●【ツ】 مــحـــامــــــي عـــلى كـــرسي الاعتـــراف 【ツ】●

[Demon of Dark]

الله يرحمه ويغمد روحه الجنه

.....

متابعه
:)

.....

حابه اعرف نظرتك للوضع الاقتصادي الراهن ؟
وهل تتوقع بان بيكون انفراج و الا ؟
وشنو مطلوب من الحكومات بمثل الوضع هذا ؟

شنو نظرتك للشباب العاطل عن العمل ؟ بنظرك شنو الحل لهم و اهم شهادات عاليه مهدره ؟
( اقصد بعاطل = اجباري ) بطاله اجباريه
وشنو نصيحتك للحكومات اتجاههم ؟ <=== تحس بترد رد يبرد القلب ...


لو خيرت بانك تاخذ جنسية غير .. اي جنسيه تختار وليش ؟ اذكر الاسباب ..

شخص تتمنى انك تلتقي فيه برا المنتدى ؟
و شخص تتمنى السهر وياه دوم ؟

....

دمت كما تحب

[مـــحـــامـــي]

هلا والله اختي ديمون


حابه اعرف نظرتك للوضع الاقتصادي الراهن ؟
وضع يخوف بصراحة انهيار تام للإقتصاد العالمي
قبل اربع سنوات تقريبا درست مادة ( الإقتصاد سياسي )) كان يدرسني الدكتور بدر المطيري الله يذكره بالخير كنت اتناقش وياه عن موضوع الرأس المالي والإشتراكي والإسلامي فكان يقولي صدقني يا فهد بعد أقل من سبع سنوات راح ينهار الإقتصاد العالمي عشان إقتصاديات العالم قائمه على الربا والربا محرم وفق الشريعة الإسلاميه وصدقني هذا الإنهيار راح يكون درس للعالم وبالذات للمسلمين عشان يعرفون إن ما ردهم للشريعة الإسلامية جميع إقتصاد الدول قائم على البنوك الربوية
وهل تتوقع بان بيكون انفراج و الا ؟
يكون إنفراج اذا طبقت النظرية الإقتصادية الإسلامية
وشنو مطلوب من الحكومات بمثل الوضع هذا ؟
القضاء على البنوك الربويه
شوفي البنوك الكويتيه الربوية ( ....و ....)شوفي جم خسارتهم وقارنينهم بنك التمويل والبنك الدولي وشوفي الفرق الشاسع

شنو نظرتك للشباب العاطل عن العمل ؟ بنظرك شنو الحل لهم و اهم شهادات عاليه مهدره ؟( اقصد بعاطل = اجباري ) بطاله اجباريه
والله يكسر الخاطر والله يعينهم وما ألومهم وربي وصدقيني عندنا بالكويت اشوى من غيرنا .
بالنسبة للحل ماله غير القطاع الخاص ويسجل بديوان الخدمة وبعد تسجيلة بستة اشهر يستلم دعم بطالة :) لين الله يفرجها له

وشنو نصيحتك للحكومات اتجاههم ؟ <=== تحس بترد رد يبرد القلب ...
خافوا الله في عيالكم (( كل راع مسؤول عن رعيته ))


لو خيرت بانك تاخذ جنسية غير .. اي جنسيه تختار وليش ؟ اذكر الاسباب ..
لن اتنازل عن الجنسية الكويتية

شخص تتمنى انك تلتقي فيه برا المنتدى ؟
شموخ إنسان
و شخص تتمنى السهر وياه دوم ؟

(......................)

[Demon of Dark]

اخوي محامي اشكر وكنت متوقعه بيكون ردك جذي
ع الاسئله :)

بالنسبه للجنسيه اكيد مافي شخص يتمنى يغير جنسيته لو شنو يصير ...

وتعليقي ع البطاله زين بالكويت وضعها احسن من الغير ولو يسوون نفس اوروبا
انا عندي شهادات مالقيتو لي وظيفه صرفو لي راتب شهري ...

لكن اللي حتى القطاع الخاص تسكر بويههم والبركه بالواسطات مالهم حل غير
انهم يقولون الحمدلله ع كل حال <=== اكثر وحده حاسه بالوضع هذا

والله يخلي البيت :)

متابعه ..

:)

[مـــحـــامـــي]

اخوي محامي اشكر وكنت متوقعه بيكون ردك جذي
ع الاسئله :)

بالنسبه للجنسيه اكيد مافي شخص يتمنى يغير جنسيته لو شنو يصير ...

وتعليقي ع البطاله زين بالكويت وضعها احسن من الغير ولو يسوون نفس اوروبا
انا عندي شهادات مالقيتو لي وظيفه صرفو لي راتب شهري ...

لكن اللي حتى القطاع الخاص تسكر بويههم والبركه بالواسطات مالهم حل غير
انهم يقولون الحمدلله ع كل حال <=== اكثر وحده حاسه بالوضع هذا

والله يخلي البيت :)

متابعه ..

:)

اختي ديمون لو انتي مقدمة على ديوان الخدمة وطاف على تسجيلج ستة شهور تستحقين دعم بطالة المقدرة بـ (( 300 د ك )) وفق قوانين ولوائح ديوان الخدمة المدنية
تصدقين شنو الي مومخليني استوعب يعني انتي ما شاء الله عليج حاصلة على شهادة جامعية شلون ما حصلتي وظيفة ... بعرف انتي متخرجة من أي كلية

بالاخير ترى هذا نصيبج بالدنيا وعسى الله يفرجها لج :)

[Demon of Dark]

اختي ديمون لو انتي مقدمة على ديوان الخدمة وطاف على تسجيلج ستة شهور تستحقين دعم بطالة المقدرة بـ (( 300 د ك )) وفق قوانين ولوائح ديوان الخدمة المدنية
تصدقين شنو الي مومخليني استوعب يعني انتي ما شاء الله عليج حاصلة على شهادة جامعية شلون ما حصلتي وظيفة ... بعرف انتي متخرجة من أي كلية

بالاخير ترى هذا نصيبج بالدنيا وعسى الله يفرجها لج :)

مو اقولك عندكم بالكويت مو عندنا :)

اكتفي بهذي الاجابه

متابعه :)

[مـــحـــامـــي]

مو اقولك عندكم بالكويت مو عندنا :)

اكتفي بهذي الاجابه

متابعه :)

الظاهر رهبتة أختبار باجر مأثرة علي شوي
مو اقولج مو قادر استوعب :)
ويجيب الله مطر

[دنووش]

يؤيؤيؤ ..هذي مشاكل السعووديه ..بطاله مو طبيعية ..اغلب الشباب على باب الله ,.,

شكرا ع الاجابااات ..

اجل كل شي عليك حلوو هاه ..

لا من جد وش الاحلى الثوب او البدل ..

ولما سألوك شخص تتمنى تسهر معاه جاوبت (.....) <<وش يعني ..

من تتمنى تسهر معاه ..

محل تحب تشتري منه ملابس؟؟

تمارس الرياضه؟؟واي انواعها ؟؟

طيب رأيك بأقسام المنتدى قسم قسم ..

تسمع لمحمد عبده ؟؟

وش احلى اغنيه تحب تسمعها منه؟.

وابي اقولك ياشيخ خوفت الشباب من الزواج الا هالمطيور ميلاني ..زوجه ..وفكنا منه ..لؤؤؤؤؤل

طاايب ..

شرايك بالسبايكي؟؟

وكم لك سنه متزوج ؟؟

وش رايك بأوباما ..

وزوجته ..

وبنته <<<احلفي ..

طيب انت شي تبيه يتغير بالعالم كله وشوو؟؟

سم لنا اعضاء بالمكان الفارغ <<<احلى ياقووويه

ملك المنتدى.....

امير المنتدى......

مخرب المنتدى (هو اكيد ميلاني بس انت حط اللي ودك فيه ).....

فيلسوف المنتدى.......

مثقف المنتدى....

اكثر عضو مرهف احساس بالمنتدى.....

وشخص ساذج بالمنتدى (غير كويتي ) لوووووول "والله لو يدري عني ان يذبحني" .............

تعرف عازف السمفونية؟؟؟

وش تعرف عنه ..

وبس ..

[مـــحـــامـــي]

هلا واللة اختي دنووش

اجل كل شي عليك حلوو هاه ..

لا من جد وش الاحلى الثوب او البدل ..؟
والله انا بكل شي زقرتي <<< واثق الرجال

ولما سألوك شخص تتمنى تسهر معاه جاوبت (.....) <<وش يعني ..

من تتمنى تسهر معاه .. ؟
هم ارد واقول (.......) :)

محل تحب تشتري منه ملابس؟؟
والله ماعندي محل محدد اي شي يعجبني اشتريه لو انه بمحل بـ 100 فلس

تمارس الرياضه؟؟واي انواعها ؟؟
شي طبيعي كورة قدم ولازلت مبدع فيها حتى بعض المرات لا طفشت من البيت انزل للمزرعه واطقطق كورة :)

طيب رأيك بأقسام المنتدى قسم قسم ..؟
والله انا اكثر تواجدي بقسم شاعر المليون قسم العام وقسم الرياضة أما باقي الأقسام امرهم بالاسبوع مره وافضل قسم عندي الرياضة لأن احس ان فيه ناس تناقش الرياضة بالمنطق

تسمع لمحمد عبده ؟؟
كنت اسمع لمحمد واسمع لغيره أما الحين لا :)

وش احلى اغنيه تحب تسمعها منه؟
شبيح الريح



شرايك بالسبايكي؟؟
حسبت معرفتي السبايكي تسريحة شعر صح ..
اذا قصت شعر انا انقد على الرجال إللي يسوي جذيه ويطيح من عيني :)

وكم لك سنه متزوج ؟؟
شنو كم سنة قولي كم شهر متزوج
تراني معرس جديد :)

وش رايك بأوباما ..

وزوجته ..

وبنته <<<احلفي ..
حديقة حيوانات وانتم بكرامة

طيب انت شي تبيه يتغير بالعالم كله وشوو؟؟
مسح إسرائيل من خارطة العالم

سم لنا اعضاء بالمكان الفارغ <<<احلى ياقووويه

ملك المنتدى..... (( كلن وهقوته بنفسه ))

امير المنتدى...... (( كلن أمير على نفسه ))

مخرب المنتدى (هو اكيد ميلاني بس انت حط اللي ودك فيه )..... (( الكل فيه خير وبركه ))

فيلسوف المنتدى....... (( كويتي قديم ))

مثقف المنتدى.... (( أم بدر ))

اكثر عضو مرهف احساس بالمنتدى..... (( كل عنصر نسائي ))

وشخص ساذج بالمنتدى (غير كويتي ) لوووووول "والله لو يدري عني ان يذبحني" ............. (( والله ما شفت أحد ))

تعرف عازف السمفونية؟؟؟

وش تعرف عنه ..؟
والله اسمع عنها ولا اعرف عنها شي
خلينا على جذي احسن :)

[ميلاني]

وش احلى اغنيه تحب تسمعها منه؟
شبيح الريح


إغنية جديده لأبو نوره هههههه شبيه شبيه يا معلم

المهم ؟
تهقى ليش دنوش حاطه دوبها بدوبي ؟؟ تهقى غيره فنيه ولا هذا ضريبة الشهره ؟؟

انزين تهقى لو دنوش صار مشرفه عامه ؟ تهقى المنتدى تتسيده الخرافات والعقد ويصيرون الكل يدشون المنتدى الا انا :(

تقول انك تحب الزير سالم
كح كح تراني وايلي ههههه
انزين شنو احسن شخصيه عجبتك بالمسلسل ؟؟
وشنو احقر شخصيه ؟؟

تدخـن ؟؟
تشرب شيشـه ؟؟

تصلي دوووم ولا تقطـع ؟؟

لو قالولك باجر عيد ميلادي شنو بتجيب لي < متعشم

المهم قواك الله وربي يعافيك حضرة المحامي السمي :)

[مـــحـــامـــي]

هلا والله اخوي ميلاني

تهقى ليش دنوش حاطه دوبها بدوبي ؟؟ تهقى غيره فنيه ولا هذا ضريبة الشهره ؟؟
والله انا إللي اشوفه مداعبة بين اخو واخته :)
لا والله ما اهقى جذي

انزين تهقى لو دنوش صار مشرفه عامه ؟ تهقى المنتدى تتسيده الخرافات والعقد ويصيرون الكل يدشون المنتدى الا انا :(
بالعكس يزيدنا شرف لو صارت مشرفة لأنها بالفعل تستحق الاشراف

تقول انك تحب الزير سالم
كح كح تراني وايلي ههههه
والله ونعم فيك وفيهم

انزين شنو احسن شخصيه عجبتك بالمسلسل ؟؟
همام و جبير ابن عباد

وشنو احقر شخصيه ؟؟
جحدر

تدخـن ؟؟
كنت ادخن

تشرب شيشـه ؟؟
توني راد من الشيشة

تصلي دوووم ولا تقطـع ؟؟
لله الحمد المنة اني اصلي وكل هذا بفضل ربي وتربية الشايب لي

لو قالولك باجر عيد ميلادي شنو بتجيب لي < متعشم
اول شي انا ما أؤمن بالاشياء هذي
بس انشالله اجيبلك شي يفرحك

[دنووش]

لوووول الاغنيه سمعتها ..
طيب انا اقصد العضو عازف السيمفونيه ..

غير كذا اللي مخرب المنتدى ..اقصد اللي مخليه مو شي ,,وانا ادري فيك تبي تقول ميلاني ..بس تمووه شووي ..

المهم شوكرن ع الاجابات ..

بس ابي اعرف انت تقول للفتيان <<احلى ,,,لا اقصد للشباب لايتزوجووون ..عبالي من زمان متزوج ..اثاريك توووك ؟؟

طيب ليش مو عاجبك الزواج ؟؟

ولو زوجتك تشوف هالكلام وش تتوقع انها تقول؟؟

احلى اسم بنت ..

احلى اسم ولد ..

بالنسبه لنكي دنووش ..انت فووووق قلت ودك تعرف وش معناه ..

هو دلع اسم دانه اختي الصغيررره ..ومن حبي لها اخترت هالنك ..

وياميلااااااني ..لاتخرب شباب المنتدى وتخليهم يشيشوون ..انت متوهق ..لاتوهق غيررك ..
لووولز ..

اجل غيره هاه

برب

[مـــحـــامـــي]

هلا والله اختي دنووش

طيب ليش مو عاجبك الزواج ؟؟
بالعكس الزواج شي حلو بس انا اقول ان الشخص ما يتزوج إلا لما يطيح كل إللي في راسه :)

ولو زوجتك تشوف هالكلام وش تتوقع انها تقول؟؟
(( ........................))

احلى اسم بنت .. لمار

احلى اسم ولد .. راكان

[البحر الهادي]

صباح الخير

مساء الخير

محامي منور الكرسي

متااااااااااااااااااابع

[مـــحـــامـــي]

صباح الخير

مساء الخير

محامي منور الكرسي

متااااااااااااااااااابع

صحبك/ مساك الله بالنور والسرور

الكرسي منور بوجودكم

[ميلاني]

الحمدلله اني ما اشيش :$
ياااا هالنشبه اللي وراي وراي ههههههههه < دنوش وخري عني

بسألك محامي
لو واحد من جماعتك طلب انه يسمي ولدك والاسم شوي قديم
شنو بتقول ؟؟ وهالشخص تعـزه حيل ؟؟

شنو بيت الشعر اللي دوم تردده ؟؟

شنو المثل اللي تؤمن فيه بالحياه ؟؟

من هـو قدوة محامي في الحياه ؟؟

كم شخص فبيــتكم ؟؟

لا حبيت تشكي ؟ لمــنو تشكـي ؟؟

وبــس