( في ضيافتهم ) مع ( راحل بعيد ) ..

[راحل بعيد]

صح بدنكم جميعا

كاكا خلني اشوفك بس اذا ما اعلمك تربية امريكا صح ... يصير خير


يا جماعه تكفون شوي شوي علي والله ما اعرف احمل صور ... بس انطروني شوي وراجع


سوري

[عزتي في شموخي]

.
.
.

خــذ راحتــك ..

وشوي شوي على رآحل ...

(:
.
.
.

[ع ـناديهـ]

احم احم وهوب ترى انا لي لحين ناطره ههههههههههههه

<< الله يعينك جانك طحت بلسان عناديه ههههه

[mshtaga]

راحل

ناطرينك ماراح نروووح

:)

بس نبي شي نشربه نشف ريجنا لوووووووووول

[اريش العين]

موفق خـير..ياالخـوي.

[راحل بعيد]

البطاقه الشخصيه لراحل بعيد


.
.
.

الاسم : عبدالوهاب العنزي

العمر : 20

الوظيفه : طالب هندسه كهرباء في امريكا سنه اولى

الهوايه ../ كره القدم ... الشعر ...

الحاله الاجتماعيه :p : أعزب .. " طايح حظ "

احب الانسان صاحب العلاقات الاجتماعيه واكره الانسان الانطوائي ( بغض النظر عن حبيبتي )

أكلتي المفضله : دقوز مع خبز ومرق وروب ..... والاكله الثانيه .. بفك السفينه ودقوز وعصير سانكست مفتوح الجانبين

مو أكلتي المفضله ": القيمر

طبعا انا شخصيتي مرحه وتحملوني .. < هذا وانتو بضيافتي بدال انا لا اتحمل لكم :p


طبعا اليوم تعلمت شلون انزل صور والبركة ترجع لـلـه ثم .. شرفنطح ( كاكا )


يالله يا جماعه اقلطو على عشاكم

شاويلكم شوي مو طبيعي من قوقل




يا عله عوافي عليكم

وهذا ماهو قدركم



لحظة لحظة

البنات بسرعه روحوا للديوانية اللي داخل جدي جا .. بسرعه لا راح اناديكم



.
.
.

يالله يا بنات تعالو راح جدي

يا حيا الله والله من جانا

يا جماعه والله الفرحه ما تنوصف بجمعتكم عندي ..

يا حي هالأزوال والله ..



تقهوو




( هذا اللي كنتم تخليونه صار واقع )


.
.

اشربو شاي يالربع







يالله حيهم الساعه المباركه




ان ما شالتكم الارض ... عيوني تشيلكم




لي عوده لكم بأشياء جميله

[Demon of Dark]

ثانكس خيو

خوش قهوه

متابعه

:)

[mshtaga]

الله يحيك راحل

متابعه :)

[راحل بعيد]

عناديه شفيج مستحية .. اشربي سكانتج ..

يا شباب أنا ما دي إني أنا اللي آكل الجو لحالي <<<< مشكلة لا أكل الجو

عشان جذي اطلب منكم جميعا ان تمتعونا بسوالف و قصايد طيبه ومن غير اي احراج .. كل عضو موجود معانا يكتب لنا سالفة صارت له ولا قصيدة يحبها .. عشان نخليها جمعة (ن) طيبة ..

و أنا راح أبدا بسالفة صارت لنا يومننا صغار ايام المصايب و الدواهي ..

كان معاي طبعا ( كاكا ) عمي و صديق طفولة ..
كنا مرة من المرات الفجر توه النور شاق .. وحنا قاعدين بالعطلة الكبيرة .. طبعا تعرفون فرحة طلاب المدارس بالعطلة .. الناس سافرت للبراد و حنا ظلينا قاعدين بالكويت الحبيبة بالحر و الشغل الطيب .. مالكم بالطويلة .. كنا قاعدين الفجر و متجمعين و زهقانين و ما عندنا اي شغل و مالنا من الشيطان طاري ... في مثل هذه الأوضاع يقوم العقل المدبر ( مشعل ) بتجهيز خطة تضيع و قتنا و تونسنا .. طبعا كانت اعمارنا 15 او 16 ( على آخر أيام المصايب ) .. قام مشعل و قال يا جماعه امشوا بدال قعدتنا نفتر بين الحارات ( جمع حارة و عند اخوانا الحضر (فريج ) ) قمنا مع هالشور الطيب .. ورحنا نتمشى .. ولا سيارة البلدية اللي تجمع الزبايل ( تكرمون ) مساكين يكسرون الخاطر و هم يجمعون عسى الله يعينهم .. و قفنا قبال السيارة و ابليس بدا يعطي اشارات لنا يترجمها لنا القائد ( مشعل ) .. المهم بدأت مفاوضات بين أعضاء الإدارة لكسر القزاز الامامي للسيارة ( اللي قيمته يمكن 70 دينار أو أكثر و ذلك لكبر مساحته ) .. لم يتم الاتفاق بشكل مؤكد .. فلم يهتم معظمنا بالأمر .. وأنا من بين اللي ما اهتموا بالموضوع .. كان بيدي ( رش ) اللي يكتبون فيه على الجدران ( الطوفة ) و مندمج بكتابة ذكريات على الطوفات ... المهم قام وجه الطمة ( كاكا ) و محط جام السيارة .. تكسر الجام .. و انحاشوا الشباب و الهندي قاعد يلحقهم ... والمصلح عبدالوهاب مندمج للحينه بكتابة ذكريات الطفولة .. طالعت ولا ماكو احد حولي .. شسالفه ؟!!!! ولا الهندي جايني يمشي ميتين ... ايقنت ان الشباب سووا بلا .. والله و احط رجلي وراهم اشوفهم من بعيد .. وانا منحاش كنت قاعد اكلم التيليفون .. (( على بالي سريع انا و وجهي )) يوم خلصت المكالمة ولا بيني و بين الهندي ... مسافه بسيطة جدا جدا ... لو يتقدم خطوة و يمد ايده يصيدني ... قلت ماكو الا انني اتبرع بنعولي ( تكرمون ) اقطهم و اكمل الهجة ( لأن الهجة وانت حافي اسرع ) .. المهم حذفت نعولي قدامي بمسافه على شان وانا مارهم آخذهم و أكمل .. <<< توه شاريهم .. المهم والله و آخذهم و أكمل النحشة .. طبعا أيّس الهندي وحنا الحين قاعد نركض على الشار ع العام .. وما اشوف قدامي الا جراح ( كاكا ) يركض بس بعيد شوي عني .. وجراح كان متجه بإتجاه بيتهم .. المهم الهندي وقف له سيارة من الشارع العام على شان يلحقني أنا ( عبدالوهاب ) و ( جراح) اللي هو كاكا ... وهو لاحقني بالسيارة عكست اتجاه ركضتي ( أخذت فوق تحت ) عشان بالسيارة ما يقدر يعكس السير .. رجعت و أيّس مني و راح يكمل يبي يلحق جراح لأنه كان قدامي ... الحين أنا مدري وين أروح .. باقي الشباب ما ادري وينهم ... وادوّر و اسمع اصوات ولا الشباب منخشين بمكان .. الله يجيركم من ريحته .. كانت جنبنا قطوة ميتة .. و ريحتها الله لا يوريكم ( ادري لوعت جبود البنات ) ... المهم ظلينا منخشين لفترة من الزمن عشان نتأكد ان الهندي ما راح يلقانا .. طلعنا والهندي فعلا مو موجود .. اتجهنا للبيت عشان نريّح بعد هذا العناء .. خصوصا ان الركضة كانت لمسافة طويلة ... دخلنا البيت ولا البيت كله طلع يدري بسالفتنا .. نبي نعرف شلون دروا خصوصا ان السالفة كانت الفجر و أغلب العالم نايمة .. طلع المصلح ( جراح ) تعبان من الركضة و داخل للبيت قدام الهندي و بـ جيبه صخر .. يعني أشكره مسوي له مصيبة .. الهندي عرف البيت و طق الباب .. وعلم علينا .. و أكلناها .. وتهزأنا من عمي .. اللي هو أخو ( جراح ) اللي أكبر منه .. و انحرمنا من اشاء كثيرة بالعطلة بسبة غلطة كاكا جزاه الله خير ...
صرنا ما نقدر نطلع الا للساعه 12 بالليل .. أيسّنا و أكلناها طول العطلة مغموتين داخل بيوتنا ...
كاكا ... الله يجزاك خير حبي ... ما قصرت فينا ..
وعلى فكرة كانت آخر مصيبة في زمن مصايبنا .. من بعدها مشينا سيدا وذلك بسبب ظروف العمر كبرنا وقمنا نستحي ما شاء الله علينا .. و تمت ...
واللي وراي عاد عطنا سالفة طيبة والا قصيدة عشان نكمل المرح بالجلسة الطيبة



شاكر لكم

لي عودة

[mshtaga]

هههههههههههههههههههههههههههههههههههه

راااحل

وربي ميته من الضحك

وناااسه احب المغامرات ليتني ويااااكم

لووووووووووووووووووووووووووول :)

كاكا طلعت مو سهل :)

بانتظار مصايب جديده

لي عوده بس ابي نسكافيه لو سمحت اخوي راحل :)

[جمعان بوند]

مساك الله بالخير يالغالي


انا عابر سبيل ""


وبخاطري فنجال :d

[just(:smile]

ههههههههههههههههههههههههههههههههههههههههههههههههه

هههههههههههههههههههههههههههههههههههههههههههههههههه ههه

و ربي موقفكم موتني من الضحك

صج طلعتوا مجرمين و لكم سوااابق\

[راحل بعيد]

يا حي الله الربع

و شلونكم

عساكم طيبين



مشتاقه تفضلي :





أخوي جمعان تفضل :



و يالله يا جماعه مدوا ايدينكم على هالكيك الطيب ...





و خلوني اطربكم بقصيدة لمطلق النومسي عسى ان تنال حسن ذائقتكم و نمزج الجلسة بقصايد حلوة ...


قصيدته اللي يقول يوصف حبيبته فيها .. و يقول فيها ..
يـا زاكـي العرقيـن .. يـا أعـز منـسـوب

يـا مرجـع أنـسـاب الـوفـا .. والنظـافـة

أزعلـت مـن شانـك حكومـات .. وشـعـوب

ولا لحقـنـي مــن زعلـهـم .. حـسـافـة

واللـوم إبـن عـم الحسـد .. والحسـد ثـوب

لا طـالـت كمـومـه .. تـشـقـق كـتـافـه

لوّامتـي بـك .. صـاروا .. قـروب وقـروب

وإن زادوا .. أزيــد بـهـواك .. المسـافـة

يعنـي عشانـي متعـب .. قلـوب .. وقلـوب

تعلّـقـي بــك .. صــار مـثـل الخـرافـة

بـس أنـت غيـر .. وكـل مافيـك مرغـوب

والهـرج .. عقـبـك بالصبـايـا .. سخـافـة

تحشم .. عن الرفلات .. والطفـق .. والعـوب

مخلـوق كـامـل .. مــا يبيـلـك إضـافـة

طيب .. وابن نـاس .. ومسامـح .. وحبّـوب

وافــي .. طبيـعـي .. ماتـحـب الكـلافـة

أهيف حشا .. مغنـاج .. رقـراق .. غرشـوب

مـزّاح .. سمـح قبـال .. مـا بــك لقـافـة

ميّـاس .. ليّـن .. مـورد خـدود .. رعبـوب

ثقـل .. وعقـل .. وأبعـاد فكـر .. وشفافـة

همسك .. مسافـة .. حمـرة اشفاتـك .. دروب

خلطـة عسـل دوعـن .. بسكـر .. كنـافـة

أمـا إنعطـافـة خـصـرك .. حكايةبـصـوب

يبغـي لهـا .. شــرح .. ودروس بكثـافـة

ما أكذب لا قلت إنـك .. مربـرب .. ودبـدوب

ومـا أكـذب لا قلـت إنـك زعيـم النحـافـة

يا دوب .. أقـاوم سحـر عينيـك .. يـا دوب

مانـي حمـل .. خصـرك .. لا زاد إنعطـافـه

اتركنـي أذنـب .. فـي عيونـك .. ولا أتـوب

ذنـبِِ .. ولا أحـلا منـه .. كــود أقتـرافـه

ذيـك العيـون .. اللـي بهـا بيـت مصبـوب

عيـن المهـا .. بيـن الجـسـر والرصـافـه

فيهـا آتـذكـر مــا ورا معـتـق الـطـوب

وقلوبـنـا بـيـن الأمـــن .. والمـخـافـة

وصدري ..نزاعات .. وعـداوات .. وحـروب

وصـدرك .. صـراع الملـك .. بعـد الخلافـة

والصمـت سيّـد .. والحكـي عبـد مغصـوب

والــدم نــازل .. بـالـعـروق بكـثـافـة

والشوق جسـم . وروح . طالـب .. ومطلـوب

واللـون .. بـايـن بالوجـيـه .. إنخطـافـه

باللحظـة هـذي .. ينـعـدل كــل مقـلـوب

وتقـرب .. وأنـا أقـرب .. منحنـي بالتفافـه

وأذووب .. وأنت تذووب .. وأذووب .. وتذووب

واذووب .. وتـذووب .. وذوبانـك .. آآآآفـه

إي والله آآفـه .. تثمـل العقـل .. بإسـلـوب

يعجـز خـيـال .. أكـبـر رمــوز الثقـافـة

ثمالـة .. بنـشـوة صـحـاوة .. بمـاجـوب

بعـلـوم ظـفـرة .. بإنـشـراح بـظـرافـة

يا كثر مـا منّـك .. ومـا فيـك .. والنّـوب؟؟

يبـونـي أستـطـول .. علـيـك المـسـافـة

هي من أروع القصائد الغزلية ...



و عاد يا جماعه لا تستحون اللي بخاطره بسالفه ولا قصيدة يقولها لنا ترا البيت بيتكم .. وما من حيا بينا ... ومثل ما قال المثل

( فلها و ربك يحلها )


ولا اللي بخاطره اي سؤال ولا طلب لا يستحي .. ترانا عند الوجه و بالشوفه ..

أخليكم الحين و لي عودة بإذن الله

[محولا بس انطروا]

لسلام عليكم
منور القسم

[mshtaga]

يا سلام على الكيك

صح لسانك شاعرنا

لي عوده