مناقشه للبنوتات فقط

[jkuwait]

اتمــنى أعطــآء حق المـوضوع بــ/ منآقشته الهـآدفه ..


وتجـنب السخـريه ..



سـوآء من قـبل عـضواً أم مشـرافاً

[nawal]

تم طال عمرك .. أبشر :)

[&خوفي من بكرا&]

[align=center]
انا اشوف الموضوع (من وجهه نظري) مراح يقدم او يأخر ..

لان مستحيل البنات يقدرون يتكلمون عن مشاكلهم وخصوصياتهم هنا ..خاصة ان الكل راح يدخل ويشوفها ..يعني صعب نلقى خصوصيه ..

الكلام سهل لكن الفعل صعب ..

ومن رأيي انو يكون فيه قسم مغلق للبنات فقط ..لطرح مشاكلهم الكثيره ..محد يدخله حتى الادارة ..وهذا صعب بعد ..

يعني من الاخير ..


اشوفه مشروع مامنه فايدة ..

سلااام ..

واتمنى تتقبلون وجه نظري بصدر رحب ..
[/align]

[كـلـى فـدآهـ]

فكره حلوه بس مثل ما قالت اختى :: خوفى من بكرا محد راح يقدر ياخذ راحته من البنات بالكلام لان بيدشون الشباب ويقرون

وهذى وجهه نظري بالموضوع ولو ان فى قسم خاااااااااااص بالبنوتات احسن

[ScReAmQwEeN]

ماأشوفكم تناقشون موضوع ..

تعالوااا ناقش خيانة الرجل وعدم مصداقيته..





دائماً يتهم لرجل بأن الخيانه من طبعه وان مايملي عينه شي ..
شنو اسباب الي تدفع الرجل للخيانه ؟وشنو الغرض من خيانته ؟
اساله واايد تطرح ..

اتركم تناقشون الموضوع ..

[nawal]

[align=center]
انا اشوف الموضوع (من وجهه نظري) مراح يقدم او يأخر ..

لان مستحيل البنات يقدرون يتكلمون عن مشاكلهم وخصوصياتهم هنا ..خاصة ان الكل راح يدخل ويشوفها ..يعني صعب نلقى خصوصيه ..

الكلام سهل لكن الفعل صعب ..

ومن رأيي انو يكون فيه قسم مغلق للبنات فقط ..لطرح مشاكلهم الكثيره ..محد يدخله حتى الادارة ..وهذا صعب بعد ..

يعني من الاخير ..


اشوفه مشروع مامنه فايدة ..

سلااام ..

واتمنى تتقبلون وجه نظري بصدر رحب ..
[/align]

اختي الغاليه


صعب مثل ماتفضلتي يكون لنا خصوصيه خصوصا ان النقاش مفتوح

او يكون لنا متصفح مغلق لاتدخله حتى الاداره الموقره

انا عارفه

وعارفه ايضا ان لكل عضوه شئ في قلبها تود الفضفضه فيه

خصوصا اننا مجرد نكات لا احد يعرف الآخر

لكن لكِ مطلق الحريه ان تقولي ماتريدينه وتتكلمين في اي موضوع تحبينه

او مشكله تعرضت لها صديقه لكِ وتحبين ان نناقشها هنا

ليش مشروع فاشل اذا نظرتي له من باب الفضفضه ومساعدة الأخوات العضوات

لحل مشكله معينه او موضوع معين دون المساس لشخصك الكريم

اتمنى تكون الصوره قد وضحت لكِ عزيزتي

ويا هلا فيج معانا عزيزه وغاليه

[nawal]

فكره حلوه بس مثل ما قالت اختى :: خوفى من بكرا محد راح يقدر ياخذ راحته من البنات بالكلام لان بيدشون الشباب ويقرون

وهذى وجهه نظري بالموضوع ولو ان فى قسم خاااااااااااص بالبنوتات احسن

هلا وغلا مشرفتنا الحلوه


ليش ماناخذ راحتنا بالعكس .. نتكلم في كل المواضيع دون تدخل الشباب في الرد

هذا قصدي .. وخليهم يقرون كلامنا شنو المانع؟

خليهم يستفيدون منا على الأقل .. وبعدين المنتدى كبير والمواضيع كثيره

ماعتقد الشباب راح يخلون المنتدى ويطالعون بس كلامنا الا اذا الفضول يسحبهم

هذي مشكلتهم مو مشكلتنا اذا خصصت لكم متصفح خاص ننتاقش فيه بعيدا

عنهم.

مشرفتنا الغاليه سواء خليت الموضوع هنا او هناك .. نفس الشي صدقيني

هم راح يطالعون الردود لكن احنا ماراح نتكلم في شي يخدش الحياء او خارج

عن المألوف بالعكس المواضيع بتكون عاديه لكنها نسائيه ونقاش نسائي


يا هلا ومرحبا فيج معانا

[nawal]

ماأشوفكم تناقشون موضوع ..

تعالوااا ناقش خيانة الرجل وعدم مصداقيته..





دائماً يتهم لرجل بأن الخيانه من طبعه وان مايملي عينه شي ..
شنو اسباب الي تدفع الرجل للخيانه ؟وشنو الغرض من خيانته ؟
اساله واايد تطرح ..

اتركم تناقشون الموضوع ..

مشرفتنا الغاليه سكريم

انا ابي اناقش بس مادري عن البنات كل وحده وظروفها


لكن اقول ان خيانة الرجل لها اسباب كثيره

يخون من اجل التغير والبحث عن فريسه آخرى يشبع فيها غرائزه مثلا

أو يخون كـ ردة فعل لمن خانته وذهبت لغيره

أو يخون حتى يرضي كبرياءه

لكن يخون مع من؟ هو يخون مع أمرأه آخرى !!

يخون إمرأه ويتعرف على إمرأه أخرى محتمل أن تخونه لأنه خائن !

ولا يقبل على نفسه الخيانه فـ يثور ويغضب ويصف من خانته بأبشع الصفات.

هذه من وجهة نظري

ماحب الرجل الخائن عاطفيا ودي اعلقه فوق الأبراج :(

[nawal]

أبي أحد يفهمني .. أبي أحد يسمعني .. مليت وانا أكلم " الطوفه"

من تطلقت أمي من أبوي وأنا عايشه " بحيره" وتعب ودوامه تفتر فيني

مره يمين ومره يسار .. أرجوكم انا تعبانه ودي " أنتحر " وأفتك من هذي العيشه

مشكلتي يمكن وايد من البنات يعانون منها بس بقولها لكم عل وعسى

القى جواب وحل يريحني.

كان عمري 10 سنين أدرس في أولى متوسط .. رديت من المدرسه وتفاجأت ان

أبوي طلق أمي .. ماكنت اعرف شنو يعني " طلاق" بس فهمت ان امي راح

تخلينا وتروح بيت ( جدي) المهم بكيت وتوسلت حق امي انها ماتتركنا انا واخواني

باستني وقالت: انتي بتقعدين عند ابوج مع اخوانج وكل اسبوع راح تزوروني

ولملمت اغراضها وطلعت من البيت.. بعد 3 شهور ابوي تزوج من وحده عربية

الجنسيه وماتجيب عيال وصارت مكان امي في البيت .. كرهتها من اول يوم

دشت فيه بيتنا.. وهي كرهتني لانها كانت تبيني اقولها " يمه".

وامي بعد تزوجت وصار عندي زوج ام قبيح عينه زايغه حاول كذا مره انه ***

لكن كنت اصده لصغر سني وانحاش منه ادش غرفتي مع اخواني واسكرها علي

اذا رحت ازور امي في بيتها .

على هالحال مرت سنين وانا انتقل بين " امي " وابوي" مو مستقره ولا حسيت

بالجو الاسري اللي اسمع عنه من بنات المدرسه .. كنت منطويه على نفسي

ماعندي الا رفيجه وحده كانت " سمرة البشره" مايحبونها بنات المدرسه لكن

انا كنت احبها واقولها كل شي وكانت تواسيني وتقولي تصبري.

ماكملت دراستي تدرون ليش؟ لان مرت ابوي " تبلت" علي وقالت ان لي علاقه

مع ولد الجيران وانا والله العظيم ماعرفه ولا لي علاقه فيه لكن اهيا كانت ماتحبني

وتبي تشوه صورتي جدام ابوي واخواني والفريج طبعا " انطقيت" من ابوي

وجبرتني زوجته اني اتزوج واحد " مدمن" وهذي قصه ثانيه.

من يومها وانا اكره ابوي واكره زوجته واكره امي وزوجها واكره الدنيا كلها :(

تطلقت من هذا الزوج المدمن وأصبحت " مطلقه" عرضة للقيل والقال.. اكره جميع

الرجال بسبب ماعانيت منه..


خواتي وبناتي العزيزات

هذه قصة فتاة أعرفها جيدا وطلبت مني ان اكتب قصتها هنا حتى تشاركوها

رأيكم .. هي تعاني من مشاكل كثيره .. تحفظت على بعضها ولم انشره لما

تحمله هذه القصه من تفاصيل دقيقه وحساسه.

أتمنى أن تشاركوني حل مشكلتها.


هي " مطلقه" الآن وتكره الرجال .. وتشعر بعقده شديده منهم.!

هل المطلقه " إمرأه" منبوذه من المجتمع ؟؟


بإنتظاركم أخواتي وبناتي العزيزات

[،، سهم الغلا ،،]

قصة مؤثرة للامانه ..
وفي كثير كثير بنات وشباب عانوا من نفس الظرووف
لكن بختلاف الاحداث
نصيحتي لهاا
انهاا تسافر لفترة لاتقل عن الشهر لاي دوله كانت ..
وتحاول تعيد برمجة حياتهاا ..
وتفكر ان مهما كانت ظروف تربيتهاا وماساتهاا لازم ماتأثر عليهاا الحين ..
لان خلاص هي سلمت لهم حيااتهاا من البدايه وماقدرت تديرهاا ووصلوهاا لنتيجه اللي هي (الطلاق )
مع اني ماشوف ان الطلاق مفهوم صعب او وضع يدعوا الي الانطواء والخوف من المجتمع ..
المجتمع ماعاش معاج ولا رايح يعيش معاج
مجرد محيط ممكن انج تكسبينه بقوة شخصيته ، وقوة ايمانج ، وثقتج بخطواتج .
الحيااه حلوووه محتااجه بس للي يفهمهاا..


اتمنى اني اكون فدتهاا ..



تحيااتي
سهم الغلا

[،، سهم الغلا ،،]

عفواا

نقطه نسيتهاا ..

لاتوجد انثى تستطيع ان تعيش من دون الرجل .
سواء كان (اخ ، زوج ، والد ، خال ، عم ، قريب ، حبيب )


فلاتنظري للرجال جميعا بنفس النظره ..
فمنهم المحب ، الصالح ، العاشق ، المحترم ، المسئول ، الكبير بعقله ، الجميل في اخلاقه .

فقط .. انتظري .. نصيبج ..
فالله سبحانه هو الرازق

[nawal]

سهم الغلا

يالغاليه

اولا مشكوره على الرد الجميل

ثانيا البنت تعقدت من شي إسمه رجل

لانها شافت معاملة ابوها معاها من الصغر دايما مع زوجته ضدها

وشافت معاملة زوج الأم وتحرشه فيها ودفاع امها عنه ووقوفها الى جانبه ضدها

وشافت معاملة الزوج المدمن لها

كرهت كل الرجال بسببهم

وانا حاولت كثير افهمها بس راسها ( يابس) يعني مستحيل تقتنع

مالومها الصراحه .. بنت من صغرها متاذيه

طبعا في أشياء ماكتبتها إنتي عارفه بعض ( العيون) ممكن إنها تتلصص علينا

الآن هي مطلقه وعايشه في بيت أبوها لكن بغرفتها وعازله نفسها عنهم

بس ماهي سالمه من لسان مرت ابوها والكلام اللي تطلعه عليها ودائما نجره وهواش

البنت تقولي تبي تطلع في سكن مستقل وانا قلت لها لا

لاتخلي البيت حق مرت ابوها وماعليها منها .. لازم تتحمل وتقعد احسن وحفاظا على نفسها

من الذئاب البشريه لايستغلون كونها مطلقه وصغيره وتكون بالنسبه لهم صيد سهل

البنت حيل متعذبه ومتحمله بس حاطه براسها يا تذبح مرت ابوها او تطلع بسكن خاص فيها

علشان تفتك من المشاكل

وحاليا ماعندها أى علاقه مع أى رجل لأنها تخاف وبنفس الوقت تكره أي شخص يتقرب منها

حالتها حيل صعبه وماني عارفه شلون أقنعها :(

[ScReAmQwEeN]

سبحان الله .. تشوف مشاكل غيرك تهون عليك مشكلتك ..
نفس المسلسل لكن الاحداث تتغير .. طلاق سبب الرئيسي لكل مشكله .. الله يعينها .. مادري انا لو كنت مكانهااا ابيع الي وراي ودوني وطلع شنو فايدة بيت ابوهااا ينقعونه ويشربون مايه
المهم راحة البال وعزة النفس .. وبعدين بكرها لنـاس بتحطيمها لنفسها وشايله عقد براسهااا ماراح اتضررر الا نفسها فالنصيحتي لها تفتح صفحه يديده مع نفسهااا وتقرب لربهااا اكثر واكثر اهووو عونها الوحيد ..
وترى الريايل مومثل مثل اصابع ايدها موسواااا .. يمكن الله يرزقها بواحد يعوضهااا عن كل شي .. وزوجة ابوها وزوج امها توكل امرهم الله وبس الانها موقدهم ..

الله يكون بعونهاااا ..

[الـزين يفرض نفسه]

في البدايه اهنيج حبيبتي ع طـرحج الراقي .. وموضوعج الاحلى ..

صج صج مـرات البنت تحتاج تفضفض ..

لان في شغلات تغث ..

لـي عوده اكيد اكيد ... وسويتي لنـآ عالم بروحه اهني بالمنتدى ..

شكـراً يالمبدعه .. مميـز

[nawal]

سبحان الله .. تشوف مشاكل غيرك تهون عليك مشكلتك ..
نفس المسلسل لكن الاحداث تتغير .. طلاق سبب الرئيسي لكل مشكله .. الله يعينها .. مادري انا لو كنت مكانهااا ابيع الي وراي ودوني وطلع شنو فايدة بيت ابوهااا ينقعونه ويشربون مايه
المهم راحة البال وعزة النفس .. وبعدين بكرها لنـاس بتحطيمها لنفسها وشايله عقد براسهااا ماراح اتضررر الا نفسها فالنصيحتي لها تفتح صفحه يديده مع نفسهااا وتقرب لربهااا اكثر واكثر اهووو عونها الوحيد ..
وترى الريايل مومثل مثل اصابع ايدها موسواااا .. يمكن الله يرزقها بواحد يعوضهااا عن كل شي .. وزوجة ابوها وزوج امها توكل امرهم الله وبس الانها موقدهم ..

الله يكون بعونهاااا ..

رايج حلو وايد وايد بس للاسف ماتقدر تخلي بيت ابوها لان تحكمها عادات وتقاليد

وحتى لوطلعت بسكن خاص فيها .. ماتدبر عمرها .. صغيره توها 19 سنه

وبعدين انتي عارفه المجتمع مايرحم واهي مسكينه تحاول تتحاشى المشاكل

بس مرت ابوها مو مخليتها بحالها وزوج امها لما شافها تطلقت عباله ( لقمه سهله)

تقول : ودي اعيش مثل باقي البنات اللي بعمري .. اطلع واستانس واعيش

حياتي مثلهم بس اهلي كسروني من وانا صغيره.

يعني يا سكريم شلون تطق اهلها " بالطوفه" مايصير !

اهي الحمد الله تصلي وهذا اللي مصبرها بعد بس انتي عارفه الضغوطات

النفسيه تلعب دور قوي وشرحت لها ان مو كل الرياييل نفس الشي واصابعها

ماهي سوا .. طالعتني وضحكت بسخريه وقالت : انا شدراني باجر يطلع لي واحد

مثل ابوي ولا زوج امي ولا ريلي المدمن !

قلت لها : ترى الدنيا بخير وفيها ناس طيبين وانتي بعدج صغيره وهذا نصيبج

اللي كاتبه الله على الجبين لازم تشوفه العين .


انا فكرت اكلم لها خطابه .. شرايج؟