعـوه انا اللي ان شاءالله ما طولت عليج لأني تـوني راد مـن بـره :)

مستعد أن شاء الله

جم مره أكـرر :p .. مستعد بكل وقـت ان شاءالله :p

:::::::::::::


مامعنى هذه الكلمات في قاموس حياتك؟
الأم
بيت روحاني وملجأ لأي ابن .. ادري لو اطلقت لقلمي العنان ماراح أخلص لأن من اول ما قريت السؤال يت ببالي أكثر من جمله وكلمـه ..
الأخ
بـئـر لـك ..
الأخت
ربمـا تكون عليك حنونه أكثر مـن اخيك .. وهي كذلك بئر ولكن صغير جدا ..
الصديق
مرأااه للواحد .. لأنك اذا تريد ان تعرف الشخص تعرف على اصدقائه ..
الحبيب
الدنـيا وما فـيهـا ..
الجار
شيء انت لا تقـرره .. ربما تبتلي بـه وربما يكون لك اخو دنيا
الزملاء
اسره من نوع أخر ..
الفقر
واقـع ولـيس عيب ولكن العيب نستسلم له .. وان طلع الفرد من فقر صالح .. اعرف انه يكون متحمل مسؤوليه لا يتحملها غني عمره 40 سنه ..
الكون
اختـبارات ..
هل أنت من النوع المبذر والمسرف او البخيل أو المتوازن؟
انا من النـوع اللي ما أحب المظاهر واشتري اللي ابيه فقط يعني ما أكثر .. ومن ناحيه العطاء .. انا تزاعلت مع ناس والسبه منو يدفع .. وكل مره اقولهم هالمـره علي والمره اليايه عليك :wink: .. واذا سافرنا مع الشيخ .. يدفع لهم كلهم بانزين وتكاسي وغرف نوم الا انا وأبـوي .. :) وبعض المرات بعد عناء طويل ابوي يدفع لهم كلـهم .. << بس نواجهه صعوبه باقناع الشيخ بهالمسئله :)
ما اهمية النقود في حياتك؟
مهمه بالطبع .. ولكنها تأتي وتذهب ولكن رضا الناس غايه لا تدرك ..
واذا فكرت فيها جم دفعت اليوم ؟ عطيت منو ؟ لو اني ما رحت اليوم المكان الفلاني جم بقى معاي ؟ راح تتعب وراح تحس ان الناس يبتعدون عنك شوي شوي .. اما اذا خليتها اخر همك .. راح ترتاح نفسيا والناس ترتاح لك ..
هل تحصل على مصروفك بشكل يومي أو اسبوعي أو شهري؟
بالرغم من اني موظف عند أبوي .. بس ما اخذ راتب .. الحقيقه مصـروف .. ولكن عشوائي .. يعني مثلا هالاسبوع انا سويت اشغال وبيضت ويه الوالد عند العايله او الشيخ او او او .. تكون الميزانيه مفتوحه .. او هالاسبوع انا كله قاعد بالبيت وما طلعت ومالي خلق .. تكون محدده ولكن ما يمنع اني ما اخذ مصروفي حتى في اسوأ الحلات " مثل خلافات مع الوالد او شي جذي "

__________

[s.r.k]

السلام عليكم ..

شلونك شخبـآرك ..

الصرآحة مآدري شسأل لأني اللي بغيت أسألة سألتة بنت فضل يعطيها العافية و كفت و و فت ..

و اذا طرى على بآلي سؤال ..

رآح أمر مرة ثـآنية و أسأل
.
.
.

/
\
|
/
\

سي يو

[FaHoDo]

ماهو اسعد يوم في حياتك؟
إذا في يوم واحد تأسف لي انه ارتكب خطأ بحقي .. & كنـت اذا سمعت صوت محـبوبي .. :)
ماهو اتعس يوم في حياتك؟
ماكـو يوم محدد بس على حسب الدنيا
مارأيك في الجيل الجديد من الشباب؟ وهل يعتمد عليهم كسند للمرأة؟
أظل أقول ان بكل مكان وبكل زمان في اللي مهمل وما يتحمل مسؤوليه نفسـه .. وفيـه اللي يتحمل مسؤوليتـه ومسؤوليه عايلـه كامـله ما يتحملها واحد يكبره بالسن بـ عشرين سنـه ..
اخر هدية حصلت عليها ؟
مـاكـوو كـان لابتـوب من الوالد :) هديه مو من ضمن المصروف
أصعب يوم مر عليك في هذي السنة ؟؟
25 فبراير .. و يوم عرس ولد .. عمي ..
اذا تبيني اقولج ليش انا حاضر بس ما ابي اكثر الحجي بهالرد .. :)
لو انت تريد تزوجه من الفتاة واهلك يبغون تزوج بنت عمك شنو يكون موقفك ؟
هذي صارت معاي :) بس خطط مستقبليه .. بس كنت حاضر برأيي ومحد يقدر يجبرني على اني ارتبط بانسان لطول العمر وانا ما أبيه او مو مستعد له .. :)
كم ساعه تقعد على النت ؟
عـلى حسـب .. ايام ما اقعد مو ليـه .. وايام بس الصبح وايام طول الـيوم متى ما كنت انطر شي يعني ..
مع اني النت 24 ساعه شابك .. بس بعض المرات ادش المسن واخليه ما اسكره واقعد أدرس .. وانا اي واحد يدش مسميه اسم .. :) واللابتوب يقول اسمه .. اذا ابيه ادش عليه .. واذا ما أبيه أخليه ما يدري اني شابك :)
لوكنت طبيب في يوم من الأيام ماذا سيكون تخصصك؟
اختصاصي نفسي .. لأني انخرط مع جو الواحد .. واعرف شلون يفكر واذا عرفت هالاشياء اعرف شنو مشكلته وشنو الاشياء اللي يتطلب انه يسـوي ..
بالاضافه الى اني اعرف اشخص الحاله .. لاني مريت بكل الظروف تقريبا :)
اكثر الأمور التي تلح بها والدتك عليك؟
الدراسه .. وعيوني .. لأن عيوني الحين لازم اسوي ليزر .. بس اشوف فيهم بدون نظارات عادي ..
دولة تتمنى ان تسافر اليها ؟
بكل تأكيد المملكه العربيه السعوديه << إلى الحج لأني سبق ورحت العمره ..
و أعيد سفره العـمر إلى المانيا ..
مكان يعجبك كثيرا وتتردد عليه دائما؟
سـتار بكس .. لأنه دايم الواحد ياخذ راحته اهناك ويدق على اللي يبي وايي ويقعدون مع بعض ويسولفون بالاضافه إلى احـلى انواع المشروبات والأيس كريم ..
ماهي احب المراحل الدراسية الى نفسك؟
سادس .. لأني في هذه الفتـره .. تفوقت بشكل غير طبيعي ورحت مع زملائي كانو بالصف التاسع للوزاره .. واختبرونا وقالولي .. " يالله لو انت الحين بمؤتمر وانت تمثل الكويت شنو كنت تقول .. رغم صغر سني بس اني قلت لهم وانا ارجف " السلام عليكم ورحمه الله وبركاته .. أخوكم فـهد من الكـويت .. اليوم ييت لكم عشان نتعرف على بعض أكثر ونشوف مناهج بعض و نقترح بعض الاشياء اللي موجوده عن اي بلد خليجي ومو موجود عندنا .. الخ " ورحنا الدوحه "قطر" بسبب هالكلمات .. بس هناك أي شي يكتبون لك أوراق وانت تقراهم ..
و مرحله الثانويه العامـه لأن الانسان يحس انه مكلف ومستقبله بين ايديه ..
موقف محرج حدث لك في المدرسة؟
المحرج انه مره انقطع الجوتي "عزكم الله" بثاني حصه :) .. وفي يوم كان عندنا مسرح بالمنطقه التعليميه .. وردينا على الحصه الثانيه .. وبعد ما ردينا نبدل ملابسنا ونلبس الـ"يونيفورم" اللبس الموحد على طلاب المدارس ونبدي يومنا الدراسي .. انا عندي بلوزه نفس خامة بنطلوني الرمادي .. واخذتها واخذت بلوزه بيضه .. يوم رحت هناك ولا ثنينهم بلايز ماكو بنطلون .. بالله شنو ألبس انا الحين :embarass:
وكان في موقف مرعب .. اني درست امتحان الانجلش .. وكان علينا كيميـاء :)
والغريب ان امتحان الكيمياء كان من 35 درجه .. وبالشهاده الكيمياء أعلى درجه 50 .. ولا يبت 46 من 50 :)
عضو تعلمت منه الكثير ؟
للــحـــ////ـيــــ////ــن ..
عضو لا تتمنى ان يغيب ابدا ؟
عـنو،،،ـه ومجموعه من الأعضاء والمشرفين لأنهم يعتبرون قلب المنتدى ..
ما معنى كلمة إنجاز بالنسبة لك وما هو أكبر إنجاز حققته في حياتك ؟
الانجاز .. ان تحقق شيء خيالي .. وله فائده كبيره .. وتكون غير متوقع أبدا انك تحقق هالشـي ..
اين موقع المرح في حياتك؟
اذا طلعت او نفسيه الوالد تكون عال العال ونقعد نضحك مع بعض :)


سامحني اذا تعبتك اخوي العزيز
لا والله شدعوه اصلا انا استانس اذا احد سألني احس ان وااايد بكل جواب أحطه يعرفون عني شي يديد ..
ماكو تعب مع اني قعدت ساعه اكتب هالرد :p

وبفكر اذا برجع او لا
باين انتي اللي تعبتي مو أنا :p

تحياتي
تحـياتي مـي تـو ..

بنت فضل ؛؛؛

__________

[FaHoDo]

السلام عليكم ..

شلونك شخبـآرك ..
تـمام والله شرفتـي :icon_redface:
انتي شلونج شخـبارج ...

الصرآحة مآدري شسأل لأني اللي بغيت أسألة سألتة بنت فضل يعطيها العافية و كفت و و فت ..
وان شاءالله كل الاجابات كفت و وفت مثل اسئله بنوته .. :dodgy:
و اذا طرى على بآلي سؤال ..

رآح أمر مرة ثـآنية و أسأل
.
شدعوه حياج :) المـوضوع موضوعج .. جم عندنا s.r.k < حده منافق أول مره يصدف يكون بموضوع مع s.r.k :embarass:
.
.

/
\
|
/
\

سي يو

شـور سي يو عن قريب ان شاءالله :)

_____ :p _____

[بنت فضل]

فهودي انا ماتعبت بس اخاف تضايق من اسئلتي

لكن شسوي لازم اوفي بوعدي

وانا جهزت لك كم سؤال

:::

*ما الذي يجذبك في المرأة
اناقتها ,
جمالها ,
فكرها ؟

*ايهما اجمل للبنت
1-القميص والتنورة
2- الجنز والتي شيرت
3- البدلة الرياضية


*ما علاقتك بالقرآن الكريم ؟

*كم مرة تقرأ القرآن في الأسبوع ؟

*هل ختمت القرآن و لو مرة واحدة ؟؟

*اطول صداقه في حياتك ما عمرها؟

*لو طلب تغير اسمك الحقيقي ماذا تختا ر؟
*اذكر لي موقف ازعجك من تصرفات بنات او تصرف بنت لم يعجبك؟

* ما واقع هذه الكلمات في نفسك(الصداقة-الحب-الحياة-الموت-الدموع)

*اذكر ايجابياتك وسلبياتك فما لايقل عن 3 اسطر؟؟

*شنو الاسئله التعجيزيه بالنسبه لك واللي مستحيل تجاوبي عليهم؟

*صفه تتمنى أن تكتسبها وصفه تتمنى انك تتخلص منها ؟

*شنو مشاريعك المستقبليه؟ولو عرض عليك مشروع وانت تختار ماهية المشروع هذا ف شنو راح يكون مشروعك؟

*لوما عجبك تصرف معين او سلوك بشكل عام لشخص عزيز او يقربلك ف كيف راح تكون ردة فعلك؟


اتمنى ماثقلت عليك أخوي

تقبل تحياتي

بنت فضل ؛؛؛

[FaHoDo]

لا شدعوه عادي أرد وما تعبت انا ..
بس خيتو انا في اسئله ما فهمتهم ..
رجوا توضحينهم لي عشان اجاول عليهم مره وحده ..

ا*اذكر لي موقف ازعجك من تصرفات بنات او تصرف بنت لم يعجبك؟
*شنو مشاريعك المستقبليه؟ولو عرض عليك مشروع وانت تختار ماهية المشروع هذا ف شنو راح يكون مشروعك؟

السؤال الأول .. يعني موقف من بنت حصل جدامي وانا مالي شغل .. ولا موقف من بنت حصل معاي .. ؟؟
والسؤال الثاني .. مشروع لشنو ؟؟ يعني شنو هي حالتي ؟؟ يعن ابي مشروع تجاري ولا انساني ولاترفيهي ؟

[البحر الهادي]

فهودي

يا هلا وغلا

بس حبيت اشارك بالسلام عليك والترحيب
في كرسي الاستجواب

وكل الشكر
متابع

البهلوان

[شوفو شموخي]

هلا وغلا فيك اخوي


شلون الكرسي بعدي:)


عموما انا ارحب فيك واشكرك على مجهودك الواضح وعساك على القوه وعندي كم سؤال


ياربـ اتكونـ اسئلهـ خفيفهـ ..

1. شنو احلى كلمهـ سمعتها بحياتكـ ومنـ منو ؟؟

2. عمركـ تلقيتـ خيانهـ من ناسـ تعزهمـ وايد وتغليهمـ وما اتوقعتهـ منهمـ ؟؟

3. شو موقفكـ من الليـ خانكـ وانتـ امنتـ عليهـ ؟؟

4. شو موفقكـ اذا تفاجأت انـ الليـ اتحبهـ ما يحملـ لكـ ايـ مشاااعر ؟

[FaHoDo]

البهلوان

هلا والله خيو بهلوان ..

متابعـه ممتعه ان شاءالله

[FaHoDo]

هلا وغلا فيك اخوي


شلون الكرسي بعدي:)

بخير :p

عموما انا ارحب فيك واشكرك على مجهودك الواضح وعساك على القوه وعندي كم سؤال

ياربـ اتكونـ اسئلهـ خفيفهـ ..

1. شنو احلى كلمهـ سمعتها بحياتكـ ومنـ منو ؟؟
الكلمه : ما ادري احسك انت غير .. :) من منو : من اللي ببالي الحين وذكرت اسمها قبل وطلبت منكم لو سمحتو تعفوني من السؤال عن هويتها :)


2. عمركـ تلقيتـ خيانهـ من ناسـ تعزهمـ وايد وتغليهمـ وما اتوقعتهـ منهمـ ؟؟
شكلج متابعه لأجوبتي :p اهيا خيانه مره وحده .. اما في قروب جحدوني مره وحده !! يعني بلحظه كلهم صاروا سلبيين ويطلعون علي اشاعات ويروحون عند الاعضاء ويقولون لهم كيت وكيت واحنا مالنا شغل وفهود اهو اللي قال .. الخ الخ ..
وانا ما قلت ولا ادري عنهم .. بس ما علينا الانسان ما يتوقف على ناس يعتبرون "نكِـره" .. واخر همي ولحسن الحظ اهم لعبوا بورقه مكشوفه واغلب الاعضاء اللي راحوا لهم وحاولوا يشوهون صورتي عندهم يعرفوني من قبل .. :) والمساكين اهم اللي طلعوا بالشينه << مو مساكين والله لو اشوف زعيمهم النكـره الكبيره ... ههههه يمكن ادخل بسببه اعدام << والله ما يستاهل ادفع غرامه 100 فلس ;)


3. شو موقفكـ من الليـ خانكـ وانتـ امنتـ عليهـ ؟؟
موقفي منهم انهم طلعوا كلهم من طينه وسخه وعادي وكل اللي سووه بسببي لأني عطيتهم ويه بالبدايه وسكت لهم لعل وعسى يحسون على دمهم .. بس ماكو وييوهم مغسوله بماي مرق على قولتهم :)


4. شو موفقكـ اذا تفاجأت انـ الليـ اتحبهـ ما يحملـ لكـ ايـ مشاااعر ؟
فهمت قصدج .. انا ما تفاجئت ولا شي .. لأن بالأصل اللي كنت أحبها كانت تحبني ..
بس مودري شصار .. يمكن غروها وحفرولي .. بس لقيت الحين من يسواها بس للحين ماكو شي واضح :p

أستمتعت باسئلتج اللي تفتح الجروح :p

[بنت فضل]

ا*اذكر لي موقف ازعجك من تصرفات بنات او تصرف بنت لم يعجبك؟
*شنو مشاريعك المستقبليه؟ولو عرض عليك مشروع وانت تختار ماهية المشروع هذا ف شنو راح يكون مشروعك؟

السؤال الأول .. يعني موقف من بنت حصل جدامي وانا مالي شغل .. ولا موقف من بنت حصل معاي .. ؟؟
والسؤال الثاني .. مشروع لشنو ؟؟ يعني شنو هي حالتي ؟؟ يعن ابي مشروع تجاري ولا انساني ولاترفيهي ؟

اي فعلا هاي اللي اقصده بالضبط وماشاء الله عليك فطين مايحتاج اشرح لك فديتك


تحياتي


بنت فضل ؛؛؛

[شوفو شموخي]

اسفه اذا فتحت جروح:(

بس وربي مو قصدي

كلنا انجرحنا لكن تعلمنا منها الكثيييييييير


سلامي ل أبرار:)

[FaHoDo]

فهودي انا ماتعبت بس اخاف تضايق من اسئلتي

لكن شسوي لازم اوفي بوعدي

وانا جهزت لك كم سؤال

:::

*ما الذي يجذبك في المرأة
اناقتها ,
جمالها ,
فكرها ؟

وحده مكمله للأخرى .. ولكن طبعا وبكل تأكيد الفكر اهم شي .. يعني اتييك وحده ملكه جمال وفكرها وعقلها لك عليه .. ولا اتييك وحده متوسطه الجمال وانيقه وفكرها راقي ؟؟ انا ساختار الثانيه .. في بعض المرات العين تحب قبل القلب .. ولكن عليك ان تجعل عقلك يفكر لا قلبك ..

*ايهما اجمل للبنت
1-القميص والتنورة
2- الجنز والتي شيرت
3- البدلة الرياضية

لكل بنت ستايلها ..
انت حددتي لي اختيارات وانا ساختار من الخيارات ..
لكل مناسبه لبس .. ولكل طلعه لبـس .. ولكن استبعدي البدله الرياضيعه " اضنج تقصدين الدرنغ " .. لأنها مو راكبه على البنت .. إلا اذا كانت رايحه للمشى او للنادي .. اما تلبس درنغ وتطلع .. مو راكب ..

*ما علاقتك بالقرآن الكريم ؟
علاقه جيده واحس اني مقصر ..*كم مرة تقرأ القرآن في الأسبوع ؟
اليمعه < الكهف .. وايام الاسبوع على حسب .. *هل ختمت القرآن و لو مرة واحدة ؟؟
رمضان اللي فات ..
*اطول صداقه في حياتك ما عمرها؟
اذا قصدج من العايله في ولد خالي ,, معاي من وانا ياهل وكبرنا مع بعض ..
اما اذا برى العايله .. امممممممم اعتقد ضاري .. 9 سنـوات ..
*لو طلب تغير اسمك الحقيقي ماذا تختا ر؟
ضـاري .. أو سلطان ..
*اذكر لي موقف ازعجك من تصرفات بنات او تصرف بنت لم يعجبك؟
اذا من البنات تجاهي .. هي اني كنت ماشي انا ومحمد رفيجي .. ولا اتمر وحده يمكن عمرها 13 او 14 سنه .. ومبين عليهم فالاتها .. حمود المينون يحب يقط كلمات .. قال لها اهي ورفيجتها .. 10 سنين .؟ انا ضحكت وقلت عفويا .. لا مبين كبيره 11 سنه .. واهيا قالت جب واهي تضحك لحمود .. ولا يقول لها جبين ولا تقول ثلاث .. طبعا كله واحنا طالعين من الباب واهم داشين .. اهيا ردت وكلمتنا ووراها جيش كلهم صبيان يهال :bubble: ولا تقول هذول من اليوم غاثيني ويلحقوني انا وبنت خالتي كلموهم على بو انتو اخواني !! قلت انا لا يبا من اليوم نشوفهم يلحقونج وما تكلمنا الحين نصير اخوانكم ؟ روحي لامج واقعدي عندها شتبين تتمشين بروحج الساعه 10 ونص ؟ وحمود قال امش ختولي .. ولا امها كانت تمشي جدامنا وتروح عند امها وتأشر علينا واتيي امها هداده !! ياللي وياللي وياللي .. انا عن نفسي لا تعليق .. قاعد اضحك ومحمد عباله الدنيا بخير يبي يفهم الأم السالفه هههههههه .. وقلت يبا هذول بنات معقدات والم هم بعد .. امش نتعشى ونطلع !!! واللي يلحقونهم ادورهم ابي أأشـر عليهم ولا ماكو ما اشوف الا شباب على بعد كيلو يركضون :dodgy: .. فيعني احنا ما قلنا شي بس عشان امها قالت لها شعندج تكلمينهم تقول يلحقوني من اليوم !! واحنا ما شفناها الا مره .. السالفه كانت بالشعـب كنا يايين رابحين من الوطن 40 لعبه .. نبي نستانس ونمشي ..
* ما واقع هذه الكلمات في نفسك(الصداقة-الحب-الحياة-الموت-الدموع)
الصداقه : بغير الصداقه ما تقدر تعيش وتحس ان ما عندك احد ثاني يعايشك الأمور ..
الحب : أحلى معاني الحب عندما تكون متيم في امك وابوك ومن يحبك !!
الحياة : اختبارات ..
الموت : حق علينا جميعا ..
الدموع : ما أصعب الدموع وخصوصا حين تنزل من رجل قـوي .. ولكن بلحظه ضعف .. كل شيء يحدث ..

*اذكر ايجابياتك وسلبياتك فما لايقل عن 3 اسطر؟؟

ايجابياتي مـاكو .. طيب وماعندي لف ودوران اللي بقلبي على لساني .. و خدووم لأبعد الحدود .. وما أنكر او اجحد فضل أي أحد علي .. والسلبيات يمكن اني اذا حكمت على الواحد من بعد تجربه معاه .. يعني ان حكمت عليه وجزمت بهالحكم الناتج عن اشياء شفتها بالواحد .. مو ممكن أغير نظرتي له .. إلا بعد فتره ليست بالقصيره .. وانا من النوع اللي اقعد اسبوع بمدرسه يديده وما اعرف فيها اكون لي اكثر اصدقاء .. وياني اول السنه ابوي بالمدرسه يقولي فهد انت تعرف هالطلاب من قبل قلت له لأ ولا يقول شلون تعرفت عليهم وهالميانه اللي بينكم .. قلت سر المهنه ولا يعصب يقولي جب بس جب :p ويمكن من سلبياتي ما أعرف اقول حجي حلو :icon_rolleyes:*شنو الاسئله التعجيزيه بالنسبه لك واللي مستحيل تجاوبي عليهم؟

ماكو اسئله تعجيزيه .. بس في اسئله أقولب بالاجابه وأوديها يمين يسار عشان اسمي جاوبت على هالسؤال ,, بس محد فهم شـي :D
*صفه تتمنى أن تكتسبها وصفه تتمنى انك تتخلص منها ؟

الصفه اللي اتمنى اني اكون متصف فيهـا اني على طول أقول " بسيطه ما تستصعبهاش " والصفه السلبيه اني افقد حاله العصبيه اللي تصير فيني بعض المرات :D
*شنو مشاريعك المستقبليه؟ولو عرض عليك مشروع وانت تختار ماهية المشروع هذا ف شنو راح يكون مشروعك؟

مشاريعـي اني أكـون شركـه متخصصه بتصليح السـيارات .. وأبطل أكثر من فرع :)
ولو عرضوا علي مشـرع .. افتـح أكـبر منتجع سياحي بالكويت وأخليه مغلق ومن داخل في سما وشمس وغيوم صناعيه .. و الجو جو المانيا على مدار السنه يعني صيف المانيا درجه الحراره 15 بالصيف يصير بالمنتجع المغلق 15 .. بالشتاء تحت الصفر بالمنتجع تحت الصفـر .. بالمانيا راس السنه ثلوج .. بالمنتجع ثلوج .. << الأحلام ببـلاش .. :)
*لوما عجبك تصرف معين او سلوك بشكل عام لشخص عزيز او يقربلك ف كيف راح تكون ردة فعلك؟

أقول له اللي ما عجبني بيني وبينه لأني لو قلت له جدام الكل عباله اتطنز وراح يحس بالكبرياء والخجل .. وراح يعيد السلوك يعني مو عشان انه قالي هذا مو زين ما أسويه ..

اتمنى ماثقلت عليك أخوي
لا شدعوه ..
تقبل تحياتي

بنت فضل ؛؛؛

____________