{ ~~ ... انتفاضاتي .. في فضاواتي ٍٍٍٍ ]]]

[راحل بعيد]

يا ابن الذين طالبك تسكت شوي ...
ذابت أذاني و السبب همسة شفاك


يخرب أبوها كيف تكوي الأذن كي ..
يا ليتني من بينها صرت ( مسواك ) ..

[راحل بعيد]

انتي حياتي والحياة اختصارات
لا بد اختصرك و أجيك بطموحي

اما تكوني زوجتي دون لفّات
وإلا مع درب المقفين روحي

طبع التلاعب بالبنات الشريفات
يزيد يا بنت النزيف بجروحي

طبعي كذا مضوي ولو وسط ظلمات
تبين .. ولا للمقفين روحي ...


عبدالوهاب العنزي

[راحل بعيد]

غريبة قصة الدمعه وهي تغسل جفون العين
.. .. تريح جفن باكيها مع انها قمة احزانه



لشاعرها

[راحل بعيد]

الملامح قالت اللي كنت اخـاف انـه يقـال
التزمت الصمت لكن سولف الوجه الشحوب

لا انشدوني عنك اقول ان مالك بقلبي مجال
والبلا لا صدقونـي . . قالـت عيونـي كـذوب


مـشـعان الرخيمي

[راحل بعيد]

لا تحسب إني خنت والله وما خنت
تقدر تقول إني كبرت و نسيتك

مـشعان الرخيمي

[راحل بعيد]

تـــعبـــــان والله يــــا ولــد والمـــــوت لو طــــال تعبي ..

*
*
*

[راحل بعيد]

هاك اعتبرها يالخوي كلمة مع بدء الختام


( تأبي الرجولة لا لقت قلبي على الرجعه نوا ) ...


عبدالوهاب العنزي

[راحل بعيد]

شوف القصايد و انسجم معها و أصفق لك تمام
دام انت تركض للشعر .. عز الله انك ما ارتويت

شفني و شوف الحب الأصلي و انسجم ضمن الغرام
بين الضلوع الثايرة .. شف لك وسط قلبي مبيت

لا تنخدع بإحساس شاعر لو يكون أكبر إمام
ما ورى سرد القصايد لا حبيب ولا بخيت

إن كان ودك تختبر قدرك .. تناسى هالكلام
رح اسمع أشعار المحاجر يوم للصده نويت

عز الله انها عبّرت بإحساس لا يمكن يظام
ما هو مثل تعبير وزن و قافيه و أفكار بيت

قالت قصيدة صامته .. تبحث عن أطراف السلام
في وسط حرب ٍ شنّها قلبك وهاجر .. و انتهيت

هذي قصيدة وانسجم معها اذا تبغى كلام ..
ولا خذ ( المعنى ) إذا ودك تصدق ما حكيت ..





عبدالوهاب العنزي ...

[راحل بعيد]

دمـوع وصمـت حارتنـا سنيـن وشايـب ٍ تعبـان
حكايه من صبـاح السالـم وقصـة علـي المنصـور
على المنصور طفل ٍ مـات متناثـر علـى الجـدران
ولاشفنا مـن أشـلاءه سـوى راس وجسـد مبتـور
فـي ليلـه داميـه أمطـر سحـاب ودمهـا هـتـان
على أرض الطفوله وأرتوى مـن هالعـذاب صـدور
قبل عشرين عام أذكر صـراخ أطفـال وصـوت أذان
وأشوف الصـوره بعينـي وهـذي قصـة المذكـور
سمعنـا شـي يتفجـر ووصلـت للسمـا النـيـران
وجينـا نركـض وشفنـا علـي متقطـع ومنـثـور
وقفت من الذهـول وبرطمـي يرجـف وانـا بـردان
وأحس الأرض مـن تحتـي تشقـق جلدهـا وتفـور
وضميتـه وأنـا أصـرخ علـى المنصـور يالخـوان
تمـوت وحنـا متفقيـن بـأنـي قبلـكـم مقـبـور
علـي المنصـور كلمنـي وقلـي ياأخـي غلـطـان
ياخوي أنت الصغيـر ولاتجـي مـن قبلنـا بالـدور
أمانه قـوم وقـول أضحـك عليكـم خـادر ونعسـان
حرام الناس من حولـك تصيـح ويشهـق العصفـور
دخيلك قوم وخـل نلعـب ترانـي ضايـق وطفشـان
ترى صلحت سيكلنـا جديـد الحيـن ومـو مكسـور
يالله عـاد قـم غسـل علـى وجهـك بقـع دمــان
بسرعـه يالله والحقنـي وجيـب ألـوان أو طبشـور
نبي نكتب علـى الجـدران عـز "مطيـر والعتبـان"
وأبرسم لك شكل جيتي وأبكتـب " يازمـن مشكـور"؟
علي .. وين الشخط مدفون هو مـع علبـة الدخـان
أمانـه قـوم بندخـن قبـل يطلـع عليـنـا الـنـور
أبـوي اليـوم معطينـي ربــع ديـنـار للـدكـان
وأخذت علوك عـن ريحـة زقايرنـا وجبـت بخـور
علـى المنصـور قـم تكفـى طلبتـك بالله الرحمـان
نبي نرجع نعيد مـن العمـر أيـام وبعـض شهـور
علي المنصور تذكـر يـوم أبـوق حمـارة الجيـران
وأروح المدرسـه فـوق الحمـاره وأدخـل الطابـور
وأنته طايح وتضحك ويضحـك " نايـف السكـران "
وأنا يلحقني الحارس وأهج أطمر مـن أقـرب سـور
علي المنصور تذكر حلمـك وحلمـي أنـا وش كـان
تواعدنـا بإنـك ضابـط الشرطـه وأنـا الدكـتـور
وفعلا ً صرت أنا الدكتور " دجـه " مفلـس وفقـران
جريح الوقت " وأتسكع " بـأرض الشعـر والجمهـور
علـي ياصاحبـي بعـدك سكنـت بعالـم الأحــزان
نسيت الضحك وشلونـه فـلا ضاحـك ولا مسـرور
مع موتك رحل جابـر وباقـي منـه بعـض إنسـان
عيون وشعر وشعر أبيض وصمت وخافـق ٍ مقهـور
قبـل عشريـن عـام الحـزن جانـا وعندنـا لـلآن
سكـن فـوق الرصيـف ويلتحـف أبوابنـا والـدور
تشيب الحاره " الطرمـا " بـدون أصـوات للورعـان
ماغيـر وجيـه تعبانـه وشـارع منطـوي مهجـور
ولابـه غيـر عصفـور ٍ يجـي ويـرتـل الـقـرآن
على غصن الشجر يوقف " وأحلف " إنه علي المنصور




جابر هايف

[راحل بعيد]

بعدك حياتي

عـــــــــــــــــــــذاب و هــــــــــــــــــــــــــــــــم










عذاب و هــــــم ...

[راحل بعيد]

اليوم خلصت موادي .. يا ربي لك الحمد وقربت الردة للكويت الحبيبة بإذن الله

وادعوا لي بالنتيجه الحلوة ..



يالله حسن الصلاح يا رب ..

يويلي .. ابكم قوموني

<<< شيّب

[راحل بعيد]

لو عرفنا نفتح أبواب العقول
كان نعرف نفتح القدس و نجيه ...




ياسر التويجري

[راحل بعيد]

عبدالوهاب أو احسن " وهوب "
.
.
.
يا راحل .. الدنيا تفاهات عـشـاق
ياليتني مرّه .. اعيشه بلا شوق
تعال افتح قلب عمك .. بهْ آفاق
تلقى علامات التّعجب ( ! ) .. ولاْ تروق
دنيا تجيبك للذي منت .. مشتاق
وتبعدك .. عن خلٍ له القلب مخلوق
تعبت.. اسمع كلمة فراق .. فراق
ويعْجز لساني .. قول " عطني لي حقوق "
لكن قسم بالله .... داخل .. هالاوراق
ما ينكتب اسمه ... واعيشه بالعروق
قررت انسى وصله اليوم .. واشتاق
بـ عيش عمري .. شخص .. من غير معشوق
( وهمسه )
يوم الاحد .. لاجيت .. عندي لك ....... :icon_wink:!
يمكن تبدّل حالتي .. وارتقي فووووووووق
:icon_biggrin:
مبطي عنك يالوهبي

جراح .. أو الجرحي

يا عمي الدنيا بها حس حرّاق
منّه يلوع القلب و يروح محروق

الحب ملعون الصلايب والأعراق
قبلك جرحني لكن الوضع ملحوق

عطني همومك و ازهل الحمل لا ضاق
ما ينطوي متنك وأنا حي مرزوق

هذي هي الدنيا تلف ساق في ساق
متعوكسة والحال سلعه وسط سوق

وفراقك اللي جارح ٍ فيك الأعماق
لا بد من بعده يجي مزن و بروق

حظك! .. على خبري من النوم .. ما فاق
لكن تصبر و اجتهد لينه يفوق

مصير وقتك يجمع أشواق بأشواق
و تعيش ويا الشوق طاير فرح فوق

وحيشاك تنسى .. دام يرخص لك عناق
الا اذا جيب الجفا منه مشقوق ..

والحب يمكن تنسرق و انت سراق
لكن أكيد القلب بالحب مسروق

لذلك اصبر لو تجي صعب تنطاق
ترا مرد اللي غدا ,,, يجيك محروق


( همسة )


يطقك إن ما شفتها ألف طقاق .. :icon_wink:
يمكن من الطقه تبي ترتقي فوق ...




عـــبدالوهـــــــاب الـــعـــنـــزي

[راحل بعيد]

( وترحل ) قالها قبلي طلال و قلت ( لا ترحل )
ولكن غرج الغدر و كلام أعدائي و رحتي

و أنا ما أقول تكفين ارجعي لي قبل ما ازعل ..
أقول إنتي مع أعدائي تراكم كلكم تحتي ...


عبدالوهاب العنزي ...


هي همسة بعد طول غياب ... ولكن حمدا لله على سلامتي لأني وصلت الى كويت الحبايب

[راحل بعيد]

ورى ذيك العيون أسرار يا ثقل الحكي فيها
و قبل ذاك الهدب دمعه .. تسولف عن شقا عيني

عسى الله يسعد أيامك مع أيامي و يهديها
وعسى اللي ماخذ ايدينك يراعي طبعة ايديني


عبدالوهاب العنزي ...