{ ~~ ... انتفاضاتي .. في فضاواتي ٍٍٍٍ ]]]

[راحل بعيد]

ما بقى فيني إنتفاضة .. ولا بقى فيني هجوس
دام عيني و سط عينه .. والصدر حاضن غلا

ولا تدري .. قام هاجس دفتري فيني يحوس
بس نظرة يا حبيبي بكتب أشعاري على

جبهتك .. و خدودك الحمرا و حاجب بس يهوس
وأنثر اشعاري على صدرك تردد لك ( ولا )

[راحل بعيد]

هذاك لو قال الشتا صيف .. عرّقت
و لو قال صيفي برد شبيت ناري

هذاك لو قال الجمل طير صدّقت
أقول ريشة بعثرته الصحاري

هذاك لو قال المطر جذب و افقت
و أدوّر الأعذار حق الخباري

هذاك لو قال القمر طاح .. صفّقت
أقول مللته كثير المساري

هاك لو قال النظر عيب دنّقت
يصير لي كف س على اللمس ضاري

هذاك لو ينفي وجودي .. توهّقت
ما عاد ليه حل غير إنتحاااري

لعابرة سبيل .. عملاقة بما تحمله الكلمة من معنى

[راحل بعيد]

الساحه اللي شاخها ( ترف ) و غدا هرجه قصيد
ما عاد لي في وسطها حاجه ولا أبيها تجي

[راحل بعيد]

ما مـــــت من صــدك ولا فـــــار دمّــــي

لأن الحـــكــاية كلها

مــــضــــيــعة وقــــــت

[راحل بعيد]

ماذا أقول له لـو جـاء يسألنـي
إن كنت أكرهـه أو كنـت أهـواه؟

ماذا أقـول ، إذا راحـت أصابعـه
تلملم الليل عن شعـري وترعـاه؟

وكيف أسمـح أن يدنـو بمقعـده؟
وأن تنام على خصـري ذراعـاه؟

غدا إذا جـاء .. أعطيـه رسائلـه
ونطعم النـار أحلـى مـا كتبنـاه

حبيبتي! هـل أنـا حقـا حبيبتـه؟
وهل أصدق بعد الهجـر دعـواه؟

أما انتهت من سنين قصتي معـه؟
ألم تمت كخيوط الشمـس ذكـراه؟

أما كسرنا كؤوس الحب من زمـن
فكيف نبكي على كـأس كسرنـاه؟

رباه.. أشياؤه الصغـرى تعذبنـي
فكيف أنجو مـن الأشيـاء ربـاه؟

هنا جريدته فـي الركـن مهملـة
هنا كتـاب معـا .. كنـا قرأنـاه

على المقاعد بعض مـن سجائـره
وفي الزوايا .. بقايا من بقايـاه..

مـا لـي أحـدق فـي الـمـرآةأسألها
بأي ثوب من الأثواب ألقـاه

أأدعـي أننـي أصبحـت أكرهـه؟
وكيف أكره من في الجفن سكنـاه؟

وكيف أهرب منـه؟ إنـه قـدري
هل يملك النهر تغييـرا لمجـراه؟

أحبه .. لست أدري ما أحـب بـه
حتى خطاياه مـا عـادت خطايـاه

الحب في الأرض . بعض من تخيلنا
لو لم نجده عليهـا .. لاخترعنـاه

ماذا أقول له لـو جـاء يسألنـي
إن كنت أهواه. إني ألـف أهـواه..


قصيدة و صلتني من إنسان تغلغل بين أوعية دمي .. وصلتني بعد سفري بيومين .. فلست أنا بأنا منذ قرأتها ... إني أبحث عني كي أجدني لحاجتي الى الجلوس مع نفسي .. فمن يجدني بأي مكان فليخبرني .. لأنني فعلا تائه ...


وردة لكل من مر من هنا

[راحل بعيد]

مشكلة بعض العواطف...عكس مايملي العقل
وأنت تدري أنَ..ليس ( كل مايسمع يقـال)

لاتظن أن السكوت..اللـي ملازمنـي ثقـل
لاوربي..لكن أدري( كل مقـامٍ لـه مقـال)

[راحل بعيد]

حبلان والله للمعالي وجدنا
والخوف بقلوب الصناديد هاجد

ياللي تعذرب قلنا في عددنا
قلي متى كان الزحازيح واجد

[راحل بعيد]

الفراق .. الله يلعن والديه


هذي هي جتنا عساها ما تشيل الروح مني
لحظة فراقك تراها غصب عني غصب عني
خلني ويا همومي من جنوني بس أغني
((وينها عيونك حبيبي )) ليه تتركني وحيد

كنت اشوفك بالمرايا .. بالزوايا .. بالمحاني
كنت أضم طيفك بحضني بالدقايق والثواني
ليتني قبل المفارق أندفن و انا بمكاني
و لا أشوفك في عيوني راحل ٍ عني بعيد

يا بعد كل الخلايق لا تحاسبني نسيتك
جيت وسط القلب تلعب .. لا تروح .. البيت بيتك
شوف حالي يا حلالي كيف لا مني طريتك
ترتجف فيني عروقي .. و يبتدي نزف القصيد

هاك قلبي قبل أسافر هالله هالله فيه هالله
دلـله .. عزه و رزه .. لا تبيعه لا تذله ...
هو حلالك ما اختلفنا .. بس ترى شاريك كله
لا حظ بوسطه ( مؤشر ) من غلاتك بس يزيد

وانت يلا هات قلبك .. خله بحضني ينام
لو دقيقه ما أحسه .. ما أحس حولي سلام
و دام شوفك صار صعب نعوضه باحلى كلام
بين سلك الهاتف اللي ما هقيت أنه يفيد

و أوعدك بالله راجع .. لا تشيل الهم فيك
ماخذ لحالك كياني .. ما معك ادنى شريك
بس ابي منّك .. تصبّر و اصطبر لينه يجيك
سايق بشارة يبشر (( وهبي جا لك من جديد ))

راحــــل بـــعيد ... فعلا رحلت بعيدا


ولكن بقيت ... عبدالوهاب الحبلاني العنزي

[راحل بعيد]

أنــــشــــدك بالله .. قــــلّي لــيـــش حــبيتك ؟!!

[راحل بعيد]

يغفر الله للحبيب اللي رحل للدوحة
غادر بلاد الكويت ولا عرف منزاله

راح ما أعطاني خبر عن هجرته ونزوحه
من بلاد ما يعين بالخليج أمثاله

بالبداية قلت كذب وقصة مطروحة
لين شفت البيت تبكي بالسكون أقفاله

وإنصدمت وجض قلبي وإبتدا ساموحه
وإبتديت أقول وش يبقى لي وش يبقى له

ما بقى لي عنده إلا صورتين ولوحة
ولا بقى له عندي إلا خاتم وسلساله

وانتظرت لشهر كامل عقب ذيك الروحة
أي حي يقول لي وينه وكيف أحواله

بس ما به نور بين يستدل ب ضوحه
ولا بريد ولا اتصال ومنقطع جواله

واقتنعت إني ضحية دمعتي وجروحه
وإبتدت الآمال تضعف في مجي مرساله

وإبتدت فرقاه تفضح روحي المفضوحة
وإبتديت آجر آهاتي على هالحالة

اه من فرقا الدلع بالطلة المملوحة
واه من فرقا الغنج بقفايته وقباله

واه من فرقا صباح الغرة المصبوحة
واه من فرقا براءة وجهه المحتالة

واه من فرقا رجاحة عقله الملموحة
واه من فرقا الخبال اللي سواة خباله

واه من كسرة حكاه الكسرة المسموحة
واه من خثرة لسانه يوم ينسى حاله

واه من ضحك يسيح فبحة مسيوحة
واه من خمر السوالف فوق حبة خاله

واه من ليل يبي يطري علي مزوحه
واه من عين الشقى ودموعي الهمالة

دمعة من دون شرح ودمعة مشروحة
ودمعة تزعل علي ودمعة ترضى له

ودمعة تغلق مداه ودمعة مفتوحة
ودمعة تسعى معاى ودمعة تسعى له

علموه إن زلته هاذي ما هي مدموحة
وعلموه إني بحال مزري يرثى له

علموه إني مخادن للحمام ونوحه
وعلموه إني ب أغني له على مواله

علموه إني بشر يركض وراء مصلوحه
وعلموه إنه يرسخ كلمتي في باله

من يطاول عزتي فوقه هدمت صروحه
لو يكون الشيخ وألا واحد امن عياله

علموه الوايلي نفسه ما هي مشفوحه
ما يميل الرأس لو دايم يميل عقاله

وعلموه برجعته لي لا يتعب روحه
دامه أقفى من رضاته سمح الله فاله

وعلموه إني بعالج نفسي المجروحة
وأعتصم في طرح واحد من قديم أمثاله

الله أكبر يا زمن تطورت منفوحة
عقب ما كانت مجرد غرفتين وصالة

[راحل بعيد]

منعت عن التسليم يوم وداعها
......فودعتها بالطرف والعين تدمع

وأخرست عن رد الجواب فمن رأى
....محبا بدمع العين قلبا يودع

عليك مني سلام الله تحية
.........الى ان تغيب الشمس من حيث تطلع

[راحل بعيد]

لا ترفع الغطوه ولا تفضح الليل
شلني معك هم ثقيلٍ على الشال
ضعفت ما فالصبر قوة ولا حيل
تجرحني عيونك وتنشد عن الحال


لراشد بن جعيثن

[راحل بعيد]

الصدر ضايق و البلاوي كثيرة
و الحال مزري من تهاويل الأيام

غربة وطن .. غربة مشاعر أسيرة
غربة فرح .. غربة نوتني لها عام

............ وقف مخي ....... هههههههههه

[راحل بعيد]

8
8
8
تكملة أعلاه ..

والحال من جور الليالي كسيرة
لا خال حولي لا ولا حولي أعمام

امشي بدربي وسط ظلمة هجيره
و اطيح و أوقف و أرجع أطيح منظام

وأعاود الكرة و أزيد البصيرة
باسي قوي لو البخت ما بعد قام

درب ٍ ذبحني كل ما فيه حيره
كنت أحسب انه درب في دنيتي هام

لين اندبست وقلت وين الأخيره
ماجور يا قلب ٍ روى سم و أوهام

بالله قولوا لي هو الحب خيره ؟!
ولا يورد من جنونه للحيام

انا تولعت بغرام الأميره ..
حظي خبل .. لاجابها جاب الإعدام

حب من طرف واحد سيوفه شطيره
والقلب فارس صلب .. ثاير .. ومقدام

ابنتظرها .. لو تولع سعيره
و ابنتظرها لين تسهر ولا تنام

و ابتفشخر في قناة الجزيرة
وابنشهر من عشقها وسط الإعلام

وابي ابتديها حرب إباده مثيرة
ولدولتي تبرز على قلبها أعلام

وابستقر بالعشق بأقصى ضميره
و أصير فارسها على درب الأحلام

ابي ملاك الكون .. تصبح شهيره
وابي رسنها في يديني مع لجام

يا شين حالي .. والأماني كبيره
و الحظ عن تحقيق حلمي بها صام

والعين .. يا أعز الخلايق سهيره
حتى الدفاتر غثها نزف الأقلام

والقلب وحداني ولا له عشيرة
من دون تقصير بخوالي و الأعمام

لكن صدري به بلاوي كثيرة
و الحال صعبه يا بشر .. قد لها عام



عبدالوهاب العنزي

[راحل بعيد]

شديت من حالي عيون الأوادم
بالليل أدوّج كل ساعه بـ حارة

كل المشاعر وسط حادث تصادم
عيني مشت و القلب طاف الإشارة

دموع من عيني .. وضخ الغلا دم
وسط العروق بكل عشق و حرارة

وكل من نشدني .. وش سبب هالتصادم
اقول روح اسأل عن عيون سارة


عبدالوهاب العنزي