كيف تتصرفين اذا زعل عليج حبيب القلب

[كتكووته^^مكتكته]

طحت لكم على كتاب

روووووووووووووعه


لقيته بمكتبة بيتنا

مادري منو يايبه ليلحين ماسويت تحقيق ولا استجوبت احد

بس صج رهيب

اسمه رومانسيات زوجيه لونه احمر من بره

فيه كل مايتعلق بالعلاقات الزوجيه من الالف الى الياء
رهيب
حتى نوع الهدايا وارسال المسجات وكل شي كل شي

راح احطلكم كل يوم حلقه منه


اهم موضوع فيه هو زعل الزوج

تعرفون طناقيرهم عاد

يالله تسكنهم مساكنهم


>>>> كتكوته ماتوبين لازم تسوين انقلاب عليج

:)

شوفو الناشره شتقول بهالموضوع


عندما ترين زوجك غاضبا حاولي ان تمتصي غضبه ولاتستقبليه بالشكوى من الاطفال وهموم البيت



.. هالنصيحه كلش مو لي لاني احب اتحلطم وايد


عندما تكوني مخطئه بعمل ما قومي بمناداة زوجك باحب الاسماء اليه وقدمي له اعتذارك وسبب التاخير مع التاثر الشديد وليس بعدم الاهتمام واللامبالاة



....كلللللللللش سويتها
اكره الاعتذااااااار مااحبه حتى لو كنت غلطانه ابيه هو يراضيني مو انا



اذا تحدث اليك وهو غاضب فاياك ان تقاطعيه وايديه ببعض الكلمات الرقيقه مثل اعرف انك مرهق .. لاتتعب نفسك.. فمثل هذه الكلمات ستلين قلبه





.... انشاءالله ماقاطعت خو انا ام اللقافه ودايما مااعطي احد فرصه يتكلم



لاتستفزيه عندما يغضب ولاتثيريه بكلمات وعبارات تبين له مدى استهانتك بشخصيته



.. هين اذا ماقعدت ابطل مواضيع قديمه وانت وانت وكله منك وعلم نفسك وقول حق نفسك هالحجي بيييييييييييه طلابه




لاتنامي وهو غضبان منك وحاولي ان تبادريه بالرضا


.... عاد هذي لويمووووووووت لاني احب النوم وماعندي استعداد اسهر واخرب نومتي العزيزه




عز الله اني ماتزوجت والمقرود اللي بياخذني بيردني ثاني يوم وفوقي عشر الاف حق اهلي

:)
:)
:)

[الدبلوماسية]

مشكووووووووووووووووووووووره كتكوته عالموضوع الحلو

والصراحه مواضيعج التهبل

ويعطيج العافية حبيبتي:)

[كتكووته^^مكتكته]

الديبلوماسيه

العفو يالغاليه

انتي اللي تهبلين

سلامتج من الهبال يالغلا

[كويتان]

مشكووووووووووووووووره كتكوته

و هالنصايح ضروريه للمتزوجات و خصوصا للمبتدئات


الف شكر مكتكته و بااااااي

[AWRAD]

لوووووووول كتكوته .. عليج تعليقات خطيره :)

مشكورة على الموضوع .. حده عجييييييب

بانتظار حلقاتج :)

[أمونه]

مشكووووووووووووووووووووووره كتكوته عالموضوع الحلو

[ام البيبيات]

الله يعطيج العافيه كتكوتي ويالله دام اكو حلقات بثبته

[كتكووته^^مكتكته]

كويتاوي
الف شكر لطلتك الحلوة



شاكرتلك يالغالي

[كتكووته^^مكتكته]

اوراااااااااد


مرورج احلى من تعليقاااااااتي


تسلمين يالغلا

[كتكووته^^مكتكته]

امووووووووووووووونه


تسلمين غلاتووووووش


منوره

[كتكووته^^مكتكته]

ام البيبيات


شاكرتلج التثبيت يالغلا


مشكووووووووورره يالغلا

[ملوووكه]

يسلموووووووو

كتكوته

بس ممكن تعطيني اسم الكتاب واسم الكاتب

بروح اشتريه

والله يعطيج الف عافيه يا الغاليه

[كتكووته^^مكتكته]

ملوكه

منوره غلاتوش

الكتاب اسمه رومانسيات زوجيه لونه احمر

انشاءالله يعجبج

[كتكووته^^مكتكته]

الحلقة الثانيه من رومانسيات زوجيه

بسم الله نبدأ


الحين الحلقه الثانيه من رومانسيات زوجيه

الناشره تقول

............


عزيزتي الزوجه

اذا كان الرجل هو محور حياتك

اذا كان يمثل لك الاب الذي تطلبين من الله دوما ان يحفظه ويطيل عمره..

اذا كان الرجل هو الزوج الذي تحترمين.. والاخ الذي تعتزين به.. والابن الذي تعطفين عليه

فحافظي على هذا الرجل وكوني له مثل الشمعه التي تحرق نفسها لاجل الاخرين




1. اطبعي نسخه من عقد الزواج وارسليها له في البريد مع عبارة ( هل تذكر هذا اليوم )



هين .. خو خل اذكر عيدميلادي اول

2. عندما يسافر زوجك لمدة قصيره اكتبي له بطاقات صغيره اخفيها بين ملابسه واكتبي له بعض العبارات التي تعبر عن حبك له او ابيات شعر


اراويك.. ان ماحطيت قنابل بين ملابسك عشان تحرم تسافر وتخليني مره ثانيه


3. اثناء وجودكما وسط مجموعه من الاقارب او في السوق اهمسي له بعبارة مثل ( انا سعيده لانك زوجي )


يتراوالي بيقول اشهالسخيفه والا حمواتي بيقولون اييييي بدينا بالحش عاد


4. ضعي بطاقات التهنئه لمناسبة مثل العيد في كل مكان يصل اليه في البيت كالحمام او غرفة النوم

عشان يقول شنو اول مره تشوف عيد هذى؟؟

5. بعد ان ينام الزوج تسللي في الليل واذهبي الى دورة المياه ومعك قلم روج وقلم كحل واكتبي على المرأه عبارات تعبرين فيها عن حبك لزوجك وبطريقة جميلة احضري ورد مجفف وضعيه في كوب المضمضه وعلى يمينه ويساره شمعتان


عاد تخيلو قاطعه نومتي وقايمه بعز هالليل جني ينيه ورايحه الحمام عشان اشخبط عالمنظره خو منو بيمسح بعدين وينظف غيري؟؟


6. فكره حلوة بعد الغداء دلكي رجليه بكريم واعملي له مساج حتى تنتشط الدوره الدمويه


ليش اهو متغدي والا راح يخلص معاملات بمجمع الوزارات.. اخاف معهد صيني وانا مادري

7. قبل ان يرجع من العمل بخري دولاب الملابس الخاص به حتى اذا فتح الدولاب قال ( الله يخلي زوجتي ولا يحرمني منها )


مو خوفي تحترق الملابس ويقول الله ياخذ هالزوجه اللي يابتلي المطافي


8. فكره لمكافئة الزوج اذهبي لخطاط واجعليه يكتب لك بخط جميل شهادة تقدير ثم توقعين عليها بالاسفل ( زوجتك المخلصه) وضعيها باطار جميل واهديها لزوجك



ليش صار مدرسة اولى؟ بيرقعها بويهي


9. قارورة الحب افرغي زجاجة اي مشروب ثم احضري ورقة واكتبي عليها شعر او الصفات التي تعجبك في زوجك ورشي الورقه بالعطر ثم ضعيها بالزجاجه واحكمي الغطاء وضعيها في البانيو الملىء بالماء والرغوة



عبدالله البحري مو ريلي ,,,,


10. من باب التغيير تناولا طعام العشاء على ضوء الشموع او في غرفة النوم



اي عشان بدال لايقز الشوكه بالاكل يقزها بايدي



11. مسكن رومانسي .. افرغي دواء وضعي عليه لاصق جديد وسميه مسكن رومانسي يستعمل عند اللزوم ثم اكتبي عبارات رومانسيه صغيره وامنيات ممكن ان تتحقق يمكن استعمالها متى لزم الامر


هذا لازم مو قرشة دوا يبيله مسباح علاء الدين عشان يحققلي امنياتي انا


12. اشياء جميلة ممكن ان تضعيها تحت الوسادة
زهور مضغوطه>>>> عشان يبقع الفراش
20 سبب لماذا احببتك>>>>>>>>> من وين اييبهم واللي مافيه اشياء تنحب؟
مجلته المفضله>>>>>>> بالله مايقرا مجلات.. احطله كتاب تحضير الارواح عشان يخاف وماينام
قصيدة او رساله رومانسيه>>>> اي مو طلال الرشيد انا
دعوة لعشاء رومانسي>>>>> وقت نوم والا وقت عشا؟
شوكولاته صغيره>>>>>>>> احسن عشان تذوب ويلصق بشعره
تلميح الى وجود كنز ما>>>>>>> مغارة علي بابا مو بيت


13. اتصلي به خلال النهار واخبريه انك مشتاقة له


ياسلام ويكون معاه رياييل وشغل ضروري وانا حدددددددددي بطرانه مشتاقتلك عشان يقوللي اشتاقلج عزرائيل ويصكه بويهي..

14. تزوجا من جديد.. ابتعدا عن بعضكما شيئا من الوقت اسبوع مثلا يكون كلام عادي ولا مساس.. ثم لتكن فترة الملكه فترة تنشيط المحبة تتخللها الهدايا الجميلة والتلجرافات العذبه ثم لتكن ليلة العرس وافضل ان تكون في فندق من باب التغيير


عشان يلاقيها فرصه وما يصدق على الله.. والا بيقول هذي اللي مشتهية تروح فندق بس موعارفه شلون.. سوتلها عذر نتزوج مره ثانيه

15. لاتبخلي على نفسك او زوجك بالعطور ولا تنسين ان تعطري الشراشف واللحف واجمل طريقة لثباتها ادهنيها من الجهه المقابلة للسرير ولاحظي النتيجه


بهذي لاتوصيـــــــــن .. اموووت عالعطور ومستحيل ابخل على نفسي


16.اذا كان زوجك من مستخدمي الكمبيوتر افتحي على شاشة التوقف واكتبي فيها عبارة حلوة او بيت غزلي او اي شي تحبين



بكتبلة لاتنسى تشتريلي اللي وصيتك عليه
عشان يكره شي اسمه كمبيوتر ويفضالي الجو :)

17. وقت غيابك عن المنزل ضعي على السرير القميص الذي ستلبسينه واكتبي بورقة معطره ( الله يصبرني على حرقة الشوق ) ( العمر بدونك ولا شي )



عشان اذا شافها وقراها يقول دفعة مردي والهوا شرقي


18. احضري نوته صغيره او دفتر مذكرات شكله جميل واكتبي فيها مقدمة رومانسية وسجلي فيها اللحظات السعيده من اول زواجكم وركزي على المواقف التي احببته من اجلها وتذكري بين فترة واخرى مع زوجك هذه اللحظات



ماراح احتاج دفتر ... يبيلي برشامه بس.. خو كله نكد بنكد من وين اترس دفتر بالله
ماكو الا اكتب بخط كبير يعني وايد



19. احرصي على ان لاتنامي حتى يأتي بحيث تكونين دائما معه حتى ولو لم يكن بك نوم.. تعودي ان تغطيه وتسمي عليه ولاتنسى قول تصبح على خير..


ليش اسم الله فيه زيران.؟ واخاف صج بنطره لين يرد والله متى ماياتني النومه نمت واخليه يتحقرص


20. فكرة الورد.. افرشي الارض بالقماش الاحمر من الباب الرئيسي الى غرفة النوم وضعي فوقة الورد المجفف ثم ضعي على السرير شرشف احمر ورشي فوقه ورد مجفف على شكل اسم زوجك..



اخاف تاتشر اللي يايه مو ريلي..


21. عند سفر زوجك للبر او الرحلات عطري فراش زوجك بعطرك المفضل وضعي ورد مجفف او ورد طبيعي مع بطاقة جميلة وعبارات توديع ولفيها داخل الفراش سيتفاجأ بذلك عند فتح الفراش وكذلك اعملي في حقيبة سفره



بييييييييه اشدعوه عبارات وداع ومادري شنو رايح البر والا رايح يجاهد



22. فكرة لكسر الروتين .. هي تخصيص يومين بالشهر يوم للزوج يتدلل فيه وكل شي مجاب ويوم للزوجه كل شي مجاب ( بس لاتكونين طماعه)




ماعليكم منها لاتخلوون شي الا وتطلبونه بهاليوم بس احب اضيفلكم شغله يومه اهو خليه باخر الشهر عقب ماتطوف وتخلص المعاشات ويومج انتي خليه مع نزلة المعاشات بنفس اليوم عشان مايكون لبه حجه يقولج نطري المعاش.. اشرايكم فيني مو خبيره بالذمه؟؟ >>>>> نصابة طلعت كتكوته


23. جوال زوجك.. استغلي انشغال زوجك ثم خذي جواله وامسحي اسمك واعيدي كتابته مره ثانيه بأسماء احلى مثل ( يابعدهم كلهم. وراك وراك. الجوال سينفجر رد بسرعه. كشفتك شتسوي. الاولاد جننوني) سوف يتفاجأ ويضحك في نفس الوقت



انا بحط تدرون شنو ؟ نياهاهاهاهاهاهاها الموت القادم ااتي



تدرون حبيباتي

انا اقول اذا طعتو الناشره في امل تعمرون مع ازواجكم لمده تقريبا خمس سنين لي جدام
واذا بتطيعوني هذا ويهي ان قعدتو دقيقه..

تلوموني اذا قلتلكم ان امي دايما تقول مقرود اللي بياخذج..

كتكوته واعنس مو شي كلللللللش

نطرو الحلقة الثالثه فيها مفاجأأأت واااااااايد .. مني طبعا مو من الناشره


تــــــــــــــــــــــــــــرقبوا

في الحلقة الثالثه..
.. من وسائل التقريب بين الزوجين
. كيف تكسبين زوجك بسماء النت؟
اطلبي اغراض البيت بطريقة رومانسية
..عندما يقول زوجك لا
..كيف تخبريه انك حامل؟؟




والعديد العديد من المفاجأت مع كتاكيييييتوه بسسس

[الكل بالكل]

حبيبتي كتكتوتة مكتكتة


موضوعج وايد حلو ومسوي ضجة


وخصوصا تعليقاتج اللى موتتنى من الضحك


وكل رفيجاتي طبعوا الحلقات علشان يطبقونها على رياييلهم


الأفكار وايد حلوة وتينن



بس يا كتكوته اللى ما عندها ريل مثل حظى شتسوى


تطبق هالحركات على منو



على الينانوه