مناقشه للبنوتات فقط

[nawal]

في البدايه اهنيج حبيبتي ع طـرحج الراقي .. وموضوعج الاحلى ..

صج صج مـرات البنت تحتاج تفضفض ..

لان في شغلات تغث ..

لـي عوده اكيد اكيد ... وسويتي لنـآ عالم بروحه اهني بالمنتدى ..

شكـراً يالمبدعه .. مميـز

حبيبتي تسلمين يا غلاتي

والله عارفه وعلشان جذي انا فضلت يكون في موضوع خاص لكم

حبيباتي انتو

طبعا لازم لج عوده معانا نتشرف فيج بس هاتي معاج حلو لاتنسين :)

هذا عالمكم الخاص وانا ضيفه عندكم


العفو ياقلبي تشرفينا

[nawal]

بعد اذنكم حيبياتي سوف انقل الموضوع الى قسم المرأه

حتى تكون لنا خصوصيه أكثر ( وأخرس بها أفواه كثيره)


يتم النقل الى قسم المرأه

[mshtaga]

نوال


لا تلومينها اكيد بتكره شي اسمه رجال من اللي شافته

بس لازم تكون عندها ارادة وقوه من داخلها

انها تغير حياتها وتحط ببالها هدف محدد توصله

يعني مثلا قوليلها تكمل دراستها اذا كانت قاطعتها او تستمر بالدراسه

حتى توصل لهدف معين وطموح

ولازم تكلمينها ان مو كل الرياجيل مثل بعض قوليلها ابوي غير عن ايوج مثلا

اذكري لها امثال رجال فيهم خير سواء تعرفهم اهي والا لا

وذكريها انها توها صغيره والعمر جدامها

الله يعينها ويهدي بالها ويرزقها ويعوضها خير عن اللي شافته

[nawal]

مشتاقه

والله قلت لها كل هالحجي

وانا مالومها توها مطلقه وتعذبت حيل مع هالزوج المدمن

ومن قبلها كانت متأذيه من أهلها

لكن راح أوصل لها رسالتكم والله يهديها


مشكوره على مشاعرج حبيبتي

[nawal]

ياريت اذا وحده فيكم تحب نشاركها في مشكله

تطرحها وان شاء الله نقدر نساعدها كلنا


مع حبي

[ScReAmQwEeN]

حياكم الله .. وثبت لعيونكم .. فديتكم ..

[عازفة الناي]

نوال مشكورة وجزاج الله خير انج طرحت مشكلت خويتج المسكينة والله انها تكسر الخاطر والله جالسة ابجي من حالها...
والله الصراحة اختي قولي صحبتج قوليها اصبر ان الله مع الصابرين والله لما خلق عبدة ما نساة

اما انها تكرة الرجال وتتعقد منهم الصراحة ما لوهم اولآ من ابوها, ثانيأ من زوجها المدمن .. والله مالوهمها الله يكون بعونها ........
بس ابقولج اختي كانت تكرة الرجال الحين عمرها 39 ما تزوجت والسبب العقد للرجال بس الحمد الله الحين احسن من اول تعرفين شلون تعالجت ؟ كانت تتعالج بمجالس الشيوخ ولحين ماشالله تشوف الرجال الاخو والصديق
بمعني؟؟
قولي رفيجتج تروح مجالس شيوخ علشان تهدي نفسها لانها مرت بظروف صعبة وما يعالج هذي المشاكل غير كلام الله سبحانة وتعالي

اما المطلقة منبوذة في المجتمع؟؟
الصراحة خاصة في مجتمعنا العربية ينظرون للمطلقة انها انسانة ماعندا اخلاق ولا شي ...... لانها للدحينة اصحاب العقول المتحجرة يعتبرون المطلقة منبوذة الا ما رحمة الله

واخيرآآآ :: الله يستر علي رفيجتج ويسهل امورها ويشفيها ويسعدها بدنيا والاخرة ويعوضها عن الايام السودة اللي شافتها وقوليها ترا عندج خواتج الا هم حنا راح ندعيلج وندعي كل بنت نفس مشكلتج

خذي نصيحة مني """

لا تقولين ياربي عندي هم كبير ,,,,قولي يا هم عندي ربي كبير ......
اكثري من الاستغفار اختي


تقبلي تحياتيـــــــ ....

[nawal]

سكريم

فديت اصابعج على التثبيت


تسلمين حبيبة قلبي

[nawal]

بنت ابوها

أنشهد أنج بنت ابوها صج


فديتج وفديت نصايحج حبيبتي

انا خليتها تقرا كلامكم كلكم

وهي سعيده وتحسدنا على تجمعنا مع بعض


لوووووووووول قرصتها انا قلت لها ذكري الله

وتقولكم مشكورين ماقصرتو

خليناها تشعر ان في قلوب تحس بمأساتها

وألحين أهي راحت تسكن عند عمتها وتبي تكمل دراستها

وتقول ادعو لها بالتوفيق وبالرجل الصالح اللي يعوضها

[عازفة الناي]

نوال زعلانة عليج ((لية قرصتيها لية ماخليتها تشترك بمنتدي ونكون كلنا اسرة وحدة واخوات في نفس الوقت ))
الله ادعيلج لليل ونهار وما يعلم باسرار العباد غير رب العباد وانا ماقولها مجرد أفتخار ,,,,,, لاني بصراحة حسيت فيها لاني مهما كان بنت وحنا كلنا بنات نحس بعضنا لو كنا غلطانين......
علي قولت ماما((خاطر البنت لا تجرحونا))

تقبلي مروري حبيبتي //نوال//
ودمتم بحفظ الله ورعيتاة ,,,,,,,,

[nawal]

بنت ابوها


لالا كلش ولا زعلج فديت الزعل واهله


انا قرصتها شوي شوي مو حيل

وبعدين قلت لها تشارك معانا توسع صدرها

قالت بعدين لما تتعدل ظروفها

فديت الماما انا بوسيها امانه

قولي لها نوال تسلم عليج

[عازفة الناي]

ان شالله يوصل اختي

هذة اذا شفت امي ورضيت عني

ادعيلي يانوال ان الله يلين قلب امي علية وترجعني البيت.......

تقبلو مروري

[nawal]

زعلتيني جد :(



يارب ترضى عليج ترى مافي احن من قلب الأم


بس ليش الماما زعلانه؟؟

مابي اتدخل بخصوصيتج

اذا حابه تقولين اوكيه

موحابه .. عادي حبيبتي

[عازفة الناي]

عادي اختي نوال وشفيها مافي خصوصيات بين الاخوات وانا ماقلت مشكلتي الا وانا بحتج وحبيت كل بنات المنتدي

مشكلتي؟؟؟

هي قصة اسرد لك :وابشوف انا غلطانة ولالا
القصة ومافيها انة في واحد يبي يخطب اختي الا كبر مني بسنتين وجاء موعد الخطبة والشوفة اوكي:::
من لقافتي الزايدة دشيت عليهم مع العلم انا مش متنقبة وسلمت عليهم وقلتهم استذانكم ابروح السوق فاذنوني
وفجاااااااااااااااااااااااااااااة ؟وماهي الفجأأأأأأأأأأأأأ...
رجعت البنت وشفت البيت متكهرب وشفت خواتي جلسين بصالة قلت اشفيكم ينظرون علية نظرة استحقراية وقلت اختي الله يعينك علي امك اتشهدي علي روحك قبل لا تطلعين الغرفة حقتها
دخلت الغرفة ..وماما عطتني هذة الطراق اللي عمرة ما اكلتة من احدوجلست تلعن ابو سلسفين وفجاة تقول انت اللي خربتي خطبت اختج قلت شلون؟الناس اللي كانوا يبون يخطبون اختج غير رايهم وخطبوج.......قلتها شقلتلهم .......قالت طردتهم وعقبالك انت

وهذاك الوقت زفت بكلام اللي الصراحة ماينقال ماشالله خواتي كملو معاها حطوا الغلط علية والله ثم والله نيتي صافي كلهم يدرون اني ماافكر بزواج ولا عمري راح اتزوج واكثر من جذي اللي زاد الطين بلة جلست ماما تزفتني بكلام وتقول اني صايعة وداشرة ومعندج احد يربيج طلعت لليل والصبح تيني فشلتني بين الناس والصراحة اختي نوال ماما تدري وين اروح يا عروس يا جلسات مع البنات او حفلات وسهرات مع البنات ........وكل اناس تدري عني معندي الخربيط هذة شغلات شريفة علشان اسهر لليل ويي الصبح اشفيها مامامن اول تبغي تفتك مني وطردتني من البيت والحمد الله انا دحينة عايشة عند بنت خالي بسعودية والحمد الله كملت دراسة باقلي سنة واكون استاذة بجامعة ........بس اختي نوال والله انا مظلومة وانا ماكان اخرب خطوبة اختي مع العلم اختي احلي مني بكثيرة ؟؟
حسبي الله عليهم اللي فرقوني بيني وبين امي

تخيلي عملناها حفلة لعيد ميلادها والله رحت الحفلة مو كني بنتها كني معزومة من بين المعازيم وسلمت عليها وفشلتني بين الناس قلتني ايش جابك عندي انا ما قلتلك ما تشوفيني غير بكفني اخرجي برة ما ابغ اشوفك ولا ابغ اسمع اخبراك وان شالله يبشروني عنك بمماتك ........تخيلي امي اللي كانت املاكها كلها بيدي سحبت مني الوكالة وعطتها لاختي النصابة وعلي فكرة هي اللي شبت الحكاية كمان وهذي مشكلتي يانوااااااااااااال

اتمني ماما ترضي عني وترجع المياة لمجريها والله تعبت بس الحمد الله مايهدي بالي غير البحر اذا حسيت بظيق اروحلها ......
ايش تنصحيني نوال شسوي وكيف ارضي ماما ؟؟

[nawal]

حبيبتي بنت أبوها

الحقيقه أنا تأثرت جدا جدا بمشكلتك

وإن شاء الله خير

اولا : الزواج قسمه ونصيب ولو كان لأختك نصيب مع هذا الزواج كان الله سبحانه وفقها
لكن لعله خيره وإنفضت هذه الزواجه من أختك " وعسى أن تكرهو شيئا وهوخيرٌ لكم "

ثانيا : من خلال كلامك واضح أن خواتك لهم سيطره على أمك وتاخذ في كلامهم ولاتنسين الغيره
تلعب دور نعم الغيره بين الأخوات لها دور أساسي وخصوصا إنك قلتِ أختك أجمل منك !
لكن غيرتها كونك دخلتي على أهل العريس وشافوك حست أنك أفضل منها والا ماكانو طلبوكِ
أنت للزواج وتركوها .

ثالثا : أمك واضح أنها تحت تأثير كلام خواتك الله يصلحهم وزعلانه لانها حسب مفهومها انك خربتي
على خطبة أختك من ذلك العريس وطبعا هي زعلانه وقالت لك ماقالت من كلام تسبب في جرحك
وطردك من المنزل.


حبيبتي


نصيحتي لك إنك تروحي لها مره ومرتين وثلاث ومليون حتى لو تلفضت عليك بكلام امسكي يدها وقبليها
انزلي على قدمها وقبليها واطلبي منها انها تسامحك .. انا عارفه انك مش غلطانه لكن من اجل ارضاء
امك جنتك ونارك افعلي ما اقوله لك .. كلميها بحب وابكي عندها ترجيها ان تسامحك قبليها على رأسها
حتى لو دفعتك بعيدا تقربي منها توسلي اليها ان ترضى عليك فقط.

صدقني مهما كان قلب امك من حجر لابد ان يلين لانك قطعة منها وحشاشة جوفها ومايهون عليها
وحاولي ان تجلسي مع اخوتك واختك المتسببه في الزعل .. دخلي عمتك او خالتك او انسانه قريبه الى امك
حتى تكلمها عنك وترجع المياه الى مجاريها .. كلمي ابوكِ كلمي عمك وخالك وكل شخص ممكن ان يكون له
تأثير على أمك .. تكلمي مع خواتك وحاولي ان تكسبيهم لجوارك .. ليس عيب صدقيني سوف تكسبين حبهم
وتشعريهم بالندم .. مهما كان انتي اختهم الغاليه وأكيد هم يشعرون بفراقك عنهم.

البحر يستمع لنا ولكن صمته يعذبنا .. أنتي فتاة شريفه عفيفه متعلمه محبه لوالدتها واخوتها وابيها
لاتحزني .. ان الله معك يا حبيبتي