( في ضيافتهم ) مع ( راحل بعيد ) ..

[ع ـناديهـ]

ههههههههههههههههه

والله انا مسكينه يالوهبي اذا نمت ماتحرك ع قولت امي قتيله اتم ع نومتي لي الصبح بس اختي الصغيره كارث
مو زين تنام يمها هههههههههههههه

قلت لي هذا كاكا هههههههههههههااااااااااي زين اهوا موجود ولا حاط البطانيه ع شي << شكلها يموت من الضحك

وانا ترى ناطره الفضايح <<< تموت ع الفضايح ههههههههههه

[Demon of Dark]

لووووووووووووووووووووووووول

عليكم سوالف لا تعليق

متابعه

:)

[kaka 22]

معزبنا راح وخلانا


ادعوله يوصل بالسلامه




:d

[عزتي في شموخي]

.
.
.


الله يحفظه و يوصله بالـــ سلامه ..

يعنــــي ... الضيافه انتهت ؟


.
.
.

[kaka 22]

بانتظااااااره




لازم ينحشر بالزاويه ومايطلع منها بسهوله




: )

[راحل بعيد]

الله يسلمكم

منو اللي قال الضيافه انتهت .. !!!! ها .. تعال ابيك بسالفه .. ما تنتهي ضيافتي جذي افا عليج بس ..

بس اني توني وصلت الى الولايات المتحده الشقيقه ... و اعذروني على الغيبة لأن السفرة لحالها اخذت مني يوم كامل منها 14 ساعه بس بالطيارة .. يعني دوخة مو طبيعيه ...


الحين انا توني وصلت الى بيتنا الأمريكي ... طبعا فرق عنه و عن بيتنا الكويتي .. حيث انه امام بيتنا الكويتي ساحة من التراب ( براحه ) يلعبون بها الورعان ( الأطفال ) و يتهاوشون فيما بينهم و يبلشون خلق الله بشرهم و يعملون بعضا من الأجواء الفكاهية الأكشنية ... اما خلف الله على بيتنا اللي بأمريكا .. محد يطلع ..

جايكم جايكم ... ضيافتي ما تنتهي ... تو الناس مطولين مطولين

[عزتي في شموخي]

.
.
.


هههههههههههههههه

اسعدك الله .. والحمدالله على سلامتك ...

لكن كاكا هالايام يطير اشاعات .. والله عليه سوالف هالرجُل ..

وحيــــآك في مكانك ..

بــ انتظارك ..

.
.
.

[mshtaga]

هههههههههههههههههههه

راحل

حمد لله على سلامتك ونورت امريكا

راحل

شنو ماتبي تغدينا والاتعشينا ؟

نبي شي من ايديك عاد انت بغربه لازم تطبخ

اذا ماتعرف قول عادي ادري البيت بيتي لووووووووووول وين المطبخ؟ :)

لي عوده :)

[ع ـناديهـ]

الحمدالله ع السلامه وهوووووووب ..

الكويت ظلمت من بعدك ..

ويافرحت امريكا برجوعك لها : ))

الله يوفقك يالغالي ..

وانا ترى توه راده من الجامعه .. ومتى العشا ههههههههههههههه << ادور عزايم

لاهنت يالغالي : )

[راحل بعيد]

مشتاقه ... المطبخ جنب الصاله ...

تراني جوعاااان

لوووووول




الله يسلمج ... بس عاد ضبطي لنا الأكل عشان عناديه لا تتشمت

[راحل بعيد]

عناديه

الله يسلمج .. والكويت منورة بأهلها . . .

ولا انتي يا بعدي ..

[ع ـناديهـ]

احم احم اي ترى انا يا جماعه لساني متبري مني ههههههههههههههههه

واموت ع الفضايح ههههههههه


راحل شرايك اسوي لك حلووو <<< فنانه بالحلووو

[JASTME]

راحل الله يعينك راح اارجع هع

برؤب

[راحل بعيد]

يا هلا والله بالضيوف الكرام

و شخباركم و عساكم طيبين ...


اقدعوا اقدعوا




و من ثم تقهووا ..





والحين أخليكم مع بعض الفرفشة ...

[راحل بعيد]

خلوني اقولكم سالفة مطاعم الفجر و بعض مشاغباتنا يوم كنا صغار ...


مرة من المرات و الشلة الطيبة متجمعه .. قاعدين ز هقانيين تونا لاعبين كرة قدم و زهقانين .. والناس بالعطلة الكبيرة .. يعني الليل صباحي .. قعدنا نفكر .. بعمق .. ماذا نفعل لكي يقزر هالليل الذي ما يندرى وش تواليه !! المهم واحد من الشباب اهتدى الى فكرة .. طبعا حنا بمثل هذه اللحظات شياطين الأرض كلها حولنا توسوس لنا .. وحنا ما نقولهم ( لا ) .. أبد .. شنو أحلى وسواس نختاره .. المهم مالكم بالطويلة .. قام واحد من الشباب و قال يا شباب شرايكم نطلب مطعم و اذا جا . مانعطيه فلوسه ناخذ الأكل و ننحاش عشان نسوي مغامرات .. رفعت الفكرة الى ادارة الشلة .. حيث لاقت استحسان المدير و مساعده آنذاك .. تم اصدار القرار من الادارة بتطبيق الفكرة حتى يقزر ليلنا ... قلنا ( تــم ) .. المهم قعدنا نفكر شلون ناخذ الأكل وننحاش من غير لا يمسكنا راعي المطعم ... ولا واحد من الشباب شاف بيت من البيوت اللي قدامنا .. له بابين .. باب الرئيسي .. وباب يطل على الحديقه من الجهة الجانبية للبيت .. قال يا جماعه شوفوا نطلب على عنوان هذا البيت .. وناخذ الأكل من الباب الرئيسي و ننحاش من الباب الجانبي .. عشان لا يشوفنا .. وبعدين ندور مكان نقعد فيه و ناكل .. الشلة الطيبة كلها رضت بالفكرة الحلوة .. ودقينا على المطعم .. وطلبنا أكل لو ناكله مني لعقب باجر ما راح نخلص نصه .. بعد هي سرقة سرقة .. ليش ما نخلي الضربة هي الضربة .. المهم كل واحد من الشباب قام يرهي على نفسه بالطلب .. الحساب وصل مبلغ و قدره ..
وصلت سيارة المطعم ... قام واحد من الشباب ( كويحه [ أسود اللون ] ) و فصخ دشداشته و نط سور هذاك البيت و وصل للباب الأمامي .. طبعا هو فصخ دشداشته على شان لما يشوفه راعي المطعم يطمأن انه من اهل البيت و يعطيه الطلب و ينطره على ما يجيب الفلوس .. أخذ ابو الشباب الطلب .. وانحاش متجه صوبنا ... والله لو انه مو لابس ابيض جان ماشفناه من الظلمة اللي كنا قاعدين فيها نشوف بدلة ماسكة كيس جاية مسرعه بإتجاهنا .. خفنا .. ولا هذا خوينا يلهث .. (( قوموا بسرعه قبل لا يجي .. بسرعه قوموا )) وكل واحد من الشباب يمسك نعوله ( تكرمون ) و يمسك خطه .. بينما نحن منحاشين .. فكرنا بمكان كي نأكل به .. و جا على بالنا مكان ورا بيت واحد من الشباب .. عشان لو راعي المطعم يدورنا ما راح يلقانا .. واذا لا سمح الله لقانا .. نقدر نهج لأن المكان مفتوح الجهتين .. ( استراتيجي ) .. والله قعدنا ناكل ونبلع (( عوافي علينا :d )) يوم شبعنا و خلصنا ولا هذاك راعي المطعم يفتر بين البيوت يدوّر ... ردينا ثاني مرة لمكاننا .. و تطوعوا اثنين من الشباب من اللي ماشافهم راعي المطعم انهم يروحون يتمشون جنبه ويقيسون النبض .. يوم وصلوا من جنبه ,, ويسألهم عن صاحبنا اللي أخذ الكيس و عطاهم مواصفاته .. وقالهم اذا شفتوه قولوا له (( انه ضاع من كيس أهله )) ههههههههه والله الكلمة اللي ما انساها .. (( كيس أهله )) .. المهم سمع خوينا الكويحه بالسالفه و بدأ الخوف يعتريه .. عاد تعال شوف كويحه و خايف قسم بالله تضحك لما تقول بس , راح خوينا الكويحه خوفا من راعي المطعم .. أو بالأصح خوفا لا أن اهله يدرون بالسالفه .. و دخل بيتهم من الباب الخلفي ..
وحنا رحنا لبيوتنا شبعانين و بطوننا مليانه ( عوافي عوافي خخخخخ ) و راعي المطعم المسكين ظل يدور و يدور ولكن دون جدوى .. اضطر المسكين الى دفع سعر الفاتورة .. و كان ختامها مسكا ...

هذي من احدى مغامراتنا ايام قبل .. و المغامرات واااااجد واااااجد

طبعا يا شباب بس عشان التوضيح :
ترا كنا ايامها صغار .. يعني مرفوع عننا القلم .. صج اننا صغار بس والله كنا شياطين .. حتى ابليس بنفسه يقول هذولا منين طلعولي .. خاف لا اننا ناكل الجو عليه .. \خخخخخخخ

استغفر الله ...


تقهووا يالربع تقهووا


اترككم بحفظ الله ورعايته .. ولنا عوده