{ ~~ ... انتفاضاتي .. في فضاواتي ٍٍٍٍ ]]]

[راحل بعيد]

كل ما يطول البعد ..يصعد غلانا
من فوق خشم البعد نبقى حبايب

:)


لـ عبدالوهاب الدلح العنزي

[راحل بعيد]

..........................

[راحل بعيد]

شربت كاس الهوى و الحب و عتاده
و جريت ونة من ظلوعي يا هي ونة


عالم دخلته عبيده تعشق اسياده
كلن على شفّته مطبوع أثر سنة

العقل فيهم خسر دخله و ميراده
عالم لك الله غدت بالحيل منجنه

أشوف ذاك الوحيد و بيده قلاده
يبكي على اللي خذاها حظها منه

و واحد يخز السما و يصيح يا ( غاده )
اثره طواها الكفن ثم اختفت عنه

واثنين جاهم نتاج الحب و حصاده
ذاعوا فرحهم على الشرع و على السنة

لفيت راسي و شفت عيون وقّاده
ترفه تردد ترا (ما بالهــوى جــنّـه )

مسكينة ٍ خانها اللي تعشق عناده
خذوه منها بنات ابليس و أذنّه

وبنتٍ توالت عليها هموم معتاده
و تلعن فراق ٍ قذر قلب الغلا شنّه

عساني أسلم قبل لا العين تصطاده
غزال ٍ أبيض على كفه أثر حنه

شفته و صديت قبل القلب يعتاده
و أكن عشقه بصدري و اكتم الكنه

أجيب عيدي قبل يومه وميعاده
أعرف قلبي أصيل و راقي ٍ فنّه










العنـــزي ... راحل بعيد

[راحل بعيد]

يا ربعنا و العشق توه على النار
ما بين عمي وبين وحده من الناس

دقت جرس قلبه و صفّر للإنذار
و روّح يلبس هاجسه ثوب الإحساس

جراح جاني وقال عقلي ترا طار
من بنت دقّت بيتها بين الأنفاس

قلت ابتسم بس و ترا الوقت دورا
لا تندفع والساس توه مهو ساس

فسر كلامه بالهدو قبل الإعصار
هذي بداية حب والزين محتاس

ناديت يا جراح لا تضرب الطار
و ترقص عليك جنون فرقا و هوجاس

ولا سمعني و راح ينزف بالأشعار
واليوم جاني يشكي الحظ منحاس

قلت السبب شنهو وقال الغلا جار
كلمة ( أحبك ) صابها منه الإفلاس

ياما صبرت وخفت لا يوم ابنهار
والحب شوفه تحت رجليني انداس

( و حـس الطفل ) فيني و دندن بالأوتار
كني غصن ورده و هالطفل غرّاس

غرس وجوده وسط قلبي و الأفكار
و غرست نفسي و قمت أخطط للأعراس

واللي خذينا ضحكته راح محتار
مدري عشقني ولا أنا وسط وسواس

ثم قلت له ( جراااااح ) طعني ترا الدار
من دون أهلها تنقلب هم و أتعاس

و انته بكيفك بس أنا قلت الإنذار
لا تعيش عمرك بين غمه و هوجاس




جراااااح ... هي لك .. والكتاب واضح من عنوانه ..



راحل بعيد ... عبدالوهاب العنزي

[راحل بعيد]

بالله قلّي وش علام الدقايق ؟!
لا مرت الوحده تمر كنها عام


تعال شفني كيف حاير و ضايق
كل السبب غيبتك من ستة أيام


أضحك عليك إن قلت لك كنت رايق
لا والله إلا شوفني كيف منظام


من حوّلت بيني و بينك عوايق
تمردت حالي على عض الإبهام


ما لاق نومي لكن الهم لايق
أكذب على نفسي و أقول الجفن نام


انا و هوجاسي بشتى الطرايق
نسهر مع طيفك على درب الأحلام


و أسوق دمعي فوق خدي سوايق
لين امتلت بالهم سكات الأوهام


مشتاق لك يا عين كل الخلايق
كافي ترا فرقاك تورد للحيام


أرجع تراني فوق جمر الدقايق
ذابت عيوني والجفنـ ما بعد نام




كيبوردية أعلم بمدى تشتت إتجاهها الادبي ... لكنني قلت في بداية كلامي ( سأكتب ما يمليه علي ذلك الشيطان المتكمن في أرجاء مخي حتى لو كان حرفا واحدا )




راحل بعيد ..



عــــبدالوهـــاب العــنزي

[راحل بعيد]

................... جنون لمرحلة الجنوووووووون ..................

[راحل بعيد]

يا طفل و احساسك ترا داخلك مات
اللي (رحل) ما يعشق (عناد) حوا

راقب عدل واحذر تسوي اشاعات
من قبل لا اللي وسط بالي يتسوّا

نــــــــغزة لأحدهم ....

خذها كما هي .. :)

عبدالوهاب الحبلاني

[راحل بعيد]

.........................

[راحل بعيد]

........................

[راحل بعيد]

................................

[راحل بعيد]

أكثر من اللي صار وش عاد بيصير
المسألة وصلت حدود الكرامة

مالله خلقنا في سمانا عصافير
والحمدلله مالنا بالرخامه




حامـد زيـــد

[راحل بعيد]

قطفت لك منا ومنا ومنا
ثلاث وردات ٍ من الشوق ذابت

الأوّلة قلبي حشا ما تهنا
والثانية نفسي من البعد طابت

والثالثه روحي جريحه تونا
يا كيف عينك يا ضيا العين غابت



راحل .. رغم البقاء في القلوب

[راحل بعيد]

يالله طلبتك ما أموت إلا و أنا ساجد
أسجد إذا صليت و السجده هي السجده



لراعيها

[راحل بعيد]

كل درب ٍ راعي الفكس آر حازه
ما جهل في خدمته غير الغشيمي

زين مشيه في الصحاري مع عزازه
ويتمشى في الخلا مشي الحشيمي

[راحل بعيد]

ولا شي .. غير اني انا مخنوق