( في ضيافتهم ) مع ( راحل بعيد ) ..

[ع ـناديهـ]

ههههههههههههههههههههههههههه


يبووووووووووووووي عليك يا وهوووب ..

انشهد انكم صدمتوا بلييس ههههههههههههههههههههههه


بس ترى المغامره حلووه وبالذات ايام الصغر عزااااااه ليت الشباب يعود يوما <<< اكبرت قاعده اترك للـ20 :(


لاهنت يالوهبي وتسلم ع الضيااافه
هذا مو غريب عليك يا بن وايل : ))

[ع ـناديهـ]

مرحبا يالوهبي ...


والله وهوب انا ضايق خلقي وزهقانه ومدري شسوي بروح انام بس مافيني نوم وبسولف بس ماعندي احد يسولف معاي :(
فقلت يا عناديه مالج الا ديوانيه الوهبي قلت اسير علييك واشرب لي فنجال قهوه الا صج يالوهبي بامريكا تسوون قهوه وجذي ولا نظام امريكا ههههههههههههه <<< ماعليه اليوم انا مدري شبلاي فاصله : ))

زين وهوووب صج صج ابيك تذكر لي موقف صار لك اول ما رحت امريكا ...؟

وابي اعرف انتا اول مارحت كنت فلته بالانجليزي ولا نفس .... ماله داعي الاحراج اهوا يعرف نفسه هههههههههههههه ...؟

وبس والسموحه يالوهبي ع الازعاج بس هذا الي ماعنده شغل جذي يسوي : ))

بايووو وهوووب اشوفك ع خير باجر : )

[mshtaga]

عناااديه

ههههههههههههههههههههههههه

لا راحل ما يقول شي

اقعدي خلينا نتقهوى لين يوصل راعي البيت

اي والله راحل انا بعد نفس سؤال عناديه

اول مارحت كنت زين بالانقلجش والا لا؟

[kaka 22]

هههههههههههههههههههههههههههههههههههههههههههههههههه ههههههههههههههههههههههههههههههه


اللي اذكره من سالفة المطعم ( كانت صمونتي شاورما دجاج بخبز صاج ) كان من قده اللي يطلب خبز صاج هههههههههههههههه





ليت الزمن يرجع بس

[mshtaga]

هههههههههههههههههههههههههههههه

كاكا بما ان الضيافه لراحل

انا بسالك سؤال

ليش شمعنى خبز الصاج؟

:)

[just(:smile]

ههههههههههههههههههههههههههه

:krkrkr::krkrkr:


هههههههههههههههههههههههههههههههههه


و ربي مت من الضحك على سالفه المطعم


هههههههههههههههههههههههههههههههههههههههههههههههههه ههه


و الله منتوا هينين هههههههههههههههههههههه


مسكين راعي المطعم كسر خاطري

.

[راحل بعيد]

يا حي الله من لفانا

اسفرت و انورت والله ..

البيت بيتكم يالربع لحد يستحي ... ابد اللي تبونه لا يردكم الا لسانكم ..

أنا يا محفوظين السلامة أول ما رحت لأمريكا .. كنت بالانقليزي دجه .. بما تحمله كلمة دجه من معنى .. بس الحمدلله مع الجهد والمثابرة تحسنت يا ربي لك الحمد ولا على قولتهم : Thanks godness .. الوكاد يا جماعه انا توني واصل لأمريكا كان عقب باجر دوام .. أخذت قسطا من الراحه بهاليومين ( طبعا اتكلم عن اول مرة أجي أمريكا ) .. وبدا الدوام يوم الاثنين الموافق 14/1/2008 راح خويكم للدوام ( كورس لغه طبعا ) وقاعد ينطر امتحان المستوى يسوونه عشان يعينوني بمستوى معين .. المهم قاعد تحت ويا الشباب المدخنجية اللي هم سابقيني بالمعهد و كان عندهم نفس الفرصة .. ( break ) .. متكي أنا ووجهي نظام أبي أكون علاقات والله و آخذ و أعطي معاهم .. ومن زود الاندماج بتكوين العلاقات قلت ابي اطالع الساعه .. ولا الساعه 9 ونص .. ابكم الامتحان بادي صار له نص ساعه .. غير السالفه .. مني مناك .. رحت مسرع ادور الغرفه اللي فيها الامتحان اعرف رقمها بس ما اعرف مكانها .. وأدور و أدور .. ويا ربي لك الحمد لقيتها .. و ادخل للقاعه و عيني قوية و بكل ثقه .. و أقعد .. والمراقب يخزني .. اتوقع انه يقول بقلبه ( هذا حده غلطان جاي الحين .. تو الناس ) المهم و أعطيه ابتسامه .. يعني خلصني بسرعه .. ما قصر جزاه الله خير عطاني الإمتحان .. بس يوم طالعت بالامتحان ولا أول عشرين سؤال كلهم (( إستماع )) (( listining )) .. ومكتوب ملاحظة جنبهم (( السؤال ينقال مرتين بس )) يوم جيت ولا طايفيني هالعشرين سؤال مع اعادتهم .. وباقي الحين عشرين دقيقه على الامتحان .. وفي اسألة واجد بعد .. والله لو اني فيثاغورث ما يمديني احلهم بالعشرين دقيقه .. قمت اخربط واشير .. بس في حدود المنطق .. يعني قمت اتفلسف واجد عشان اللي يبي يصحح يحط صح على طول .. ماله خلق يقرا كل الإجابه .. طلعت النتيجه .. ولا خويكم بمستوى الصفر .. اول مستوى .. يعني يبيلي اربع كورسات لغه عشان بس اخلص المعهد .. قلت اخاف صج اظل انطرهم .. والله واروح وادرس بالبيت دراسة اضافيه على دراسة المعهد محطت نفسي محط .. وقدمت على التوفل . ( امتحان التوفل ) اللي ما يعرفه ما عنده سالفه .. والحمدلله يا رب جبت التوفل .. وظليت اداوم بالمعهد من باب العباطة .. وكان يدرسني واحد الله يجيركم .. هو صج انه واحد .. بس اقرب ماله انه يكون ( وحده ) افهموها عاد .. عاد انا ما ادانيهم دنيا النوعيه هذي .. وقزر كورس اللغه عليه ..

يعني هذا من المواقف اللي صارت لي بأمريكا ..
















و ردا على سؤال مشتاقه ..


الخبز الصاج ويا الشاورما ( المسروقه ) له نكهة خاصه ...

[راحل بعيد]

اهلين جست سمايل ..

هلا ومسهلا

تقهوي تقهوي من القهوة اللي فوق مع التمر ..
وسامحينا على القصور .. الجهاز مو راضي يحمل صور مدري شبلاه ..


تقولين كسر خاطرج راعي المطعم .. والله حتى انا كسروا خاطري الناس اللي قزرنا طفولتنا عليهم .. بس عاد كنا صغار ما نفتهم بس نبي نستانس .. صج ان وناستنا جايه على دفاشة .. بس اهم شي نستانس ..


واذا هذا كسر خاطرج أجل ما راح اكمل مغامرتنا لأن اخاف تقومين تبجين على غيره .. حنا حتى المسجد .. استغفر الله استغفر الله ما سلم مننا ..

اللهم ربي اغفر لنا ولا تؤاخذنا يارب ... والله كنا خبول يا جماعه لحد ينقد علينا .. صغار بالتفكير ... بس شياطين .. ..






لكم المايك <<<<<< شكوووووووووووووووووو

[just(:smile]

تسلم راحل ما منك قصور


هههههههههههههههههههههههههههههههههههههههههههه


ما اقول الا الله يعين اهلكم


صج صج احس عزرتوا فيهم



بس ماعليك كمل كمل

تونس مغامراتكم

[راحل بعيد]

أهلنا !!!

والله كان عمي ( أخو كاكا ) .. يحاول يخلينا نعقل ما قدر .. أنواع الطق مرت علينا .. بس ما في فايده ,,, أيّس مننا ..

انا جايكم جايكم بسوالف واجد .. ضيافتي هذي راح تخلص ان شاء الله بعد سنتين .. قاعد لكم ما فيه ..

بس عاد يا جماعه خلوا شوي الضيافه تحلى وتصير أونس .. مو بس انا اقول سوالف .. اي واحد يدخل منكم وصار له موقف يكتبه لا يبخل علينا نبي نستانس و نخلي الجلسة مرحه ..

[just(:smile]

ههههههههههههههههههههههههههههههههه

و الله الله يعينه عليكم


اذا تبي سوالف طفوله

فانا كنت هاااااااااااديه<<<ايه هين


و كانت بنت خالتي الرأس المدبر و هي اللي تاخذ الطقه

بس ها ما وصلنا لي مستواكم لا حنا عقال كنا بس داخل البيت


و اذكر مره فيه غرفه ببيت خالتي مافيها زوليه بس كاشي

نادتنا الراس المدبر و رشت عالارض كلها بووودر

و حنا عايشين جو يعني على بو انا بصاله التزلج

و ندعم ببعض و حالتنا حاله

و اذا طاحت علينا خالتي ننحاش كلنا ما تشوف الا غبرتنا و تطيح السالفه بالراس المدبر



<<<<<<<<< ماعندنا سوالف جرايم نفسكم

:)

[راحل بعيد]

هههههههههههههههههههههههههههههههه

بس حلوة فكرة البودرة ... المفروض اننا كنا نسويها يومنا بالروضة .. بس يالله راحت علينا ..

صالة تزلج ها ...

ههههههههههههههههههههههههههههههههههه والله تخوف العقل المدبر هذي مو زين يعطونها فرصة خارج البيت

[just(:smile]

هههههههههههههههههههههههههههه

لا حنا ما نلعبش بالشارع

حتى الصبيان عندنا مؤدبين مايلعبون بالشارع

حدنا الحوش و الحديقه



بس الحين خلاص كبرنا و الراس المبدر ام عيال

ايااام حلوووه و الله

[راحل بعيد]

ماشاء الله

الله يخليها لعيالها ..ويخليهم لها .. ويلعبون بالبودرة قدامها ويذكرونها بالأيام الخوالي ..

والله سالفة الشارع هذي سالفة .. ما نقدر نظل بالبيت نموت والله ...

اصلا اذا ما طلعنا من حارتنا ( فريجنا ) نحس بخنقة .. هالمرة نظل داخل البيت .. سلمولي على الحوش والحديقه .. اذكر ان الحوش كنا نريّح فيه اذا كنا مسوين مصيبة .. نريّح فيه استعدادا للجريمة التاليه .. وطبعا ما المصيبة التالية الا بعد ما تنمسح كل آثار المصيبة الأولى .. عشان نقدر نتمشى من دون قلق ..

هذي الاستراتيجيه كنا نسميها ( استراتيجية تثبيت العدو و معرفته جيدا ) مو حلوة نطلع و نكون مستهدفين من كذا واحد .. ننصاد بسرعه جذي .. وعلى ماقالوا ,, ( الحـــرب خـــدعــه )

[just(:smile]

ههههههههههههههههههههههههههههههههههه
ههههههههههههههههههههههههههههههههههههه
ههههههههههههههههههههههههههههههههههههههه



اما انتوا سوالفكم سوالف بصراحه تونس

خصوصا اذا قعدتوا جذيه تتذكرون مصايبكم و جرايمكم و تضحكووون




ههههههههههههههههههههههههههه

و الحوووش خلااص راااح ماصار فيه حوش

و الحديقه شالو السور خلااااص

كل شي باااح

:)