{ ~~ ... انتفاضاتي .. في فضاواتي ٍٍٍٍ ]]]

[راحل بعيد]

صوتك .. يبث العاطفة فى قلب طاغـى مـا رحـم
فى ذبحة الطفل البري يا ما أشطره .. يا ما أشطـره

صوتـك علـى جـال الدلـع فكـل ليلـه iiيستحـم
صوتك ...أمان القلب فـى وقـتِِ أمانـه iiبخطـره

صوتك بياله شاهـى النعنـاع مـن جمـر iiالفحـم
صبّوا له المـا مـن شهاليـل المـزون iiالممطـره

ويكفي ليّا منّى سهيت .. وقلت لى .. (إحم) ..( إحم)
(نحن هنا) .. (نحن هنا) .. أفقد وجـود iiالسيطـره





مطلق النومسي ...

[راحل بعيد]

حينما يطلب منك وصف حبيبتك .. وتصفها حتما فإنك تقلل من قيمتها في قلبك .. حتى لو كان وصفها من أجمل قصائد الغزل .. لا أقول ينعدم الحب ..لا ..



بل أقول انك في مثل هذا الموقف تستطيع ان تدعم حبك وتقويه ..
وتفعل كما فعل خلف المشعان عندما طلب لوصف حبيبته في قصيده ..
فرد قائلا //




نزهتها عن قول (( في وصفها قيل ))
.. ... .. ما فيه داعي والفريده .. فريده
يكفي أقول (( الكدش )) ما تلحق الخيل
.. ... .. هالشطر يغني عن كتابة قصيده

[راحل بعيد]

الحال في بعدك ..

قـــــســـم بالـلـه ..ما أسميه حال ,,

أنوي على الضحكة و أحس كلي خطا لأني نويت ...



محمد جارالله

[راحل بعيد]

ماتت أحلام الطيور اللي على ذيك الدريشة
وانكسر هاك الغصن قدام طلة غرفتك ...

ما بقى فيهم أمل .. ضاقوا من أطراف المعيشة
من يوم خليتي لهم ذكرى .. ( بقايا طرحتك ) ..


دايم أقبل مع بزوغ الصبح و أطرافي رعيشة
من دريشة غرفتي أجلس و اراجع طلتك

و القى ذاك الطير جالس ينتفض و يفل ريشه
عقب ما كان الرسول الي يوصّل رغبتك

وأتذكر دمعتك و الحب و أيامه و طيشه
ويتناثر مدمعي يوم أنا أذكر دمعتك

ليه رحتي .. ما بقالي في حياتي ما أعيشه
صرت أحب الطير لجل أنه بقايا ريحتك


من رحلتي .. ما بقالي من ورا ذيك الدريشة
غير ( بردة ) مع (مرايا) جنبها كان ( كبتك ) ..




عبدالوهاب العنزي .. .. ..

[راحل بعيد]

راحـــــــــــل بـــــعــــيـــد ...




ما اظن قلبك مطلبي ..

[راحل بعيد]

شفني و تلقاني ********> هنا <<<<<
بين السهوم اللي غدت ...

متعاكسة فوقي و أنا غديت شارب حرها ...


مرات أقولك أنك وهم و إن الخطاوي ما بدت . . .
ومرات أشوف ان دنيتي دونك .. بحرها برها ...





[FONT="Comic Sans MS"]كيبوردية سريعه [/F]
لـ عبدالوهاب الدلح العنزي

[راحل بعيد]

صاير أدوخ و صاير أحتار فيني
... شفني أدوّرني إذا شفت زولك

مدري أنا ( وهاب ) ولا ( ثويني )
.. حتى النسب يحتاس لا فز طولك



عبدالوهاب ... !

[راحل بعيد]

لا الناس تعرف ما امري فتعذرني
ولا سبيل لديهم في مواساتي

يرسوا بجفنيّ حرمان يمص دمي
و يستبيح اذا شاء ابتساماتي

معذورة انتي ان اجهضتي لي املي
لا الذنب ذنبك بل كانت حماقاتي


لشاعرها ...

[راحل بعيد]

كيبوردية سريعه تفاعلا مع حادثة المرحومة شهد المطيري عساها للجنة أرجو أن تنال على إعجابكم .. و أظنها لا تخلو من العيوب .. فقط وصفه سريعه لإنتفاضه جديده




تدرون لا راح (الشهد) .. راح النحل طبعا وراه
مال النحل عقب (الشهد) شي ٍ يبرر دورها


تصوروا يعني نعيش بلا عسل نلعق حلاه
ولا نعيش بلا ورود ٍ تنتشر بعطورها

لابد ينقص عالم الزينة و يفقد من حياه
واللون وسط الأرض باهت عقب موت زهورها


ما بالكم راحت ( شهد بنت المطيري ) للإله؟!
طفله صغيرة بالعمر.. نور الفجر من نورها

كانت على كرسي الفصل والعين كاسيها إنتباه
صوب السؤال اللي وصل .. تبغى يبين حضورها

جابت جواب ٍ منطقي .. والكل صفق من رضاه
وكانت هديتها حلاوة .. رائعه بمنظورها

قامت مثل أية طفل بيده حلا .. يسرح معاه
و أم البراءة بعينها .. وملحوظ حتى سرورها

يوم وصلت ( أبلة ) حشا طاغي ومن شلة طغاه
قامت تصيح وتنهر أطفال ٍ خذاها ذعورها

قامت من الخرعه (شهد ) والخوف واصل منتهاه
حطت حلاوتها وسط بلعومها من شورها

وراح ( النفس ) و ( الروح ) راحت .. واللي روّح من وراه
دمع ٍ وسط عيني بنى لكل التعاسه قصورها


راحوا بها صوب الطبيب اللي وصف حكم الإله
الروح راحت ما قدر يفزع لها دكتورها



يا علها وسط الجنان تعيش في قمة رفاه
تاكل لحمها و تصطفي من مائها و خمورها


عقب ( الشهد ) تاه النحل .. و أزرى يوصّل مبتغاه
و عقب ( الشهد ) اقسم قسم دنياي غايب نورها ....


لــ / عبدالوهاب الدلح العنزي







لكم كل الود .........

[راحل بعيد]

هل تسمحون لدموعي بأن تكتب هنا ولو خربشات ...

فعلا أنا عبدالوهاب .. وفي هذه اللحظة حزين ...

شجن أدمنت عليه ليذكرني بأميري و سيدي (( جابر الأحمد رحمة الله عليه )) ....


ذكرته فقسما فاضت عيناي بالدموع ... ولكنها دموع عزة ... دموع صعدت لأعلى ولم تذل و تسقط تحت ..

فهي كما وصفها الشاعر ...


لا قلت جابر يرتفع دمعي لفوق
حتى بموته قادر يعز دمعي ..

فعلا ... لقد رفعت عزة الدمع يا أميري ...




كنا نذهب للبحر أنا و شباب معاي ... كنا نذهب بشكل شبه يومي ..

كنا نمر من جانب قصر دسمان .. ياااااااااااااااااااااااااااااااااااااااه .. كيف حال العرش من غير ملك ...

تخيلوا ان قصر دسمان خالي من الشيخ جابر ... لا اعتقده قصر ..

بل قبره هو من اصبح قصرا لوجوده فيه ...

فكلما رأيت دسمان ... حضرتني قصيدة تقول ...





هذا أنت يا دسمان للحين دسمـان



رغم الصراعات/وحروب المنابر



تشهد بطيب أزمان وتعاتب أزمان




ويا كثر ما تبكي على أهل المقابر



وللحين راسك معتلي فوق الأمزان



ما ينحني لـو ينحنـون الجبابـر




لأن سورك/عز وأبوابك/أوطـان



ولأنك اللي كان من قلب .. صابر



دسمان/وأنت العز والجاه والشان



شيخ الشيوخ وتاج روس الأكابـر




أشوف صدرك ضاق من كثر الأحزان



وأنا أحسبك لو ضاق صدرك تكابـر



يمكن عشان الوضع / مـزري وتعبـان

ويمكن عشان إشتقت لـ عيون / جابر ..!




يااااااااااااااااااااااااااااااه .. اظنه مشتاق لعيون جابر .. بل اجزم بذلك ...




أميري ... كم زاد خلودك في القلوب رغم رحيلك ...

كبر طغيان دمعنا في غيابك فأباح ستر أعيننا ... ولكنها بلا شك احلى اباحه .. كيف لا! وقد قيل :

كل دمعه كفنتك وما بكت بعدك .. جبانه ..
كل عين ٍ ما بكت لمفارقك ماهي بـ عين ..


نعم .. والله ما هي عين ...



والله قد يظنني البعض أكابر ... لكن و رب الكعبه اني لا ذكرته يتقطع قلبي ..


اميري هو وسيدي بعد الله عز وجل ..



كم اشتقت لوجوده بيننا في الكويت ...



من هنا أظني أكتفي بقول ابيات كتبتها دموع عبدالوهاب ...


اقسم بمن شال السما و ارسى جلاميد الجبال
ان الأمل عقبك طفا .. و أزريت أصدق كذبتي

يومي أعشم خاطري وأقول تنسى بالليال
هو درب كل ٍ سايره .. لمي يا عيني دمعتي ..

لكن وربي ذا محال ٍ في محال ٍ من محال
كيف انسى واحد بعد ربي هو ولي لنعمتي

جابر .. قسم بالله ما ننساك تكفي لي تعال
جابر .. ورب البيت ضاعت من غيابك خطوتي

جابر .. وشفني عند قبرك جيت لك و أرمي العقال
طالبك تكفى قوم واطلع .. بس أبّرد حرتي

أبي ألمّك و أحضنك و أبكي و أبوسك بإرتجال
من صبحك الطاهر على وجهك ... و أعود لحسرتي

يرجع صداي يلمني .. ويقول وش لك بالهبال ؟!
راح الفقيدة وادع له .. لا تنهبل يا فدوتي


و أشيل كتفي ونتخاوى للهموم اللي ثقال
و أبكي على حظي و اصارع خنقتي في عبرتي


طالت مشاوير العنا .. ما باقي الا بس سؤال
واللي يجيب الحل .. والله لو يبي له دنيتي

وين ابلقى مثل جابر في زمنا من رجال ؟؟؟
هقوتكم القى؟! .. أو أجهز ( نعش ) ينهي قصتي ...!



هي دموعي من كتب هذه الأبيات اللتي لا تفيه حقه ...


وكما .. أسلفنا .. يزيد خلوده رغم ذهابه ...



رحمك الله يا سيدي و أسكنك فسيح جناته ...


تقبلوها على تقصير مني ..



أخوكم / عبدالوهاب العنزي ...

[راحل بعيد]

عابر سبيل وما أظن لي بكم رجعه
... راحل و تارك بدياركم شوق وحنين


شان القدر أشوفه ساعة ٍ و أودعه
... وأكتب في طيات الزمان .. ( مفارق ضنين )

لشاعرها

[راحل بعيد]

لا سلهم الناعس على الخد خجلان ..

... كنه يقول لخاطري (( فــلّــهــا فــل )) ,,,


عبدالوهاب الدلح العنزي

[راحل بعيد]

لا شفتني دنق وقول : السمع و الطاعه جتك
و اياك اشوف عيون عورة من يمين ومن يسار

تحسبني اطلبك النفس .. ما تدري اني اغمتك !
العب على حسبة زمانك بإرتجال و بإحتقار ..

انت الذي حديتني العب بخامس حسبتك
ولا أنا من شيمتي أعفي اذا عندي إقتدار

هذي دروسي وانتبه لا لا تعاود كرتك
من شان ما تبقى بعين الخلق من ضمن الصغار ..

و الحين .. يكفيك قدمي يومن تسنّد هامتك ..
انا اشهد انك عقبها عايش بنشوات إنتصار ...





عبدالوهاب الدلح العنزي

[راحل بعيد]

يعني عشاني مشغل قلوب و قلوب ..
تعلقي بك صار مثل الخرافه ؟؟!!!!
بس أنت غير و كل ما فيك مرغووووب ..
( والهرج عقبك بالصبايا سخـــافـه ) ..






مطلق النومسي ثكلته أمه ..

[راحل بعيد]

لاضاق صدري بزعجك و أتصل فيك ..
والله يعينك كل ما ضاق صدري ...





لشاعرها ..