( في ضيافتهم ) مع ( راحل بعيد ) ..

[kaka 22]

فضحتنا يا رميل العين


اخيه يا سالفة البلديه

حرمتني من تلفوني ( الدمعه ) على ايامه

هههههههههههههه


يا جماعه لحد ينبش ورى الماضي تراه مغبر واسود



سـ / ليش لما انخشيتو ما قلتو لي ؟ ووهقتوني ؟ خليتوني انا وصخري نفلخ للبيت << ؟

سـ / أغرب موقف مر عليك أثناء دراستك بأمريكا ؟

سـ / سمعنا اخر قصيده يا شرحبيل ؟




: )

[just(:smile]

اممممممممممممممم

اممممممممممممممممممممممممم

المشكله اني ما اعرف اسأل


بس سالفتكم لي الحين تموت من الضحك

و الله اتخيل اشكالكم عجييييبه


كاكا يا خي انت ذكي فيه مية ابو الف مكان

تنخش فيه

رايح لبيتكم و اثار الجريمه معاك و وراك الهندي

متلبس حدك

[kaka 22]

هههههههههههه

جست

المشكله اخواني كانو قاعدين بره على ( الدجه ) وتعرفين الجو زراق وحلو

وانا جايهم ركض ووراي هندي وكنت سافط دشداشتي وحاط فيها صخر

فيعني داش عليهم بقوه


الهندي ما خلاني فيها 70 دينار ولك لو اروح البصره يروح وراي

عاد على سفطت اخوي ( هذا امشينا سيده وهو بالشرطه .. وكنا نرجف منه ) وينزل ويعطينا من الصافي

[just(:smile]

ههههههههههههههه

حدك داش بقوة

ههههههههههههههههه

اكيد 70 مو شويه

[mshtaga]

راحل باك

س شنو علمتك الغربه غير الاعتماد على النفس؟

:)

[راحل بعيد]

فضحتنا يا رميل العين
اخيه يا سالفة البلديه
حرمتني من تلفوني ( الدمعه ) على ايامه
هههههههههههههه
يا جماعه لحد ينبش ورى الماضي تراه مغبر واسود
سـ / ليش لما انخشيتو ما قلتو لي ؟ ووهقتوني ؟ خليتوني انا وصخري نفلخ للبيت << ؟
سـ / أغرب موقف مر عليك أثناء دراستك بأمريكا ؟
سـ / سمعنا اخر قصيده يا شرحبيل ؟
: )

أسئلة حلوة .. يا صخيم الوجه


أول سؤال جوابه يا طويل العمر..
الخوف عندك كان واصل حده صرت أسرع من الغزال وحنا كلنا وراك .. و انت متجه للبيت ولا بأذنك ماي .. أمرنا لله قلنا ننخش و انت كفو انك تدبر نفسك بما انك قدامنا بمسافه طويلة خصوصا ان الفتحات اللي بين البيوت كانوا كثار قدامك .. لكنك طلعت ... خيطي بيطي .. وجبت لنا العيد

اما بالنسبة للمواقف اللي بأرميكا الى الآن مواقف عادية .. ما هي غريبة يعني .. الا موقف كان أول ما وصلت لأمريكا و الموقف ما ودي أقوله هني ... أحتفظ فيه لنفسي .. سوري يعني

أما آخر قصيدة يا طويل العمر كانت قبل ثلاث اشهر يمكن و قلت فيها :

عقب فرقا نزلت فينا غصب عنا و حنا صغار
تلاقينا عقب مده و كل ٍ عارف الثاني

نطقت بيوم ما شفته ألا يا وقت يا دوار
خذيته من دفا عيني .. ولكن هذا هو جاني

صحيح إن وقتنا طاغي .. ولكن عشقنا جبّار
فرض حكمه على حكم القدر لعيون خلاني

أنا أذكرنا توادعنا على مفرق دروب أسفار
تلذذ يومها دربي بتعذيبي و حرماني

غيوم عيوننا صبت دموع أفراحنا أمطار
رماني في دفا حضنه بعدها نام بأحضاني

على شاطي من الماضي دفنّا به كثير أسرار
جلس جنبي و ذكّرني بأول يوم لاقاني

يقول الوقت خربها معاي و مالقيت أنصار
تساعدني على الضيق و على هجمات عدواني

سكت .. وخاطري ضايع بوجهه و الفروق كبار
تغيّر حسن معشوقي مهو نفس اللي خلاني

سألته وش بها عينك تكحّل رمشها بغبار
علام البرطم التحتي أشوفه صار ذبلاني

سحب له شهقة ٍ ردّت زفيره مع صداه إعصار
رمى حس التنهد بين شريانه و شرياني

يقول الحال بغيابك تعاكس وسطها التيار
تمنين اللقا لكن أخاف إن اللقا فاني

و أقول الحال مجبورة مهو كيفي عشان أختار
تراهنا انا و الوقت ولكن ضعت بـ رهاني

تراهنا أظل جنبك ولا نبعد و لو أمتار
ولكن ما بيدي حيلة و أنا وقتي تحداني

على الله قلت أبتركها يجيبج تنورين الدار
صبرت وفاكهة صبري غدت خوخ ٍ و رماني

رجعتي يا بعد جد القصيد و دفتر الأشعار
رجعتي شفتي المجني على نفسه غدا جاني

خلاص الحين أبحسمها قبل حظي يروح إهدار
أبكتب باجر كتابي على اللي هز و جداني

و قالت : بس !! لا تكمل ولا تخطط ولا تحتار
حرام أخفي عليك اللي نهكني و شق مصراني

أنا من عادني طفلة حليبي شكر و إستغفار
قوى عودي و مع عودي قوى صبري و إيماني

ترانا من تفارقنا و أنا خامس ركن للدار
نهيت العين لا ترمي نظرها لأي إنساني

و هذ اليوم أنا جيتك لك الله خافقي منهار
بعد فرقاك .. أنت أول بشر شافته أعياني

أنا مقدر أعيش إلا تحت ( آلة ) و ( كبس ازرار )
خبيث ٍ دش في جسمي .. فرشني ثم تغطاني

و أنا ما ودي أنقل لك من همومي كثير أضرار
وإذا تحبني أبي منك من اللحظة اتناساني

بدت لحظة غموض يشيخها واقع .. نذل.. غدار
صبرت و خوخة الصبر طلعت شوكة على لساني

أبنطق ما قدرت أنطق .. مشيئة خالق ٍ غفار
وانا أدري إن بلوتي هذي .. فوايد عند عدواني

عرفت الحين وش كحّل عيون الغالية بغبار
عرفت البرطم التحتي علامه كان ذبلاني

سكت .. و قلت في نفسي .. ألا يا وقت يا دوار
بعد ما جبته لعيني ... رجــعــنا نفترق ثاني

و سلامتكم

و سلملي على تيليفونك الدمعه ... ليكون هو اللي انسرق عند النادي ؟؟!!!!

[راحل بعيد]

راحل باك
س شنو علمتك الغربه غير الاعتماد على النفس؟
:)

أهلين أختي مشتاقه ..

والله الغربة أول شي تعلمه هو الإعتماد على النفس ..

ولكن أكثر شي تعلمته من الغربة

هو .. الشووووق ... عرفت شنو معنى كلمة الشوق و عرفت مكانتي بقلوب الناس .. وعرفت مكانة الناس بقلبي عدل ...

[ع ـناديهـ]

هلا ومرحبا بوهوب والله ..

تسلم يالغالي بس ياخوك خبرك انا خجوله استحي اشرب جدام الرجاجيل هههههههههههههه

انا حبيت اعرف اخبارك وشخبار الدراسه معاك ..؟

وتنصحنا نشقح امريكا ولا نقعد هني هههههه ...؟

والسموحه يالغلا ع التأخير بس خبرك مشاغل الدنيا :$

لاهنت ..

[عزتي في شموخي]

.
.
.



ههههههههههههه
أما المواقف قناة لـ حالها ..

,,
صح الله لسانك على القصيده ..
امتعني بالمزيد
.
.
.

[ع ـناديهـ]

احم احم انا رديت لك يا وهوب بعد غياب مده يومين يمكن هههههههه

<< كنت اجرب نومة المخيم ههههههههههه


بانتظارك ... << لا تتاخر علينا يالغالي ..

[راحل بعيد]

اهلين وسههلين بضيوفي الكرام

يا جماعه معزبكم مهو مضبوط هاليومين لا تلوموني .. ترا القلب تحت الصيانة ..

طحت بغرام إنسان طاح بغرامي
يعني من الصوبين وضعي سهالات

قعدت افكر كيف اترجم هيامي
و اعطيه من قلبي دروس العلاقات

الليل عدّا بس ارتب كلامي
و أشكل احلى افكار مخي على ابيات

و الشوق لعيون المحبين حامي
والحب متغطي بقلبي ولا بات

و المشكلة طيف الحبيبة .. حرامي
في نص نومي يسرق النوم مرات

و مرات يسرق جمعتي مع عمامي
و أضيع في عالم كثير المتاهات

أشبه بوضعي حالة الإنفصامي
أكلم النجمة ولو بالإشارات

أطلب عسى تهديه مني سلامي
لا صار مثلي .. ساهر ٍ ما بعد بات



يا شباب و يا شبابات ( يا بنات ) .. العذر و السموحه على التقصير بس لأان كمبيوتري خربان
( بالتصليح ) على ما أضبطه و أنزلكم صورنا بأمريكا ,, و بعض الصور اللي ان شاء الله ارجو ان تنال على حس ذائقتكم ... و لكن صبر جميل والله المستعان ..

[ع ـناديهـ]

هالله هالله ... صح لسانك يا وهوووب

ومايشوف شر جهازك بس الظاهر مو متعود ع جو الكويت وعليه انصدم هههههههههههه

وانا وحده من الناس بنتظارك وبانتظار الصور علشان اعلق :p


لاهنت يالغالي ..

[mshtaga]

هههههههههههههههههههههه

عناديه

راحل احنا بنتظارك وبانتظار الصور :)

[ع ـناديهـ]

صباح الخير ..

شلونكم شخباركم ..

يالوهبي كيف الحال .؟

انا حبيت اتقهوى قبل لا اروح الجامعه خبرك لازم نعدل المزاج لان مزاجي اليوم مو مال دراسه كلش والي زاد الطين بله محاضرتي الساعه 10 ورفيجتي داقه علي الساعه 7 :"( ليش مادري

انا حاليا بالحييييييييل مقهوره يالوهبي سو ذات جيت عندك بتقهوى واذا مافي ولا عليك امر ابيك تصور لي مكان الي يسون فيه قهوى مع الاغراض علشان اسوي لكم وسلامتكم ..

<< يخرب بيتي والله اني قرقه :$

السموووحه ع الهذره من صباح الله خير :$


لاهنت :)

[راحل بعيد]

عنادية ... حياج الله و البيت بيتج و لو هي ذبيحه ما عشتج ... والظاهر مثل ما قلتي ان تغير الجو اثّر شوي على جهازي .. عاد جهازي رقيق المشاعرما يتحمل مال امحطه بالطوفه اعلمه شلون يتدلع ..

المهم القهوة عندج و ضبطي لنا قهوة شمالية .. ترا الراس منداش ... ( اللي ما يعرف منداش يدق علي ) ..

عنادية تبين لي من خلال دراسات عليا ان فيوز 13 طاق عندج € و فيوز 32 صاير فيه التماس ههههههههههههههههه ...

عموما قربت الردة لأمريكا يا جماعة الربع .. و دعوا لنا نوصل بالسلامة و سنوافيكم من أرض الحدث هناك بكل شي


لي عودة ..


جو جو