كيف تتصرفين اذا زعل عليج حبيب القلب

[كتكووته^^مكتكته]

الكل بالكل



منوره غلاتوش


لا لاتطبقينها عالينانوه

نطر يلين ييج الفرج

انا اقول امشي وراي عمرج ماراح تتزوجين

اولله جم وحده من رفيجاتج اطبعت هالحلقات

خل اعرف بخرب بيت جم وحده


ياويلي..

[AWRAD]

يعطيج العافيه كتكوته


شنو اصلها الكاتبه؟؟ لان اغلب اساليبها من حق الريال الخليجي .. صج اني مو متزوجه .. بس احس اذا سويتله مثل هالاشياء خاصه سالفه البانيو و المسكن الرومانسي .. راح يستخف فيني :)

خو اهم غرامهم يعيبون علينا.. بعد تسويله جذي

بس صراحه عندها خووش افكار.. انا لو افكر ليل نهار ما يطلع معاي جذي :)

كتكوته ترى رفيجتي تقولج انها ناطرة الحلقه الثالثه .. لانها حامل وبتسويها مفاجأة حق ريلها

[كتكووته^^مكتكته]

اوراد


حبيبتي الكاتبه اظنها سعوديه

وقولي حق رفيجتج

باجر من الصبح بحطلها الحلقه الثالثه

وخل تطبق نصايح الناشره مو نصايحي

:)

نورتيني قلبوشه

[CHOCOLATE]

خووش نصايح بس ماندري وقت الصجيه شنو نسوي


يعطيج العافيه:)

[بقايا أثر]

لووووووووووووووووووووووووووووووووووووووول

الحين اسمع النصايح ولا اسوى نفسج

يسلمووووو على الرومانسيه

[كتكووته^^مكتكته]

choclate


تسلمين عالطله الحلوة

فديتج

[كتكووته^^مكتكته]

بداية امل

مرور روعه من غاليه على قلبي


تسلمين

طبقي اللي يريحج
:)

[كتكووته^^مكتكته]

الحلــــــــــــــقه الثالثه

صباح الخير

وايد منكم ناطر الحلقه الثاله

بس قبل لااعلنها ماقلتولي شنو طبقتو من نصايح امس؟

عالعموم ناطره ردودكم

بس اللي خذت لها كفخه انا مالي شغل

اكيد انتو ماسويتي شي مثل ماوصيتكم بالضبط

:)



خلونا مع الناشره

ورايي على نصايحها




من وسائل التقريب بين الزوجين اداء عمل مشترك ديني مثلا قراءة سورة الكهف معا يوم الجمعه لاخذ الاجر وللتقريب بينكما وايضا قراءة الاذكار.





>>> اي واذ ما سمع الايه عدل طقيه بالمسطره على ايده



امشيا سويا بالمطر



>>>> خوش حق الانفلونزا والصخونه بتفيدني هالرومانسيه اذا صار فيني شي


كيف تكسبين زوجك في سماء الانترنت؟
المراة الذكيه هي التي تستغل هذه التقنية وتحاول ان تكسب زوجها تستطعين بعدة طرق
+ ارسال كروت المعايده وبطاقات التهنئه او بطاقات تحتوي على قصايد جميلة او كلمات معبرة
>>>>>>> اللي يشوفني جذي يكون هنود ما جنه انا وياه بنفس البيت

+يمكن للزوجة التي ترتاد الحوار ان تمدح زوجها وتذكر محاسنه وعندما يقرأ كلامها سيكون في قمة السعاده

>>>>>> عشان ينفش ريشه ويرفع خشمه


+ان ترسلي له بعض المواقع التي تهم زوجك فاذا كان يهتم بالمواقع الطبية وعثرتي على موقع طبي فأرليه على بريده فهذا يسعده ويشعره بقرب المسافه بينكما

>>>> شطرشله مواقع؟؟ بطرشله موقع عن عالم الحيوان





تميزي بأكلك ولاتعلميه للخادمه حتى لو غبت عن البيت اشتاق له


>>>> مو قلنا للوصول الى قلب الرجل املئي معدته

بعلم الخدامه عالاجار والفلفل خل تنبط مرارته يامالها البط انشاءالله



فكرة لكتابة كلمه احبك على الجدار..
احضري ابجورة مفتوحه من فوق واحضري ورق مقوى واكتبي عليه كلمة احبك او اي كلمة اخرى ولكن اجعلي الخط عريض وافرغيه من الوسط وضعي الورقة فوق الاباجورة وافتحيها واغلقى الانوار ستظهر الكلمة واضحه بالسقف



>>>>>>> انا بس بفهم حابة جون ترافولتا ومو مصدقه..؟؟ تلاقينه اجلح املح بعد هالخبه ليش؟


فكرة القبلات

اطبعي الكثير من القبلات من بداية الصالة حتى جدار غرفة النوم وعند اخر قبلة اكتبي بالروج اقبل الارض التي تمشي عليها


>>>> مو جنها مصختها؟؟ وبالله دش فجأه وشافني ابوس بالطوف شيقول عني؟؟




من غرفة الى غرفة
من الاجواء الرومانسية التي تساعد على كسر الروتين جو المغامرات ويمكنك القيام بذلك بسهولة اذا احسنت استغلال المساحات والغرف المتوفرة لديك قومي بتحضير اطعمه مختلفة وحضري نشاطات موزعة عالغرف فكل غرفة تشتمل على لعبة وصنف معين من الطعام ولا بأس من اضافة الهدايا




>>>> ادري نتنقل من غرفة لي غرفة ليش اسم الله توم وجيري؟


حاولي دائما سؤال زوجك عما لاتعرفيه اشعريه انك تتعلمين منه وتطبقين مايقولة لك من توجيهات فأن ذلك يسعده



>>>> لا والله ان ذلك يجعله يرى نفسه عليكى :)
ماعليكم باجر والله يعايرج انا اللي علمتج وانا اللي سويتج وانا اللي رزيتج اي شي تبون تتعلمونه سألوني وانا اوخيتكم ماعليكم من الناشره مرات الله يهداها شوي ها تخورة


على سريره.. انثري اوراق الورد الاحمر وهو نائم وفي نقطة النهاية ضعي هديتك عزيزتي بعبارات جميلة هادفه لقلب زوجك


>>> طيب واذا قعد وشافني انثر ورد عليه بيقول هذي الظاهر على بالها ميت وبتحرقني نفس طريقة الهنود اذا دفنو الميت




ضعي يديك في يده اذا جلستما لوحدكما واسمعيه بعض كلمات الغزل والدلال




>>>> المفروض اهو اللي يسوي جذي مو انا يقول هذي اشفيها الحمدلله والشكر تتلصق




استشيريه امام اهله واصدقائه واهله فهذا التصرف يشبع غرور الرجل


>>>>> خوش عشان يدقرني جدامهم ويقولي اشكثر تسالين انتي ماكو شي بالعالم تعرفينه؟



اذا حضر زوجك في احد الايام متعبا من عمله فساعديه في خلع ملابسه وحضري له حماما دافئا فهذا يساعده على تهدئة اعصابه وشعوره بالارتياح


>>>> عاد راد من الدوام وجونا ماشاءالله ثلوج.. توقعو انتو عاد اللوعه .. اخاف صج اتحمل انا





تفنني في كسب قلب والديه وبالخص والدته وامتدحي زوجك امامهم



>>>>>>> عاد اهم شي امه هالنسره عندي لكم وصفات تطفشها بعدين انشرها لكم


ابتسمي له دائما وامتدحي الاشياء التي اشتراها


>>>>>>> شكله بيشوفني كل شوي اتبوسم بيقول اكيد هذي تستخدم معجون كريست ومو عارفه اشلون تثبتلي


بعد يوم عمل شاق لزوجك قبل قدومه بوقت جهزي الاتي احضري كشاف او ضوء ازرق ثم ثبتيه في احد زوايا الحمام وضعي صوت امواج البحر ثم جهزي البانيو بوضع العطور والزيوت الخاصة بذلك ورغوة الحمام واملىء البانيو بالماء ثم انثري اوراق ورد طبيعي فوق الماء وجهزي جهة من الغرفة مضاءة بالشموع والزيوت اللازمة لعمل المساج وضعي ورقة مكتوب عليها ( توجه يابوفلان الى غرفة النوم ) واعملي له مساج ثم اطلبي منه التوجه الى الحمام ونعيما




>>>>>>>>>>> مو قلنالكم معهد صيني ماصدقتو


لما تطلبين منه شي دعي كلمات الحب قبل الطلب مثل الله يخليك بغيت اشتري.. فديتك خاطري نروح نتمشى اليوم




>>>>> عشان يقول العن يوم المصلحه اذا تبي شي تتمسكن

عاد تمسكنو عدل انتو مااوصيكم



ضعي المنبه في جواله على ساعة يكون فيها في العمل واجعلي رسالة للتنبيه بها عبارة جميلة ( الحب في قلبي حلق اليك مسافرا فشعر به جوالك فهل تشعر به انت )

>>>>> حشا مو حب حمامة
بيقول انا ماافتك منج ياتدقين ياتطرشين مسجات والحين مضبطه المنبه بعد لاحول


اكتبي طلبات المنزل وانت تتغزلين به مثلا ( باذنجان بلون شعرك.. طماط بلون خدودك .. وهكذا



>>>> حشا مو ريال جبره


++ الجبره بالكويتي سوق الخضراوات والفواكه ++


اطلبي اغراض البيت بطريقه رومانسبه
التغير في الطلب له اثر في تقبل الطلب ارسمي بالكمبيوتر روشته لاغراض البيت على شكل قلوب وداخل كل غرض من اغراض البيت وضعيها في جيب زوجك واتصلي عليه واخبريه ان يبحث عنها



>>>>>>> طراره وتتشرط بيقول
هم تبي اغراض هم دور الورقه اللي مكتوب فيها الاغراض



اخبري زوجك يوما انك تريدين الذهاب الى بيت اهلك او اي مكان اخر واختبئي في المنزل واول مايفتح الباب جهزي شريط بصوتك وانت تغنين اغنيه حب واذا دخل اخرجي له بكامل زينتك




>>>> ودكم مأمن ومايدري ويايب معاه وحده واطلعله يا سلااااااااااااام تصير مجزره وتحذف كعوب


قفي عند رأسه في مرضه واسهري على راحته وادعي له








>>>>>>> الله ياخذك قولي متى تموت وافتك منك


اذا دخل عليك بالمطبخ وانت تقطعين السلطه فامسكي قطعة من الخيار بطرف فمك ودعي اكثرها خارجا وناوليه اياها ودعيه يأكلها



>>>>>>> خرفان مو اوادم


عندما يقول زوجك لا..
قولي حاضر ورددي .. حتى لا من فمك عذبه ياحبيبي واستشهدي بقول الشاعر .. وحسن قول نعم من بعد لا.. سوف يستسلم لانك لم تقاومي



>>>> تدرون لو انا احد يقولي لا شسوي فيه
اكوفنه .. اكرهه عيشته اشدعوه برد عليه هم بسوي اللي براسي هذا اللي ناقص بعد دياية امه يقولللي لا



كيف تخبرينه انك حامل؟؟

قومي بالتجهيز لاحدى الحفلات الموجوده في قسم الليالي وفي وسط الحفله اسأليه هل يعرف ماهي المناسبه ثم اخبريه انك حامل..



>>>>> بعد اقوله في البيت ليش هالخساير بالله



لعمل مقلب بزوجك..
اخرجي اولادك من المنزل او نوميهم
افرغي دولاب ملابسك واتركيه مفتوح
اكتبي له رساله مشابهه لهذه الرساله والصقيها على باب الغرفه ..حبيبي ان المشكله حسستني اني رخيصه عندك وابي اعلمك اني احبك مهما سويت لكنني قررت اروح بيت اهلي عشان ترتاح مني لاني مابغيت الا راحتك زوجتك المخلصه.. يعني رساله حزينه
انت تجهزي والبسي احسن ماعندك واختبئي .. شوفي ردة فعله وبعدين طلعي



>>>> ودكم يقووووووول اوووووف فكه مابغت .. عساها ماترد

والله لو يموت قاعده قاعده مااطلع من البيت يبي يطلع اهو الباب يوسع جمل درب يسد مايرد لكن انا لاااا عله على قلبه بقعد



صوري زوجك وهو نائم بكاميرا الكمبيوتر ثم اجعليها خلفية للكمبيوتر بعد ان تكتبي تعليقك المضحك عليها


>>>>> الله ياهي تعليييييقات بتنكتب حلاته يكون مبطل حلجه ونايم



حبيباتي..

هذا غيض من فيض

وااتي اعظم

ترقبو الحلقة الرابعه احلى واحلى واحلى


في الحلقه الرابعه؟؟
>>> كيف تتصرفين اذا تأخر عن البيت؟
>>> ليله رومانسيه حمراء
>>>ليله رومانسيه بدويه




انتظرووووووووووووووووووووووونييييييييي

[الكل بالكل]

هههههههههههههه كتكوته رهييييييييييييييييييبه بصراحه


انا قاعده اطبق ترى




بانتظار حلقاتج اليايه يامبدعتنا

[كتكووته^^مكتكته]

الكل بالكل


مرورج الاروع

انتظري الحلقه اليايه احلى واحلى

[كتكووته^^مكتكته]

الحلقـــــــــــــــــ 4ـــــــــــــــــة

صباح الخير



ماشفت ردود؟؟


مادري قاعدين تطبقون اللي وصيتكم عليه والا لا؟؟

ابي اعرف النتايج اشلون؟؟

في حالات بالحوال الشخصيه والا بعد ماوصلتو للمحاكم من ورى نصايحي؟؟

:)


الله يحرسكم انشاءالله الله لايقوله يارب اتغشمر ترى

خلونا مع الناشرة..

للي زوجها يتأخر بالليل

احضري مخده وضعيها مكان نومك وغطيها باللحاف واغلقي الانوار وكأنك نائمه واختبئي في الدولاب بعد ان تكوني قد تجهزت وقبل ان يفتح الدولاب شغلي اصوات قد اعددتيها مسبقا في المسجل .. بس شوي شوي على ابو العيال حتى لايهرب من البيت

>>>>>> تبيني انخش بالكبت؟؟ خوش عشان ينكسر..
لا وبعد احطله اصوات رعب انا خلقه مرعوبه ومتصرقعه بعد اروح اخرع فيه



ليله رومانسيه حمراااااء

1. غيري في مدخل البيت ارمي على الارض اقمشه شيفون حمراء ثم انثري فوقها ورد طبيعي او مجفف

>>>>>>>> مو بيت حشا اوركسترا


2. ضعي في جانب الغرفه طاوله صغيره غطيها بالشيفون الاحمر وضعي فوقها شموع حمراء ورشي ماده لامعه تستخدم بالماكياج وورد صغير ضعي عليها كاسين من العصير ملصوق بكل كأس ورده حمراء وزين بالفراوله..


>>>>>>>> صكت على ميس الغانم
جذي والا الشمعه تحوش الشيفون ونولع وتكتمل الليله الحمرا بوصول المطافي الحمرا بعد

3. غرفة النوم غطي ارضيتها بالشيفون الاحمر ثم قصي قلوب على ورق احمر والصقيها على جدار الغرفه بمقاسات مختلفة..

>>>>>>> ارت ستوديو مو طووفه4.


الكيك.. يفضل ان تكون كيكه حمراء او مزينه بالفراوله..


>>>>>>> حطي عليها معجون طماط او كاتشاب عشان تصير حمرا
والا اقولج هالله هالله بالدقوس والاجار خل يتوب


5. عطري الغرفه برائحه الفراوله



>>>>> اشوف صرنا فراوله بفراوله ذكرتني برسوم متحركه قبل كان كله فراوله


6. الهديه.. افرغي دولاب زوجك من الملابس وضعي الهديه به بعد ان تملئيه بالبالونات الحمراء واغلقيه بالمفتاح

>>>>>>>> عجيبه ماقالت هديه حمرا بعد .. انا اقول لو تغلفينله ثور احسن دام الثور يحب الاحمر


7. الوصول للهديه.. خذي مفتاح الدولاب وضعيه في علبة وضعي داخل العلبه كروت مكتوب فيها كلام حلو وغلفيها وضعيها بالحمام

>>>>>>> مو ملاحظين ان الناشره تحب الخساير؟؟


8. املئي البانيو بالماء والرغوة وانثري به الورد المجفف ولاتنسي الشموع..

>>>>>>>>>> ماوصيكم عاد حطي ماية نار بالبانيو خليه يتشوه9.


انثري في انحاء الغرفة بالونات بيضاء وحمراء وفي احدها ورقة صغيره ( دعوة لحمام رومانسي)



>>>>> حمام الهنا ياعريس روح وشوف شناطرك من بلوى


10. البسي قميص نوم احمر ولاتنسي الماكياج الاحمر وعطره المفضل



>>>>>>>> عاد هذي لعبتي لان انا وحده غرامي اللون الاحمر ولاتشوفون الماكياج الاحمر اذا حطيته
بس عاد كثري الحمره مو تخرعينه جنج ماكله ياهل


11. الاضاءه خليها لمبة حمرا


>>>>> حنوللللللللللللللللللللع

12. على السرير شرشف احمر او ابيض تنشرين فوقة بتلات حمراء وبطاقات تكتبين فيها كلمات حلوة لزوجك وبها صفات زوجك الحلوة


>>>>> قوليله عشان يتشيحط يا حلاتك لما تشتريلي هدايا وتعطيني فلوس عشان يكثر من هالشغلات المره اليايه


13.ممكن ان تكتبي بمحدد الروج الاحمر على جسمك


>>>>>>>> ليش اسم الله الهنود الحمر؟؟



ليلة رومانسيه بدوية


اذا كان زوجك من محبي رحلات البر فاعملي له ليلة رومانسيه بدويه وتكون اما فوق السطح او في حديقة المنزل.



1. انصبي بيت شعر وافرشي الارض بسجاده سدو وضعي المنقله والحطب واشعليه حتى يجمر


>>>>>>>> لاتنسين الغنم والبعارين مره وحده


2. ممكن تزيين المكان بمخدات او اي شي من التراث..


>>>>>>>> يبي صقر مره وحده هم يعتبر من التراث

3. تبلي الدجاج استعداد لشوائه وجهزي السلطه


>>>>>>>> دياي وليله بدويه ماينفع حلاته حاشي ولبن

4. شغلي شريط فيه شعر البدو

>>>>> يبيلج فرقه عرضه وسامري مره وحده

5. البسي جلابيه بدويه ولاتنسي الكحل الاسود والعصابة على الرأس وحاولي تضفير شعرك جديلتين او افتحيه وضعي المشموم وتزيني بالذهب والحزام الذهبي وحني يداك



>>>>>>>> حنه بعد؟؟ كملت .. عاد مااوصيكم باللبس البدوي ولاتنسين تكودين كل الذهب اللي عندج ابيج ترهشين

6. لاتنسي التمر او حلاة التمر مع القهوة

>>>>>>> مو قهوة تركيه., قهوة جنوبيه عيشي جو عدل وكثري الهيل

7. ممكن لبس البرقع والتركيز على الكحل ولو لفترة قصيره..

>>>>>>>> عشان اول مايشوفج يغني لابسات البراقع


8. ممكن تحفظين اولادك قصيده ترحيبيه بدويه للترحيب بوالهم

>>>>>>>> تذكرت اقولكم كل وحده تيب معاها ضب عشان تعيشون جو الليله عادل بس عاد ديرو بالكم لاصار شي وولع الفحم ببيت الشعر انا مالي شغل هذي نصايح الناشره



هالله هالله بالتطبيق والردود الحلوة



ترقبو الحلقـــــــــــــ 5 ــــة


مفاااااااجأت زوجيه عالميه.. والله والله حلوة ورهيبه
طرق لمراضاة الزعلان عليج
رسائل جوال تراضين بها زوجك الزعلان

[الكل بالكل]

الغالية المتألقة كتكوتة مكتكتة


تدرين أحلا ما في الوضوع شنو


تعليقاتج الحلوة والمتميزة


صدقينى راح اطبقها وحدة وحده بس لما القى ولد الحلال


لج منى كل التحية

[كتكووته^^مكتكته]

غاليتي الكل بالكل


تسلمين ويسلملي مرورج


طبقي حبيبتي

منوره

[HoNeY RoSe]

من غرفة الى غرفة
من الاجواء الرومانسية التي تساعد على كسر الروتين جو المغامرات ويمكنك القيام بذلك بسهولة اذا احسنت استغلال المساحات والغرف المتوفرة لديك قومي بتحضير اطعمه مختلفة وحضري نشاطات موزعة عالغرف فكل غرفة تشتمل على لعبة وصنف معين من الطعام ولا بأس من اضافة الهدايا


انه اذا سويت له اكل يبوس ايده ورا وجدام مو اتنقل بعد لوووووووولز


فكرة القبلات

اطبعي الكثير من القبلات من بداية الصالة حتى جدار غرفة النوم وعند اخر قبلة اكتبي بالروج اقبل الارض التي تمشي عليها


>>>> مو جنها مصختها؟؟ وبالله دش فجأه وشافني ابوس بالطوف شيقول عني؟؟

مينونه ابوووس الجدار ..>>> انه اشك في عقل الناشره هههههههه


على سريره.. انثري اوراق الورد الاحمر وهو نائم وفي نقطة النهاية ضعي هديتك عزيزتي بعبارات جميلة هادفه لقلب زوجك

لووووولز لازم يسوون عقد مع محلات الورود كل شي قالت ورد وانثرية هههههههه


اخبري زوجك يوما انك تريدين الذهاب الى بيت اهلك او اي مكان اخر واختبئي في المنزل واول مايفتح الباب جهزي شريط بصوتك وانت تغنين اغنيه حب واذا دخل اخرجي له بكامل زينتك

يودينيي وريلة فوق راسه لوووووولز >> هذا بعدهيي وتهدد


اكوفنه .. اكرهه عيشته اشدعوه برد عليه هم بسوي اللي براسي هذا اللي ناقص بعد دياية امه يقولللي لا

خخخخخخخخخخخ اوافقج بارأأي

احضري مخده وضعيها مكان نومك وغطيها باللحاف واغلقي الانوار وكأنك نائمه واختبئي في الدولاب بعد ان تكوني قد تجهزت وقبل ان يفتح الدولاب شغلي اصوات قد اعددتيها مسبقا في المسجل .. بس شوي شوي على ابو العيال حتى لايهرب من البيت

فار مو زوجه لوووووولز


غيري في مدخل البيت ارمي على الارض اقمشه شيفون حمراء ثم انثري فوقها ورد طبيعي او مجفف
ما اقول لكم راح نسوي عقد مع محل الزهوور



يسلمو كتكوته
والله وانه اقرآهم ومجوده بطني صراحه الناشره وايد تبالغ في اشيااااء

[كتكووته^^مكتكته]

الغالي امراه الحديد


تسلملي طلتج الحلوة يالغلا

نورتيني