كيف تتصرفين اذا زعل عليج حبيب القلب

[AWRAD]

واخيرااااااا حنيتي علينا وحطيتي حلقه يديده

تسلمين حبيبتي على جهودج

وناطرييييييييييين الحلقه اليايه

:)

[JoRy]

اي والله خوش نصايح تفيد مشكوووووووووووووووره بعد عمري على هالحلقات الحلوه

[Najma]

الصراحه افكار خيااااااااااليه
اول ما اتزوج ييبيلي اياه

:p

تسلمين كتكوووتة

[كتكووته^^مكتكته]

اوراد

تسلملي طلتج

قلبوشه ادري تأخرت بس نطري الحلقه اليايه فيها بلاوي

لاتطوفج

[كتكووته^^مكتكته]

جوري

منوره

انتظري الحلقه اليايه عشان تستفيدين اكثر

[كتكووته^^مكتكته]

نجمه


من عيوني

:)

منوره غلاتوش

[كتكووته^^مكتكته]

§¤~¤§¤~¤§صباح الخير§¤~¤§¤~¤§


ادري منبطه جبودكم لاني هالمره صج طولت

اعذروني والله امي مسافره وكل شغل البيت على راسي


يالله نكمل

وراح تكون الحلقة الاخيره

بس ماراح اوقف لي اهني

لا راح ابحوش وادورلكم كتب احلى واجرء واحطلكم لاتخافون علي


الناشره عندها خوش مسجات اذا طنقر حبيب القلب ومد البوز شبرين
طرشيهم له عشان يرضى


بس ماعليكم منها انا عندي لكم خووووش مسجات تخليه بعد مايدق عليج مو ليه

:)

مسجات الناشره


ان زعلت برضيك وكل عمري فداك
والزعل مازعله يالغالي عليك



>>>>> طرشيله زعل بو يعل

ولا تزعل ولا تتعب شعورك ولاتاخذ على خاطرك مني
ابتأسف الين ارضي غرورك واقول اني مقصر غصب عني

>>>>>>>>> دفعة مردي والهوا شرقي ابركها من ساعه

لي قلب مايقسى لي عقل ماينسى لي احباب بدونهم مااسوى وعلى زعلهم مااقوى

>>>>> لاتحسب انك لا زعلت برضيك
صدتك وصدة الجلب يا جلب وحده


>>> عشان عقبها ورقة طلاقج وقشج برة البيت


ان كان نظر عيني زعلان اكتب له رساله
وان كان رضاك في حبة الكوع لكسر يدي واحب كوعي عشانك
>>>>>>>تبيني ارجعلك واحبك واراضيك
طيب موافق بس قم حب كوعك
وينك من اول يوم قلبي يناديك
الحين ماينفعك تظهر خضوعك


يضيق صدري لو عني رحلت
وافديك بروحي لو مني زعلت
واموت لو غيري عشقت


>>>>>> خلك مع اللي بالكذب يعطيك
وانا ترى بلقى ملايين تسواك

ما علموك ان الغلا يجرح الروح وانا على فراقك تنزف الجروح

>>>>>>> لاتحسب انك لا صديت بضيع
عندي من اشكالك ثلاثين جوتي

طبعا حبيباتي
الناشره بهالمسجات تبي تضيعكم
امشو وراي وراح تفلحون
طيعوني
:)


تبين تشترين هديه وماعندج فلوس؟؟

شوفو الحل عند الناشره وعند كتاكيتوه


ضعي كرت داخل علبه او صندوق بعد تزيينه ومن ثم غلفيه بتغليفات كثيره ثم ضعيه في علبه وغلفيه مره اخرى بأكثر من تغليفه وضعي بين كل تغليفه وتغليفه عباره جميله
وضعيها قرب السرير واكتبي داخل البطاقه الاصليه ذهبت الى السوق لاشتري لك ساعه فلم اجد احسن من الساعه التي عرفتك فيها

>>>>>>> ساعة الندامه كان يوم اسود

اشدعوه جاكوب او فيليب شاريول


يخب عليه من سوق بو اميه او من الهنود بعد اشحقه الخساير بروحج ماعندج فلوس

ينصح علماء النفس كلا من الزوجين باتباع الاتي
التضاحك واشعار الطرف الثاني بأنه سعيد برفقته

>>>>> هالله هالله بكرست وسيجنال 2 وقت الضحك

الحرص على ان تكون تعبيرات الوجه بشوشه

>>>>> خلي حلجج على طول مبطل وضحكي جنه كراج سيارات
ان يخيم على حوارات كل من الزوجين روح الدعابه والمزاح المقبول وفي ذلك شكل من اشكال الصحه النفسيه التي تساعد على الاستمتاع بالحياة


>>>>> صيري مليقه كل ماقالج كلمه نكتي وقولي هاهاهاهاهاه
يمكن من عوامل الصحه النفسيه هذي بعد

افكار للضحك بين الزوجين

1. حاولا ان يكون لكما يوما جلسه طريفه محورها قصه طريفه او نكته مهذبه او موقف مضحك

>>>>>>> لو انا جان خريت الاكو والماكو خو مواقفي كلها طريفه بس تييبلي ورقة الطلاق من ثاني يوم لان اغلبها مع شباب
2. تبادلا السؤال حول اطرف موقف حدث اليوم سواء في المنزل او العمل

>>>>>>> بيقول هذي اللي تبي تعرف شصار بالشغل بس مو عارفه اشلون


3. الخروج الى المنتزهات وتبادل مواقف ضاحكه

>>>> عاد الرياييل مايحبون شي في خساير
بيوديج القهوه الشعبيه ويقولج يبي معاج جاي وقهوه وحب عشان لايصرف شي هناك

4. من الممكن صناعة موقف ضاحك ومثير للبهجه

>>>>>>> اي اشتري تفافيخ وجراغي


5. تجنبا المواقف الجالبه للنكد والازعاج

>>>>> اشكره لاتقولينله عطني فلوس
خو غير هالنكد ماعندهم الريايل

6. مارسا بعض الالعاب او المسابقات المثيره للضحك


>>>>> لعبو جنجفه
بس بفلوس

عشان يهون ويحذف الورق بويهج


7. عند اللقاء تبادلا الابتسامه

>>> مو قلنا هالله هالله بكريست



حبايبي

انشاءالله تكون هالحلقات خفيفه عليكم وحلوة
واتمنى اني ماثقلت
لاتطيعوني
خلكم مع الناشره الله يعطيها العافيه


اذا بتمشون وراي والله كلكم فبيوت اهلكم


الله يحرسكم انشاءالله ويصونكم

[مــيمي دلوعتـكم]

كتـكوته موضوعك احلى موضوع قريته من يوم دخلت
.. بصراااحه رهييب ..
والاحلى تعليقاتج اللي موتتني من الضحك ..


كتكوته مكتكته اسم على مسمى

[AWRAD]

هذي الحلقه روعــــــــــــــه

قريتها انا ومرت خالي ... متنا من الضحك على مسجاتج

عاد تقولي شرايج نطبق نصايح كتكوته على خالج .. انا قلتلها جربي :)

اليوم بنجرب .. وبعطيج خبر شنو راح يصير عقب ساعتين :)


الله يرد امج بالسلامه .. والله يعطيج الف عافيه لانج متحمله المسؤوليه


صج ان ضاق خلقي لانها الاخيره .. بس راح ننطر كتب يديده وحلوة مثلج


:)

[كتكووته^^مكتكته]

ميمي

منوره يالغاليه


والف شكر لحضورج الرائع


تسلمين على هالاطراء وشاكرتلج

[كتكووته^^مكتكته]

اوراد


هلا وغلا والله
صج وحشتيني


الظاهر مرت خالج ملت من خالج

عشان جذي بتطرشله مسجاتي

:)


لا يضيق خلقج ياوخيتي

راح ابحوشلج كتب احلى

منوره يالغلا

[الكل بالكل]

كتكوته تبين الصراحه

انتي رهيييييييييبه


وعسل


صج صج صج الموضوع روعه


واللي محليه

تعليقاتج وخفة دمج


يا حلاتج والله

[HoNeY RoSe]

مشكوره كتكوته ع الحلقة

ربي يعافيج يا الجميله :>

[كتكووته^^مكتكته]

الكل بالكل


انتي الاروع
تسلمين يالغاليه

[كتكووته^^مكتكته]

امرأه


شاكرتلج هالطله الحلوة


الف شكر لمرورج الحلو