{ ~~ ... انتفاضاتي .. في فضاواتي ٍٍٍٍ ]]]

[راحل بعيد]

البارحه يوم الفضا صار صافي
نجوم كله .. ما بقا به سحابه

جلست أناظر و الهدب شبه غافي
وسألت نفسي ولا لقيت الإجابه

ليه البشر ترفض تصون الموافي ؟
ليه العقل بالحب مكسور نابه ؟!

وقفت مخي .. قلت بالله كافي
غير مسار المسألة و الغرابه

و قمت أتغزل في ملاك العفافي
ذكرت قلبي كيف بإتقان جابه

وذكرت مبسم من جماله .. خرافي
ما شفت بين الناس مثله ذرابه

لا قال ( مابي ) و ضافها همس دافي
أطالب العقل المقفي طلابه

الليل بينه و الصباح إختلافي
مثل الجفن لا فك و إن صك بابه

وحسيت زوله بين الأضلاع حافي
يمشي على قلبي يزوّد عذابه

وقف خيالي في طريق إنعطافي
وحسيت نفسي في متاهات غابه

وقمت أتوجد .. و انتثر كل خافي
وأيقنت ان البعد أرسل كتابه

اووووووووووووااااااه والفرقا تهد السنافي
والحب صعبه تقفل اليوم بابه

غصبن عليك تحن .. و مغصوب تافي
للي عشانك طنش أغلى القرابه

وانا اموت ولا تشوف انحرافي
اوفي و لو حتى الوفا به معابه

صحيح ماكل هم ما به عوافي
لكن انا ذيب ٍ و ربعي ذيابه

و عطيت لمحه للفضا بإنخطافي
و العقل جاه اللي يبيه ويهابه

والبال طافي و ابيض القلب طافي
و ما به حلول ولا بقا بي مهابه

حتى السؤال اللي بدا ضمن قافي
أبوه و أبو من وراه الإجابه ...




عـبدالوهـاب العنـزي

[راحل بعيد]

بـكـرا .. امتــحـان .... وقلــت وين الــدراســه ؟
وأنــآ مْـقــابلّــي .... وجــيــهٍ ... مــفــالــيس !





جــراح

خل الفلس و ارجع بعزم و حماسه
شلة غنم لا تصير من بينهم تيس

[راحل بعيد]

ما هقيت الليله اللي جابت الفرقا طويله
لين صارت ليلة أمس بعيني أطول من شهرها

و العذاب اللي يذوب بعين من يفقد خليله
عندي أكبر من عذاب العين لو تفقد نظرها

و الحبيب اللي صدوده مثل مداته جزيله
صد عني و اعرفه لا صد عن حاجه هجرها

كن روحي يوم حست في جفاه و صعب نيله
بشرتني بالضياع و شدت العزم لسفرها

ما رحمها من هلاك و ما تقبلها دخيله
تحتضر قدام عينه لين ماتت من قهرها

عاد ليت اللي ذبحها و أرهب الموت بوسيله
ما دفن وجه الضحية و السكاكين بنحرها

ليت قلبه يوم طاوع فعلته كمل جميله
لو غسلها من عروقه وبكفن صدره قبرها

من حفر بضلوع قلبه حفرة ٍ تكفي قتيله
ليه ما يدفن قتيله بالضلوع اللي حفرها


حـــــامد زيد ... المخضرم

[راحل بعيد]

ما فيه داعي باالغلا نعيد و نزيد
عرش الغلا مبطي ملبسك تاجه


لشاعرها . . ..

[راحل بعيد]

سبحان الله و بحمده

سبحان الله العظيم

[راحل بعيد]

يا مركب الهند يا بو دقلين
يا ليتني كنت ربانه
و أكتب على دفتك شطرين
إسمه حبيبي و عنوانه

[راحل بعيد]

مرحوم ياللي عن دفا صدري وعن كوني نفيت
يا عل قبرك من رياض الخلد تكسيه الزهور

خلفتني ويا البشر روح ٍ معاها قلب ميت
لا عاد يثبتني غياب ولا هو يثبتني حضور

أبدا كلامي في ( عسى ) و أنهي كلامي في (ياليت)
مرة بكي و مرة حكي .. ومرة حزن دايم يثور

يا صاحبي ارجع وشفني من غيابك كم بكيت
كنت احسبك عقب البكي ترجع لمحبوبك تزور

حتى على سكة طريقي لبيتكم ياما خطيت
ولا جيت أطق الباب قام الدمع في عيني يفور

وأرجّع الخطوة ورا وأمشي .. و ألاحظ .. ما مشيت
أثر يديني ماسكات الباب و عيوني تدور

غفيت مع زولك و مع زولك من الغفوة صحيت
ومرات اسامر زولك اللي مسرعه لما يبور

عطيتني قلب ٍ وفي ومني شراييني خذيت
و الأوردة خزّنتها فزعه .. اذا عشقك يجور

يا ما فقدتك يالغلا .. يا ما على العالم شكيت
مهابتي طاحت بسبة عشق عيا لا يغور

حتى سنونك لا اضحكت لا يالغلا لا ما نسيت
بعد الغدا تجلس معي وبعد العشا وبعد الفطور

والحين شفني كل ساعة جالس ٍ عند باب بيت
و أشكي غيابك للمباني و السحايب والطيور

ليتك خذيت صويحبك يومك تنحيت و جليت
وش له بدنيا ما بها حسك ولا فيها سرور

كنت البخيت بطلتك والحين أنا ماني بخيت
كلي حكي وكلي بكي وكلي حزن دايم يفور








لـ/ عبدالوهاب العنزي .. .. .. راحل بعيد

[راحل بعيد]

يا حبيبة ترا العشق فيني سرا وانقرا طبعك الدافي بين العيون
كنتي دايم معي تجلسي تسمعي مدمعي لا حكى وانكشف كل شي

يا عذوق التمر من دلال الجمر كافي لاتستمر منت فيها تمون
يا تصون وتمون او تخون و تكون قايدي للجنون المحتم عليّ

ناعسات الجفن صايرة لي كفن و المباسم وفن في سداد الديون
بس قلبك شقي راحته محرقي خل قلبك نقي لجل أنا أكون حي

ولا تدري تبي تسري ارجع قري والمشاعر عري و الهواجس يجون
خل ليلي غضا ما يفيد الرضا لا قضى حب عيا يجيني شوي

سارعي بالخطا و طولي بالبطا دام قلبك سطى مالنا فيه كون
مرقدي في يدي والنظر للجدي والتوجد ندي تحت حرق ٍ و كي






عبدالوهاب العنزي

[راحل بعيد]

اكرهك يا خاين يبو طبع ملعون
ولا عاد ابي قلبك ولا لحظة لقاه

لا تنصدم مني .. تراهم يقولون
بالشعر .. الأعذب هو الأكذب بمعناه

و أنا كذبت بمطلعي لجل يدرون
إن أعذب بيوت الشعر فوق .. أعلاه




لـ/عبدالوهاب العنزي

[راحل بعيد]

صرت أحسد من كثر شوقي و حنيني
حتى هذا الخاتم اللي بأصبعك ...

[راحل بعيد]

الــهدوء .. إحساس تقتله الطبول
والفراق .. الله يلعن والديــــــــه

[راحل بعيد]

.............

[راحل بعيد]

{{{ لا تناديني و صوني قلبج الله لا يهينه }}}
لا يراهن في رجوعي لجل ما يخسر رهانه

[راحل بعيد]

الشوق بعض أحيان يفني الرجولة
لا طاحت الدمعه مثل طفل ضايع

يا صاحبي و العشق صولة و جولة
ما هو مثل بنك و فلوس و ودايع

الحب يبني من ولا شي .. دولة
فيه الغلا محكوم و القلب طايع

الحب يقبل في حنان و سهولة
و يقفي و تقبل مع قفاه الفظايع

و مهما عطيت الحب ود و سيولة
يبقى مع زود العطيات جايع

الحب أقوى دور ضمن البطولة
تمثيل قلب و حس راقي و رايع

فيه المشاعر سوّت اللي تقوله
لين إعرفت ترضي حسين الطبايع

الحب يجسّر فيه ظبي ٍ جفولة
لا جت على صدر الحبيب اتمايع

لين العيون تذوب لا فز زوله
والبال يسكر و العقل شبه صايع

وإن قرّب الشيطان زايد فضوله
درب المكارم رد عنك اللوايع

تنثر شعرها و النواعس كسولة
و الخد من زود الحيا جاك مايع

احلى حياتك لا انتهى العمر حوله
تنسى معاني ( هم ) ( ضايق ) و ( لايع)

و أنا مفارق لي عيون ٍ خجولة
شبّت ظلوع الجوف شوق و ولايع

ماهو بيديني والمدامع زعولة
لا غاب عن عيني حسين الطبايع

خدشات شوقي فوق جلد الرجولة
يا علها ما تبين و أروح ضايع ...






لـ / راحل بعيد .. عبدالوهاب العنزي

[راحل بعيد]

البارحة بين الغيوم
طاير موادع لي هموم

قلت اشتري لي راحتي
و العب بملعب ساحتي ....


واثر الفرح عيا يدوم
يوم اقبلت كل الهموم



نويت ابنسى طلتك
واثري سرحت بـ حلتك

بالله قلي وش وراك
تعبت أكافح من غلاك ..

وانت اتغلى يا ظلوم
دايم تجي ويا الهموم ...



ما عاد فيني للقا
عقب التجافي وش بقا

كنت الوفا .. كنت النقا
لكن علي قلبك شقا ..


ارحل تراني في سموم
ما عاد فيني للهموم


بس تأكد قبل ترحل
راح أحبك لين أرحل

حتى و انا تحت التراب
عيونك معي تبقى قراب


لأني من الزين امحروم
طيحت صحبه والهموم




يا خي ابنزل للثرى
أنساك فعلا يا ترى ؟!!

ولا أببقى منطوي
وجرح النوى يدوي دوي



خلاص ما تفرق معي ...


انا من أحباب الهموم ..
أنا من أحباب الهموم..
أنا من أحباب الهموم ..





لـ / راحل بعيد .. عبدالوهاب العنزي