●【ツ】 مــحـــامــــــي عـــلى كـــرسي الاعتـــراف 【ツ】●

[دنووش]

هههههههههههههههههههههههههههههههههااي وربي انك حركه ..

ذكرتني بوحده اعرفها ..طبت من الدور الثاني ..كانت بمشكلة ولو ماطبت كان راحت عليها ..اتخذت القرار وتوكلت ع الله ..وتكسرت ..لوووووووووووول ..مجنونه..

شكرن على الجواب ..

وابي اسألك سؤال بما انك اجلته بقسم الرياضه ابيك تقوله هنا ..لو كنت مكان المحللين اللي تشرشحوا وش بتسوي؟؟

وش رأيك بـ

1/ظاهرة الغزل بالنسبة للفتيات؟؟

2/ظاهرة هروب الخادمات؟؟<<<شتبيييين ..

3/التعصب ..بكل انواعه ..القبلي ..الجنسي (يعني ذكر او انثى) ..العرقي..الرياضي

4/قرار منع قيادة المرأة في السعودية للسيارة؟؟

5/المتاجرة بالدم او الرقاب ,,يعني تعمد القتل من اجل الدية؟؟

6/ظاهرة شراء القمل لوضعه في الشعر ع اساس انه يحمي فروة الرأس ويمنع التجلطات ويمتص الدم الميت ..هل تصدق مثل هالامور ..

وبالاخير ابي منك 20 وردة تهديها لأي شخص تبي داخل او خارج المنتدى ..ويااااويلك لو ماكانت وحدة من نصيبي ..

لي باااك

[مـــحـــامـــي]

الله يسلمك يـارب ..

وانا اشكرك من صميم قلبي ع الافــاده ..

واالله يكتب مافيه الخيـر

اشكرك مره ثانيه < شجعتني كنت محتاره :)

العفو ولو ما سوينا شي ما قمنا إلا بالواجب

توكلي على والله وحولي لكلية الحقوق وعسى الله يكتب فيها الخيرة

ومشكورة على المرور

[مـــحـــامـــي]

هلا والله أختي دنووش :)

وابي اسألك سؤال بما انك اجلته بقسم الرياضه ابيك تقوله هنا ..لو كنت مكان المحللين اللي تشرشحوا وش بتسوي؟؟

* والله راح ارد عليه بجملتين بس لو قلتها اكيد انا من عداد الموتى :)
* اول شي يا سمو الامير انا متربي قبل لا لا تشد بشت الإمارة :)
* سمو الأمير تبي تعرف شلون اني متربي ما راح ارد على اسلوبك الجميل :)
1/ظاهرة الغزل بالنسبة للفتيات؟؟
والله ظاهرة سيئة منتشرة عندنا بالخليج بشكل غير طبيعي وعسى يستر علينا من هالظاهرة (( كما تدين تدان ))
2/ظاهرة هروب الخادمات؟؟
والله شوفي قبل اسبوعين داومت ميداني في قسم الجنح الخاصة بالخدم يعني اي خدامة تنحاش نحقق وياها والله والله ما ألوم الخدامات يوم ينحاشون اول شي معزبها يمسك عليها معاشين والمعزبه كل يوم تطقها وتزفها
يعني معاشاها كله 40 دينار وتمسكه عليها ولا وتطقها بعد والله كسروا خاطري .
بس على فكرة ترى اكثر الخدم ينحاشون بسبت مكتب الخدم لان صاحب المكتب يقولها قعدي عندهم شهر ونحاشي وتعالي عندي عشان ابيعج على واحد ثاني بالعربي راعي المكتب يتاجر بالخدامة
<<< ذل راعي مكتب بالتحقيق :)
3/التعصب ..بكل انواعه ..القبلي ..الجنسي (يعني ذكر او انثى) ..العرقي..الرياضي
والله انا ضد التعصب بجميع انواعه لكن انا مع التعصب القبلي (( إللي ما فيه خير لولد عمه ما فيه خير لباقي الناس )) :)
4/قرار منع قيادة المرأة في السعودية للسيارة؟؟
قرار صائب
والله عندي كلام بس ما ودي ادش بالعميق واكتفي بهذه الأجابه:)
5/المتاجرة بالدم او الرقاب ,,يعني تعمد القتل من اجل الدية؟؟
كافينا شر القتل ومصائبه
هذي الأمور تلقينها عند الجاليه البنقاليه بشكل غير طبيعي يعني يضحي بحياته عشان يعيش عياله وأهله
6/ظاهرة شراء القمل لوضعه في الشعر ع اساس انه يحمي فروة الرأس ويمنع التجلطات ويمتص الدم الميت ..هل تصدق مثل هالامور ..
هههههههههههههه لا والله ما اصدقها والله يبعدنا عن الجلطات
وبالاخير ابي منك 20 وردة تهديها لأي شخص تبي داخل او خارج المنتدى ..ويااااويلك لو ماكانت وحدة من نصيبي ..
اول شي اهدي الوردة الأولى لأخوي وصديقي تشلساوي واقوله غدى الشر
وثاني وردة حق أختي صاحبة الأخلاق والروح المرحه دنووش:)
ثالث وردة لأاخوي شموخ إنسان
رابع وردة لأخوي ابو خلي صاحب التكتيكات الصعبة
خامس وردة لأختي والذيبه الجود
سادس وردة لأخوي عيونك آخر آمالي واقوله عسى المانع خير
سابع وردة لأختي واثق الخطوات واقولها انا في إنتظار رجوعك
ثامن وردة إلى قلم المنتدى النابض أختي أم بدر
تاسع وردة لأاخوي ميلاني
عاشر وردة لجميع أعضاء وزوار منتدى كويت 777 :)
اختي دنووش باقي عشر وردات اكلمها لج بقسم الرياضه :)

[الـدلـع مبـتليـنـي]

اتمنــى تجاوب على اسلتــــــــي وانشالله ما اكون مضايقتـــــــــكـ


1- مــتى تكون شخــسيه حــنونه .؟ متــى تكــون شخــسه قاســيه

2-احساســكـ عندمــا تشعر الشخس الذي امــامــكـ لم يفهـــمــكـ

3- عبــاره نسمعهــا وايد ( الطيب ماله نسيب هالدنيــا ) شرايـــكـ هالعباره انت معــاها ولا ضدهــا


4- مــاذا تعني لــكـ دموع المــرأه .؟ ومــاذا اذا شاهدت شخــس غالي على قلبــكـ وانســان مقرب من قلبـكـ ( الوالــده الله يخليها لــك _ اختـكـ _ خالــتك _ او غيرهــا )
يبكـــي بسبب كلمــه او فعــل او شي ســدر منــكـ لا سمح اللـــه

5- مــا هو رايــكـ في كلمــه الثقـــه .؟ومــن الذي يستحــق الثقــه في نظـــركــ .؟

6- مراســـي الحيــاه كثيــره فعلــى مرســي تجــد نفســكـ .؟

7- هل يــوم من الايــام وجــدت نفســكـ غريب على اقــرب الناس لقلبــــكـ .؟

8- بيــت شعــر قريب منــــكـ حيل .؟

9- متى تشعــر انــكـ قريب من نفســـــكــ .؟

10 - متى يموت الحــب بين الاحبــاب في نظـــركـ .؟

11-مـــا هي احــزن ذكــرى تحتفــظ بهــــا .؟

12- اذا رجــع الزمــن لي وراء اي قرار تحب تغييرهـ من قراراتــكـ .؟

13 - هل الاعتــذار في نظــرك كفيـــل بمداواة الجـــرح .؟

14- مــا اعــظم درس تعلمـته في الحيــاه .؟

15- قرأت مــره :: من السهــل الضحيــه من اجــل السديـق ولــكن سعب ايــجاد ســديق يستحـــق التضحيــــه .؟
هـل وجدت هذا السديـــــق .؟ وهـــل انت مستعــده للتضحيـــــــه .؟

16 - من يغيــر من ؟ الدنيـــا تغير النــاس ولا النــاس تغير الدنيـــا .؟

ســـــــــــوري اذا تعبتـــــــــــكـ

[مـــحـــامـــي]

هلا والل أختي الدلع مبتليني

1- مــتى تكون شخــسيه حــنونه .؟ متــى تكــون شخــسه قاســيه؟
* تكون شخصيتي حبوبه عند مشاهدتي للأطفال :)
* تكون شخصيتي سيئة اذا زفت بالإختبار
2-احساســكـ عندمــا تشعر الشخس الذي امــامــكـ لم يفهـــمــكـ ؟
عساه ما فهم :bluboomteamenforcer
3- عبــاره نسمعهــا وايد ( الطيب ماله نسيب هالدنيــا ) شرايـــكـ هالعباره انت معــاها ولا ضدهــا ؟
لا صحيحه 100 %
لأن الطيب لو شنو يسوي مجحود بالأخير
4- مــاذا تعني لــكـ دموع المــرأه .؟ ومــاذا اذا شاهدت شخــس غالي على قلبــكـ وانســان مقرب من قلبـكـ ( الوالــده الله يخليها لــك _ اختـكـ _ خالــتك _ او غيرهــا )
يبكـــي بسبب كلمــه او فعــل او شي ســدر منــكـ لا سمح اللـــه ؟
دموع المرأة تعنيلي الشي الكثير وانا اعتبرها مصيبة .
الله لا يقوله ان أكون سبب في بكاء احد
أكيد اول شي راح اعتذر من الكلام الذي صدر مني
وثاني شي برضيه بعشا :)
5- مــا هو رايــكـ في كلمــه الثقـــه .؟ومــن الذي يستحــق الثقــه في نظـــركــ .؟
الثقة مسؤولية كبيرة لا تقال إلا لمن يستحقها
ومن يستحق هذه الثقة كل شخص يسد اللزوم :)
6- مراســـي الحيــاه كثيــره فعلــى مرســي تجــد نفســكـ .؟
بيتي
7- هل يــوم من الايــام وجــدت نفســكـ غريب على اقــرب الناس لقلبــــكـ .؟
خليها على الله :)
8- بيــت شعــر قريب منــــكـ حيل .؟
وقر العالم وتلقالك وقار ** وأن حقر إحقرت لو إنك أمير

9- متى تشعــر انــكـ قريب من نفســـــكــ .؟
في جميع الأوقات
10 - متى يموت الحــب بين الاحبــاب في نظـــركـ .؟
بالخيانه ونكران الجيمل
11-مـــا هي احــزن ذكــرى تحتفــظ بهــــا .؟
كثيرة هذه الأحزان :)
12- اذا رجــع الزمــن لي وراء اي قرار تحب تغييرهـ من قراراتــكـ .؟
زواجي :)
13 - هل الاعتــذار في نظــرك كفيـــل بمداواة الجـــرح .؟
اذا كان الاعتذار نابع من القلب يداوي الجرح
14- مــا اعــظم درس تعلمـته في الحيــاه .؟
جامل من تقابل
15- قرأت مــره :: من السهــل الضحيــه من اجــل السديـق ولــكن سعب ايــجاد ســديق يستحـــق التضحيــــه .؟
هـل وجدت هذا السديـــــق .؟ وهـــل انت مستعــده للتضحيـــــــه .؟
عندي صديق يسوى بعيني قبيلة اخوي (( تشلساوي ))
عسى الله يرده بالسلامة يا رب
ولو يطلب عيوني والله فداه
16 - من يغيــر من ؟ الدنيـــا تغير النــاس ولا النــاس تغير الدنيـــا .؟
وجهت نظري الدنيا اهي إللي تغير الناس لانها كل يوم لها شكل وقناع
والدنيا تخلي الإنسان طماع وايضا تغريه في ملذاتها

[ميلاني]

فديتك مشكور عالورده

بسألك سؤال
بصراحه انا عمري 18 ومطيور عالزواج
ياخي وناسه الزواج المبكر
المهم شنو رايك بالزواج المبكر ؟؟
وشتنصحني فيه
ياخوك انا مو كابسها هههههه اخاف اتهور :p


المهـم
احلى اغاني خالد عبدالرحمن ؟
واهديلي اربع ابيات من كلمات هالاغنيه ؟

وقواك الله بس مابي اتعبك :)

[مـــحـــامـــي]

هلا والله اخوي ميلاني
والله يا ميلاني اذا تبي نصيحتي ابعد عن الشر وغنيله :)
الزواج ما وراه غير عوار الراس وانا اخوك
طيب خاطرك من كل شي بعدين تزوج

احلى اغاني خالد عبدالرحمن الذاهبة

الله اللي راد
و العقدة قطعها اللي عقدها
لا على الدنيا سلام.........و لا لباقي العمر زينة
الفضا ما كنه إلا خيمة طاحت عمدها
و الفرح ما كنه إلا شيخ انقصت يدينه
و العمر قطعة زجاج..أنكسرت ولاطال أمدها
و العرب في العيد بدموع اليتامى مستهينة
و الشوارع لفها ثوب الظلام اللي هجدها
و البيوت أطلال من عقب المحبة و السكينة
و الشتاء و الليل و البرد...و سما يصرخ رعدها
و العيون اللي ورا الشباك مذعورة حزينة

الله يقويك بس لا نويت ع الزواج لا تنسى تعزمنا وعسى الله يوفقك ويرزقك على قد نيتك :)

[Demon of Dark]

متابعه :)

بس شفيك جنك بتقول شباب لا تتزوجون الا بعد 30

<=== من يتكلم ... بنااات عيشو حياتكم لاحقين ع الزوااااااااااااااج و الحوسه

.....

شنو نصيحتك لكل شخص مقبل ع الزواج ؟
وشنو احلى شي بالزواج ؟ وشنو اسوء شي بالزواج ؟

اوصف شعورك لنا بخبر اول بيبي لك ؟
و وين كنت مع مرتك والا بعيد عنها ؟ الخوف تكون بالديوانيه مع الشباب والا طالع وايد يسوونها
المهم تعترف ...

لو بيوم كنت كاتب وطلبو منك تكتب مقال عن شنو تخصصه ؟
وشنو اكثر شي تكرهه بشباب الجيل هذا ؟ وحتى البنات ؟ <=== ماتبي تزعل احد

....
وبالنسبه لسالفة الطيحه والله انك قوي ... شرايك اجرب اسوي نفسك

.....

دمت كما تحب
...

[مـــحـــامـــي]

هلا والله اختي ديمون

بس شفيك جنك بتقول شباب لا تتزوجون الا بعد 30

<=== من يتكلم ... بنااات عيشو حياتكم لاحقين ع الزوااااااااااااااج و الحوسه
لا موقصة فوق 30 سنة بس لنا يطيح كل إللي براسه ذيك الساعه يفكر بالزواج :icon_wink:

شنو نصيحتك لكل شخص مقبل ع الزواج ؟
اترك عنك الخربطة وديربالك على بيتك :)
وشنو احلى شي بالزواج ؟ وشنو اسوء شي بالزواج ؟
احلى شي بالزواج : إنك تعيش حياة جديدة عكس حياتك إللي قبل 180 درجة
اسوء شي بالزواج : تتراكم عليك مسؤوليات جدا صعبة :)
اوصف شعورك لنا بخبر اول بيبي لك ؟
والله إلى الآن ما جربت هالشعور بس انشالله عن قريب :)

لو بيوم كنت كاتب وطلبو منك تكتب مقال عن شنو تخصصه ؟
اخصصه حق الوضع الصحي المتردي في الكويت
وشنو اكثر شي تكرهه بشباب الجيل هذا ؟ وحتى البنات ؟ <=== ماتبي تزعل احد
شوفي هالجيل سواء الشباب او البنات عليهم برود غير طبيعي
ويا حبهم للفرارة بالسوقة على غير معنى بس يحبون المغازل :)

وبالنسبه لسالفة الطيحه والله انك قوي ... شرايك اجرب اسوي نفسك
لا والله انا اعتبرها اخبال هههههههههههههههههههههه
لا الحين انوس الطيحة

[همسه شوق]

ممكن البطاقه الشخصيه

[مـــحـــامـــي]

ممكن البطاقه الشخصيه

هلا والله اختي همسه شوق

سبق واني ذكرت البطاقة الشخصية :)

[البحر الهادي]

الله حيه

محامي

منور الكرسي

بكل صراحه ايهما احسن ايام الطفوله ام الان

عندما تمر علي موضوع وتجده جميل هل ترد عليه ام تكتفي بالقراءه

وايضا اذا ما عجبك ترد ام اطنش

هل تلاحظ ان الاعضاء مهمشين بالمنتدي ام لا والسبب

ليش المشرفين هم الحظ الاكبر بالمنتدي

اي الاقسام تهتم لمتابعتها

من هو العضو الذي تحب ان تقراء له بالمنتدي

من هو العضو المفقود بالمنتدي

من هو العضو الذي تحس انه قريب لك

من هو العضو المجتهد في قسمك


منور الكرسي
متابع

[مـــحـــامـــي]

هلا والله اخوي البحر الهادي
ومن قال يحيا


بكل صراحه ايهما احسن ايام الطفوله ام الان ؟
والله عندي ايام الطفولة احسن لأن لو تسوي اي شي محد ينقد عليك بشي :)

عندما تمر علي موضوع وتجده جميل هل ترد عليه ام تكتفي بالقراءه
وايضا اذا ما عجبك ترد ام اطنش؟
والله انا اقرى جميع المواضيع وبالذات الي بالقسم العام
مسألة ارد على المواضيع على حسب المزاج اذا الموضوع دخل مزاجي ارد واعلق عليه

هل تلاحظ ان الاعضاء مهمشين بالمنتدي ام لا والسبب ؟
لا والله محد مهمش الكل ماخذ حقة ولكل مجتهد نصيب

ليش المشرفين هم الحظ الاكبر بالمنتدي؟
لأن المشرف تقع على عاتقه مسؤوليه كبيرة

اي الاقسام تهتم لمتابعتها ؟
القسم العام وقسم الرياضة

من هو العضو الذي تحب ان تقراء له بالمنتدي ؟
كويتي اف بي آي وانت طال عمرك

من هو العضو المفقود بالمنتدي ؟
مرهف الإحساس (( عيونكـ آخر آمالي )) و اخوي تشلساوي

من هو العضو الذي تحس انه قريب لك ؟
شموخ إنسان و تشلساوي

من هو العضو المجتهد في قسمك ؟
شموخ إنسان

[ميلاني]

رجــعنا بعد طول غياب :d

بس جذي بتعبك لانك تعبتني امس بالكافيه هههههههههه

جريدة محامي المفضله ؟؟

كتاب محامي المفضل ؟؟

قضة او رواية تأثرت فيها ؟؟

مسلسل لو تظل تطالعه ما تمل منه ؟؟

شلون محامي مع الطرب العراقي بين قوسين طرططو لووول ؟؟

تعرف اشعار الأبوذيات ؟ اذا تعرف اذكر لنا وحـده ؟؟

قناتك المفضله ؟؟

لونك المفضل ؟؟

شنو ستايلـك وشنو تلاقي نفسك بالغتره ولا الشماغ ؟؟

شنو تلفونك ؟؟

شنو اشتراكك ؟؟

شريط غنائي ما يطلع من سيارتك ؟؟

اكثر المواقف اللي تبجـي محامي ؟؟

امممم بس ؟؟ وقواك الله وراجعين انشالله بس عشان اتعبك :)

[مـــحـــامـــي]

هلا والله اخوي ميلاني

جريدة محامي المفضله ؟؟
ما عندي جريدة مميزة بس اقرى الوطن عشان اضحك على فؤاد الهاشم:)

كتاب محامي المفضل ؟؟
المقدمة لأبن خلدون

قضة او رواية تأثرت فيها ؟؟
أهل الكهف

مسلسل لو تظل تطالعه ما تمل منه ؟؟
الزير سالم

شلون محامي مع الطرب العراقي بين قوسين طرططو لووول ؟؟
تامن بالله ما احب اسمع الاغاني

تعرف اشعار الأبوذيات ؟ اذا تعرف اذكر لنا وحـده ؟؟
قبل مدة كنت ما أعرف هذا الشعر لكن عندي واحد من الشباب قبل اسبوع قالي شنو اهو الابوذية مؤلف من بيتين بأربعة اشطر ثلاثة منها في جناس واحد يتحد في اللفظ ويختلف في المعنى وينتهي الشطر الرابع منه بحرفي ( اياء والهاء )
يتمايل ياحلاتة.. مرة شفتة
مرة يعضلي اصبعة .. ومرة شفتة
عسل ياطعم شفتة .. منرشفتة
حظنتة وطاحن دموعة علية

قناتك المفضله ؟؟
الصحراء

لونك المفضل ؟؟
الاحمر

شنو ستايلـك وشنو تلاقي نفسك بالغتره ولا الشماغ ؟؟
كل شي علي حلو:)

شنو تلفونك ؟؟
نوكيا

شنو اشتراكك ؟؟
ايقو (( الإتصالات ))

شريط غنائي ما يطلع من سيارتك ؟؟
عمره ما طب سيارتي كلها بفضل ربي

اكثر المواقف اللي تبجـي محامي ؟؟
وفاة رفيجي راكان معاي بالسيارة الله يرحمة